الطريق لكلية الطب ها قد استلمنا المشعل 😇❤

[karlita]

المشاركة الأصلية كتبت بواسطة طالبة رياضيات

انا لليوم مزلت ماقريتهاش الفلسفة

ممكن طريقة كيفاه نقراها ؟

لازم تبداي بالمنهجيات
و مبعد تبعي استاذ خليل سعيداني شارح الدروس افهمي شويا ادي نظرة على الدرس
و مبعد اقراي مقالات و اكتبي حجج و اقوال احفظيهم
و مبعد اكتبي مقالاتك الخاصة

انا فالفصل الثاني حفظت مقالات و فهمت درو س بصح حفظت مقالة طريقة جدل ايا و جات استقصاء بديت غي نخلط تالمو مكنتش كامل مركزة على المنهجيات ديت غي 7 قاتلي بسك مدرتيش كامل منهجية

[karlita]

كاينة االاخت kamji تفيدك هيا تقرا فلسفة

[أمل أميرة]

المشاركة الأصلية كتبت بواسطة اللهم ارزقني عفةمريم

اهلا أمولة حبيبتي انشالله راكي لاباس دكا؟
شوفي نقللك حاجة راكي قوية وبزززاف اكبر دليل هذا لموضوع والله لي درتيه مزال ماشية لدكا وانشالله نزغرتو قاع هنا تزغردت الفرحة انشالله قاع تجينا هذا الاحباط بصح لازم نكون صابرين ونقدرو نتغلبو عليه اذن المولى اخطيك من سلبيات وخمي غير في الاجابيات وربي يرزقك الفرحة انشالله رانا معععععاك كامل ندعولك ما لازمش نفشلو ونكون ايد واحد كامل نفرحو ونربحو مع بعض ونتفكرو هذا لحظات الجميلة اما بالنسبة لي تأخر في لمواد شهرين تقدرين فيهم تحقق المستحيل توكلي على ربي برك كلشي يسهال



كلللللنا أمولة بون كوغاج

المشاركة الأصلية كتبت بواسطة karlita

الى الاخت امل اميرة

لا تستسلم اختي مزال 70 يوم للباك

70 يوم تقدري تديري فيهم معجزة لحبيتي

خلي التحفيز تاعك داخلي لازم تكوني واثقة في روحك بلي تقدري
هاذي حياتك انتي انتي لي تحملتي تعبك انتي لي عشتي سنين لي فاتو فالستراس

اخدمي باه تفرحي روحك الحياة تتعاش مرة وحدة متقنطيش روحك بالعكس كوني ايجابية و بلي ربي يحب ليك الخير ممكن بعد عليك صوالح بيزار كانو قادرين يصراولك

انا هاذا عامي لول تعبت فغيمون فيه شخصيتي تبدلت نضرتي للحياة تبدلت طموحاتي تبدلو رفعت المستوى عرفت بلي مكانش فرق بيني و بين ذاك لي يجيب 17 غي بالتعب و علاه نحقر روحي و منقراش علاه نضلم روحي
و حتا منجيبش جامي نستسلم جامي نهاية الحياة موت ياك حابة و انا في فراش الموت و شريط حياتي يفوت عليا نكون فخورة بلي خدمت و تعبت بلي عشت كيما حبيت او بالاحرى حبيت وش عشت
و النجاح يحتاج تعب

روحي شوفي خلفية ذوك لي داو المعدلات الممتازة تلقايهم ميرقدوش ليل و ينوضو بكري و نهار كامل يقراو و يسقسو و يحلو حارين على قرايتهم
مكانش واحد جابها بالساهل

ابداي من 0 و اطلعي و ديري تودو ليست كل يوم و كل سمانة و مترقديش حتا تكمليها متريحيش حتا تكملي وش حابة تديري فذاك نهار
صدقيني انا مقريتش مليح الشهر لي فاتو نقرا نص ساعة و نوض من المكتب و جامي نكمل حتا نص تودو ليست
مي درت القلب الحمد لله وليت نلحق 10 سوايع قراية جامي في حياتي لحقت هاك و وليت نحس براحة نفسية كي نتعب
كنت الوحدة نقعد فيها شهر و ذك وليت منوضش من البيرو تاعي مناكلش حتا نكمل و الله غي نكمل نحس برااحةةة
و انا راضية باي نتيجة يكتبهالي ربي لاني واثقة تعبي ميروحش باطل

so اختي لا للاستسلام

بارك الله فيكم ان شاء الله تكون هذي الكلمات في ميزان حسناتكم وربي يوصلكم واين حابين ان شاء الله

[أمل أميرة]

صباح الخير صباح القوة والعزيمة والارادة
ماهي برامجكم لليوم
درت نصف تودو ليست حتى نكملها ونزيد نخطط لباقي اليوم لكي لا اصاب بالاحباط
حفظ درس شريعة تم
تكملة فهم ماتبقى من دروس المناعة ( للاسف كنت حابة نكملها من عند الايتاد شاوش لكن راهو روطار بزاف) + حل تمارين شاملة
مراجعة درس ادب او حل موضوع
وفقكم الله

[أمل أميرة]

من فظلكم عند شكون تنصحوني نكمل المناعة حابة نكملها الصبحة هذي باه ننتقل لحاجة اخرة

[Ahmed@T]

nice اميرة
ان هذا وين راح نقلع بادن الله progrrame نتاع هاد النهار هو
2h phy
2h phylo
3h phy
هادي منا للخمسة ان شاء الله

[karlita]

تحدي اليوم

اكمال الكهرباء rl

مراجعة احتمالات كاملة من 0

مراجعة ميكانيك قدر المستطاع

نكملهم و نرقد و العودة على 8 مع ليلة بيضاء مع الفلسفة *سيكون التحدي ان ادرس 10 ساعات فلسفة *

[karlita]

المشاركة الأصلية كتبت بواسطة ahmed@t

nice اميرة
ان هذا وين راح نقلع بادن الله progrrame نتاع هاد النهار هو
2h phy
2h phylo
3h phy
هادي منا للخمسة ان شاء الله

معليهش نسقسيك كفاه تقرى فيزياء
انا درت 3 ايام فيها نكمل ملخصات كامل 5 وحدات
و مبعد نراجعهم مليح و معولة نحل تاشيرة النجاح و تمارين بلعمري براهيم في كل وحدة حتا اوت و نبدا نحل مواضيع بكالورياكاملة من 2019 الى 2014 تقني و علوم

برايك هاك مليح ول وش نبدل

[أمل أميرة]

المشاركة الأصلية كتبت بواسطة Ahmed@T

nice اميرة
ان هذا وين راح نقلع بادن الله progrrame نتاع هاد النهار هو
2h phy
2h phylo
3h phy
هادي منا للخمسة ان شاء الله

وفقك الله

[أمل أميرة]

المشاركة الأصلية كتبت بواسطة karlita

تحدي اليوم

اكمال الكهرباء rl

مراجعة احتمالات كاملة من 0

مراجعة ميكانيك قدر المستطاع

نكملهم و نرقد و العودة على 8 مع ليلة بيضاء مع الفلسفة *سيكون التحدي ان ادرس 10 ساعات فلسفة *

وفقك الله
قوليلي من فظلك على شحال ترقدي وعلى شحال تنوضي
مثلا على شحال ترقدي فالمساء باه تنوضي على 20.00 واديري نوي بلونش

[karlita]

المشاركة الأصلية كتبت بواسطة أمل أميرة

وفقك الله
قوليلي من فظلك على شحال ترقدي وعلى شحال تنوضي
مثلا على شحال ترقدي فالمساء باه تنوضي على 20.00 واديري نوي بلونش

فليل نرقد 4 و نوض 9 صباح و نبدا نقرا10

و نرقد العشوا جوايه 5 تعود باتري تاعي فابل هه و نوض المغرب هاك و نبدا نقرا

[عاشقة الكواكب]

انا مكملت حتى مادة
خاصة مواد علمية عمري ما نقول كملتهم

شريعة و انجلزية و فرونسي سمانة نكملهم
اجتماعيات و ادب مزال
+
مزال بكالوريات

[Ahmed@T]

المشاركة الأصلية كتبت بواسطة karlita

معليهش نسقسيك كفاه تقرى فيزياء
انا درت 3 ايام فيها نكمل ملخصات كامل 5 وحدات
و مبعد نراجعهم مليح و معولة نحل تاشيرة النجاح و تمارين بلعمري براهيم في كل وحدة حتا اوت و نبدا نحل مواضيع بكالورياكاملة من 2019 الى 2014 تقني و علوم

برايك هاك مليح ول وش نبدل

kima neti dert molakhasat ou nerdje3 dersi mine dak f'chaque wi7da ou ne7el les exos rani ne7el drk f'wa7ed les series be3athoumlkoum el bare7 fihoum 9erib koulch 3la l'unité 1
apres la meme chose nedireha me3a el wa7adat lidjayine

[Ahmed@T]

les bacs dert dessujet SE ou MT 9bel ramdan drk rani ne7el fles exos soi disant maths ou bien phys rani ne7awel nezid ne7el kesh ma n3mer rassi apres ki ye9reb el bac nesiyi ghir nerivizé les lois ou doros ou kesh maykoun ghabeli fles exos

[اللهم ارزقني عفةمريم]

صباح لخير و التفاؤل
تحدي اليوم
حل تمارين في الدوال العددي و ln
حفظ دروس التاريخ
ملخص في الأدب العربي