الجزء 95 ** من واش طيبتي اليوم ** - الصفحة 30

x ام رحاب x · 2014-10-28, 09:42

اقتباس:

المشاركة الأصلية كتبت بواسطة kaouka

ﻻبنات حبيت نصقسيكم رأس نقدر نغلق عليه في الكوكوطة وﻻﻻﻻﻻﻻﻻﻻﻻﻻﻻ رني نستنا

تقدري كوكا باه ايطيب مليح نورمال

louji omri · 2014-10-28, 09:43

اقتباس:

المشاركة الأصلية كتبت بواسطة lyzzabel

السلام ليكم و رحمة الله و بركاته و اسعدتن صباحا حبيباتي الغاليات توحششششتكم بزاف بزاف
ام سراج حنونتي مبروك عليك افتتاح الكوزينة الجديدة و ان شاء الله تجمعنا على الخير و الأفراح و الله يبارك كوزينتك ظريفة و منظمة و الصالون غير تاع جماعة و حكايات هههههه ،، يعطيك الصحة على الاطايب ربي يطيب بيناتنا

حبيبتي و صديقتي العزييييزة ام انووووستي الف الف مبروووك و الحمد لله على سلامتك و بسم الله ماشاء الله على الامووووورة ربي يحفظها و تتربى في عزكم امييييين موووووووااااااح كبييييييرة ليك و ليها يا الغااااااالية على قلبي

حبيبتي ام وسيم شكرا على السؤال ربي يخليك و يفرحك بوسيم و لي جاي فالطريق و يعطيك وقفة ساهلة امين

كنت غايبة بسبب المرض جاتني وحد لا قريب عافاكم الله يا لطيف ألطف بينا و راني مازلت في فترة نقاهة فوت يامات الله لا يشوفكم و الحمد لله على كل حال

حبيباتي شكرا لكل وحدة سقست عليا ربي يخليكم و ما يحرمنيش منكم يا رب

حبيبتي ام سراج اسمحيلي جيت نحطلك الباروك مي حتى خانة ما بغات تفتحلي من تاع اضافة الصور ولا أيقونات ولا حجم و لون الكتابة واااااااااع

اللهم ما اصبح بي من نعمة او بأحد من خلقك فمنك وحدك لا شريك لك فلك الحمد و لك الشكر
سبحان الله و بحمده سبحان الله العظيم

بالشفا عليك حنونه

x ام رحاب x · 2014-10-28, 09:45

دائمة الحمد بصحتك االسباقيتي ويعطيها الصحة عجوزتك
ام امنية بصحتك الخرشف والفاكهة راكي مقلقة واقيلا قربتي

x ام رحاب x · 2014-10-28, 09:51

اقتباس:

المشاركة الأصلية كتبت بواسطة ام سهام 02

جبت لكم طمينة للقهوة لمازلت ما شربتش قهوتها تتفضل بسم الله

ماشاء الله يسلم دوك اليدين والله لوكان اشربت قهوة بصح كي انشوف هاد الزين مانقدرش مانعاودش اعطيتيني فكرة شابة باه انزين الطمينة راهي جاية عندي اختي تنفس عندي ام رضوان انعود انحطها هاكدا كي ايجو الضياف تسلمي يالشاطرة ياسعدو الي راكي عندو ماشاء الله عليك

أم إناس · 2014-10-28, 09:59

السلام عليكم
بارك الله فيكم. اخواتي. وأحبتي على الدعاء
راكم اهلي. لي فرحت معاهم والله يخليلكم اولادكم. ويفرحكم بيهم.
وراني تفكرتكم. ودعيلكم كلكم
اليوم نخرج من المستشفي.
غدانا مازال ماقروش ووش يديرو.
المهم سلامي للجميع والله يشافيك اليزبال
ولكم مني مليون امممممممممممممممواح

x ام رحاب x · 2014-10-28, 10:04

امازة ربي يخليك على السؤال والحمد لله الي رجعتيلنا وكواليسك كامل هايلين
ام سهام ربي يخليك وكي انعاود الشخشوخة انديرها موضوع
الامنيات كلش هايل من يديك

Om moussaab · 2014-10-28, 10:06

صباح الانوار دخلت على الاخبار السارة ام اناس الف مليون ترليون مبروك تتربى في عزكم ان شاء الله انشاء الله يرزقنى ربي ببنوتة يارب ويرزق كل محروم ليزا على سلامتك حنونة راكى لاباس وكامل الاخوات طيابتكم تشهى بدون استثناء ربي يدوم هاذ اللمة

x ام رحاب x · 2014-10-28, 10:13

اقتباس:

المشاركة الأصلية كتبت بواسطة طالبة الجامعة

سلاااااااااااااااااااام عليكم
اليوم فطورنا عدس
وهذا عشانا تاع البارح

بصحتك طالبة الجامعة واش راكي

ام سراج وملاك · 2014-10-28, 10:17

[QUOTE=oumjiji;3991999716]لالا قصدى ان ثاني من نفس المنطقة قوليلي راكي خدامة ولا لا انا راني قاعدة في الدار وما تدري بلاك المكتوب يلاقين

صباح الخير اختي ان شاء الله نتلاقاو وعلاه لا كي تدخلي كشما مرة نحكيو في الدردشة

ام ياسين + ام ساجد + طالبة جامعية + ميموني + نهال 89 + ام امنية 15 + ام وسيم + دائمة الحمد + سلمى تيتا + سارة عواسي + ام رحاب + ام نور وجمانة + ام فاطيمة + ام لقمان + لوجي عمري + ام اناس + ام مصعب + ام محمد تاج الدين + اماني السلام + ارزاق + ليزابيل + كوكا صباح الخير عليكم كامل نهار موفق للجميع

ليزا حبيبتي الحمد الله عللى سلامتك راكي خليتي فراغ كبير وتوحشناك من قلبنا

ارزاق مرحبا بيك حبيبتي بيناتنا

كوكا معليهش حنونة حطي الصور لاشة كبار المهم تشاركينا باطباقك الرائعة

دائمة الحمد اول مرة نسمع بلي التمر تخبيه في المجمد ميجيش مشمخ كي تخرجيه من الثلاجة حابة نخبي شوي عجوة جاتني من مكة المكرمة

حقا نسيت لي حطو عشاهم نتاع البارح بصحتهم ويعطيكم الصحة

لبنات ربي يخليكم لي عندها خبرة تقلي واش يديو لعروس في عاشورة رايحة نوجد لمرت خويا خي علابالكم راهو خلاتولي ماما ربي يرحمها امانة عندي حتان نزوجو ونتهنى منو ادعيولو ربي يكملو ويهنيه قالولي يديو رجل لحم وقضيان واخرين قالولي لازم كسوة دوخوني اعطيولي اقتراحتكم انا قلت بلاكش ندير حبات قاطو وتورة واش رايكم زيدو عاونوني
نروح نكمل شغالاتي ونولي

lyzzabel · 2014-10-28, 10:32

ميمتي الحنيييينة ام رحاب صباحك سعيد يا الغالية و ربي ما يحرمنيش منك ،، راني شوية و الحمد لله و نتيا و البنات انشالله راكم لاباس ،، ما تتصورييييش شحال توحشتكم و توحشت اللمة ربي يدومها امييييين

ام مصعب و ام سراج يسال عليكم الخير حبيباتي

ام سراج حنا عندنا يدو للعروسة رجل ولا جاجات حسب الطاقة و معاها فطورها رقاق مقيوم من كلشي بخضرته و زيته و حمص و طماطم معلبة و حتى لي زيبيس و بلا ولا زوج تاع قاتو منوع و كسوة ولا حاجة تاع ذهب ولا للزوج مع بعض راني نقولك كل واحد و طاقته ،، هادي في جهتنا و نتيا زيدي شوفي مع الباتنيات ههههه ،، ربي يكمله بالخير و يهنيه و يسعده اميييين

طالبة الجامعة بصحتكم الزيتون حبيبتي و شكرا على الدعاء

لوجي عمري بارك الله فيك و مرحبا بيك بيناتنا عزيزتي ،،،،، الأيقونات ما راهمش يتفتحوووولييي

اللهم انت السلام و منك السلام تباركت يا ذا الجلال و الإكرام

louji omri · 2014-10-28, 10:32

اختي ام سراج صباح الخير
شوفي علي بالي بلي يديو, يا فخد خروف و قضيان من خضره و فاكهه ومثلا تليتلي و لا شخشوخه ضفر بش طيب عشا عاشورا,,, ولا كاين اللي يطيب العشا و يديه واجد,,,,, و كاين اللي يزيد كسوه و ريحه صابون اكي عارفه كل واحد و مقدورو وربي يكملوا

chez biba · 2014-10-28, 10:42

راني ولدت يوم الجمعة والحمد لله جبت طفل
دعيت لكم كامل بالخير وما نسيتكمش خاصة جيادا، ام كاميليا، مرام، كاوكا، ام نسرين .....
الف مبروك ام إيناس الحمد لله على سلامتك، ما شاء الله ربي يحفظها وتتربى في عزكم

أم محمد تاج · 2014-10-28, 10:45

الله يعطيك الصحة ام رحاب حنونتي واقيلا اليوم راكي صوماااااج??????? ههههههههههههه
مواحتييييين نسيبتي الغالية
كنت نقرعج من وراء القضبان لقيت طلب حنونتي ام سراج الله يحفظلك خوك ونشالله تشوفيه عريس ويرتاح بالك وبال ميمتك الله يرحمها
حنونتي حنا نديرو رجل لحم معاها شخشوخة بتاويلها يعني مرقتها ولحمها وحمصها وبيضها ووووو ونشبحو الصحن ونزينوووه بالدراجي بصح بلا مانسقيوها ونديو معاها كورباي تاع الفاكهة متنوعة ومزينة كذلك بالكوجاك والحلوى ونديو كهدية بسيطة ريحة وصابوووون وبلا تاع لي قاطو ولا تارت مشرية وخلالالاص واذا حنونتي بمقدورو خوك يدير كسوة يدير يعني حنا عندنا مايش ضروري حقة ونديو مع الهدية باكي حنة

أم محمد تاج · 2014-10-28, 10:47

الف الف مبروووك حنونتي شي بيبا والحمد لله على سلامتك وسلامة البيبي يتربى في عزكم يارب حقة واش سميتيه تقرعيجة بريئة خخخخخخخخخخخخخ

lyzzabel · 2014-10-28, 10:48

اقتباس:

المشاركة الأصلية كتبت بواسطة chez biba

راني ولدت يوم الجمعة والحمد لله جبت طفل
دعيت لكم كامل بالخير وما نسيتكمش خاصة جيادا، ام كاميليا، مرام، كاوكا، ام نسرين .....
الف مبروك ام إيناس الحمد لله على سلامتك، ما شاء الله ربي يحفظها وتتربى في عزكم

الف الف مبرووووووك حبيبتي بيبا و الحمد لله على سلاكك ،، يا عمري و مبرووووك عليك وليدك ربي يحفظه و يتربى في عزكم يااااارب و الف حمد لله رب العالمين والله فرحتووووووني نتيا و ام انوووستي ما تتصورييييش شحال خممت عليكم كي كنت غايبة ،، الحمد لله على سلامتك عزيزتي و العقوبا لكل الحوامل لي مازالو ،، يااااا رب نسمعو عليهم الأخبار الطيبة كيما اليوم اميييييين