~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[ام متين]

شكرا اختي حياتي كلها امل وان شاء الله حياتك كلها امال محققة
غزالة يسلمك ويعطيك ربي العقل والقوة باه تواصلي مع الاولاد انا وليدي نتاع المتوسط انتهى من الاختبارات وادى العطلة يوم الاربعاء بقا نتاع الثانوية يقرى ويراجع وحدو واذا احتاج مساعدة نساعدو اما نتاع الابتدائي اكيد باذن الله رايحة نركز شوية مع الصغيرة لان اخوها تحضيري ما نقلقش راسي معاه بزاف وهي ايامات وتعدى

[ام متين]

عودة ميمونة للقائدة سمراء وبصحتك العرس لكن انا عندي استفسار وهو السفنج كيفاه تقدموه في العرس حيرتيني فيه

[ام آدم]

مساء الخير يا احلى لمة
ام متين الله يشفيلك وليداتك عاجلا غير آجل يا رب ويعينك اختي على خدمتهم ودراستهم
غزالة غير بالعقل حبيبتي هاذو هوما لولاد مايحبوش يحفظو ربي يعينك اختي وينجحهم ويصلحلك فيهم

[omelbanin]

اختي ام متين ربي انشالله يعطيلك صحيحتك ويشفيلك وليداتك ،رسولناالكريم لماسؤل عن احق الناس بحسن الصحبة قال امك ورددها ثلاثا لانه الاعلم بان الام هي التي تعطي بدون مقابل وتسخر كل طاقتها،و ممكن كل مالها لتربية وتعليم ذلك الطفل ليكون رجلا صالحا في المجتمع
ربي يقدرنا

[ام آدم]

تقريري لليوم
ما نضتش بكري لاني ما نصليش عملت فطور فطرنا وللغداء عملت كسكسي بالرايب وكنست فقط ورتبت الغرف
في المساء سيقت الارضية تنظيف عميق وغسلت الاواني ولمعت البوتاجي بالخلطة لي حطوها لبنات نشكرهم بزاف تاع خل وازيس وجافيل راني درتها في علبة بخاخ و عقبتها على كل الاسطح روعة و جهزت العشاء والسلطة
للارضية استخدمت صانيبو توب +جافيل+ خل روعة والريحة تهبل ريحة النظافة والنقاوة وهي نفسها نستخدمها للمرحاض اكرمكم الله في التنظيف اليومي اما التنظيف الاسبوعي نستخدم نظاف
[/size]

[omelbanin]

اليوم لبست روبة شريتها الصيف لي فات جيت نغلقها ما حبتش ، جيت انحيها بسيف قريب قطعتها..........فقررت من غدوة اذا عشنا نبدا الرجيم،
لا للخبز ،لا للحلوة :-( بصح نموت عليها:-) ،لا للمشروبات لا للمقلي.،ونشري كوردة ونعود ندير بيها سبور.
والله الموفق.

[سمراء الدنيا]

السلام عليكم ..........طليت عليكم في الليل على غير العادة لانو الزوج تعشى عند صاحبو فاستغليت الموقف ..... حاولت ندخل خلال اليوم ما قدرتش كان يوم شاق و متعب ...قالو رايحين يقطعو علينا الماء لمدة الاسبوع فكان لازم نغسل الملابس و ارضيات المنزل و ندوش للاولاد و في الاخير ملاءت كل ما يمكن ملؤه بالماء .... و نظفت جانب من خزائن المطبخ ....تغدينا طعام بالخضرة و الفول الفاير و عمل مسكوتشو و رحت باركت لاقارب زوجي جاو من العمرة و جيت نجري للملابس المغسولة لميتها و طويتها و درت عشا الاولاد ارز ناهيك عن باقي الاعمال مثل غسل الاواني و تعقيم و تنظيف سلة المهملات و تدريس الاولاد .....الخ
لم تجري الامور ابدا كما خططت لها ... دائما احاول ان يكون يوم الجمعة خالي من الاعمال المنزلية (الله غالب)

********
الحمد لله انو فكرة تنظيم الايام راقت للجميع في انتظار راي حبيبة و ايضا ام صابرين و ام هزار و الغائبات ....

بنات شكرا على وصفة الكرياتين الطبيعي لكن واش تعمل ...يعني تنعم الشعر او ماذا
شكرا الاخت هنا على الروابط لكنها لا تعمل اتمنى ان اعرف محتواها
ام غزالة الحال من بعضو الاولاد ربي يهديهم تعبونا اما البنات ماشاء الله يحفظو وحدهم بدون ما نقوليهم ....بالنسبة للحلويات تذكري الاضرار نتاعها رايحة تبعدي عليها ...اليوم ذقت حبة مقروط و حبة نيقرو ما قدرتش نتعشى و حاسة قلبي راح يطرطق ....غير توالفي الاكل الصحي تعودي تمرضي من الاكل المصنع ...... ان شاء الله راهو قريب الصيف تكثر الفاكهة و ترخص شويا و نعوضوالحلويات بالفواكه و ان شاء الله تلتاحق الاخت ام البنين و تعود رشيقة و تلبس واش تحب
ام متين ربي يشفي اولادك الحقيقة كل الاولاد مرضو من تغير الجو .... بالنسبة لسؤالك في اليوم للي يروحو يجيبو لعروسة اهل لعريس يوجدو رفيس مع القاطو و الشاي و القهوة و طبعا لعشا
و في هاذ العرس كانو موجدين كلشي بالشان و الطبع و تكلم وحدة قالت يا ريت ديرو حاجة نتاع زيت للفال الزين و هوما ما صدقو جاو يجرو لعندي قالك توحشو السفنج نتاعي ..... هههههه..... و انا موالفة نعجن في المناسبات كميات كبيرة من بغرير او مسمن لكن سفنج هاذي اول مرة ...نعجن بكميات قليلة و نعمر في بيدو حتى تعمر و بعدها عمرت بسينة كبيرة و غير للي نطيبو يطير هههه مزية كفاهم .... تعرفي في موت اختي ربي يرحمها عجنت شكارة سميد 25 كلغ مسمن مرضت بعدها لمدة 8 شهور في الفراش

[سمراء الدنيا]

البرنامج التنظيفي
طارلي هاذ الاسبوع بدون انجاز يذكر و ما نعرف اذا نقدر نعوضو الاسبوع القادم .... المطبخ محتاج مني تنظيفات عميقة يا رب نقدر نتوفق لانو ابني نتاع الجامعة يبدا غدا امتحاناتو و بنتي نتاع الابتدائي تبدا نهار الاحد و البقية يبداو 15 ماي .... عندي عرس ابن اخي و عرس ابن خالي و بنت خالتي في يوم واحد يوم الخميس المقبل (الله المستعان) ... اعتقد اني لن اذهب لاي احد .....

تحظيرات الشهر الفضيل
رايحة نبدا باذن الله بالشعير لاننا نخدمو دشيشة نتاع لحريرة و لحشايش و لبزار هاذو يشدو الوقت و لازم نبدوهم بكري و ايضا نفتل شويا سفة (نستهلكوها في السحور)
ايضا نطيب صوص طوماط
و كي يقرب نص شعبان نخدم بات فويتي و بعض المقبلات
ان شاء الله تكونو عملتو برنامج للتحضيرات للشهر الكريم

[سمراء الدنيا]

هاذي وصفة كنت لقيتها من قبل لكن ما جربتهاش جربت وصفة طبيعية و عجبتني النتيجة



و هذا جدول للاولاد تبانلي يحتاج تعديل لم اقتنع ببعض النقاط

[سمراء الدنيا]

تصبحون على خير يا احلى لمة

آية الكرسي ( الله لا إله إلا هو الحي القيوم... ) الآية - 255 - من سورة البقرة مرة واحدة لن يزال عليك من الله حافظ ولا يقربك الشيطان حتى تصبح ‎
اللهم إني اسألك العافية في الدنيا والآخرة. اللهم إني أسألك العفو والعافية في ديني ودنياي وأهلي ومالي, اللهم استر عوراتي وآمن روعاتي, اللهم احفظني من بين يدي ومن خلفي وعن يميني وعن شمالي ومن فوقي وأعوذ بعظمتك أن أغتال من تحتي مرة واحدة من قالها يحفظه الله من جميع الجهات ‎
اللهم رب السماوات, ورب الأرض ورب العرش العظيم, ربنا ورب كل شئ, فالق الحب والنوى, ومنزل التوراة والإنجيل والفرقان, أعوذ بك من شر كل ذي شر أنت آخذ بناصيته, اللهم أنت الأول فليس قبلك شئ, وأنت الآخر فليس بعدك شئ, وأنت الظاهر فليس فوقك شئ, وأنت الباطن فليس دونك شئ, إقض عنا الدين, وأغننا من الفقر مرة واحدة _______ ‎
اللهم أنت خلقت نفسي, وأنت تتوفاها, لك مماتها ومحياها, إن أحييتها فاحفظها, وإن أمتها فاغر لها, اللهم إني أسألك العافية مرة واحدة _______ ‎
اللهم أسلمت نفسي إليك ووجهت وجهي إليك, وفوضت أمري إليك, وألجأت ظهري إليك, رغبة ورهبة إليك, لا ملجأ ولا منجا منك إلا إليك, آمنت بكتابك الذي أنزلت, وبنبيك الذي أرسلت مرة واحدة _______ ‎
بإسمك اللهم أموت وأحيا مرة واحدة _______ ‎
بإسمك اللهم وضعت جنبي وبك أرفعه, إن أمسكت روحي فارحمها, وإن أرسلتها فاحفظها بما تحفظ به عبادك الصالحين

[حياتي كلها امل]

اصبحنا واصبح الملك لله ولا اله الا الله والحمد للله
اللهم اجعل هذا اليوم طيبا مبارك بقدر قطرات المطر المتهاطل علينا من الامس الى هذا الصباح الطيب.وجعلها خيرا وبركة على الجميع .
اللهم وفق كل ممتحن في المراجعة والفهم والتركيز ووفقهم يوم الامتحان .

[chez biba]

السلام عليكم ورحمة الله وبركاته

هل يمكنني الدخول ؟؟؟


بارك الله فيك اختي سمراء على الفكرة وذكرتني بأجمل ايام قضيتها في دورة الفراشات .. راح نحاول نكون معاكم بإذن الله

[omelbanin]

اصبحنا واصبح الملك لله ،والحمد لله،اللهم اني اعوذبك من الكسل وسوء الكبر،رب اعوذبك من عذاب في الناروعذاب في القبر
راهي الامطار دايرة حالة ،اللهم صيبا نافعا

[omelbanin]

اختي سمراء انا كنروح لدار شيخي ندير عجنة كبيرة نتاع مسمن ولا محاجب ونتحاماو في الطياب انا سلفتي ما بالك نتاع 25 كيلو والله غير خلعتيني ربي كان في عونك
بالنسبة للجدول هل هو للبنات والذكور .،،وبانسبة لتحضيرات رمضان وشنو هوما المقبلات لنقدر نخبيهم
وبالنسبة للرجيم ،الحلوة ما ناكل حتا حبة

[غزالة1]

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين
اللهم اعنا على ذكرك و شكرك و حسن عبادتك