الجزء 78 من واش طيبتي اليوم سموا بسم الله - الصفحة 31

طالبة الجامعة · 2014-06-13, 17:58

النرجووسة شكرا يعطيك الصحة.
حبيت نسقسيك اذا جربتيه ولالا قوليلي رايك

النرجووسة · 2014-06-13, 18:03

فالحقيقة مجربتوش بصح يبانلي روعة ان شاء الله نجربوووووووووووووووووووو

دائمة الحمد · 2014-06-13, 18:13

مساء الخيرات عليكم يا حراير ام ماجد ربي يباركلك في البنات ويقرو عينك وشكرا على الثقة
ماري ربي يشفيك عزيزتي وتوكلي واش تحبي طهور ان شاءالله
ام محمد الف مبروك على وليد خوك
انا من الصباح مع الميناج وكي كملت وليت ننقي في الثوم حابة نجرب هذي الطريقة غيرانا مانحطش المعدنوس لاني راح نستعملو حتى للجاري
التدبيرة للاخت شوشو 11 من قسم التدابير المنزلية

تحكمي كمية كبيرة ثوم ..+توابل اللي موجودة عندك + معدنوس ربطة او اكثر + عصير ليمون نصف حبة .+ ملاعق زيت زيتون او زيت العادي + حبة طماطم +
الكل ترحيهم فالمكسور
وبعدها تسوي الخليط في مول مكعبات الثلج وما تنسي ورقة رند والى الفريزر ولما تجمد تفكي المكعبات وتحطيهم في علبة بالغطاء
وهدا الخليط واجد لتتبيل قدرك تم تم ويعطي نكهة رائعة للاكل

اتمنى اني افدتكن حبيباتي والتجربة تؤكد التدبيرة

ام طيري الجنة · 2014-06-13, 18:16

اقتباس:

المشاركة الأصلية كتبت بواسطة lyzzabel

سلاااااام الشيراااات صح فطوركم كااااامل

فطورنا اليوم فلفلة محشية و سلاطة و الحمد لله

لي حطو طياباتهم كامل يعطيكم الصحة و لي راهم صايمين صيامكم فالجنة و ربي يتقبل ،، و لي رجعو بعد غياب اهلًا و سهلا و مرحبا ،، و لي ما حطوش تاني بصحتكم

حبيباتي راني رايحة لدارنا باش ندير لي قاتو اطلبو ربي لمنصف حبيبتي تفوت طهارته على خير و صحة والله راني خاااايفة تقول عمري ما طهرت بصح راهم يخوفو شحال من طفل مسكين راه فالمستشفى من جراء الختان ربي يشفيهم لوالديهم و يجيب الخير يااااارب ،،اتهلاو في رواحكم و فالكوزينة ،، ربي يحفظكم و يحفظلكم العزاز و الى الملتقى بإذن الله

اللهم اني أستودعك في أحبتي فأنت الذي لا تضيع و داءعك احفظهم و ذويهم من كل سوء و أمت ارحم الراحمين

اللهم صل و سلم و بارك على سيدنا محمد

يو يو يو يو يويييييييييييييي هذي خص نص لمنصف من عند خالتو ام نسرين ربي يفرحك بيه و العقبال لعرسو ان شاء الله يا ربي تفوت بخير و على خير
و الاطباق راااااااااااااائعة الله يعطيك الصحة يالزينة
ما تنسايش كواليس الطهارة بيانسور ههههه

مرام 1987 · 2014-06-13, 18:22

اقتباس:

المشاركة الأصلية كتبت بواسطة دائمة الحمد

مساء الخيرات عليكم يا حراير ام ماجد ربي يباركلك في البنات ويقرو عينك وشكرا على الثقة
ماري ربي يشفيك عزيزتي وتوكلي واش تحبي طهور ان شاءالله
ام محمد الف مبروك على وليد خوك
انا من الصباح مع الميناج وكي كملت وليت ننقي في الثوم حابة نجرب هذي الطريقة غيرانا مانحطش المعدنوس لاني راح نستعملو حتى للجاري
التدبيرة للاخت شوشو 11 من قسم التدابير المنزلية

تحكمي كمية كبيرة ثوم ..+توابل اللي موجودة عندك + معدنوس ربطة او اكثر + عصير ليمون نصف حبة .+ ملاعق زيت زيتون او زيت العادي + حبة طماطم +
الكل ترحيهم فالمكسور
وبعدها تسوي الخليط في مول مكعبات الثلج وما تنسي ورقة رند والى الفريزر ولما تجمد تفكي المكعبات وتحطيهم في علبة بالغطاء
وهدا الخليط واجد لتتبيل قدرك تم تم ويعطي نكهة رائعة للاكل

اتمنى اني افدتكن حبيباتي والتجربة تؤكد التدبيرة

اممممممم تبان مليحة صح انا سمعت بطريقة اخرى هي تخلطي الثوم مع الملح والتوابل لي عندك والدبشة اذا كنت راحا تستعملي المكعبات في الشربة وما شابه اما اذا كان للمرق تاع البربوش ولارالشخشوخة فنستغنيو على الدبشة وتخلطي معاهم الشحمة مرحية وحبذا لو تكون جديدة هذي مليحة في العيد نخلطو الكل ونديروهم كويرات والى المجمد كي نحتاج نجبد كويرة ونحطها في القدر تاعنا تجي ريحة امممممممممم
المهم اني زدت سرقت وصفتك ههههههههه كي يفرج عليا ربي نطبقها بحول الله
الحمد لله على نعمه حمدا كثيرا مباركا فيه

دائمة الحمد · 2014-06-13, 18:27

ماري رانا نبروفيتو مادامو الثوم رخيس وانا عجبتني الفكرة اني نقيتو ورايحة نرحيه ونشوف
وحابة نزيد نعمل الثوم المرحي تاع ام راضية

دائمة الحمد · 2014-06-13, 18:37

عشايا بحول الله بوراك وفلفل مقلي وسلطة وكسرة رخساس وعصير ودلاع والحمد لله على النعم
نروح لثومي وعشايا

omomnia15 · 2014-06-13, 18:38

سلام عليكم وصح قهوتكم مزال مدبرتش العشا راني نتفرج فالماتش كي الفحل مع راجلي ومنبعد نشوف
ليزا مبروك على منصف ونشالله تجوز طهارتو مليحة وشابة كيما هو والعقوبة لزواجو وطيابك 44444444444
دائمة الحمد اانا منحبش الثوم مرحي مكره ريحتو بصح تع نجمدو فكرة مليحة والاكل
السون المثلجات يشهو تع المنتدى ولا كاش وصفة جديدة
مولات الكوزينة ملي طلت مزادتش بانت
ام ماجد قتلك المنتدى كان غاير وراهو جازو الحال راهم الصور بانو وشفت صلاة وش دارت ربي يحفضها

nour inasse · 2014-06-13, 18:47

مساء الخيرات يا لفحلات والحرات كيما وعدتكم جيت وجبتلكم شوي طيابات تفضلو طاجين القرنون بالزيتون واللحم

كبدة وفريت

mimi53 · 2014-06-13, 18:47

السلام عليكم لبنات انشاء الله بخير
اطباقك كي العادة في منتهى الروعة تسلم الايادي
الف مبروك للاخوات لولادهم جابو السيزيام
بريوشة السبانخ من قناة سميرة

حلوة الملفوفة لسيدة يعلى

ديسير بسيط من مطبخي

لبنات حابة نسقسيكم على هادا النوع من القاطو لحبيبتي ام اماني
قالت نلف الحربوش من الجانبين
مي نقطع الحربوش كيفاش نقطعو من جهة الطول يعني هادو 2 حرابيش نقسمهم على زوج ولا راني غالطة
لبنات تعيشو جاوبوني راني رايحة نديرو وراني مزروبة ادا كان ممكن وحدة تجاوبني

R I A D · 2014-06-13, 18:48

هذا غدانا اليوم وفضل منه للعشاء

لوبيا ماشطو "زليقو" و جاج محمر مشري و سلاد و فلفل حار بالطماطم والحمد لله

اللهم صلّ و سلّم على سيّدنا محمد

R I A D · 2014-06-13, 18:54

دائمة الحمد بصحتكم البوراك و الرخسيس و الفلفل مقلي

اليسون الكريم تهوووووووس

نور ايناس بصحتكم الكبدة

ميمي يعطيك الصحة كل شيء يشهي

اللهم صلّ و سلّم على سيّدنا محمد

nour inasse · 2014-06-13, 19:01

نكمل النات هبلتني
ارز بسمتي بطريقة جديدة للامانة الوصفة لقيتها في منتدى اخر وجربتها خرجت هايلة نشكر صاحبتها

وهذا زوووم للتعذيب هههههه

omomnia15 · 2014-06-13, 19:12

نور ايناس ذاك الروز يهبل
ريض بصحتكم الاكل كلشي4444444444
ميمي الاكل والتحلية والقاطو كلش روعة بصحتكم
عشايا شكشوكة خفيفة والله تقول فطرت بخروف مشوي راني مقهومة والاكراد راحو فالجرة هههههههه

nour inasse · 2014-06-13, 19:13

واعععععععععععععع ران نهبل المنتدى مايقبليش نحط اكثر من 3 صور يالا ماعليش المهم نحطلكم تشوفوا وخلاص
كفتة بالشامبينيون والدجاج

وهذا لغداء نتاع واحد النهار ولا لعشاء والله ماني شافية ههههههه

سباقيتي بالكريم فريش والشامبينيون وسكالوب