الاخت yarasmin26 ترد على استفساراتكم هنا - الصفحة 31

منهاج · 2013-07-30, 12:00

السلام عليكم

صحا رمضانكم

الله يخليكم عانوني في قاطو بساط الريح واعطوني كمية تقطع 40 حبة وقولي ادا يحماظ ولا لانو شفت مرة فيه كرام ورانا في وقت السخانة

وكي نديره يقعد دايما في الثلاجة ولا غير يحكم روحه ونخرجه عادي

الله يخليكم عونوني فيه

wala · 2013-07-31, 13:29

السلام عليكم واش راكي الاخت ياراسمين ان شاء الله تكوني بخير وربي يحفضك

yarasmin26 · 2013-07-31, 16:22

اقتباس:

المشاركة الأصلية كتبت بواسطة && ام نرمين&&

من فضلك اختي اريد اسم نوعية شكلاطة بيضاء جيدة

الماركة اسموها { موكا} هي نوعية جيدة

yarasmin26 · 2013-07-31, 16:25

اقتباس:

المشاركة الأصلية كتبت بواسطة ayasirin

السلام عليكم ورحمة الله تعالى و بركاته صح رمضانكم اخواتي
من فضلك الاخت yarasmin26 تقدري تعطيني فكرة كيفاش ممكن نلونو السكر قلاسي عرس خويا سمانة بعد رمضان و حابة ندير لي براسلي مسكرين لكن بلون مغاير غير الابيض المعتاد

شمخي القلاصاج انتاعك بملون مضاف اليه معطر غير بشوية وخلطي وخليه ينشف مليح ثم صيريه
يوجد في المحلات تاع الحلويات سكر قلاصي ملون بلا متشقي روحك

yarasmin26 · 2013-07-31, 16:27

اقتباس:

المشاركة الأصلية كتبت بواسطة مجد الأمة

في الكثير من الوصفات هنا في المنتدى، خاصة تلك التي تحتوي على كريمة ، فيها زبدة فلوريال او ستار ، وأنا بحثت في كل المحلات ولم أجدها .. فهل عادي لو استعملت لابال او صول؟ هداك واش عندي ، وهدا المتوفر ، وهناك أيضا نوع آخر تع فويتاج

أجيبوني بارك الله فيكم

صح فطوركم وربي يجازيكم كل خير

استعملي لابال هي الخاصة بالحلويات والكريمات

yarasmin26 · 2013-07-31, 16:32

اقتباس:

المشاركة الأصلية كتبت بواسطة ام مريم اسراء

إذا ممكن اختي الكريمة تعطيني وصلة الدزيريات بجوز الهند و ربي يحفظك

دزيرات النواة كوكو
نفس مقادير العجينة والرجاء التقيد بالمقادير العجينة
الحشو3 عبار نواة كوكو+عبر سكر قلاصيواطحنيهم مع مبشور القارص+لفاني+من2الى3 بيض
الحشوة ناشفة شوية شكليهم كرات ونفس طريقة الدزيرات ويطهى 200درجة وعسليهم بعسل مخفف

لالة مريومة · 2013-07-31, 16:41

اختي ياسمين
أمي كل ماتصنع البقلاوة هاذوك الاوراق او الجزء العلوي دايما يتنحى فما هو الحل لو سمحتي؟

ابنة الاسلام · 2013-07-31, 16:57

السلام عليكم اختي يارسمين

عندي مشكل ديما يصرالي انو عجينة اي قاطو يكون فيها 250 زبدة تجيني مزيتة بزاف ونقعد خايفة نزيدله الفرينة تقسى لي العجينة ماهو الحل ؟؟

مثلااا في المشوك

ولا اللي درتو اليوم les russes

نتمنى تعطيني حل

صح فطورك وربي يتقبل منا ومنكم

said bouh · 2013-07-31, 18:21

اولا انا سيدة، شكرا على آلمجهود
عندي مشكل مع البقلاوة،مانعرفش في اي رقم تاع المشينة نحل العجينة
ايضا كي نعسلها تلصق في المول
ايضا كم نحط العسل باش متجيش حلوة بزاف

hanan18 · 2013-08-01, 02:09

السلام عليكم
اختي لو سمحتي عندي سؤال متعلق بقلاصاج الشيكولا للحلويات
ما هي الماركة الجيدة لانه كل مرة ميصلحليش لما نذوبو في حمام مائي يجي ثقيل و القلاصاج ما يجيش شباب
بارك الله فيك
صح سحوركم

amiramirna · 2013-08-01, 03:45

اقتباس:

المشاركة الأصلية كتبت بواسطة جزائرية90

السلام عليكم من فضلكم حبيت نسقسي كيفاش نحفضوا المقروط (تاع الغرس) باش ما يفسدش نعسلوه و نخبوه و لا نخلوه هكداك بلا تعسال ارجو الاجابة و صح فطوركم و صح عيدكم:d.

حبيبة جزائرية حنا نديروه ناشف فطبسي العشاوات '' جفنة عندها غطاء بالاينوكس '' و لما نحبو ناكلوه نعسلوه

اقتباس:

المشاركة الأصلية كتبت بواسطة hanan18

السلام عليكم
اختي لو سمحتي عندي سؤال متعلق بقلاصاج الشيكولا للحلويات
ما هي الماركة الجيدة لانه كل مرة ميصلحليش لما نذوبو في حمام مائي يجي ثقيل و القلاصاج ما يجيش شباب
بارك الله فيك
صح سحوركم

انا تستعمل موكا و لازمك تزيديلو القليل من الماء و تخلطيه جيدا

عذرا سيدتي يارا يسمين جاوبت في مكانك
و انا من متتبعات وصفاتك تعجبني و كلها ناجحة ما شاء الله خاصة النصائح جد قيمة ربي يجازيك كل خير

said bouh · 2013-08-01, 04:07

اولا انا سيدة، شكرا على آلمجهود
عندي مشكل مع البقلاوة،مانعرفش في اي رقم تاع المشينة نحل العجينة
ايضا كي نعسلها تلصق في المول
ايضا كم نحط العسل باش متجيش حلوة بزاف

شوشو 11 · 2013-08-01, 11:38

صح صيامكم اخواتي
حبيت اعرف الطريقة الصحيحةلتدويب الشكولا وبدقة
على خاطر مرات تجيني شغل سايحة او فيها حبيبات

شكككككرا

نانا الحيرانة · 2013-08-01, 14:59

سلام عليكم

صحا رمضانك أختي وكل عام وإنت بخير

حبيت نسقسيك على المعطرات اللي تستخدم في الكريمات تاع الحلوى مثلا كريمة الزبدة

كي نتذوقها في التورتات تاع المحلات الفاخرة يكون طعمها رائع كأنه طعم اللوز أو البندق

وتكون ناعمة وخفيفة مثل القشدة

ياريت لوتفيديني وربي يجازيك كل خير

hamsa1987 · 2013-08-01, 15:27

السلام عليكم

ما هي الطريقة اللي راكم تستعملوها لتقشير الكاوكاو ما عدا تحمروه في الكوشة ؟