الجزء 108 من واش طيبتي اليوم ؟؟ تفاءلو بالخير تجدوه - الصفحة 31

كاتي حياة · 2015-01-04, 15:57

https://www.khorh.net/vb/t88595.html شوفي هنايا ليزاااا

ام نهوله · 2015-01-04, 15:57

كاتي الله يسلمك حنونه صحه قهوتك

كاتي حياة · 2015-01-04, 15:59

اقتباس:

المشاركة الأصلية كتبت بواسطة lyzzabel

كاتي راهي طرييييية جست راهي شادة روحها ،، الله يسلمك حبيبتي و شكرا على وضع الصور

لالالا قصدي جارية اكثر فقط حبوبة

مرام 1987 · 2015-01-04, 16:04

صح قهيوتكم يااا بناااات
يعطيكم الصحة على الخيرات لي راكم تحطو فيها وراكم تفرحو بيها عايلاتكم جزاكم الله خير جزاء
لا إله إلا الله الواحد القهار

طالبة الجامعة · 2015-01-04, 16:08

صحة قهوتكم جميعا

دائمة الشكر · 2015-01-04, 16:09

صح قهوتكم لبنات راكم روعة كامل الله يبارك فيكم مبروك ام امنية ،،،،قولنا واش راح اديروا عشاء اليوم

مرام 1987 · 2015-01-04, 16:11

بناااااات السؤال الذي يطرح نفسه دايما
واش عشاكم يا الفحلات؟؟ أمطرونا بأفكاركن
حنا عشانا من غدانا جواز تاع الخضر ولله الحمد والمنة
هذي الساعة راني شبعانة شربت الحليب بgâteaux sans gluten

Simassim · 2015-01-04, 16:31

بصحتك الحليب مرام
عشاتي طبعا طبعا. مازااااااال تالفة حتى نفتح الكوزينة ونشوف واش راه فيها

رأكم سخفتوني على الطمينة حمرت السميد البارح عاد جابلي تاع الطمينة. كيلو

اذا كتب ربي وكنت مريحة غدوا نوجد صوالح سلو نطحنهم

ليزا نتوما ديروا تقنتة تاع الفرينة وسلو فالنفاس ؟؟!!!

دائمة الشكر · 2015-01-04, 16:35

سماسيم احنا انديروا الطمينة تاع السميد عمرنا ولا درنا التقنتا ولا سلوا ولا الرفيس سمعت بيهم اهنا فقط ربي يعطيك وقفة ساهلة وتلحق أمك قبل الولادة يارب

أم ريمة* · 2015-01-04, 16:35

الف مبروك كوزينة مرام الغالية لعقوبة نشوفو كوزينتك فى دار زوجك كى ليوم ان شاء الله بصح جيت بيديا فارغين اعذرينى كانو عندى الضياف امس لعشية لى راحو وليوم مادرت والو الثلاجة معمرة اكل رانى غير نسخن هههههه

Simassim · 2015-01-04, 16:38

هههه حنا من كترة الصوالح لي يحطوهم تتلفلك واش تاكل. خصك تروح صائمة باش تدوق من كلشي شوي. ههههههههه

عطرالذهب · 2015-01-04, 16:44

ماشاءالله ليزا الطمينة تشهي رايحة نجربها قريبا
بالصح فهميني السميد واناه اللييوالمها الخشين والا الرقيق والا المتوسط

مرام 1987 · 2015-01-04, 16:48

اهلا أم ريمة وسيماسيم منورين الكوزينة بشوفتكم يا أعز الحبايب
أم ريمة ما عليش طلتك غالية علينا خير من الدنيا وما فيها
سيماسيم ربي يعطيك وقفة ساهلة حبوبة وربي يعينك
قوليلي اشكون راح يوقف معاك كي تزيدي ؟؟ ماماك ماجاتش عندك؟؟ أمانة كي تزيدي طلي علينا وطمنينا تعيشي

wahibaazel · 2015-01-04, 16:52

مياسم75 · 2015-01-04, 16:54

طمينتي ليزابال
نحمص السميد الخاص بالطمينة في مقلة كبيرة و نحرك باستمرار على نار قليلة حتى نشوفه اكتسب اللون الزهري الماءل الى البني ههههه و كل وحدة و اللون لي تبغيه ،، و نفرغه في حاجة واسعة و نخليه يبرد ،، في هداك الوقت ندوب الزبدة او المارغرين و العسل مع بعض و تكون كمية الزبدة اكثر من العسل باش ما تجيش حلوة بزاف ،، ما نخليهمش يغلو و نفرغ السميد على خليط الزبدة و العسل غير بالشوية و نخلط مليح بالملعقة الخشبية ما يجيش ناشف و مايجيش جاري يعني كي نهز الطاجين لي خلطت فيه تبقى الطمينة تلعب a gauche et à droite هههههه و نخليها تتشرب وحد نصف ساعة مع البرد ما تطولش و نحطها في طبق التقديم تبقى طرية ما تجيش يابسة ،، انا نديرها في لي مول كيما تاع اليوم درتها في مول دائري و زينتها باللوز محمص و مرحي خشين فالحواف و لوز حب بالقشرة و شوية فستق او بيستاش تاني مرحي خشين و جوز و حبة كرز معلب كيما في الصورة و كل وحدة و طريقتها في التزيين و طبعا حسب الموجود و مين نكون مزروبة نحطها مباشرة في الطبق خخخخ ،، و راني صورتلكم القوام تاعها كي تبرد