الجزء 26 من واش طيبتي اليوم - الصفحة 31

إلهام07 · 2013-09-07, 12:43

الحمد لله جابلي السائق الدواء بعد ساعتين حتى قريب خرجت روحي وضرك راني والحمد لله لاباس والله زارتني الموت

في العرس ما حبوش يروحو لصقو ومالقينا وين نرقدو كي العادة الفوحل يخطفو الفراش المخير والوساد والغطاء المخير ولالاكم تبات راقدة في الكولوار فوق السجادة متوسدة منشفة ومغطية بأي قطعة ملابس وخلاص
جنابي وظهري طارو من رقاد الأرض وتعرفو في الليل البرد
المهم إن شاء الله اليوم يروحو ونتهناو كل يوم يقولو غدوة نروحو

المهم تغديت فريت واسكالوب وسلطة وقازوز والحمد لله

وشوية نحطلكم شوية الصور اللي قدرت نصور

ساندي 28 · 2013-09-07, 12:44

بصحتكم غداواتكم
اختى نور ايناس بصحتكم الفارمسال عجبتنى ممكن طريقه نتاعك ممكن نديرها

ساندي 28 · 2013-09-07, 12:49

اقتباس:

المشاركة الأصلية كتبت بواسطة ام ساجد

الهام الف مبروك لاختك ولعقوبة ليك
ام نجم يعطيك الصحة عجبتني فكرة الحفلة هذا يدل على اهتمامك باولادك
ام ابراهيم مبروك لوليدك ربي يوفق
ام ياسو عجبتنب فكرة حاجة بالخميرة باش يجي فايض في القراية مليحة انما الاعمال بالنيات ربي يتقبل منا
درك نعاندك ونعمل سفنج تاع حنان راو عجبني ويبان ساهل

اهلا بالغاليه ام ساجد توحشنا طلتك
ربي يخليك هدا لطف منك
بالنسبه للسفنج غيرتنى بيه ام ايراهيم جربتو البارح درت كميه صغيرة طلعتلي 7 حبات تقريبا بنين بزاف حتى زوجي عجبو قالولي غير شويه ههههه اكيد نعاودو وبكميه اكبر ديريه راه هايل وطبعا نشكرو صاحبه الوصفه الاخت حنان
الهام الحمد لله الي رجعتى وشفيتى ربي يكون في عونك التعب والخدمه ابقاي معانا وانسايهم هههه

إلهام07 · 2013-09-07, 12:52

الله يبارك فيكن جميعا حبيباتي شكرا
ماتخمموش لوكان نتخطب نوزعلكم الخدمة كل وحدة ديرلي نوع نتاع قاطو وأم ماجد وياسو نجيبهم يطيبولي الغداء نتاع العرس خخخخخخخخخ

أم ماجد واش أخبار الدلال الغداء فيها ولا مافيهاش :d

ام ساجد · 2013-09-07, 12:53

يتوحشك الخير ام نجمو ربي يخليك
مادام عجب زوجك يسمى راو 4444444 لان الرجال ما تعجبهمش اي حاجة شكرا حبيبتي

ميمنة الجزائر · 2013-09-07, 12:57

ام ساجد جربيه وما تندميش انا معتمدتو عندي بزااف احسن واسهل وابن سفنج

ام نجم بصحتك السفنج حتى انا درتو البارح

اليوم غدايا حميس وفريت

الهام افحالي شوية يعني قبل العرس ديري درا خبيه ليك ومخدة قبل لا يصدم عليكم الجراد وربي يفتح عليك بزوج صالح عاجل غير اجل

ونجيو نباركولك

أم ماجد · 2013-09-07, 12:58

ام ساجد السفنج وحتى لغرايف ديريه راهو اكلة مباركة وعن تجربة
ماجد وصلاة درتلهم يقراو 444444444444444444444444وروزا مادرتش لظروف طارئة هههههههههههه متوسطة ههههههههههههههه
يعني ديري على ضمانتي
الهام الشيخ قال راني جايب الغدا جاهز
ازربي بالصور اليوم في المساء نبدا نعاون في القاطو رايحة ندير غريبية ونشوف

مرام 1987 · 2013-09-07, 13:03

ام ماجد بصحتك الغدا الجاهز غير ابعثيلي شويا هههههههه

nour inasse · 2013-09-07, 13:10

اقتباس:

المشاركة الأصلية كتبت بواسطة إلهام07

الحمد لله جابلي السائق الدواء بعد ساعتين حتى قريب خرجت روحي وضرك راني والحمد لله لاباس والله زارتني الموت

في العرس ما حبوش يروحو لصقو ومالقينا وين نرقدو كي العادة الفوحل يخطفو الفراش المخير والوساد والغطاء المخير ولالاكم تبات راقدة في الكولوار فوق السجادة متوسدة منشفة ومغطية بأي قطعة ملابس وخلاص
جنابي وظهري طارو من رقاد الأرض وتعرفو في الليل البرد
المهم إن شاء الله اليوم يروحو ونتهناو كل يوم يقولو غدوة نروحو

المهم تغديت فريت واسكالوب وسلطة وقازوز والحمد لله

وشوية نحطلكم شوية الصور اللي قدرت نصور

بصحتك الهام لغدا وربي يجيبلك الشفا اما الضياف معليهش درك يفووت كلش

اقتباس:

المشاركة الأصلية كتبت بواسطة omnadjem.10

بصحتكم غداواتكم
اختى نور ايناس بصحتكم الفارمسال عجبتنى ممكن طريقه نتاعك ممكن نديرها

من عيوني حبوبة نوجد صوص حمرة ناشفة شوي
طرف دجاج تقليه في شوي زبدة ولا زيت مليح + حبة بصل كبير ةأو 2 متوسطين مرابيين في الرقيق انا نستخدم الروبو
خليهم يتقللو مليح وزيدي 2 حبات طماطم مرحية و مغرف طماطم مصبرة ملح فلفل اكحل وراس الحانون و2 ورقات رند وكمشة حمص ومرقي بماء 2 كيسان كبار وأقفلي الكوكوت شوي قيس مايطيب شوي الدجاج نحيه وحمريه في الزيت اما المرقة اقفلي عليها الكوكوت حتان تنشف شوي تجي صوص عاقدة وخاثرة
الفارميسال انا ندير ساشي نديرلها شوي زيت كيما البربوشة ونفورها ومبعدا نرشنها مليح ونخليها تشرب نزيد نفورها ونحطها ديريكت في الصوص نجمرها وطفي النار وزيديلها ملعقة زبدة وأقفلي عليها عشر دقايق تلقايها شربت الصوص وناشفة تهبل تجي بنينة.

[quote=إلهام07;1054274220]الله يبارك فيكن جميعا حبيباتي شكرا
ماتخمموش لوكان نتخطب نوزعلكم الخدمة كل وحدة ديرلي نوع نتاع قاطو وأم ماجد وياسو نجيبهم يطيبولي الغداء نتاع العرس خخخخخخخخخ
الهام حبيبتي عليا القاطو خطيك انا نديرهولك

ام ساجد · 2013-09-07, 13:12

ميمنة الجزائر وام ماجد شكرا لكما ان شاء الله نعمل اكيد
ام ماجد ماكانش كيما الحاجة العربي صح كلها براكة

faizarbh · 2013-09-07, 13:19

صحا فطوركم عزيزاتي واش راكم توحشتكم بزاااااااااف بزااااااااااااف
ان شاء الله كي كنت غايبة ما تكونش فاتتني حاجة شابة ههههه يعني كاش اكلة درتوها و انا ما شفتهاش
المهم راني جبتلكم واش طيبت اليوم
درت سرين بأنواعه فاغسي و تونة و مشوي و سلطة فلفلة مع طماطم و زيتون

صحا فطوركم أحبتي

إلهام07 · 2013-09-07, 13:20

أنا والله العظيم مع الوقت عداتني أم ماجد وليت كل ما نفكر في حاجة نتاع فرح نقوللهم هاتو نديرلكم غرايف هههههههههه زعمة نفوخ بروحي وليت نعرف نديرهم خخخخخخخخخخخخ
والله فرحانة بزاف كي تعلمتهم تنحالي ضرك الرهبة من أي حاجة حاسة روحي نقدر نتعلم كل شيء
والله يا ام ماجد غير راكي درتي فيا حجة ربي يكتبهالك في ميزان حسناتك

ميمنة الجزائر · 2013-09-07, 13:21

ام ماجد بصحتك الغدا وربي يحفظلك زوجك من كل شر يارب

أم ماجد · 2013-09-07, 13:26

اهلا ام الفوز فاتك الكثير حبيبتي
ميمنة الله يخليك ويحفظلك زوجك وعائلتك اختي
الهام رايحة تربحي عليه ان شاء الله راني ننتظر في صور التطبيقات تاعك اذا ارتحت شوية حطيهم اليوم موضوع للاستفادة ونحوس على التشاراك تاعك بالتفصيل اذن لازم موضوع هههههههههههه
حلوى التاج عجبت الناس ؟
ويناه القاطو اللي عجبهم كثير عاونيني يعاونك ربي بنت اختي راهي متكلة

إلهام07 · 2013-09-07, 13:30

ربي يخليك نور إيناس خلاص مع أت قاطواتك ملاح الله يبارك نخرجلهم قلوبهم ههههههههههههههه

واش هذا فايزة جاتك حمى السردين ولا كي سمعتي بقصة موسوعة السردين راكي توجدي في روحك

ميمنة والله ماني فحلة خلاص نحب ديما نكبر بالضيف بصح ضيافنا ماهمش نتاع كبرة خلاص

أم ماجد الصور راني نحمل فيهم بصح والله غير حوايج جد عادة الله غالب لا معاونة وزيد الميزانية جد ضعيفة هذي المرة