~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~ - الصفحة 30

حياتي كلها امل · 2016-05-05, 18:18

اخت امنيات حبيت نزيد على واش قلتي انو الواحدة تمد لبنتها كل مرة شغل جديد يعني تنوعلها مرة اغسلي المواعن مرة اخري امسحي الغبرة وهكذا وايضا تراعي السن ماشى تمدلها تفتل الطعام هى في عمرها 10سنين هههه

فراشات العمر · 2016-05-05, 18:48

اقتباس:

المشاركة الأصلية كتبت بواسطة حياتي كلها امل

اخت امنيات حبيت نزيد على واش قلتي انو الواحدة تمد لبنتها كل مرة شغل جديد يعني تنوعلها مرة اغسلي المواعن مرة اخري امسحي الغبرة وهكذا وايضا تراعي السن ماشى تمدلها تفتل الطعام هى في عمرها 10سنين هههه

هههههههههههه هذيك انا فتلت وانا نقرى السنة الثامنة حطتلي ماما الجفنة او القصعة وهذا بعد ماتقنت الكسرة السنة التاسعة ندير لجواز
ماتهدريش على لماعن وغسيل القش من الكره بعت السلسلة نتاعي وشريت ماشينة مازال الكوزينة لكان نلقى البديل

سمراء الدنيا · 2016-05-05, 19:20

تم التعديل في المشاركة رقم 424

فراشة العمر ضحكتيني على الخطبة ....امالا وجدي روحك و بداي تلمي من الان ههههههه بناتنا يكلفو هههههه
الحقيقة المنطقة نتاعنا عراسها يكلفو بزاف و انا ضد هاذ الشي الانسان يكون معتدل لا افراط و لا تفريط .....
ربي يفرج عليك طبعا حاسة بيك و عارفة ظروفك جيدا و نتمنى انك تبعي نصائح الدكتور ابو السعد في تربية الاولاد راح يساعدك كثيرا ......ابني الاوسط كان متعبني بزاف حتى خفت لا يضيع مني ....عقدت العزم و قررت نتعب معاه و نعمل المستحيل و نحاول نصلح ما يمكن اصلاحو .... بديتلو بالحنان و العناق و تمضية وقت اكبر معو و مشاركتو اهتماماتو مثلا نتفرج معاه برنامجو المفضل ... استعملت معاه اسلوب الشكر و المدح .... بعدتو على ابوه للي كان يضربو و اخوتو للي كانو يعايروه .....اكثرتلو من الرقية ...ديتو ل 3 اطباء لانو كان يعاني من اسهال و قيء في فترة الامتحانات و حمى شديدة تاثر دايما على نتائجو ....ووجهوني لطبيبتين نفسيتين (رغم ظروفي تبعت عندهم و درت نصائحهم) شغلتلتو وقتو باه نبعدو على الشارع دخلتو لمدرسة قرانية و للسباحة و لكرة القدم لانو عندو طاقة زيادة كان لازم يخرجها و الحمد لله بدا يتحسن في صحتو و في دراستو و حتى في سلوكو
كنت دايما نقرا على تربية الابناء و على كيفية كسبهم و التقرب منهم ....نصيحتي ليك لحقي اولادك و خليهم هدفك في هاذ الحياة انهم يطلعو ناجحين و صالحين....و ما تتكليش على الراجل الام هي المدرسة
(نصيحة =اقري موضوع الامنيات تجربتي مع ابني )
بالنسبة لاقتراحك يا ريييييت .... كل وحدة تتكلف بجانب و هكذا نتعاونو ....كيما عملنا في دورات سابقة

سمراء الدنيا · 2016-05-05, 19:34

فراشاتي راني حاسة بشويا كركبة و لخبطة في الدورة (خاصتها تخميلة هههههه)
يعني ناقص شويا نظام و حسيت روحي تايهة بين الافكار و الاقتراحات
حبيبة يا ريت تساعدينا نتنظمو شويا
راح نفكر بصوت عالي و قولولي اقتراحاتكم و اراءكم
رانا نطرقو لمجالات كثيرة و كل مرة نقزو لمجال و نعودو نرجعولو
مرة نحكو على التربية و مرة على الجمال و مرة على الدين
جات في بالي فكرة اننا نخصو كل يوم لجانب
مثلا الجمعة دايما ناقشو فيه جانب ديني و نحطو فيه فوائد و نصائح ....الخ
يوم السبت للتدابير المنزلية يعني للي جربت او طبقت شيء و نجح معاها تحكيلنا عليه (و انا عندي افكار كثيرة و ما عرفتش وقتاش نحطها)
يوم الاحد للجمال ...تاني هاذ الجانب كيما سبق و قلتليكم مازال عندي نصائح كثيرة مجربة و ناجحة ما بغيتش نحتافظ بيها لنفسي
الاثنين للطبخات ووالوصفات
و الجانب التربوي و التحضير للشهر الفضيل و ......................
فكرو معايا

سمراء الدنيا · 2016-05-05, 19:41

اقتباس:

المشاركة الأصلية كتبت بواسطة الأمنيات

بعض النصائح كي نحيتوا حوايج الشتاء وخبيتوه ديروا شوي اوراق تاع الخزامه في كيس تاع كتان رقيق
بين الحوايج ولا قشور الليمون المجفف حتى تقعد رائحتهم عطره
الي عندها بنيات صغار عاد يتعلموا حوايج الطبخ تكتب اسماء التوابل باللغه العربيه والفرنسيه
وحتى الانجليزيه ماعليش منها يتعلموهم ومنها يعرفوا وين راه كل تابل اكتبوهم في العلب ولصقوهم
ولا ملصقات الكراريس احسن راني مجربتها حتى لولاد يعرفوهم ههه
الي بنياتها صغار وتحب تخدمهم كي ام امجد عارفه بنتها مهبلتها هههه
اعطيها مهام تقوم بها تنظف طابيات تاع الدوش او ترتب المعالق والفراشط
تاكدي راح ما توافقش في الاول وتبقا تتلكك بصح راح تحبه من بعد وترجع هي تطلب
وديري لها مهمة كلفيها بيها تحس روحها مسؤوله عليها راح تريح وتريحي منها هههههه
علموهم يغسلوا ملابسهم الداخليه بالصابون ويديروهم في الشمس
هادا ولش تفكرت من بعد نزيد

بارك الله فيك الامنيات على النصائح القيمة
بنتي في بداية دخولها للمطبخ كانت تكره الاواني و تحب العجين و الحلويات ...كنت نمدلها تلبز و حتى تفسد ما عليش و بالشوي بالشوي عدت نشرط عليها اذا تلبز تنظف موراها و بالتدريج الحمد لله
و ملاك راها 6 سنوات دايما نشركها معايا في العمل ....يعني تجمع الاحذية او تكنس او تشلل معايا الاواني او تخدم معايا الحلوى لكن في هاذ المرحلة لازم معاهم الصبر و الحلم

بالنسبة للجلبان نطيبو باللحم عادي و المرقة تكون قليلة و خاثرة نفقس فيه البيض و نقص النار و نخليه يطيب 10 د و نطفي هاذي طريقة عجوزتي الله يرحمها

سمراء الدنيا · 2016-05-05, 19:46

اختي ام البنين ربي يرحم والدتك و يجعلها من اهل الجنة ادعيلها دايما ...... الحقيقة هديتيني لما قلتي انو والدتك ما حضرتش افراحك .... فكرتيني في راجلي امو ماتت و هو صغير و ديما يتفكر الحاجات الجميلة للي عملتهالو امو و يحكيهالنا و يقولينا لو كان جات عايشة تعمل و تعمل
دايما كي يطلبو اولادي حاجة مهما كانت صعيبة او متعبة نديرهالهم نقول بلاك نموت و يبقو يتفكرولي حاجة مليحة
و كاين حاجات تعملهم الام فقط ما يعوضها حتى احد اخر
ان شاء الله ربي يعوضك ببر اولادك و حنانهم عليك

omelbanin · 2016-05-05, 20:38

اختي سمراء الدنيا الحمد لله لانه عرفنا باخوات مثلكم ومثلما اسلفتي انا اولادي ندير المستحيل باش نطيبلهم ونوعلهم بوما نخلي حتى حاجة في قلبهم
بالنسبة لتعليم البنات شغل البيت انا عندي غير الذكور ياريت تورونا كيفاه يتنظمو والدنيا تبقى شوية مسروجة عياوني:'( اولادي واحدعمره 9والاخر6والصغير قريب عامين;-)

omelbanin · 2016-05-05, 21:58

انا نعست تعودت نرقد بعد العشاء نقوللكم قبل واش درت بعدما تعشينا دولمة سلق غسلت لميعنات ونظفت لكويزينيار غسلت الطراشن ونشرتهم لميت القمامة وخرجتها فرشت للاولاد بعد ما غسلو اسنانهم وحكمو بلايصهم
دارلهم زوجي المسح تعودو عليه ، ومازال الصغير نصلي العشاء ونرقدو وتصبحو بالف خير

فراشات العمر · 2016-05-05, 22:35

[IMG]https://s*******.cdninstagram.com/t51.2885-15/s320x320/e35/12353943_1693981100848423_1847006211_n.jpg?ig_cach e_key=MTE0Njc2MTQ1NTUwMDA0MDIzMQ%3D%3D.2[/IMG]

omelbanin · 2016-05-06, 06:28

اصبحنا واصبح الملك لله ، اللهم اني اسالك خير ما في هذا وخير ما بعده واعوذ بك من شر ما في هذا اليوم وشر ما بعده

hanamohamed · 2016-05-06, 07:31

(( إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً ))
اللهم صل على محمد عدد ماذكره الذاكرون وصل على محمد عدد ماغفل عنه الغافلون
اللهم صلى وسلم وبارك على سيدنا محمد عدد اوراق الاشجار وعدد مياه البحار
وعدد ما اظلم عليه الليل وما اضاء عليه النهار
اللهم صل على سيدنا محمد صلاة ترضيك وترضيه وترضى بها عنا يا رب العالمين ، في كل لمحة ونفس عدد ما وسعه علم الله
اللهم صل على سيدنا محمد الرحمة المهداة ، وعلى آله وصحبه وسلم في كل لمحة ونفس وعدد ما وسعه علم الله
اللهم صل على سيدنا محمد سيد الوجود وعلى آله وصحبه وسلم ، في كل لمحة ونفس وعدد ما وسعه علم الله
اللهم صل على سيدنا محمد سيد الأولين والآخرين وحبيب رب العالمين ، وعلى آله وصحبه وسلم في كل لمحة ونفس وعدد ما وسعه علم الله

غزالة1 · 2016-05-06, 07:42

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين
لا اله إلا انت سبحانك اني كنت من الظالمين

غزالة1 · 2016-05-06, 07:48

يوم مبارك و موفق للجميع
انا مع تنظيم الدورة و تقسيم المواضيع على الايام
عندي سؤال لام وسيم و حياتي كلها امل عن وصفة الكيراتين الطبيعي الي يستخدموه و كيفية الاستخدام
و كذا اذا ممكن يا ام وسيم صورة زيت جوز الهند الذي اشتريتيه لانو انا اشتري ماركة الكابتن لكن اظنه ليس اصلي يقولون انو الاصلي جامد
سلام يا حلوات

غزالة1 · 2016-05-06, 07:52

سمراء شحال فرحت لما قلت انك من عشاق الحلويات و استطعت التغلب عليها لانو انا ايضا لا استطيع مقاومتها رغم الاضرار الي تسببهالي

غزالة1 · 2016-05-06, 07:53

حبيبة مبارك عرسكم ربي يجمع العرسان على طاعة الله و رسوله