دفتر مطبخي ركن خاص لمستمعي اسرار مطبخ دليلة** ملتقى حراير الجلفة **

[mimicha1977]

المشاركة الأصلية كتبت بواسطة سليم66

يا اخت ميميشةارجو ان تقدمي لي الوصفة الثانية لي هي وصفة السيقار ولك الف شكرا

سجائر على طريقة المغربيه

العجين
2كوؤس شاي زيت
2كوؤس شاي ماء زهر
رشه ملح و رشه فانيلا
نصف كيس خميرة
فرينه

الحشو
3كيلات لوز. كيلة سكر .قشور الليمون لميها بالبيض

الطريقة
خلطي الزيت و ماء زهر و ملح و فانيلا و خميرة و لميها بالفرينه تتماسك اتركها ترتاح 5د حلها اطويها مثل الملفاي 4دورات مزدوجة
حلها بالحلال تم ادهنها بالزيت رشي شوي فرينه اطويها مرة اخرى 4دورات مزدوجة فى كل دورة ادهني زيت و رشيالفرينه 4مرات
اتركها ترتاح

حلها بالحلال رقيقة ضعي حربوش حشو لفيها دورة و نصف ادهني الحافة بالبياض حتى تلصق تكملي سخني زيت و اقليها على نار خفيفة حتى تتحمر قطره من زيت و عسلها


تزيين اختياري




جلجلان او لوز خشن او نوات كوكو

[ياسمين177]

ميميشة راني رايحة نجرب هذو السيقار يقطعو ولا شوية

[سليم66]

بارك الله فيك يا اخت ميميشة على كيفية السيقار المغربي و لدي طلب اخر وهو ان تضعي لي كيفيات يوم الاثنين لانني كنت اعمل وجزاك الله الف خير واعدك بوضع كيفيات لدليلة مستقبلا وشكرا لك

[mimicha1977]

المشاركة الأصلية كتبت بواسطة ياسمين177

ميميشة راني رايحة نجرب هذو السيقار يقطعو ولا شوية

اهلا حبيبتي ياسمين 2كوؤس شاي لعندي عمرولي كاس نتاع القزوز يعني كميه نتاع السجائر طلعت كميه مليحة راهم طلعو ملاح بزاف فى البنه يليقو على مائدة رمضان ان شاءالله

بمناسبه مرة دليله كان عملت بقلاوة تركيا عملتها بالحلوة الترك و القطايف و عجينه لعملتها شوي مفهمتش شرح

وهي قالت بلي سر البقلاوة هدي فى العجينه و انا حابه نجربها نتعبك معايا لو تكتبلي طريقة تحضير فقط لان مقادير كاتبتها
لان هدا الوصفة كان بثتها عندها حوالي 3سنوات و رجعت عملتها عندها حوالي شهرين لكن المقادير و طريقة مختلفة جدا

المشاركة الأصلية كتبت بواسطة سليم66

بارك الله فيك يا اخت ميميشة على كيفية السيقار المغربي و لدي طلب اخر وهو ان تضعي لي كيفيات يوم الاثنين لانني كنت اعمل وجزاك الله الف خير واعدك بوضع كيفيات لدليلة مستقبلا وشكرا لك

للاسف حصة اليوم الاثنين كان هناك انقطاع لتيار الكهربائي و راحت عليا

ان شاء الله ادا من اخوات سجلت الحصة تكتب لنا و اش عملت

[ياسمين177]

لبارح الاثنين دليلة قدمت تورتة مالحة بالشوفلور راني حطيتها لبارح فصفحة29 وقدمت
غريبية على الطريقة المغربية:
في كسرونة ضعي 150غ سكر+3بيضات+فاني وضربي على نار هادئة ونتي تخلطي حتى يذوب السكر وكشغل يعقد شوي البيض نحيه من النارضيفيلو 100غ جوز الهند+100غ جلجلان محمص+100لوز محمص ومرحي+100غ سميدرطب و1 خمارة خلطي حتى تولي عجينة خليها ترتاح فثلاجة لمدة 1الى 2سا شكلي كويرات رمديهم فسكر قلاسي وطيبيهم فلكوشة.

وقدمت لبات فيلو:
4كيلات فرينة+فاني+50غ لحظة+نصف كيلة زبدة التوريقوتلميها بالماء والماءزهرتقسمي العجينة الى 12 قطعة تحليهم كيما البقلاوة وتحطيهم فوق بعضهم وبينهم المايزينة بكثرة وتحلي وديري بيهم الشاميات اوالبقلاوة.

[ياسمين177]

اختي ميميشة البقلاوة التركية لقدمتها دليلة لعام لفات انا تاني عييت باش نفهمها مفهمتهاش كتبت المقادير وعاودتها شحال من مرة بصح مفهمتش طريقة حل العجينة
اما نتي قلتي لقطايف وحلوة الترك هذيك يقولولها التركواز وهي تجي طبقة من العجينة المورقة وطبقة حشو وطبقة قطايف هذيك خدمتها ولاتحبي نكتبلك الوصفة

[mimicha1977]

المشاركة الأصلية كتبت بواسطة ياسمين177

اختي ميميشة البقلاوة التركية لقدمتها دليلة لعام لفات انا تاني عييت باش نفهمها مفهمتهاش كتبت المقادير وعاودتها شحال من مرة بصح مفهمتش طريقة حل العجينة
اما نتي قلتي لقطايف وحلوة الترك هذيك يقولولها التركواز وهي تجي طبقة من العجينة المورقة وطبقة حشو وطبقة قطايف هذيك خدمتها ولاتحبي نكتبلك الوصفة

التركيواز و انا سمعتها التركيا (( و .ز ) هربولي هههههه ربييخليك حبيبتي

نتعبك معايا و اكتبيلي الوصفة و ربي يحفظك من كل شر

[dalal 28]

[QUOTE=mimicha1977;6125322]اختي دلال هذه هي الوصفات

الجبن او الفرماج

5لترات حليب رايب حطيه في اناء كبير على نار هادئة ناخذ قطعة قماش لما تشوفي ماء وحدو وتكتل الرايب وحدو صفيه في قطعة القماش خليه يقطر لمدة 4 الى 5 ساعات









وصفة دليلة

مبعد ضعي الجبن المصفى لفي الصورة +2 صفار بيض+125غ زبدة+فلفل اكحل وملح خلطي على النار حتى يعقد وحطيه في قالب وخليه يجمد ثم قطعيه.









اليكي وصفتين للجبن مجربين مرارا وتكرارا وساهلين

كنت طلبتها من عند اختي ياسمين ربي يحفظها
فورماج بالبيض:
3 الى 4 لترات حليب رايب حطيه في اناء كبير على نار هادئة ناخذ قطعة قماش لما تشوفي ماء وحدو وتكتل الرايب وحدو صفيه في قطعة القماش خليه يقطر لمدة 4 الى 5 ساعات
مبعد ضعي الجبن المصفى + صفار بيضة 20غ زبدة+4 مغارف لحظة+ملح+نصف مغرف صغيرة بكربوناتعلى نار هادئة ونتي تخلطي حتى تجمد نحيها من النار وخذي مول نوع لتحبيه تاع لكيك او اي نوع فرشيه بالالمنيوم وحطي الجبن وخليه يجمد ثم قطعيه وقدميه يجي رائع.
اتمنى تعجبك الوصفة وتجربيها



او نفس الطريقة ديري الرايب على النار كيما الطريقة الاولى وصفيه كذلك لمدة 4الى 5 ساعات
ثم تحبي تخليه غير هاك مسوس وتاكليه رائع او لكي الاختيار تنكهيه بالثوم او المعدنوس .
هاهو فى الصورة

يعطيك الصحة اختي ميميشة ربي يحفظك راكي فضلتي علي ربي يهنيك
كنت غايبة بسبب المتحانات شكراااااااااااااااااااا

[جومانة09]

السلام عليكم
اليوم دليلة دارت الخساس و مثلجات بالوز ايفيلي و كنت مشغولة ما كتبتش وما تبعتهاش مليح كان زوجي مسافر و دخل لهيت بيه
المهم الي كتبتهم تفيدني خصوصا المثلجات تبان بنينة

[ام محمد اصيل]

المشاركة الأصلية كتبت بواسطة جومانة09

السلام عليكم
اليوم دليلة دارت الخساس و مثلجات بالوز ايفيلي و كنت مشغولة ما كتبتش وما تبعتهاش مليح كان زوجي مسافر و دخل لهيت بيه
المهم الي كتبتهم تفيدني خصوصا المثلجات تبان بنينة

السلا عليكم ورحمة الله تعالى وبركاته
لحسن الحظ ان ظالتك عندي اختي حقيقة كسرة الرخساس ما كتبتهاش ولكن المثلجات كتبتهم وايك الوصفة عزيزتي:
4حبات بيض منفصلين -كأس سكر ناعم-100غ بودرة شانتيي-كأس حليب بارد-كمشة من شرائح اللوز +حبات كاملين.extrait au chiox vanille ou fraise....
التحضير:
نضربو صفار البيض مع السكر والنكهة المختارة من جهة اخرى نضربو بودرة الشانتيي مع الحليب البارد ومن جهة اخرى نضربو بياض البيض مع درة ملح لما ننتهي نضيف الخليط الثاني للخليط الاول ثم نضيف بياض البيض ونخلط الكل مع بعض برفق للمحافظة على القوام ونضيف شرائح اللوز بعدها نغلفو قالب بورق غدائيpapier film ونفرغو فيه الخليط ونزينوه بحبات اللوز المتبقية ونزيدو نغطيوه بالورق الغدائي وندخله الثلاجة مدة ساعتين وشهية طيبة.
اتمنى ان اكون افدت كل من لم يتسنى لها سماع الوصفة.

[aziza05]

رخساس الباتني
01 كلغ سميد رقيق
فنجال زيت
02 م خميرة الخباز
ملح
ماء دافي
خلطي كل شيء مع بعص وبليها تكون يابسة ثم خليها ترتاح مدة 10 د ثم عجنيها ايبوس حتان تكون رخوى ثم قرسيها و طيبيها في طجين الحبة

[جومانة09]

شكرا لكما ربي يعطكم ما تتمناو جزاكم الله خيرا

[kokotg]

ا[color="purple"]لسلام عليك
م اخيي ميميشة صابلي لونتي صفحة8 شحال الفرينة[/color]

[mimicha1977]

المشاركة الأصلية كتبت بواسطة mimicha1977

صابلي لونتي
200مرغرين 200سكر ناعم 00غ فرينه 4صفار+ بيضه كاملة
2ملاعق قهوة فاني نصف كيس خميرة رشه قرفه 2قطرات مستخلص قهوة
الطريقة خدي بيضه و4 صفار صربيهم قليلا مع بعض ضعيه جانبا
في إناء ضربي مرغرين و السكر بالخلاط الكهربائي أو بكف اليد مثل مرهم ضيفي نصف كمية البيض خلطي
و نصف الثاني احتفظي بيه
خلطي الفرينه و فاني و الخميرة و قرفه و كبيهم على الزبدة و خلطي حتى تتماسك و تكون طريه ضعها في الثلاجة لمدة ساعة
بعد ذلك حلها فوق بلاستيك نصف سم قطعها دوائر او مربع او مقروطات
البيض لي كنتي احتفظت بيه ضيفي له مستخلص القهوة حتى تصبح يني غامق ادهني سطح الحلوى بواسطة شوكه اعملي ليها خطوط ادخلها الفرن 20د تبرد ضعيها في علب

المشاركة الأصلية كتبت بواسطة kokotg

ا[color="purple"]لسلام عليك
م اخيي ميميشة صابلي لونتي صفحة8 شحال الفرينة[/color]

مقدار الفرينه 400غ تحياتي الخالصة

[أمل العرب]