حلقات السيدة يعلى حصريا - الصفحة 32

manoula23 · 2012-07-20, 09:47

اى ساعة يفتوها

douane hadjer · 2012-07-20, 10:00

على الساعة 14.00 نهار الاثنين الثلاثاء و الاربعاء هدا بالنسبة لرمضان

hano10 · 2012-07-20, 11:27

صح رمضانكم وكل عام وانت بالف خير

ارجوكم اليوم راني حابة ندير هاداك الطرشي المحشي بلفيونداشي اللي دارتو سليمة مي الوصفة مالقيتهاش ...اللي تقدر تساعدني الله يجازيها

وشكرا مسبقا

assiremhayet · 2012-07-20, 13:09

لي سمعت البارح السيدة يعلى تكتبلنا الوصفات خاصة وصفة القلب اللوز وينكم يالبنات راني مبتدئة في عالم الطهي أنا الحاجة لنعرفها نديرها راني نتعلم منكم بزاف ومشكورات جزيل الشكر

oum salim · 2012-07-21, 11:30

اقتباس:

المشاركة الأصلية كتبت بواسطة assiremhayet

لي سمعت البارح السيدة يعلى تكتبلنا الوصفات خاصة وصفة القلب اللوز وينكم يالبنات راني مبتدئة في عالم الطهي أنا الحاجة لنعرفها نديرها راني نتعلم منكم بزاف ومشكورات جزيل الشكر

قلب اللوز
نبدا بتحضير الشاربات حتى يبرد .
الشربات .- 600غ سكر في كسرونة ماشي ثقيلة نضعها على نار هادئة حتى يذوب شوية من الاطراف (شوية برك منحرقوهش) نضيف له 1لتر ماء بعد الغليان نحسب 10دقائق نضيف كاس صغير ماء زهر يغلي غلية واحدة ونطفئ النار.
العجينة.- 1 كلغ دشيشة متوسطة + 500غ سكر + 1ملعقة فانيلا نمزج جيدا حتى يتداخل الكل .
كاس ماء +كاس زيت نمزججيدا في زجاجة (الماء +الزيت =نصف لتر) نرش به الدشيشة ونتفتل باطراف الصابع .
الحشو=كمشة من العجينة +كاس كاوكاو مرحي +1 ملعقة كبيرة كاكاو نرش بشوية ماء زهر ونفتل.
ندهن صنية الفرن بالماء ماشي بالزيت نفرغ فيها نصف كمية العجينة ثم طبقة الحشو ثم بقية العجينة نسويها بالسباتولا او الملعقة (ارتفاع قلب اللوز قبل ما يطيب لا يتجاوز 1سم) .ونشكل الحبات بظهر السكين ونرشق حبات اللوز .وندخله الفرن فورا لمدة 20-30د. 220-240درجة. نخرجه من الفرن يقطع فورا ويسقى بالغراف ماشي بالكسرونة .يسقى على ثلاث مرات .
وفي الاخير حظ سعيد وبالصحة والعافية للجميييييييييييع.

assiremhayet · 2012-07-21, 11:52

شكرا ليك يأم ساليم كي نجي نشرب القلب اللوز نشربو مرجعوا للفرن الطافي ولا منرجعوش فهميلي كيفية تشريب على 3 مراحل

oum salim · 2012-07-21, 19:49

اقتباس:

المشاركة الأصلية كتبت بواسطة assiremhayet

شكرا ليك يأم ساليم كي نجي نشرب القلب اللوز نشربو مرجعوا للفرن الطافي ولا منرجعوش فهميلي كيفية تشريب على 3 مراحل

لا شكر على واجب وصدقيني يجي روعة.
منرجعوش للفرن .ويسقى المرة الاولي عند اخراجه من الفرن ثم بعد 10دقائق وفي المرة الاخيرة بعد ساعة .
تقبل الله صيام الجميع

assiremhayet · 2012-07-21, 12:14

وقلب اللوز هذا من الفوق يدهن ولا ولا يدهن وشكرا

oum salim · 2012-07-21, 19:52

اقتباس:

المشاركة الأصلية كتبت بواسطة assiremhayet

وقلب اللوز هذا من الفوق يدهن ولا ولا يدهن وشكرا

لا يدهن .وعفوا
وتقبل الله صيامكم .

OMNIAH · 2012-07-21, 13:40

يعطيكم الصحة وصفات رااااائعة

assiremhayet · 2012-07-22, 08:32

السلام عليكم، شكرا لك يأم سليم إن كان من الممكن ولم يكن هناك إزعاج زيدلنا باقي الوصفات ووصفة دولمة الطرشي إن أمكن ذلك وشكرا جزيل الشكر وصح رمضانكم وصيامكم.

oum salim · 2012-07-22, 22:06

اقتباس:

المشاركة الأصلية كتبت بواسطة assiremhayet

السلام عليكم، شكرا لك يأم سليم إن كان من الممكن ولم يكن هناك إزعاج زيدلنا باقي الوصفات ووصفة دولمة الطرشي إن أمكن ذلك وشكرا جزيل الشكر وصح رمضانكم وصيامكم.

واياكم ان شاء الله .ليس هناك اي ازعاج بصح راحت التريسيتي وما كملتش كامل الحصة .دارت بوراك بالسلق -والمرقاز-والشربة هذا ما سمعت.
بوراك بالسلق
اوراق الديول حسب عدد الافراد-
ربطة سلق تتقطع رقيق نضع السيقان اولا في الكسكاس ثم الاوراق يفور على قدرة فيها ماء +2 ورق رند.بعدما يطيب يعصر ويحمس مع شوية زيت +ملح +فلفل اكحل +ثوم مرحي +شوية هريسة حسب الذوق يحمس جيدا .
نحضر صحن الشربة (bol)نضع عليه ورقة ديول ندخل يدنا حتى ياخذ شكل الصحن نضع عليها 1 ملعقة كبيرة سلق نمشيه على شكل مربع نضع عليه شريحة جبن ابيض ثم نفقس عليها حبة بيض نرش عليها قرصة ملح وقرصة فلفل اسودنغلق الا
طراف مثل حبة المسمن مع مسح الاطراف بالمارغرين طرية لتلتصق .
ندهن قوالب التارتولات (tartelette) بالمارغرين ثم نقلب عليها حبة البوراك .
ناخذ 2 اوراق ديول نطوي كل ورقة على 2 ثم نمررها في الة التوريق تتقطع مثل الرشتة نضع كمية من الخيوط على كل حبة وتمسح ببياض البيض ندخلها الفرن تتحمر.

مرقاز
250غ لحم مرحي + كاس خبز يابس مرحي خشين+ 4 سنات ثوم مرحي رقيق+ملح +فلفل اسود+4 ملاعق كبيرة حليب غبرة +اوراق معدنوس+كسبر مقطع رقيق+2بيض نحصل على عجينة متماسكة نحطها في الروبو ترحى مع بعض .نقسمها على قسمين ونحربش كل واحد في صينية مرشوش عليها الخبز اليابس مرحي(مثل الكاشير).
في مقلاة نضع 2 ملاعق كبيرة مارغرين تسخن نحمر اللحم من كل الجوانب مع التقليب برفق ننزع اللحم من المقلاة ونقلي في المارغرين المتبقية 2 حبات بصل مقطع رقيق +ملح +فلفل اسود يحمس جيدا حتى يذبال البصل.
نفرغ البصل المحمس في قالب الفرن +كاس ماء ثم اللحم ندخله الفرن 25-30دقيقة .نقطع اللحم الى شرائح توضع في صحن التقديم يسقى بالصلصة بعدما نصفيها او نرحي البصل ويزين بالمعدنوس .
وبصحتكم.

oum salim · 2012-07-23, 14:56

اقتباس:

المشاركة الأصلية كتبت بواسطة assiremhayet

السلام عليكم، شكرا لك يأم سليم إن كان من الممكن ولم يكن هناك إزعاج زيدلنا باقي الوصفات ووصفة دولمة الطرشي إن أمكن ذلك وشكرا جزيل الشكر وصح رمضانكم وصيامكم.

تقبل الله منا ومنكم .كاين عندي وصفة الدولمة لسليمة ما نعرف الا هذي هي .
ناخذ حبات الطرشي ننزع لها الراس والبذور .
250غ لحم مرحي+ كاس روز طايب +ملح + فلفل اسود +معدنوس مقطع رقيق+ حبة بيض نمزج جيدا.
نضع قطعة جبن في كل حبة طرشي ثم تحشى باللحم تقلى من كل الجوانب تقشر وتوضع في قالب الفرن تسقى بصلصة طماطم بنكهة النعناع نرش عليها الجبن المبشور وندخلها الفرن .
صلصة طماطم بالنعناع=3حبات طماطم تقشر وننزع لها البذور نرحيها +ملح +فلفل اسود +زيت نقليها في الاخير نضيف 3اوراق نعناع.
بالتوفيق وصح فطوركم.

assiremhayet · 2012-07-22, 12:48

راني درت قلب اللوز هذا كي شربت المرة الأولى بان مليح والمرة الثانية طلعت شوية القشرة وقعدت ساعة زدت المرة الثالثة وخليتوا الشاربات هذيك لازم نديرها كامل ولا كي يعود ميقدرش يشرب نخبس وشكرا

oum salim · 2012-07-22, 18:30

[QUOTE=assiremhayet;10902712]راني درت قلب اللوز هذا كي شربت المرة الأولى بان مليح والمرة الثانية طلعت شوية القشرة وقعدت ساعة زدت المرة الثالثة وخليتوا الشاربات هذيك لازم نديرها كامل ولا كي يعود ميقدرش يشرب نخبس وشكرا[/QUO
اختي عينك هي ميزانك .كي تشوفيه شرب مليح حبسي .وبصحتك.