اهلا بكن في الجزء *145* من كوزينتنا¨¨عيد اضحى مبارك¨¨ - الصفحة 31

ام ساجد · 2015-09-22, 08:29

ام تاجو لا فحلة لا والو ايديا مربطين يا لطيف من البارح وانا مذوبة السمن للغريبة وعجزت عليها

غدانا اليوم لوبيا ومطلوع ايا سحتوني نروح لاشغالي راي جاتني العين

ام فراس اصيل · 2015-09-22, 08:29

اقتباس:

المشاركة الأصلية كتبت بواسطة sabrina206

السلام عليكم و رحمة الله و بركاته
ما شاء الله على بنات بلادي فحلات الله ابارك فيكم و في أهاليكم
أختي أم فراس نضن الوصفة ألي راكي تحوسي عليها للأخت أم ماجد شوفي في قوقل أكتبي كروكي الشطرنج راه هايلللللل
أختي الغالية أم محمد تاج ربي يعطيك وقفة ساهلة و يعطيك طفل سليم معافى و تقر عينك بيه و الطمينة راه برب ان شاء الله راح تطيب في كل بيت من الفرحة أنت بس بشرينا تستهلي كل خير عزيزتي
تحياتي للكل و ربي يوفقكم و نهاركم سعيد أخواتي

يعطيك الصحة اختي سهلتي عليا شكرا بزاف

Simassim · 2015-09-22, 08:30

البنات ليزا حطت وصفة مربعات !!!. خصني قاطو تاع ليموت ساااااهل ماعندي وقت للقلاصاج والزواق.

ام ساجد. دايما عندي القش بالزايد. نخليه بالتيكي. اذا يكتب لولادي يلبسوه. سينو. نمدو جديد. بصح مانعرف اذا يجو قدهم او لالا.

واهم حاجة. عندي القميص والبليغة والطربوش. :-). تفكرت نقولو يجيبلي بالونات نلعب بيهم.

ام ساجد · 2015-09-22, 08:30

امبن عزيزتي ام تاجو تسلمي حنونة ؤرلي يسلكك على خير وتتهني

باي لبنات

عطرالذهب · 2015-09-22, 08:31

السلام عليكم ورحمة الله
واحلى صباح يوم موفق للجميع
سماح الف مبروك الكوزينة ويارب في هاذالايام المباركة ربي يرزق كل محروم من ولد او صحة او مال ويشفي مرضانا ويهدي بالنا ويهدينا الى الطريق المستقيم
ويعطيكم الصحة يالحراير والله شيء مشرف انو بناتنا ونساءنا الله يبارك لفحولية والشطارة من طيابات وحلويات وتنضيف اهتمام بالاولاد والزوج ربي يجعلها في ميزان حسنات كل وحدة فينا
البارح هزيت روحي بالسيف ورحت خدمت صابلي الكابريس وصفة من الفايس خرجلي روووووووعة والبنة مانحكيش والله خرافة رغم بساطتو وزينتو قلت نتهنى منو مانحبش نخليه على النص
واليوم راح نخدم المقروض راني بسست الدقيق وبعد الظهر نقعد عندو ياقاتل يا مقتول ههههههه
راني شفت كلش بالصح بقى في بالي حلويات ام اسلام روووووووعة ربي يبارك وقطايف وصابلي ام ياسو وصابلي القارص تاع ام جوجو وميني تاغطولات تاع ام وابنة ووووووحلويات حنان والتحلية المغرية وبالطبع كروكي وطيابات عزوفة الرائعة واللي نسيتها تسمحلي والله عن غير قصد
ام تاجو واقيلا تستني تشبعي شوا ومن بعد تروحي تولدي ربي يجيبلك سويعة ساهلة وادعيلي وانت فوق الطابلة ربي يسهللي راني من ضرك حاكمتني الخلعة
عقروبة او سيندريلا سايسي على روحك حنونة الصحة ماتتعوضش وكي عندك لبنات خدميهم معاك والله ينفعو وقت اللزوم
نسييييييييييت السروال طاي 40 تاع وائل هههههه يلبسو ان شاءالله بالصحة ولهنا ويارب تشوفيه عريس يا روضة
ليزا بصحتك الميناج والصابلي وابعثيلي لمرا تعاوني شوي
واقيلا حتى انا تعلمت نكتب جورنال بالصح ايدي نملو عليا ههههه

أم محمد تاج · 2015-09-22, 08:34

اللهم آمين صبرينة حبيبتي والله فرحت بدعائك وكلامك الطيب ياطيبة الله يحفظلك كل عزييز وغالي يارب
الله يعينك ام ساجد يالغالية
غرييبة اليوووم لعزايز مابانوووووووش????? نشالله خييير
نخليكم حبيباتي في امان الله

ام عبدو و ملاك · 2015-09-22, 08:38

صباح الخير يا وجوه الخير
لبنات اللي سقسيتو على شيخي ربي يعيشكم راه لاباس بصح ما نعرف يخرج اليوم ولا لالا
البارح درت صابلي في مول السيليكون بعجينة ام اماني تاع قاطو نص بنص الدوق يهبل بصح ما زال ما درتلوش الشيكولة راني عيانة
بالاك لعشية نزيد كروكي و خلاص و الحمد لله
غدايا بطاطا مرقة من البارح و نزيد عليها بيضات مقليين و خلاص
اللي يدخلو ورايا كامل صباح الانوار

أم محمد تاج · 2015-09-22, 08:39

ياعمري جيت خارجة لقيت جرنال عطوووورة ههههههههههه الله يعطيك الربح وراح ندعيلك يالغالية وعد مني نشالله نتفكركم كامل وحمستيني على صابلي الكابريس حنوونة في عقلك حطيلي الوصفة وبصحتكم المقروووض سيد المائدة وربي يسهلك ويعطيك وقفة ساهلة يارب انت وكل الحوامل لي معانا ولي يارب

حقة روضة الغالية غيرني سروال وائل لي راح يرووح للخياط ياعمري يلبس بالصحة ولهنا قطقوطي

المعلمة حنوووونة الله يشفي شيخك ويعافيه يارب وماضنيتش يخرج اليوم عملية القلب صعيييبة

أم ياسين الزهراء · 2015-09-22, 08:44

احلى صباح

راني مبكرة ياام عيدة برك مانشعلش الميكرو وزيد جاتني العين يافرحتي 3 ايام وهي ماكانش مزية مع فرغو السيترنات جات العين شوي ميناج خفيف لان اجلت التسياق لغدوة خير كشما يعاونوني البنات بديت نعجز صح

عطر كوراج مع تبداي المقروض يسهال هك انا نعجز على حاجة وكينبد شكون يحبسني

نزنق شوي ونتقرعج

روضة ادا مالقيتيش سروال لوائل نسلفك تاع ياسين اللي شريتهولو هدا العيد هههههههههه

عطرالذهب · 2015-09-22, 08:47

ربي يخليك يا ام تاجو على الدعاوي الزينة وصابلي الكابريس راهو روووووعة تاع الصح
تذوبي60 حبة كابريس مع فنجال حليب و250غ زبدة في حمام مائي
بعد مايذوبو خليهم يبردو واضربيهم بالخلاط مليح حتى يولو كريمة ضيفيلهم 2 صفار بيض وكاس نشاء وملعقة صغيرة خميرة الحلوى وشيحي بالفرينة تتحصلي على عجينة ناعمة تشكليها صبيعات خشنيهم شوي على خاطر مش راح تلصقي زوج مع بعض وماتخافيش راه يجي خفييييييف من الداخل
بعد مايطيب اغطسيه من طرف بشوكولا بيضاوالطرف الثاني بشوكولا سوداء وخلي فراغ في النص يعني الحبة على الطول ثلث اسود وثلث بلون العجينة وثلث ابيض واخدمي خطوط بالشوكولا البيضاء واعكسيهم بالشوكولا السوداء
الكمية جابت 45 حبة كبار كل واحد يخدم على حجموو هههههه

باسم وبيسان · 2015-09-22, 08:51

اقتباس:

المشاركة الأصلية كتبت بواسطة أم محمد تاج

الله يسلمك ام ساجد ويعطيك صحتك ووالدي الغالي راه يتحسن ولله الحمد والمنة وربي يحفظلك والديك حنووووونة
ام باسم تبارك الله على المريوة لي في التوقيع ربي يحفظها هي وخوها والروبة تاعها ماخلات فيا

ويحفضلك ماعندك ام عينيك لى ملاح يشوفوووو كلش مليح ربى خليك حبيبتى

عطرالذهب · 2015-09-22, 08:51

اهلين ام ياسو وبصحتك العين نحن تجينا نهار الجمعة بالصح الحمد لله عندي 2 ريزيرفوار ومعمرة لبادين في الحوش لزوم الذبح
والقاطو هاذ المرة والله مش كسل وانما مريضة والطبيبة قالتلي لازمك الراحة التامة راني غير نسايس في روحي لانو مازالت الطريق قدامي طويلة

عطرالذهب · 2015-09-22, 08:53

ام باسم وبيسان واقيلا شفتك قبل كنتي معانا في الكوزينات الوالى وشاركتي في مسابقات تاع اجمل طفل او اجمل كسوة عيد ونشفى على روحي صوتتلك على وليدك البوقوص ربي يحفظو هيا سلكيني ههههه
نضحك برك ومرحبا بيك معانا من جديد

ساندي 28 · 2015-09-22, 08:53

صباح النووووور

باسم وبيسان · 2015-09-22, 08:55

اقتباس:

المشاركة الأصلية كتبت بواسطة عطرالذهب

ام باسم وبيسان واقيلا شفتك قبل كنتي معانا في الكوزينات الوالى وشاركتي في مسابقات تاع اجمل طفل او اجمل كسوة عيد ونشفى على روحي صوتتلك على وليدك البوقوص ربي يحفظو هيا سلكيني ههههه
نضحك برك ومرحبا بيك معانا من جديد

صباح الخير حنونة كنت فى كوزينة بلاك لا مخانتنيش الداكرة دائمة الحمد وربى يخلييييييك على التصوووويت حبيبتى ربى يحفضك وهنيك واش سلاكك حنونة هههههه