موضوع مميز نتائج مسابقة الجمارك الجزائرية 2012-2013 ( إعلان النتائج) - الصفحة 306

drazice · 2012-12-26, 22:33

..............

بحر القوافي · 2012-12-26, 22:37

أخي Buffalo
والله الرسمي الأن مازال
لكن لما تقرب نخبرك
التصحيح قد فرض المدير المركزي على الاساتذة أن يتم في اسرع وقت أي لو أمكن أن ينتهون منه قبل الدخول المدرسي
و بالأكثر في قبل نهاية جانفي و القائمة لا تاخذ إلا 4 أيام بغد المصادقة
و لكن يتحفظ عليها عند ثلاث أشخاص و من يسربه فقط شخص أو مسؤول واحد ...و هكذا
وعد مني سوف أخبرك بكل جديد
و هي لن تتأخر كثيرا ان شاء الله
و لو أنت مشارك فيها فقط عندما تظهر في المديرية العامة
سوف أحاول أن أتي بنتيجتك
وعد ما دمت حيا...لن ابخل عليك بشيء

Buffalo · 2012-12-26, 22:44

يعطيك الصخة خويا .

و الله ماراني متحمس ليها نعترف باني ما خدمتش مليح . خاصة في اللغات ما درت والو . ببساطة اعطاونا انجليزية صعبة بزاف . و مصطلحات اقتصادية . مبهمة و تعجيزية بعدما طاح السؤال في الفرنسية على رمزين مبهمين و غير مفهومين

المهم بارك الله فيك اخي الغالي على هاد المعلومات

بحر القوافي · 2012-12-26, 22:45

فقط للتوضيح
من يأتوني بالأخبار هم اقارب
قريب هو إطار و الأخر مفتش رئيسي
و أستخبر فقط لاجل صديق لي دفع مفتش رئيسي
و قد إجتاز الامتحان و هو زوالي ما عندو حتى معريفة
و معول على ربي
و أنا فقط أتيه بالاخبار و حتى فاميلتي قالهالوا ديراكط
ما نقدرش
راهي أصعب مما تتصور علي
و راهي بيد الكبار....و هذا زعما اطار كبير لكن الحاشيءة تاع المدراء المركزيين و العامة ما خلاوا والوا...
المهم باه ما يروح بالكم لحتى بلاصة فقط افعل لاخير و كي اريحكم
و سوف أخبركم بكل جديد
و لمعلومة أخرى....
نتائج الكتابي سوف تخرج بالترتيب
1-مفتش رئيسي
2-مفتش عميد
3.عون رقابة
4-عون حراسة
5-ضابط فرق
و الله المستعان...و التوكل لا يكون إلا على المولى

بحر القوافي · 2012-12-26, 22:50

خويا أتوكل على ربي
و خلي إيمانك بربي كبير
قلتلك راهي فيها النسبة الكبيرة بلا معريفة
و كما قال لي صديقي لي عقب كيما أنت
ان اللغات ليس فيها نقطة اقصائية و ان المالية هي كل شيء و بعدها الثقافة
ما تدريش المكتوب واش يخبيلك
قع لي نجحوا لو ما المكتوب ما حطوا رجليهم فيها
أنت المهم أنساها
كي تقرب نخبرك و أنا لي نبحث عليك
و شوف أبواب أخرى و ابحث و ما تيأس
و ما تبقى تستناها و كيف ما تجي مرحبا بيها
و خليها على ربي
راهو كريم و هو لي عارف كل شيء

عادل إن شاء الله · 2012-12-26, 22:52

اقتباس:

المشاركة الأصلية كتبت بواسطة buffalo

قاعدين نكدبو على رواحنا و نخرطو .. مسالة المكتوب هادا شي مفروغ منو .. امنا بالقضاء و القدر ..

و عليها لي شاركنا فالمسابقة لاننا مؤمنون بالقضاء ., و لي دخل بلا معرفة معناها مكتبتلو وعليها لي شاركنا لعل و عسى نكونو من بين لي كتبلهم الله

و لكن شخصيا و انا مار بالمديرية العامة للجمارك و المقر تاعها العاصمة قرب قصر الحكومة . سألت ضابط جمركي و عون جمركي كانو مع بعض قلتلو ادا فيها معرفة . قالي بالحرف الواحد شوف يا اخي بلادنا راهي معوجة و تسير على راسها مش على رجليها قالي انا باش نكدب عليك نقولك مافيهاش معرفة مانكدبش عليك قالي لازم يكون عندك واحد تتكى عليه . و هادي بصريح العبارة قالهالي
و واحد اخر قالي خوه دخل ضابط شاف معرفة و قالي شاف نائب فالبرلمان فاميلتو ..

امالا بركاو ما نكدبو على رواحنا ..

انا الرسالة لي نوجها للجميع هي شوفو ما كتبلهم ربي وجدو رواحكم مليح و هيئو نفسكم ... و ما تصعبوهاش على روحكم . كلشي عادي جات الله يبارك ماجاتش الواحد يصبر
و شاركو في كل المسابقات و ما تتكلوش على مسابقة وحدة يعني ما تعلقوش الامل بزاف على مسابقة معينة خاصة الجمارك .
و بالتوفيق للجميع

اقتباس:

المشاركة الأصلية كتبت بواسطة بحر القوافي

لقد سجلت هنا خصيصا كي ارد على ما قرأت لكم
إن الجمارك و لمعرفتي الشخصية بها و لأن لي قريب أقرب مما تتصورون....؟؟؟!!!!!!!
و هو إطار سام و يعني فوق المدير الولائي أو ما يعرف برئيس مفتشية الأقسام
قال و أخبرني أن دائما في مسألة التوظيف في الجمارك يكون هناك بعض من الشفافية و بعض من الأحباب بمعنى أحبابهم
إذ أنه تحضر قائمة مصغرة لأصحاب المعريفة و أخرى بعد الكتابي لمن يعمل جيدا
و منه فهناك من ينجح في الكتابي و هو يستحق ذلك
و من ينجح بالمعريفة
ولو أردتم أن أخبركم كيف يتم ذلك ؟
ساخبركم؟؟ و لكن ليس هنا و ليس الأن
المهم...
والله والله والله و هذا قسم وربي على بينة من أمري
فيها المعريفة و فيها لي يستحق
و ناس المعريفة أقل من الناجحين بجدارة
لا علينا...
مثلا كما قال أحد الإخوة هنا أن كلها معريفة فهو خاطأ هناك المعريفة لكن ليس الكل
و من قالت كلها بلا معريفة و لي قريب أخبرني بتغيير مركز التصحيح و لا توجد معريفة فهي و هو مخطأين...،
و صحيح هناك من لهم المعريفة و لم ينجحوا في البسيكو حتىى و معريفتهم فوق ما تتصوروون و لكن الطبيبة أقصته و تمت المصادقة و طوي الكتاب
و هذا ما أريد توضيحه أنه القدر ...و لما أراد ان ينجح نفسه لم يستطع
والله ثم والله و مصدريأقرب مني من نفسي حتى
أكد لي ان هناك المعريفة من قبل حتى أن توضع الملفات و لكن قلائل و كيفية تفويتهم لا استطيع إخباركم به
على العام أما البقية فتكون لعامة الشعب و لست متأكد من اخباركم به على الخاص
لحساسية الأمر...و صعوبته
و لكن هناك رب الكون من يحاسب و يراقب
و من يدري
و لكي تتأكدوا.....تذكروا فقط سوف أعطيكم أخر رقم هو 3
تذكروه جيدا
و وقتها سوف تعرفون صدق كلامي من عدمه
و من يريد الاستفسار أنا هنا
و لن أتهرب و لست ممن يهربون
و لكن فقط دون تجريح
و أزيدكم بيتا من القصيد
ضابط فرق... فيه المعريفة بنسبة كبيرة
عون... بنسبة قليلة
مفتش رئيسي نص نص
مفتش عميد قليلة جدا لقلة المترشحين و نسبة النجاح الكبيرة
و النتيجة تمر بثلاث مراحل
و الأصعب تكون بين الجمارك و الوظيف ...و لكن تتفاوت الصعوبة
ووالله ا لوظيف أسهل ما يمكن إلى الجمارك فلا تغتروا بالوظيف لانهم أصبحوا يصادقون فقط و ليس كالسابق
و للاسف حتى أن مفتش الوظيف تربطه علاقة جيدة مع الجمارك...يعني دوني دونك
المهم توكلوا على الله و كفاكم من التجريح في بعض
و كونوا إخوة متحابوون في الله
و من يريد المنهجية الصحيحة للإجابة التي تؤهلك اكثر
فايخبرني
و ذلك عن تجربة و علم مسبق
و رحم الله إمرإ عرف قدر نفسه ..بوركتم ووفقكم الله
و لوجه الله كفاكم من القسم دون علم
فقط للتوضيح أنا لست مشاركا في أي من الإمتحانات التابعة للجمارك
أنا موظف و الحمد لله و عملي يعجبني و يوفر لي كل الكرامة و الراحة
أردت فقط أن تنتبهوا لتحضيراتكم و تنسوا أمر المعريفة واللا معريفة
فكما قلت هناك من و من.....و اظن أن كل القطاعات فيها نفس الشيء و اكثر
و لا اكذب إن قلت بأنني لم أوظف دون معريفة
و لكن هذه هي الحياة
و أحمد الله على كل شيء
و لكم مني كل التوفيق

كلامك صحيح يا أخي و هذا واش حبيت نبين للأعضاء الحالة راهي50 ب50 يعني شويا معريفة وشويا قراية وفهامة

انا من الناس لي ما نجحوش العام لي فات في تبسة و كان فيها اكثر من 125 منصب لاعوان الرقابة و عدد المترشجين حولي 800 واحد من 3 ولايات

فوتنا الكتابي و ما نجحتش....و لم افقد الامل مع انو نعرف انها نسبة منهم نجحت بالمعريفة

لكن العام هذا ارتجلت شويا و دفعت في الصحراء بضبط في اليزي اولا لي قلة المترشحين و ثانيا قلة المعرفية هنا يعني اذا خدمت راح ننجح

اذا ما خدمتش في الامتحان الكتابي ما ننجحش يعني قرايتي وفهامتي هي لي راح تحكم عليا بالفشل او النجاح

و زيد نقول الحق ما عنديش ثيقة باه نزيد ندفع في تبسة لانو جرا تلاعب كبير في النتائج خاصة نتائج ضباط الفرق

المهم بلاد هكا معوجا بصح ما لازمش نعواجو حتى احنا

Buffalo · 2012-12-26, 22:57

و الله يا الاخ عادل نهار تكلمت مع الضابط الجمركي فالمديرية العامة قالي ادفع فالصحرا . تكون عندك حظوظ اوفر , لانو العدد قليل لي يدفعو الملفات .

عادل إن شاء الله · 2012-12-26, 23:03

اقتباس:

المشاركة الأصلية كتبت بواسطة buffalo

و الله يا الاخ عادل نهار تكلمت مع الضابط الجمركي فالمديرية العامة قالي ادفع فالصحرا . تكون عندك حظوظ اوفر , لانو العدد قليل لي يدفعو الملفات .

كان لازم تسمع النصيحة هاذي اذا ما سهلش ربي العام هذا العام الجاي ادفع ثم

نسبة النجاح ثم هي 70 و 80 % عكس الشمال نسبة النجاح 9 %او 10 %

بحر القوافي · 2012-12-26, 23:03

عادل
لذكرك تبسة...معلومة أخرى
تبسة هي أكثر جهوية تتلاعب في النتائج بين كل الجهويات الموجودة
يعني صعاب يقتلوا....،
و المشكلة أن الولايات الأخرى تأخذ مناصبهم بطريقة مضحكة جدا
و لهذا قلت لكم أن نتيجة ضباط الفرق تتأخر اكثر من البقية لاعتبارات عديدة
و على ذكر الصحراء
تزداد النسبة فيها بقلة الملفات...و المعريفة تكثر في ثلاث مناطف
بصفة خيالية في العاصمة
تحتها تبسة
تحتها قسنطينة و الغرب...،
اما الصحراء فهي الأرحم
و كي عدت في ايليزي عندك شونس كبيرة خوووو
توكل على ربي...راهو هو لي يقدر كل شيء

sabermeriem007 · 2012-12-26, 23:06

يا خيوتي على ذكر تبسة والله حتئ الادماج المهني في تبسة بالمعريفة

عادل إن شاء الله · 2012-12-26, 23:11

اقتباس:

المشاركة الأصلية كتبت بواسطة بحر القوافي

عادل
لذكرك تبسة...معلومة أخرى
تبسة هي أكثر جهوية تتلاعب في النتائج بين كل الجهويات الموجودة
يعني صعاب يقتلوا....،
و المشكلة أن الولايات الأخرى تأخذ مناصبهم بطريقة مضحكة جدا
و لهذا قلت لكم أن نتيجة ضباط الفرق تتأخر اكثر من البقية لاعتبارات عديدة
و على ذكر الصحراء
تزداد النسبة فيها بقلة الملفات...و المعريفة تكثر في ثلاث مناطف
بصفة خيالية في العاصمة
تحتها تبسة
تحتها قسنطينة و الغرب...،
اما الصحراء فهي الأرحم
و كي عدت في ايليزي عندك شونس كبيرة خوووو
توكل على ربي...راهو هو لي يقدر كل شيء

ايه خويا كاين واحد قالي العام لي فات كان عرفت بلي راح تدفع في تبسة نقول مكلاش تعب روحك راهو كلش لصحابو قبل حتى دفع الملفات

انا خذيت تجربة كبيرة العام لي فات في دفع الملف في البسيكو في الكتابي في النتيجة في الصبر في عدم فقدان الامل عند الخسارة

انا عمري 27 سنة و داخل الى 28 سنة الله غالب هاذي هي المسابقة الوحدة لي نقدر ندفع فيها راك شوفت واش دارو للشرطة و الحماية

هبطو في السن الى 23 سنة و 25 سنة انا نطلب من الاخوة لي ما زالو ما فتوش السن هذا يدفعو في الشرطة و الحماية و الدرك.......يخلو الناس

لي كيما انا وفي السن تاعي يديرو في البلاصة الوحيدة لي بقاء فيها امل انا كان ماشو السن تاعي و الله ما ندفع فيها....المهم كلش بالمكتوب و كل واحد

ربي يسهل ليه نشاء الله

sabermeriem007 · 2012-12-26, 23:14

اقتباس:

المشاركة الأصلية كتبت بواسطة adelmatrix99

ايه خويا كاين واحد قالي العام لي فات كان عرفت بلي راح تدفع في تبسة نقول مكلاش تعب روحك راهو كلش لصحابو قبل حتى دفع الملفات

انا خذيت تجربة كبيرة العام لي فات في دفع الملف في البسيكو في الكتابي في النتيجة في الصبر في عدم فقدان الامل عند الخسارة

انا عمري 27 سنة و داخل الى 28 سنة الله غالب هاذي هي المسابقة الوحدة لي نقدر ندفع فيها راك شوفت واش دارو للشرطة و الحماية

هبطو في السن الى 23 سنة و 25 سنة انا نطلب من الاخوة لي ما زالو ما فتوش السن هذا يدفعو في الشرطة و الحماية و الدرك.......يخلو الناس

لي كيما انا وفي السن تاعي يديرو في البلاصة الوحيدة لي بقاء فيها امل انا كان ماشو السن تاعي و الله ما ندفع فيها....المهم كلش بالمكتوب و كل واحد

ربي يسهل ليه نشاء الله

رانا كامل كيف كيف خويا عمري ما تخيلت ندفع في الجمارك حلمي الوحيد كان الشرطة بصح الله غالب كلش مكتوب ربي

عادل إن شاء الله · 2012-12-26, 23:15

اقتباس:

المشاركة الأصلية كتبت بواسطة sabermeriem007

يا خيوتي على ذكر تبسة والله حتئ الادماج المهني في تبسة بالمعريفة

يا اخي تبسة راحت للهاوية التهريب الارهاب الجرائم الخدمة مكانش الغاشي راح يوكل بعضاه المسؤليين يكذبو

ربي تستر انا قررت حتى كي ندير دارمانيش راح نعيش ثم ..................................و الوالي الدجال يقول نسبة

البطالة راهي 7 % يهطيه العماء راهي نسبة لي يخدمو هي لي 7 %

sabermeriem007 · 2012-12-26, 23:37

اقتباس:

المشاركة الأصلية كتبت بواسطة adelmatrix99

يا اخي تبسة راحت للهاوية التهريب الارهاب الجرائم الخدمة مكانش الغاشي راح يوكل بعضاه المسؤليين يكذبو

ربي تستر انا قررت حتى كي ندير دارمانيش راح نعيش ثم ..................................و الوالي الدجال يقول نسبة

البطالة راهي 7 % يهطيه العماء راهي نسبة لي يخدمو هي لي 7 %

ربي يجيب ساعة الخير المهم الواحد يحكم في ربي ويسترزق بالحلال حتى كي يجيب خاجة ليماه بالحلال تكون كاينة ناس والله ما تفرق الحلال والحرام وتبسة خير دليل يخدم التهريب والدخان ويقلك راني نسترزق

حمومان عزالدين · 2012-12-27, 08:23

السلام عليكم
......لبلاد ............
بلاد ميكي كل شيي بالمعريفية راني كرهت جد حياتي انا من هذ لبلاد نا ميكي