همزة وصل بين أولياء أمور التّلاميذ و المربّين، تبادل للاستفسارات، وُجهات النظر، و النصائح

[ام الزهراء]

المشاركة الأصلية كتبت بواسطة عطوفة

ربي يعينك ويبارك فيك أخيتي العزيزة

رانا كلنا نعلم ونتعلم ولا نزال .......(وقل رب زدني علما )

رمضان كريم وعطلة سعيدة ...

وفيك بارك الرحمان اخيتي

رمضان كريم وعطلتك اسعد

[serine alger]

في ما يخص حفظ القران. راني نبعث عادل ويونس للمسجد لحفظ القران.في رمضان عندهم ساعتين بعد الظهر.
البارحة رحت نجيبهم . لو تعرفون ماذا وجدت يونس يفعل . لقيتو كان يدير واحد الحركة جمبازية.** لأنو يمارس الجمباز** .والله كي شفتو تعجبت. جيت للدار زعفانة . كي جا للدار أبوه قلتلو لازم على الامام يتبعهم شوية . على الأقل يراقبهم. يسألهم وللعلم رانا نخلصوه. ولكن والله لا يهمني أي مبلغ من المال أنفقه في سبيل حفظ القران. سقسيت عادل ويونس قلتلهم كي تدخلو للمسجد واش يقولكم الامام قالولي يقولنا **سلام** وما يزيد يقول والو.
شديت عادل ويونس قلتلهم راكم تروحو للمسجد للحفظ ماشي للعب والرياضة.
يونس قالي/ماما كي خرجو بزاف من الأطفال لقيت المكان وااااااسع درت هاديك الحركة فالدار ماعندناش صالة كبيرة.....
واش من فائدة الامام كي راهو قاعد معاهم وما يراقبهمش.
من فترة قصيرة كنت نبعثهم عند جارة عندي لتلقينهم أحكام التجويد .ولكن الان حبسو عندها. لأنهم راهم يروحو للمسجد .
والله تمنيت لو يوجد مدارس خاصة لحفظ القران .حيث يكون الحضور اجباري مقابل مبلغ من المال.

[ام الزهراء]

بارك الله فيك بنيتي خولة على التلاوة الحسنة

ام الولدين اكتبي في قوقل المصحف المعلم

هناك مواقع كثيرة و ايضا توجد في المحلات سيديات لتتعليم القرآن بالاحكام و باي رواية تريدين ورش او حفص

ربي يشفيك ويعافيك انه شهر خير من الف شهر اوصيكي بكثرة الدعاء وسادعوا لكي بكل صلاة وبكل ختمة قرآن

[ام الزهراء]

سيرين والله تعجبت مما ذكرت يعني ابسط الامور وهي تحية الاسلام يعجز باش يذكرها كاملة

لالا حنا عندنا مسجد يعلموا الكبار والصغار بالاحكام و المعلمين ماشاء الله لكنه بعيد عليا مانقدرش نبعث الاولاد وحدهم وما نقدرش نديهم كل يوم لاني عندي بيبي و الحال سخون

لذلك اجدا نه من الاحسن اني نعلمهم بنفسي وناخذ الاجر معاهم

[serine alger]

والله يا أختي **أم الزهراء** قلت لزوجي تروح أنت تهدر معاه ولا نروح أنا.لأني مارانيش من الأمهات الي يبعثو ولادهم للمسجد باش يتهناو منهم .أنا نبعثهم للتعلم والحفظ.
احنا المسجد قريب ولكن احنا ندوهم ونرجعوهم كاين طريق لازم يقطعوها وأنا نخاف عليهم. مازالهم صغار.
غدا ان شاء الله يهدر مع الامام ونشوفو واش يقول.

[ام الزهراء]

ربي يجيب الخير

للجميع رمضانكم مبروك

اللهم اجعلنا من صيامو ومن قيامو

صح صحورك اختي سيرين وليلة سعيدة

[أم بدر الدين]

المشاركة الأصلية كتبت بواسطة serine alger

**أم بدر الدين** لا تنسي التقرييييييييييييير.

??????? ذكريني ..... فحالة ذاكرتي لا تبشر بالخير اي تقرير اخية???

صراحة كون نعولوا على المساجد وحدها متكفيش كنت نبعثهم للمسجد اسماء ونور بصح لا تقدم و لا تلقين ولا مردودية تجيهم غير في التعب و النهوض مبكرا امالا اعتمدت على نفسي و راني نقري في الدار بصح نبعثهم عند واحد الاخت ربي اجازيها يقراو فقه و عقيدة و الحمد لله راهم مع تفصيل اركان الايمان و الاصول الثلاث..و مع ذلك عندهم مدة مراحوش بسبب مشاغل الاخت اعانها الله.

[(( هبة الرحمن ))]

السلام عليكم ورحمة الله وبركاته

تحية طيبة للجميع أتمنى أن تكونوا بتمام الصحة والعافية .

أهنئكم بمناسبة حلول الشهر الفضيل ، نسأل الله أن يغفر لنا ويرحمنا ويعتق رقابنا من النار

اللهم ارحم موتى المسلمين واشف مرضاهم

آمين يارب .

[/زهرة عصفور الجنة/]

السلام عليكم ورحمة الله
رمضان مبارك للجميع
بلغنا الله اياه ونحن في صحة وهناء
ام يونس ربي يشافيك ويشافيني ويشافي جميع مرضى المسلمين ويرحم جميع الموتى
ربي يبلغنا رمضان سنين وسنين ونحن في صحة وعافية وهناء
يارب نسألك ان تذيقنا حلاوة الايمان وحلاوة الخشوع في صلاتنا
ربنا تقبل منا صالح الاعمال واحفظ ازواجنا وذريتنا من كل شر وسوء وبلاء
اللهم أمين وصل الله وسلم على حبيبنا محمد عليه افضل الصلاة والسلام
اجعلوا لسانكم رطبا بذكر الله تعالى

[أبو ياسين29]

السلام عليكم و رمضان كريم

و تقبل الله منا و منكم الصيام و القيام

[kahinab]

السلام عليكم. دخلت أهنئكم بقدوم الشهر الفضيل
اللهم أهله علينا بالأمن والإيمان والسلامة والإسلام والعافية... ودفع الأسقام والعون على الصلاة والصيام وتلاوة القرآن وتدبره .. اللهم سلمنا لرمضان وسلمه لنا وتسلمه منا متقبلا حتى ينقضي وقد غفرت لنا ورحمتنا وعفوت عنا .. فمن صامه وقامه إيمانا واحتسابا غفر له ما تقدم من ذنبه .. مبارك علينا الشهر...
عندي مدة ماجيتش المنتدى لضروف خاصة
الحمد لله تحصل محمد على معدل 8.72 وهو أعلى معدل في المؤسسة (سنة الأولى)
لاأنسى أن أشكر الشيخ عبد الناصر والأستاذة عطوفة والأولياء على مساعدتهم لتحسين مستواي ومستوى ابني
وريتولي الطريق الصحيح . بفضل توجيهاتكم لم أرتكب أخطاء كثيرة (أظن ذلك)
جعله الله في ميزان حسناتكم
ومازال ... كنت أنوي أبدء تعليم الفرنسية هذا الصيف ، لكن غيرتوني وشهيتوني بحفض القرآن الكريم . بارك الله فيكم

[أبو ياسين29]

المشاركة الأصلية كتبت بواسطة ~~ أغيلاس ~~

السلام عليكم و رحمة الله و بركاته؛

أخي أبا ياسين، أم الولدين؛ للأسف، هناك من يريد أن يدرس أبناؤه و لا يجد من يدرسهم و هناك من باب داره لاصقة بباب المدرسة القرآنية و لا يدرس أبناؤه هناك !

لكن هل يُعقَل بلدية كاملة لا يوجد بمساجدها من يُلَقّن الأطفال أحكام التجويد،
رمضان طيب و مبارك للجميع .

----------------------------------------------------------------------------

أخي الفاضل أغيلاس، صراحة راك تربح،

البارحة بعد صلاة التراويح، أديتها في مسجد جديد، فلفت إنتباهي سبورة مكتوب عليها حديث شريف فقلت و لما لا أسأل عن تحفيظ القرآن، و بعد الصلاة، إلتقيت صديقا و سألته فإذا به يرشدني إلى مسجد بعيد عني نوعا ما و لكن به مدرس لا بأس به و يعلم بالأحكام

إن شاء الله اليوم بعد العصر ألتقي به و سأسطحب إبني معي ، ربما يبدأ مباشرة

و الله سعدت كثيرا و خصوصا أن ياسين أبدى تحمسا و قبولا

ربي يجازيك أخي أغيلاس و يفرحك و يسعدك بالدارين إن شاء الله

[أبو ياسين29]

و أخيرا ظهرت نتائج شهادة المتوسط

[عطوفة]

المشاركة الأصلية كتبت بواسطة serine alger

وأخييييرا ظهرت نتائج البيام.الحمد لله . تحصلت ابنة أخي أسماء على المعدل 18.38 . ماشاء الله عليها .
كم أحب هذه المعدلات ههههههههههه .عقبال أخوها تاع الباك.

ما شاء الله على ابنة أخيك ....عقبال الباك إن شاء الله وبتقدير ممتاز

[أبو ياسين29]

الحمد لله، إبنة أخي سارة، نجحت بمعدل 12.20 و إكرام بمعدل 17.46، فهنيأ لهما

ربي يفرح الجميع إن شاء الله