اقتباس:
المشاركة الأصلية كتبت بواسطة أمل أميرة
السلام علكم
علابالكم انا مترشحة حرة للباك جوزتو شحال من خطرة وضيعت شحال من عام والعام هذا اوسي ملي بدات الكورونا والله ماقريت فاللول كنت ماشية شوي فالحفظ والا فالمواد الاساسية وحتى اللغات كنت نراجعهم من اول العام لكن ملي بدات الكورونا يعني قرابة ست اشهر ماقريت والو غير نضيع في وقتي والسمانة لي فاتت حبيت نرجع كيما قبل لقيت روحي نسيت كلللللللللللللللش نسيت بمعنى الكلمة وراني غير نراجع فالدروس مالاول حتى الحاجات البسيطة جدا نسيتها مثلا بديت فالمناعة مع الاستاذ شاوش ولدرك ماكملهاش هو وانا راني غير ماشية معاه برك والمواد الباقيين مازال ماطليتش عليهم والحفظ حدث ولا حرج راني عاقلة غير على نتائج الحرب الباردة... مش حابة نزيد نضيع عام اوخر من حياتي كرههههههههههههههت بمعنى الكلمة وتعبت من كلش كل عام والديا يستناو وفالاخير مايلقاو حتى نتيجة نهار نشوف فاليوتيوب يقلك لازم تكون عندك ارادة وحب للنجاح وووو مافهمتش من واين نجيب الارادة نحب انوض نحفظ الصباح لكن مانقدرش مش مالنعاس لا بالعكس والله نكون في احسن حال الحمد لله لكن نبقى ناجل درك مازال غير شهرين وكلش متراكم عليا ساعات نقول نحرق جد بوها كامل ونبدا في مشروع ما ونتهنى لكن من جهة مش حابة نتخلى على حلمي حابة نفرح والديا ونفرح نفسي ونثبت لنفسي وللجميع بلي قادرة عليها لكن يبقى المشكل كيفاه ندير والوقت مش حا يكفي لوكان نبقا بالوتيرة هذي نجيب اسبوع كامل في مادة وحدة ووحدة وحدة ومانكملهاش راح يلحق سبتمبر وانا مازال فالاول صديقاتي كامل ماشاء الله عليهم كاين فالطب كاين فالمدرسة العليا كاين لي تخرجو وانا مازال نعاود فالباك علابالي العمر مش عائق لكن كي تشوف لوالديك كيفاه يستناو في فرحت نجاحك باعلى المعددلات وبتفوقك تقول لازم باذن الله نوصل في خاطرهم كي تشوف وجهم كيفاه نهار لي يسقسيوهم عليك واين وصلت بنتك ولا واين وصل وليدك يقولو لدرك تعاود فالباك ويقولولها ااه بنتي تخرجت ولا ولدي..ولا يقولولهم بنتي راهي تقرا طب بنتي مهندسة بنتي معلمة بنتي تخرجت وليدي قرا مع بنتك ومازالو عام ويتخرج ولا عامين .......كي نسمع الهدرة هذي نحس قلبي يتحرق يا ربي علاه علاه هكا ياربي سامحني مي راني تعبت حابة نلحق ونتهنا حابة نفرح ماما حابة نشوف نظرة الفخر على وجه بابا راني نحب نقرا ونحب نتعب كيما الناس لكن ماقدرتش نحب ندير لي نوي بلونش نحب نقرا ونتعب كيما كامل الناس لكن ماقدرتش نقرا نص ساعة نلقا روحي نتفرج في فيلم ولا نشوف لي فلوق ولا حاجات تافهين فاليوتيوب راني عايشة فالاحلام نقول نقرا ونتخرج ونخدم وندير وندير وندير ونفرح والديا نخليهم يفتخرو بيا لكن ماقدرتش تقهرت وكرهت راني نكتب ونبكي حااااااااااااااااااابة نقرااااا حابة نتعب حابة نفرح
من فظلكم اقترحوا عليا ايي حاجة نقدر نديرها باه نقدر نقرا انصحوني اي نصيحة بالاك تشوفوها تافهة لكنها قادرة تفيدني دعيولي في صلاتكم دعيولي في قلوبكم ربي يهديني ويوفقني ونرجع نقرا مش لازم تردولي دعوة من قلبكم وفي قلبكم ممكن توصلي ربي يوفقكم جميعا ويسهللكم اموركم ويرزقكم الفرحة لي راكم تستناوها
|
اهلا أمولة حبيبتي انشالله راكي لاباس دكا؟
شوفي نقللك حاجة راكي قوية وبزززاف اكبر دليل هذا لموضوع والله لي درتيه مزال ماشية لدكا وانشالله نزغرتو قاع هنا تزغردت الفرحة انشالله قاع تجينا هذا الاحباط بصح لازم نكون صابرين ونقدرو نتغلبو عليه اذن المولى اخطيك من سلبيات وخمي غير في الاجابيات وربي يرزقك الفرحة انشالله رانا معععععاك كامل ندعولك ما لازمش نفشلو ونكون ايد واحد كامل نفرحو ونربحو مع بعض ونتفكرو هذا لحظات الجميلة اما بالنسبة لي تأخر في لمواد شهرين تقدرين فيهم تحقق المستحيل توكلي على ربي برك كلشي يسهال
كلللللنا أمولة بون كوغاج