البسملة1
تطبيقي نتاع البارح لعشية وليوم الصباح هو كالاتي
البارح لعشية لهيت بالجانب التربوي مع ولدي قريته القراءة نتاع معركة الميكروبات وقعدت نشرحله فيها وعجبه الموضوع مانيش عارفة مين فيه المعركة والقتال و,,,, ولا الطريقة الجديدة اللي نصحنى بيها الستاد امازيغ هي اللي بدات تجيب نتيجة (درك نشوفو مع المواضيع الجايين)وعبرلي غايا على الصور
الجانب الديني الحمد لله اليوم كملت سورة النساء +الصلاة +الاذكار+الوضوء +التسبيح قبل النوم
الجانب التجميلي صابونتي+الكريمة +الكحل والفازلين
الجانب التنظيفي اليوم تنظيف عادي غبنتني بنتي شوية الصباح كامل وهي تبكي بغاتني نجمع ونديرها في حجري وهي تتفرج درتلها سيبو نتاع دوليبخان (شميت مالحال اللي راه يتبدل راه ضربها الريح) ورحت جففت الارضيات بالجفافة حاشاكم وتفكرت حبيبتي وفاء قلت بالاك تدخل الدلاعة شوية(الله يعطيها ما تتمنى)
ودرت الفطور على السريع (درت العدس )وفتحت اول بوقال نتاع الطوماطيس اخدمتها على طريقة حبيبتي ام ملاك وخرجتلي ريحتها وبنتها روعة (الله يعطيها ما تتمنى)
ايه تفكرت بصح ماتضحكوش عليا "البارح نمت روحي ندير فالحريرة لحبيبتي فاطمة بشار( الله يعطيها تاني هي ما تتمنى) وانا نقوللها مانعرفش نديرها كيما العبابسة اناحريرتي مخلطة بين نتاع بلعباس وشوية وهران وشوية تلمسان وهدا هو الواقع " ومبعد نمت روحي قدام باب المدرسة اللي كنت نقرى فيها مين كنت صغيرة حتى لقيت حبيبتي ليلى مخرجة بنتها سلسبيل (نتاع السنة الاولى ) وانا نسلم على سلسبيل ونعاود وهي ما شاء الله ببونة تقولي ندخلها في قلبي ونبلع عليها ومبعد قعدت نهدر مع ليلى باش نخفف عليها الضغط انتاع المسؤولية الي راها متحملتها حتى سمعت اذان الفجر نضت نضحك على روحي قلت "بلعمي حتى فالمنام متالبتني؟"
هاداهو تطبيقي بالنسبة لصبيحة اليوم
( تقرير عن مشاركة سيئة )، و الموجودة أسفل كل مشاركة .
2012-11-26, 12:05
العرض العادي
