Mh47 الجزء الــــ84 من واش طيبتي اليوم

[*أم ثازيري*]

سلاااااام
اهلًا بلي كانو غايباااااات بروقه و الهاااام
ام اسلام الف الف الف مبروووووووووووك النجاح
ربي يجعل افرررراحك دااايمه
انا الغدا مادرت واااااااااالو ضرك نقوللكم وعلاه
نستناو في الخدام يجي ينحي لي شوديار باه نركبو الشوفو
من الصباااااح و انا نستنا و ماقدرتش نبدأ نطيب لانو الكوزينه تخرج للحوش و لي شوديار ثم
و العشيه عندي عرس و ماوجدت واااااااااااالو
باتيلو مادانيش للحفافه لخاطر يستنا في الخدام
شفتو الخدام كيفاه دارلي حجره في السباااط؟!!!

[islam1aya]

شكرا حبيباتي الهام وباتي وامايناس وام ملك تسلمولي انتوما اخواتي الي ماعنديش
الهام توحشتك وبروقة ايضا توحشناك خليتي بلاصتك فارغة وباتي مبروك تركيب الشوفاج

[x ام رحاب x]

صحة فطوركم كاملين
اهلا وسهلا بيك بريق الامل والله خليتي الكوزينة صامطة حبيبتي واش راكي واش هاذ الغيبة ان شاء الله تكوني في احسن الاحوال حنونة
نهال بغرير ماشاء الله راهو يشهي
ام اناس واش راكي حنونة راكي بخير بصحتك الخبز بالفورماج
الف الف مبروك اسلام اية الحمد لله الي ربي فرج عليك وربي يقويك ويقدرك على هاذا المسؤلية

[x ام رحاب x]

المشاركة الأصلية كتبت بواسطة بشرى2008

أم رحاب على السلامة راحو ضيافك ولا مزال يجو مقلتيليش واش راكي دايرة فطور

مساء الخير حبيبتي والله مازالو واني دايرة جلبانة بالحم وبوراك وسلاطة

[malek nour hane]

سلااااام الهام المدفونة راهي البربوشة لي حطتها الاخت ليزابل لبارح موضوع جديد و حطت التعمير... شوفي فقسم الأطباق الرئيسية

[إلهام07]

باتيلا شكون هذاك الخنفوس اللي صورتو في توقيعك اسمحيلي راهو مطبز خلاص

[إلهام07]

المشاركة الأصلية كتبت بواسطة malek nour hane

سلااااام الهام المدفونة راهي البربوشة لي حطتها الاخت ليزابل لبارح موضوع جديد و حطت التعمير... شوفي فقسم الأطباق الرئيسية

إيييييييه ماشفتوش نخلص موضوع الارز عياني ونشروح ندور في غرضي وجعني ظهري كل شوية نوض ندور ونرجع

أصلا راني سخفانة نذزق التعمير هذا واش هو طعمو مازال ماكتبتش

[ام سهام 02]

اهلاو سهلا ببروقة المنتدى نور بحضورك ياغالية

ام سلام الف الف مبروك حبيبتي تستاهلي كل خير

باتيلا ام رحاب صح فطوركم

[malek nour hane]

هههههه انا تاني ساخفة نذوقو داراتو حبوبتي ليزا يهبل انا ذاقوه خاوتي فمستغانم قالولنا بنين هااااايل يجي. مع البربوشة
الأرز رانا نستناو فيه.... ههههه الهام ليوم تقتلك باتيلا هديك بنتها ثاريزي حالتنا فقسم الدردشة تاعك لي فوطو وفاصاتهم راهي حلوة تهبل ماتبانلكش هههه...ادعيلي نجيب طبوز ولا طبوزة حتى انا هههه

[ام سهام 02]

الهام شفتي كامل ردود العضوات الصباح كدخلتي غير الرد اتاعي ما شفتيهش

[ام سهام 02]

بشورة العزيزة صح فطورك راني شفت الحلويات تع العرس هايلين وعلى القلاصاج راهم يديره بلكرام فراش

[yasmalak]

مسلخييييييييير حبيباتي
الهام و بريق الامل على سلامتكم هه و يعطيكم الصحة على الخير اللي حطيتوه كلش تووب
ام اسلام و ايةمبروووووووووووووووووك و لعقووبة لما كتر ان شااء الله
فطورنا اليوم





و هده درتها للقهوى تدوووب فالفم

[x ام رحاب x]

مساء الخير حنونة ام سهام انت الخير والبركة شكون مايشوفش القمر انت ضوءك ولا ضوء القمر حنونة واش راكي وصحة فطورك انت تاني

[إلهام07]

المشاركة الأصلية كتبت بواسطة ام سهام 02

الهام شفتي كامل ردود العضوات الصباح كدخلتي غير الرد اتاعي ما شفتيهش

والله العظيم مانتبهت أسمحيلي أصلا راني يد معاكم ويد في الموضوع وعندي صندوق الرسائل معمر وراني خدامة أصلا دوختوني

[nihale89]

ام اسلام واية الف مبروك ربي يعينك