همزة وصل بين أولياء أمور التّلاميذ و المربّين، تبادل للاستفسارات، وُجهات النظر، و النصائح

[ام الزهراء]

السلام عليكم
اختي ام الولدين كنت داخلة للموضوع وفي بالي ان اسال عليك
هذي مدة ما بنتيش

بصحتك القهوة

ام عادل وام منى راني متابعة معاكم

[/زهرة عصفور الجنة/]

ربي يوفقهم ويصلحهم يا رب

[serine alger]

المشاركة الأصلية كتبت بواسطة عبد الناصر أمازيغ

السلام عليكم و رحمة الله و بركاته
، أعرف أن عادل له مستوى جيد ، لكن هنا في همزة الوصل لازم نرفع المستوى شوية ، نريد الوصول بالأولاد إلى التحكم الجيد في التعلمات و الوصول إلى درجة الامتياز .

إذن عليك أن تشحذي همة عادل بالترغيب أولا و إن رفض كاين "القزّول"

.

رفع المستوى والله هذا ما أصبو اليه دائما.
ولن أنكر فضل همزة وصل .فمن خلالها تحسن عادل كثيرا في الوضعيات الادماجية .و حتى معلمته أصبحت تعرف الشيخ عبد الناصر والأستاذة**عطوفة**. في مرة من المرات دارو درس الحال .قالها عادل **معلمة قالنا الشيخ **عبد الناصر**كاين 5 علامات للتفريق بين الصفة والحال.
يعني الحمد لله جهودك وجهود كل عضو في همزة وصل لن تذهب سدى.
أكيد راح تكره منا في الموسم الدراسي القادم ان شاء الله لأنو لحسن حظنا عندك قسم السنة الخامسة:d:d:d

[/زهرة عصفور الجنة/]

من محاسن الصدف ان تكون معلمتي في مادة الفرنسية جارة اختي وهي الان متقاعدة بودي الذهاب اليها وطلب النصيحة منها
لكنني مازلتاستحي منها

[serine alger]

المشاركة الأصلية كتبت بواسطة أولادي سر سعادتي

اغيثينا بفكرتكما ام عادل لعلها تنفع مع منى المتمردة

هههههههههه لازم حتى نجربها .ومنى المسكينة عاقلة راهي فالعطلة وتحل مواضيع.

[~ حراير ~]

السلامعليكم و رحمة الله تعالى و بركاته

ام عادل لو انهم ما ربحوش نفرح ببلادي و نهتف وان تو ثري فيفا لالجيري
انا كيما الشيخ عبد الناصر نتبع البالون و نفهملو مليح (ايجابيات تعلقي بخويا الي يكبرني) حتى انه والد اريج حسب لام نربحو بالدراع ما فهمتو علاش نقدرو نربحو لاتعادل
و كان داهش علاش بلجيكا اصرت على الفوز رغم انها تكايفات حتان فهمتو السبب
لكن مش هدا الي خلاني امس ندخل في حالة
بلادي الدزاير هي الي خلاتني نبكي لانه تكاليفينا
نقلك منين العشرية السوداء و الناس يديرو لاشان حتى على الخبز
و العشرية الحمراء و الناس خايفة
كنا نربحو في البالون?? لا
لكن درك شكون من بلدان الربيع العربي معانا
من غير احنا
عجبتني بزاف المذيعة لجين كي قالت كرهنا من اخبار الموت و نشكر الدزيريين الي فرحو العرب
و عجبني امس شاب في بجاية شاد عجوزة و يعيط
( سي لو بخانتون دا الجي)
قصدي انه هاد البالون يعكس الامن و الاستقرار في بلادنا
و انا ضد الي يقولو علاش نفرحو ببالون
بلعكس شيئ مشرف انه النجمة و الهلال تلالئ في سماء
و المشرف اكثر هو اسم مسجل الهدف

اماا عن كلامك على الزهر فانا مش معاك
هاداك راه مشكل عند اللاعبين و هو كيما نقولو الكونديسيون فيزيك تاعهم ناقصة ما يقدروش على 90 دقيقة لعب
حبيت نقلك مانكونوش سلبيين و نقولو اللاعبين مايحسوش بالوطنية
لكن نقلك خليهم يجو لاصلهم علاجال الدراهم و الشهرة لكن مصيرهم يصيرو كيما عنتر يحي رجولية و نيف دزيري
و هك احنا الدزيريين دايرين

و في كل الاحوال وان تو ثري فيفا لالجيري
و تحيايلي يا عطوفة عاونتيني امس

[serine alger]

يا أولياء السنة الخامسة السابقون

**أم بدر الدين** **أم كوثر** من خلال علامات بناتكن أعتقد أنهن ممتازات في الفرنسية.اذن ننتظر نصائحكن وتجاربكن مثل ما أفادنا الأخ**اغيلاس**. لم نأكل من الحلويات شيئا .على الأقل ساعدونا بالنصائح.

[/زهرة عصفور الجنة/]

ام اريج ضحكتيني نظنك هبلتي كي رحتي عند القبايل
امزح سعيدة لسعادتك ربي يدوم فرحتك ولمتكم بالسلطان

[/زهرة عصفور الجنة/]

ام عادل منى راهي متمرة مراهيش تحل بعد الاختبارات كانت تروح للمدرسة يحضروا للحفلة
ونهار الثلاثاء كان اخر يوم
والبارحة جينا
ربي يوفق الجميع

[serine alger]

ههههههههههههههه أم أريج أنا نحوس حاجة واحدة بارك .لما تولي من بجاية أكتبي لي جملة **تكون بالقبايلية** دبري راسك.
بصحتك التحويسة بجاية وجيجل مناطق سياحية راااااائعة رحنا ليها شحال من مرة .هاد المرة ان شاء الله بالاك نبدلو للغرب ربما .

[serine alger]

**أم منى** قلت اول مشروع هو les faits d'hiver
عندك نظرة عل الدروس بالتقريب.؟

[ام الزهراء]

اهلا بام اريج

انا معاك في كل كلمة قلتيها

هذا الصباح قاتلي امي الي عاش الاستعمار وهو يحلم انو يجي يوم ويشوف علم بلادوا يرفرف

فما بالك به اليوم وهو يرفرف والعالم كلوا يشوف

المسالة مسالة وطنية قبل ما تكون كرة قدم

ام اريج انا وانتي وعطوفة محتاجين دورة هنا في همزة وصل لتعلم القبايلية
انا تاني كعبة لا

[/زهرة عصفور الجنة/]

يا سلام على المشاعر الجميلة ربي ينعم علينا بالامن والامان
ام عادل للاسف ليس لدي ادنى فكرة
عرفت ذلك من خلالاختبارات الخامسة التي عملت لها صورة طبق الاصل

[/زهرة عصفور الجنة/]

سأصورها واضعها ان شاء الله ليستفيد منها الجميع

[~ حراير ~]

[u]السلام عليكم و رحمة الله تعالى و بركاته[/u

اهلا اهلا بام منى الحمدلله الي تلاقيت و لقيتك بخير
امس برك و اريج تقولي جاوباتك ام منى على والدتها
رانا حيرين عليها و نتمناو انكم ترمضنو و انتوما بصحة و سعادة و هناء

بارك الله ففيك على اهتمامك ببنيتك
لكن حبيتك ما تبينيلهاش انه امر جلل
بل تهوني عليها
و حبيت نقلك على طريقتي مع افنان باش تهتم بالمطالعة
اريج من صغرها تحب القراءة و الحمدلله
اما افنان فكيما منى تشري و تزوق بيهم مكتبتها
حتان واحد النهار و احنا في المكتبة و بعد ماخيرت القصص قلتلها ما. نشريلكش حتان تقراي الي عندك و زاد عاوني المكتبي بانه انبها
في الدار نقعد حداها نبداو بالتفرج على الصور و نتخيلو وش تقول القصة
ندير انا رواية و هي رواية و نشوفو شكون الي روايتو صحيحة
كي يعود حوار نقراه انا وياها
كي تعود قصة طويلة نقرا انا صفحة و هي صفحة
و في الحق انه اريج تعاوني فيها
درك افنان مستحيل ترقد بلا ما تقرا
و ثان خطة ام بدرو
في القيلولة جميع الاجهزة نطفيها
الي عينو يرقد و الي ماعينوش يقعد يقرا او يلعبو سكرابل عربية

,,,,,,,,,,,,,,,,,,,,,,,,,,,,,,,
بالنسبة للفرنسية انا ثان كنت مدايرة كيما اغيلاس
النص الي تحفظو تلصقو في الكراس او تعيد كتابته
لكن بكل صراحة الي ساعدني هو اليوتيوب
و خاصة الحوار
تكتب اريج تعليم الاطفال مثلا التعارف
مثلا عند الطبيب
تستمع ليه عشرات المرات
حتان تقريبا تحفظو و من بعد تكتبو و هي تستمع
و من بعد نصلحلها الاخطاء او تستعين بفخونسي فاصيل يصلحلها
هي اصلا هلدي هي لعبتها المفضلة

,,,,,,,,,,,,,,,,,,,,,,,,,,,
لكن و بكل صراحة النصيحة الوحيدة الي حابة نقولها في الوضعيات سواء عربية او فرنسية
هو انكم تعودوهم من اول يوم الفواصل و النقاط يعني علامات الوقف
تعودوهم كيفاش يحلل السؤال و يحدد الافكار الي لازم يكتبها
كيما تقول اريج
نمصمص السؤال
حتى انها ساعات ترسم دوائر و تكتب فيهم الافكار و من بعد تحدد وين تحط الافكار

ثان حاجة مهمة بلاك المعلمين ما يكونوش معايا فيها
لكنها نفعتني
انه تعطيها افكار تحفظهم مش غير شواهد
اريج في وضعية الشهادة بدات بجملة حفظتها في السنة الرابعة
بلدي الجزائر نبنيها بالعلم و العمل و لا يكون عمل بلا علم
و لا علم بلا كتاب
( الجملة مش هك بالمعنى برك راهي تفوقت عليا في تركيب الجمل)

ثان الشواهد ناكد عليكم ماتعطوهمش بالساهل خلوهم يبحثو عليهم باش يرسخو في رؤوسهم
لكن اوقفو معاهم و ماتخلوهمش وحدهم يعنئ كي تشوفك قاعدة معاها و تقراي معاها و تهتمي حتى هي راح تهتم اما انك تقوليلها دبري راسك و قرايتك ووووو فانا نقلك راهي صغيرة و مش راح تميز بين وش يهمها و وش ما يهمهاش
تخيليها فرس هائجة للعب و انت راح تروضيها
فالصبر و اللمداومة و الاستعانة بالله و الدعاء
و بالتوفيق للجميع