الى ام اسيد1 وكل وحدة حاصلة واش الطيب

[أم الحبايب 26]

على سلامتك غزالة راكي انتي وام حمزة ترودو على كل واحدا رلبي يحفاظكم لينا
بنتي كوزينا كثراتها فيها تحب طيب ملي كانت صغيرا طايب لبلا نتع ظورك انا نرود غير شوربا
كما قالت لوستي نتيا راكي تعاوني فيها مشي هيا تعاونك مواعن نتع فطور انا نخامل وهيا تحب تغسل متحوباش نعاوانها صدفات وين راهم ادعيا نتاوعك قلتلي نكتابهم فصافحا واحدا رابي يجازيك
صحا فطوركم كامل

[ام حمزة22]

صح فطوركم
ربي يحفضك ياحبيبو ويخليلك بنتك وجميع وليداتك وتفرحي بيهم

[ام سوهيل]

مساء الخي وصح فطوركم دخلت على زغريت غزالة الله يدوم الافراح

ام الحبايب اله الف الف مبروك لوليدك ربي يحفضه وتشوفيه في المناسب العليا وعقوبة لزغريت زواجه ان شاء الله

[ام حمزة22]

اهلا بيك ام سوهيل واش راكي
صح فطورك

[روح مراد]

صباح الخير عليكم اليوم و لأول مرة راني جيت بيديا حاجة حلوة لازم نبدا بيها باش نبقى حلوة هاهاهاهاها
هاذي بسبوسة اللي درتها للسهرة لسلفتي بالجمعة و النوع الثاني قاطو كنت درتو قبل رمضان كتجربة و خرجلي ذوقه هايل

[صدفات]

اللهم إنا نسألك في هذا الصباح أن تجعل رمضان غافرا لذنوبنا،ماحيا لزلاتنا،مغيرا لأنفسنا

اللهم إنا نسألك أن تجعل هذا اليوم يوم خير علينا ،و بشرنا فيه ببشارة خير و اجعل لنا فيه

الراحة و التوفيق ،و ابعد عنا فيه كل ضيق .

آمين

[روح مراد]

صباح الخير صدفات آمين يا رب العالمين

[صدفات]

صباح الخير يا وجوه الخير
كي راكم وكي راهم عايلاتكم مع رمضان إن شاء الله لباس
أم حمزة حبيبتي طياباتك ما شاء الله راني شفت الموضوع و اليوم إن شاء الله نحطلك رد
روح مراد يعطيك الصحة كلشي شباب ربي يبارك فيك و العرضة إن شاء الله فاتت مليح
أم الحبايب حنونتي و الله مالهيت با نكتب لك الأدعية هذا كتاب فيه بزاف كاين لي حفظتهم و كاين لي مازال المهم وعدتك و ما نخلفش
صبري عليا برك.
أم سوهيل كي راكي و كي راهم وليداتك و ميمتك .
أم جابر حنونتي كي راكي هذا إسمك الجديد
غزالتي كي راكي ما هو جديدك خفي قوليلي راني صورت كامل طيباتي كي نلقى الوقت نحطهم
حبيباتي كل وحدة بإسمها سلامي الحار و قبلاتتي و تمنياتي بالتوفيق و القبول في عباداتكم و أعمالكم
لا تنسوا مع كل عمل تؤدوه أن تقولوا هذا لك يا رب فمن رحمة الله بنا حتى واجباتنا تجاه أولادنا و أزواجنا هي ثواب و أجر.

[روح مراد]

العرضة فاتت مليحة بسيطة و مريحة في الحقيقة رانا عايلة وحدة برك الوقت هو اللي خلانا غرباء
المهم طيبت الشربة و البوراك و سلاطة و الفلفل و درت الجاج محمر في الكوكوط خرجلي بنين و البطاطا في الفرن محشية و الديسار كان دللاع و برقوق و خوخ و في السهرة حطيت كريم ديسار و شاي و بسبوسة و إلى اللقاء

[أم الحبايب 26]

صباح لخير عليكم يا وجوه لخير يعطيك اصحا صدفات على ادعيا رابي يحا فظك غزا لة يعطيك اصحا عل زا غروتا ر ابي يفا رحك بوليدا تك ام سهيل يسالمك را بي يفارحك ب سوهيل عقوبا ل ا م هدول ر ابي يفارحها هيا ثاني روح مرا د بصاحتك عار ضا ام حمزة يعطيك اصحا على ا طبا ق ل تقادمي فيها هيا فمتناول ا لجميع
عجابني كغاتن نتع بطاطا ان شا لله لكتب را بي نديرو يوم راني ر ايحا ندير حوت على طر يقة ام حمزة
حبيت نساقسيكم يلبنات على بسبوسا شحال من وا حدا شتها طيبتها عهذوك قوالب انا ندير فيهم غير
طومينا روح مر اد شتك ثاني طيبتي فيهم ب سبوسا منا عرف لهما نفس قوالب ولا لالا
ر ابي يقا دركم على كوزينا يلبنات سلا مي ليكم كل وا حدا باسمها

[روح مراد]

صباح الخير أم الحبايب واش راكي
أم الحبايب هاذوك القوالب نفسهم نتاع الطمينة تقدري تستعمليهم في عدة استخدامات
أنا ندير فيهم بسبوسة باش ما نكسر راسي ما نقطع ما نحط ديريكت كل واحد يحكم وحدة
موالفة نديرهم في قوالب اصغر بالصح هاذ المرة ماكانش عندي درت في هاذو تقدري تستعملي حتى قراتان فردي فيه أو تحليات و تفرغيهم من بعد

[ام سوهيل]

صباح الخير للجميع وش راكم

صدفات يسال عليك الخير حنونة وراني في انتضار الصور

روح موراد عجبتني القاطو هيلة

ممكن تعطيلنا الوصفة
ام الحبايب وش رلكي

غزالة وام حمزة مزال مطليتوش اليوم راكم مع القضيان ربي يعينكم

هكو بعض من اطباقي الي قدرة انصورهم

هادي شوربة بي الطماطم هيلة كيى كون عندي الوقت انحطلكم الوصفة




وهادي بطاطا بي خليط الاجبان




وهادي طجين الجلبانة بي اعشاش البطاطا المحشية روعة




وهنا عند التقديم




وهدي اضرفة الدجاج محشية بي الحبن الوصفة اخدتوها من المنتدى



وهدي سلاطة بي الخضر والتون



وهدي سلاطة

[mon espoir]

سلام الله عليكن يا حراير الجزائر..توحشتكم برشا..رمضان مبارك..تقبل الله جميع طاعاتكم.. ادعولي بالشفاء العاجل.. عندي 45 يوم ملي أجهضت و مازال ما ارتحتش الله يرزقكم ما تتمناوا..تحياتي للجميع.. احبكم فى الله

[ام سوهيل]

وهادي شامية تاع اغزالة







روعة يعطيها الصحة ولله غير مزال مشرينا شمية من برا

وانا نكل وندعي لغزلتي ربي يحفضها ويشدلها في وليداتها امين

[غزالة الصّحراء]

المشاركة الأصلية كتبت بواسطة أم الحبايب 26

على سلامتك غزالة راكي انتي وام حمزة ترودو على كل واحدا رلبي يحفاظكم لينا
بنتي كوزينا كثراتها فيها تحب طيب ملي كانت صغيرا طايب لبلا نتع ظورك انا نرود غير شوربا
كما قالت لوستي نتيا راكي تعاوني فيها مشي هيا تعاونك مواعن نتع فطور انا نخامل وهيا تحب تغسل متحوباش نعاوانها صدفات وين راهم ادعيا نتاوعك قلتلي نكتابهم فصافحا واحدا رابي يجازيك
صحا فطوركم كامل

أهلا ومرحبا بأم الحبايب وستّ الحبايب. ياحبيبة ربّ ايدوّم أفراحك. ماشاء اللّه على بنتك رّبي ايخليهالك. خليها تتعلّم هذا رايح ينفعها مادام راهي في العطلة. وأنت ريحي اشويا . واعطيها فقط النصائح والإرشادات. أمّا عن الزغاريد حنونتي تستاهلي أنزغردولك لوكان جيتي أقريبة كنّا ندخلوا عندك ونفرحولك بطريقتنا. المهم الفرحة عمّت دارك ربّي ايدومها. صحّ فطوركم كامل.