يوميات عضوة - الصفحة 31

نخله. · 2014-03-23, 15:28

بالاك في الصيف نعلم الكروشي ...............شحال من وحده قاتلي علميني

وش رايكم تجو عندي ههههههههههه ولا معولين تبحرو

انا 2012 كنت بالحمل ما رحتش وزاد العام لي فات عطاولنا الدار قبل رمضان دفوع اختي قلتلهم هاذ العام ههههههههههه

وراني زدت حرمت عليهم بالحمل يعني 3 سنين ورا بعض ما بحرووووووووووووووووووش بسبتي

المستغفرة · 2014-03-23, 15:33

اه خسارة يمالا متبحريش
في دارنا لازم لبحر حنا العام لي فات رحنا لجيجل هايلة

رحنا بعد رمضان ولعام ليقدامو مرحناش جاتنا ختي
منusa بصح رحنا في الخريف لقالمة لحمام يهبا
وهذا لعام لسع مدرناش لبروقرام
رحنا لبجاية ,بورسي, رشقون
وانتي وشمن ولايات زرتي انا تقريبا 22 ولاية
شكرا نخلة انا خلعوني نجربلهم فازلين

ام ياسمين10 · 2014-03-23, 15:34

يا سلام عليكم راكم تهدرو على التحواس والحشرات انا نخاف حتى من شعرى كى يزغد عليا كبما المستغفرة .نخلة والله التربية صعيبة ربى يكون فى عونا حتى انا نحب كلش مريقل مع ولادى بصح والله ماصبت راحتى نهار كامل وانا نعيط ونحرق فى اعصابى يديرو لى تعجبهم وانا ميخافوش قع منى مداسرينى وباباهم شوية خير منى الى عيط عليهم يخافو منو بصح راه نهار كامل برا يدخل غير بعد صلاة العشاء يعنى مش يعاون فيا فى تربيتهم .الله يهديهم

نخله. · 2014-03-23, 15:53

ام ياسمين انا حتى الانوثه راحتلي وليت وحش من التعياط وااااااااااااااااع بصح ماشي قدام راجلي هههههههههه وجه وحدوخر يحسب صوتي رقيييييييق

المستغفره انا قبل ما نتزوج كنت سندباد كل شهر في بلاد مخليت لا شرق ولا غرب والدزاير كنت روحلها تقريبا كل ويكاند نشري كلشي من ثم و نموووووت على اسواقها

كي تزوجت داني شهر عسل زعما حوسنا الشرق شحال من ولايه و من بعد اكتشفت انهم ماشي تع تحواس قعدت نخدملو فالعقليه وحد 3 سنين باه ولينا نخرجو ونحوسو بصح اخوات كامل مكاش لي عدات البون

الولايات للي نشفا عليهم قاله و القل ما زال ما نفرقش بيناتهم ههههههههه عنابه سطيف جيجل سكيكده بومرداس( زموري) شرشال تنس فالشلف مستغانم اللي سحرتني نموووووووووووت فيها وهرن بقالي عين تموشنت وتلمسان نكملل ليتورال هههههههه و بجايه فالشرق ثاني ما رحتلهاش
الجنوب ما رحتش حتى داني راجلي برك لغردايه وزلفانه لخاطر ما نروحش لحمام الا كي ننفس باه نقفل يمالا مره على مره نروحو لزلفانه نباتو ونرجعو بصح مع الحمل حرمت عليهم ههههههههه

نخله. · 2014-03-23, 15:55

هههههههه نسيتلك الجلفه لي رانا نصرفو منها ولبليده نروح لسوقها للي مقابل الصطاد على اللبسه

ام ياسمين10 · 2014-03-23, 16:13

ههه جلفتنا تهبل .ايا بصحتكم التحويسات والعقوبة للخارج .نخلة كيفاش علمتى ولادك يرقدو فى شمبرة وحدهم انا راه ابنى عمره 4سنوات ويرقد بيناتنا

المستغفرة · 2014-03-23, 16:14

بصحتك التحواس يا ختي يرد الروح
هذاك نحسب لماما في الولايات لزرتهم بقالي الجنوب قاتلي ماما كملي عنر راجلك هههه
نحي منو ورقلة و غرداية جلفة رحت كاشما نشري منها
ملقيناش حوايج ملاح وريني لحوانت تاع الجلفة
ولبليدة
دوك تجي ام عبودة تقتلنا قلبناهلها سياحة

imane-droit · 2014-03-23, 16:14

السلام عليكم كيفكم انتم تهدروا على التحواس و انا كنت في الحمام بردت جني فيه ه=ا وين جيت و راني راحية عند الحفافة غدوا عندي عرس بنت خالي

imane-droit · 2014-03-23, 16:16

شكون لي راهم هنـــــــــــــــــــــــــــــا صح قهوتكم

نخله. · 2014-03-23, 16:24

نحن هنــــــــــــــــــــــــــــــا

نخله. · 2014-03-23, 16:27

المستغفره

الجلفه ما نعلافش الاسماوات بصحنروحو للسونت كيما راح المدفع ونكملو تلقاي بلاصه كومرسيال انا نحب نروحلها عالى القماش هربو علينا بزاف راهو في وحد السوق يومي سقسي عيله يوروهلك انا منين ندخلها نهمل مزيا راجلي مقيدها مليح

والبليده روحي ديركت للصطاد حطو فيه الكروسه والسوق راهو مقابلو روحي للكوفار كاين تع طابل لاصق فيه بصح راكاي

نخله. · 2014-03-23, 16:31

ام ياسمين انا وليدي باه نحفزو وجدتلو شومبرا يعني كنت بالحمل الثاني رحت شريت سوبر بوزي وخزانه وتابي تع ولاد وريدو تع اولاد وتحفتلو الشومبرا باه تعجبو هاذا الاول والثاني مين لحق عام نحيتو ملبرسو درتو يرقد في سريرو فيه حديد تع الامان لخاطر ملمفروض يجي فوق السرير الثاني ونا عندي الوسع شريتهم على جال البارو للي فيهم

والصغيره مازالت عندي راني حايره وين نديرلها سرير كي نشريهلها
عندي شومبرا تع الولاد وتاعي والثالثه صغيره درت فيها الخرد ههههههههههه

ام ياسمين10 · 2014-03-23, 16:37

اقتباس:

المشاركة الأصلية كتبت بواسطة ام عبودة

ام ياسمين قاع الاولاد هكا كا يحب يرقدو ما بين والديهم
شوفي انا سمعت الوقت هذا كاين اللي ترقد ولدها في غرفة من يوم الاوال ان ما نديرهاش وخليهم يقولو واش يحبو والله يا لوكان ما يكونش لاصق فيا سريرو ما نرقد ههههههههه ميمي ماعنديش اربع شهر من خرجت سريرو من الغرفة تاعي وراهو مع خوتو بصح ما نكذبش عليك الرقدة الاولى ما بيناتنا نحطو في بلاصتو الصباح نلقاه بيناتنا وانا هذا الشئ عمرو ما يقلقني على خاطر رايح يكبر و يحكم بلاصتو ههههه وراه بالكوش ههههههههه ما نخافش
ونزيد نقولك حاجة انا من راوية حتى لميمي دايرتهم شغل بوبيات نرقدهم من مول النهار ماما وعزوجتي ظل يعيطو عليا يقولولي راكي تخنقيهم مازالو صغار بصح انا وااالو ما ناخذش الراي وراهو غير الحافظ ربي من نهاري تاع النفاس الاول نرقدهم على ذراعي ههههههههه
واليوم كبروا ويرقدو في غرفهم غير كي تكون العطلة تاع الاسبوع اوالعطل هذه نخليهم يرقدوا بحذا جداهم برك
وساير الايام الدراسية لا لا الا اذا كنت مسافرة
نحبهم يرقدو في الوقت ويفطنوا في الوقت
انا صراحة في بعض الامور نحب نكون سلسة في التعامل مع اولادي وما نحبش نتبع قاعدة ولازم كذا ولازم كذا على خاطر لحظات الامومة الاولى ما تتعوضش
مثلا اولادي اليوم يحبوا يلعبو في التراب نخليهم يوسخو ارواحهم والحالة كاملة يقلبوها اكيد انا نتعب ندوشهم ونغسل الحوايج تاع الطين وفوق من ذاك ساعات يمرضولي بصح ما نحبش نردهم كي يقولولي ما ما على وجه ربي خلينا نلعبو في التراب

اولا بصحتك المختومة والتعب نتاعها ههههه.مزية ريحتينى مالا ماكان لاه نقلق روحى نخليه يكبر ويطلب شمبرة وحدو بصح راهم يظلو يضحكو عليا قالولى بنك راجل ويرقد بيناتكم راه تروحلو طبيعة خويا المازوزى عمرو 10سنبن ويرقد عند ماما مش حابة نولى كيما هى .

ام ياسمين10 · 2014-03-23, 16:48

اقتباس:

المشاركة الأصلية كتبت بواسطة نخله.

ام ياسمين انا وليدي باه نحفزو وجدتلو شومبرا يعني كنت بالحمل الثاني رحت شريت سوبر بوزي وخزانه وتابي تع ولاد وريدو تع اولاد وتحفتلو الشومبرا باه تعجبو هاذا الاول والثاني مين لحق عام نحيتو ملبرسو درتو يرقد في سريرو فيه حديد تع الامان لخاطر ملمفروض يجي فوق السرير الثاني ونا عندي الوسع شريتهم على جال البارو للي فيهم

والصغيره مازالت عندي راني حايره وين نديرلها سرير كي نشريهلها
عندي شومبرا تع الولاد وتاعي والثالثه صغيره درت فيها الخرد ههههههههههه

شكرا حبيبتى انا تانى عندى شمبرة صغيرة دايرة فيها الخردوات ومعولة نديرها لابنى بصح الخردوات معنديش وين نديرهم ...ههه بنتك ديريها مع خاوتها وكى تكبر ربى يفرج عليك وتسكنى سكنا واسعا ديريلها شمبرة وحدها .راكى فوقتينى بوحد الحاجة مكنتش مهتمة بيها وهى الصوت العالى قدام زوجى والله والله راهم يهبلونى حتى منفيقش ونعيط عليهم وقيلة راجلى راه يقول فى بالو رانى متزوج راجل هههه ربى يهدينا ويهدى وليداتنا

نخله. · 2014-03-23, 17:35

ام عبوووووده فكرتيني فالكسره بالدوا انا ملي درتلهم المحاجب كرهولي الكسره بالدوا نديرها كي راجلي يعرض عليها برك

و ارواحي حنا قبل ما ننسى اذا تعرفي كيفاش طيبي ال ملوخيه سمعتك هدرتي عليه ولا منعرف وش سماها ذقتها مرة دارتهالنا مرت خويا بسكريه عجبتنا وهي ما حبتش تاكلها قاتلنا راني ما عرفتش نديرها ماتجيش هاك تجي احسن اهي قريب 20 سنه فالخارج نسات الطياب هههههههههه