الجزء 170من واش طيبتي اليوم 💝 كوزينة المفاجآت والصحبة الطيبة 💝 - الصفحة 30

chez biba · 2016-10-07, 00:23

سلام غالياتي انا مازلت هنا لازم نحط لكم تطبيق غدوا ان شاء الله وبما انو الويكاند والعايلة مجتمعة راح يكون مختلف شوي لأنو راح نديرو
�� عشاء مميز ��

كل وحدة تهز هاذ الصورة عندها وتكتب عليها menu تاعها على حساب إمكانياتها طبعا

انا هذا هو المينو تاعي بالاك تهزو فكرة ولي تحب اي وصفة انا في الخدمة

روضة 88 · 2016-10-07, 00:31

بيبا الف الف مبروك عليك الجزء،الجديد من الكوزينة وراه،متميزة فعلا واطباقك وحلوياتك خاصة انتاع عيد ميلاد بنتك رووووووعة
وشكرا جزيلا على الوصفات المصورة راني نلم فيهم .

عجبني المينيو انتاعك انتاع غدوة روووووعة بصح العضوات غدوة نع الطعام يديروه الغداء ويبقالهم للعشاء.

باقي لبنات دعواتكن لوالد ام ماجد راه مريض بزااااااف وهي حالتها النفسية تازمت بسبب مرض،والدها

nanoua7 · 2016-10-07, 01:11

هاي بيبا حبيبا b8 و بصحتكم عشاء غدوة menu وعليه الكلام اللّٰه يبارك و روضة b8 وياربي يشافي والد أم ماجد ان شاءالله في هاد الليلة المباركة

ام طيري الجنة · 2016-10-07, 07:49

صباح الانوار جمعة مباركة ويوم موفق
اولا ربي يشفي والد ام ماجد شفاءا عاجلا غير اجل ويكون في عون ام ماجد ويقويها
بالنسبة للموني نتاع الغدا طبعا طعام بالحمص والخضار واللحم و العنب والعصير اما الموني نتاع العشا مازال ما خممتش

ام طيري الجنة · 2016-10-07, 07:52

صح بيبا نحيتيلي التفنين وبصحتك الموني وقيلا نجي نتعشا ههه

حياتي كلها امل · 2016-10-07, 07:56

السلام عليكم يارب اشفي والد ام ماجد شفاء لايغادر سقمى ويارب يطمنها ويريح نفسيتها
بيبا مينو تاعك هايل وكيما قالت ام نسرين انجو كامل نتعشاو

chez biba · 2016-10-07, 08:01

السلام عليكم ورحمة الله وبركاته

صباحكم معطر بذكر الله
روضة بارك الله فيك حبيبتي على بالي يوم الجمعة الأغلبية يديرو بربوشة للغدا على هذا اقترحت نخليوه للعشا ولا يخليوه لغدوا المهم انا حابة نوصل فكرة انو الويكاند لازم يكون مميز ونفرحو عايلاتنا
ربي يشفي والد حبيبتنا ام الجود ويعافيه يا رب كانت قالت لي روزا وربي يطمنهم عليه ويقدر الخير

نانوا تعيشي اختي شاركينا حتى انتي بالمينو تاعك

يسعد صباحك حبيبتي ام نسرين انا لغدا راح ندير لوبيا ان شاء الله ونوجد في طريقي شوي من المينو تاع لعشا باش نتنها

ام هاجر وام نسرين مرحبا واش من سعد يجيو عندي لحباب

لبنات موش لازم ديرو حاجة فاخرة المهم تفرحو عايلاتكم بجو مميز وديرو لحوايج لي يحبو ياكلوهم

وردة الرمال43 · 2016-10-07, 08:09

صباح الخير بيبا صباح الخير للجميع وجمعة مباركة ان شاءالله وربي يشفي جميع مرضى المسلمين وربي يسهل ويفتح بيبان الخير لجميع المومنين والمومنات ويغفر ذنوب الجميع وربي يرزق الالمومنين والمومنات الصحة والعافية والهنا

بيباانا الوالر تاعي دار عملية نهار الثلاثاء دعواتكم ليه ولجيع مرضى المسلمين

omhadil · 2016-10-07, 08:24

صباحكم سعيد اخواتى
بصحتكم واش طيبتو راكم منوزين وزاهيين
الله يبارك يارب يدومها ان شاء الله فى انتضار عودة البقية

أم سدرة · 2016-10-07, 08:32

السلام عليكم ورحمة الله وبركاته
جمعة مباركة للجميع
اللهم اشفي والد ام ماجد ووالد وردة شفاءا ï»» يغادر سقما
غدايا اليوم جاجة محمرة ونرافقها بروز الجربي

x ام رحاب x · 2016-10-07, 08:39

السلام عليكم ورحمة الله وبركاته
واش راكم كان الميكرو فاسد خسارة حرمني ماشفتش هادا الخير كامل
شي بيا كوزينتك رجعو كامل الغاليات فيها الله ايبارك توحشناهم وتوحشنا اطباقهم
ام نسرين وام سهام ودائمة الحمد وليزاتي العزية وام كامليا وكل الغايبات اهلا وسهلا بيكم
اطباقكم كلها اتشهي ماشاء الله عليكم تسلم الايادي كلش فوووووووووووووووووووووورربي يبعد عليكم العين

أم محمد تاج · 2016-10-07, 08:48

صباح النوور حبيبات قلبي والله ليكم وحشة
البارح المنتدى حاوزني ويقولي adresse introuvable قتلوووو ياحوجي ساكنة هنا
شفت روائعكم وتطبيقاتكم ماشاء الله وبارك
وفرحت وماصدقتش بعودة ام نسرين حبيبتي الغالية الف الف مراحب واش راكي حنوونة وواش راهي نسرين توحشتك والله والله كنتي في القلب
بيبا كوزينتك صح كوزينة المفاجآت ياريتني نقدر نشارك لظروف حنووونة ان شاء الله تتسقم الاحوال ونشارك قبل ماتخلاص
روضة حنووونة ربي يشفي والد ام ماجد ويعافيه يارب
غدايا بوزلوووووووف ومازلت ماقررتش واش ندير معاه
يوم موفق وطيب للجمييييع

ام طيري الجنة · 2016-10-07, 08:54

ام رحاب ترحب بيك الجنة يا العزيزة ليك وحشة
وردة الرمال بالشفاء عل الوالد نتاعك ربي يقومه بالسلامة يا رب و كل المرضى
صباح الانوار( ام هديل) و (حياتي كلها امل ) يوم سعيد ان شاء الله

ام طيري الجنة · 2016-10-07, 08:57

ام تاجو الحبيبة نتاعي ربي يفرحك بشوفة النبي يا رب و الله غير انا تاني توحشتك و كنت رايحة نسقسي عليك هل انت متواجدة في الديار ام كنت غائبة مثلي ههههه الله يحفظك ياغالية توحشت كلامك اللزييييز هههه نسرين راها بخير تسلم عليكم كامل و انت كتاكيتك ان شاء الله يكونو بالف خير يا رب

بصحتك البوزلوف ديري معاه بطاطا مقلية لكن في الكوشة ماشي في الزيت

وردة الرمال43 · 2016-10-07, 08:58

غذايا اليوم شخشوخة بإذن الله