الجزء 72 من واش طيبتي اليوم????

[ايمان25]

السلام عليكم ورحمة الله تعالى وبركاته

صباح الخير وجمعة مباركة على الجميع

مبروك الكوزينة الجديدة انشاء الله عامرة بالخيرات

[ايمان25]

صباح الخير ام رياض طيابك ايشهيييييي
من فضلك وصفة البطاطا بالبادنجال وشكرا مسبقا

[ايمان25]

صباح الخير ام رياض طيابك ايشهيييييي
من فضلك وصفة البطاطا بالبادنجال وشكرا مسبقا

[lyzzabel]

صباح الانوار و الخيرات و العبادة و الطاعة و التقرب الى الله تعالى في هذه الجمعة المباركة
كل جمعة و انتن بصحة و سلامة و عافية

[lyzzabel]

داءمة الحمد انشالله اليوم راكي أحسن وبصحتكم الطعام
ام رياض بصحتكم المسفوف والله غير عندك الصح ملينا شوية تبدلو
لهونتي الحلوة نتيا تاني بصحتك الطعام
السعيدة بجدارة بارك الله فيك على الدعاء الرائع
انا اليوم راني دايرة رقاق بلحم العجل زوجي ن ع عجبه الجمعة لي فاتت مين درته و قالي عاوديه ونزيد معاه سلاطة و الحمد لله
حبيباتي بصحتكم كامل واش راكم تطيبو و مأكول الهنا انشالله من بعد نتلاقو إلا حيانا ربي سبحانه

اللهم اني أسالك خير ما في هذا اليوم و خير ما بعده و أعوذ بك من شر ما في هذا اليوم و شر ما بعده اللهم اني أعوذ بك من الكسل و سوء الكبر و أعوذ بك من عذاب في النار و عذاب في القبر

[ام رجاء 09]

السلام عليكم جمعة مباركة ان شاء الله ربي يدومها نعمة علينا يااااااااااااااااااااارب والله يهنينا ويهدينا امين لا ننسى قراءة سورة الكهف والاكثار من الصلاة على الرسول صلى الله عليه وسلم

[R I A D]

صباح الخير ليزا و بصحتك حنونة الرقاااق مممم البنة تاعو مازالت في فمي كي درتو الاسبوع الي فات تسلم ايديك
صباح الخير ايمانوو
هذيك راهي بطاطا جريوات تاع ام يسرى
و هي ما دارتهاش موضوع كتبتها هنا برك
و انا رحت جبت الفلاش و كوبيتها لك
و ان شاء الله تشوفها سهى هي تاني طلبتها البارح و ما قدرتش نحطها في اليل
اتفضلي

هادي بطاطا جريوات
نقشر البطاطا ونقطعها قطع صغيرة وتاني الجروات نحطوهم في طنجرة مع الثوم المفروم بزياااادة وحوالي فنجال زيت والفلفل الاسود والملح ونخليهم يتقلاو مليييييييح حوالي 10 دقائق مع التقليب باش متلصقش من بعد نمرق غير قيس ما تتغطى ونخليها حتى تطيب راها متطولش من جهة اخرى نرابي الطماطم ونضيفها للبطاطا نخليها تطيب غير شوي ونطفي نزينها بالدبشة ساعات نديرها هكدا برك راهي تعتبركنوع من المرق يكون خاثر
وهنا كي طابت وبقات فيها غير شوي صوص كسرت عليها البيض ورشيتها بالفروماج رابي وخليتها تكمل طيابها على نار هادية

اللهم صل و سلم على سيدنا محمد

[دائمة الحمد]

اهلا وسهلا بالملتحقات ليزا عزيزتي يومك فل وياسمين الحمد لله على كل حال
صباح الانوار لهنا عروستنا الزينة
ام هدولة يومك سعيد مبارك
ايمان 25 ماظهرتيش الايامات لي فاتو افتقدناك الصباح في الكوزينة
لبنات شكون لي عندها خبر على ام رحاب طال غيابها

[R I A D]

ام رحاب راهي لا باس عليها
راهي النت مقطوعة عندها ...هذا ما كان
و انا قلت هذوك النهار و طمنتكم عليها ...و قيلا كنت تخدمي و ما شفتيهش

[Oum yousra]

المشاركة الأصلية كتبت بواسطة batila137

مساااااااء الخير
راني شريت شاغجوغ للايباد نياهاهاهاهاهاها
هادو بعض الصور لي كانو فيه

بصحتكم أختي ويعطيك الصحة

المشاركة الأصلية كتبت بواسطة الأمنيات

السلام عليكم
هادا الصور تاعي
البان كايك درته قبيل





عشايا سلطة الارز بالفول جربتها تاع الاخت ام ايمان نظن



تغميسة المقدسية



دلاع

الأمنيات كلشي هايل و البان كايك واااااو خرجلك روعة بصحتكم

[Oum yousra]

صباح الخير لكن جميعا و شكرًا لكي ليزابال و داءمة الحمد و ام أناس على السؤال و الحمد للاه راني لباس و توحشت لمتكم أختي awladi دخلت البارح و نسيت نبارك لك مبروك الكوزينة و إنشاء الله عتبة خير و هاذا الباروك. . .

[ام احمد وصال]

صباح الخير يا احلى صحبة طيبة دمعة مباركة للجميع

غدايا عيش ححححححححححار طلبو العمدة

رايحة ندير النيقرو بصح معرفتش حاجة كي نحط المقادير في طاوة على النار مباشرة ولا على بان ماري فهموني تعيشو

[ام احمد وصال]

ام يسرى امممممممممم كلشي رووووووووووعة

[natacabell]

بصحتك النيقرو انا مازال مربتو جرباتو رياض دورك اجاوبك
ام يسرا حلوياتك روعة يعطيك الصحة

[دائمة الحمد]

اهلا وسهلا ام يسرا توحشنا اطباقك حلل وناقش الصورة الاولى تارت الفريز تشهي على الصباح
اماني السلام صباح الخيرات
المزيج حطيه على النار قليلة ديراكت لاداعي لبان ماري