ورشة انجاز تروسو سموكس

[fifiarch]

المشاركة الأصلية كتبت بواسطة petra imad

ahline okhti raki darti nafss couleur nta3i hata 3okachrah 3andna nafss dawk



massae kheir okhti fifi w ko akhawate rani choft charh w inchaalah ykoun tatbik
bark lapareile rani mssafatha w man ba3d nhot les fhotos

اهلين اختي بترا واش اخبارك ان شاء الله تكوني بخير
معليش راني نستنا الادوات نتاوعك
واللون هاذا يجيكم فور لبنات لي خيرتوه انا عن نفسي يعجبني

[ام احمد الغالي]

الله يسعدك اختي فيفي انا مش معاكم في الدورة بالصح ممكن افاجاك واكون عملت كوفرلي معاكم لاني نحب السموك كثير بالصح مافهمتش حاجة كيف نلصق جزئي القماش علاش ما نعملش قطعة وحدة مرة وحدة اذا شريت قد السرير قدقد

[جيهان13091991]

ايه اختي الف شكر هذا اول مودال بالسموكس لي شفتو عندها عام هكاك و من تم عجبني و حابة نسقسيك ياخي الياسمينة مانديروش فيها البونج مازال نخدموهم برك على خاطر تاعك جاوني باهيين تقول ماحشيين بحاجة و الف شكر

[fifiarch]

المشاركة الأصلية كتبت بواسطة ام احمد الغالي

الله يسعدك اختي فيفي انا مش معاكم في الدورة بالصح ممكن افاجاك واكون عملت كوفرلي معاكم لاني نحب السموك كثير بالصح مافهمتش حاجة كيف نلصق جزئي القماش علاش ما نعملش قطعة وحدة مرة وحدة اذا شريت قد السرير قدقد

اهلا بيك اختي
ايه ان شاء الله ماذا بيا انا
القماش نلصقوه في بعض لان كيما تعرفي كي نخدمو السموكس راح ينكمش
و يولي الطول نتاعو في النص
يعني لازم نعملو الضعف نتاع البعد لي حابين نتحصلو عليه باه مبعد كي ينكمش نطيحو في الابعاد لي حابينها

[ام احمد الغالي]

شكرا كلك ذوق

[fifiarch]

المشاركة الأصلية كتبت بواسطة جيهان13091991

ايه اختي الف شكر هذا اول مودال بالسموكس لي شفتو عندها عام هكاك و من تم عجبني و حابة نسقسيك ياخي الياسمينة مانديروش فيها البونج مازال نخدموهم برك على خاطر تاعك جاوني باهيين تقول ماحشيين بحاجة و الف شكر

لا الياسمينة تجي كيما شرحتها في الفيديو برك
كي نقلبوها ثم نحشيوها بالبونج
ايه مازال مانحشوهاش ضرك
الان راكم مطالبين غير باه تعملو اربع سطور ياسمينة
والمرة الجاية كي نحط الدرس نتاع الاسبوع المقبل ان شاء الله نديرلكم كيفاش نحشوها باه تولي ياسمينة مقلوبة
اما عن الياسمينات نتاوعي تبعي الطريقة و يجوك هاكذاك و حاولي تنظمي القماش بيديك يخرجولك
على فكرة الساتان روايال هو لي يخليهم واقفين وباهيين
لو كان جا نوع اخر من الساتان ماتجيش بالجودة هاذيك

[fifiarch]

المشاركة الأصلية كتبت بواسطة ام احمد الغالي

شكرا كلك ذوق

العفوووووووووووووووووووووووووو

[جيهان13091991]

اني عاودت شفت الدرس و فهمت مالازمش نحشيوهم و شريت كراس كتبت الدرس , مالا انا مايجيونيش باهيين كيما تاعك الساتان تاعي ميش روايال مي معليش ذرك نتعلم و امباعد ندير واحد مليح و تشوفيه و تقوليلي ما شاء الله و زادت استاذة الخياطة قلتالها عندي استاذة فالنت راهي تعلم فيا فالسموكس ولا الفوج تاعي كل حابين يتعلمو حتى الاستاذة الاخت فيفي تعلمني و انا نعلمهم و الأجر نتقاسموه من بعد نتفاهمو شكون لي يدي كثر

[ام احمد الغالي]

اختي فيفي خايفة نكون ثقلت عليكي بالصح حبيت اعرف ممكن نلصق القطعتين باليد ولا لازم مشينة وهل نلصقهم الحافة مع الحافة ولا عادي اذا فاتت شوي

[batoul2000]

السلام عليكم

[chiraz16]

مساء الخير لكل الاخوااات
اليك اختي فيفي اللوازم الي شريتهم



اشريت غير اللوازم الي لازم نبدا بيهم والباقي نشريهم لاحقا انشاء الله

راني نسلت الخيط مكان قص القماش وقطعتو 4 م+ 4م وخيطتهم اوفوفيليت القماش باش مايتنسلش

اختي فيفي انا مالفا نخدم غرزة الياسمينة ونسل الخيوط عادي ومايبانش خلاص تغطيه الياسمينة شوفي فهادي المخدة الي خدمتها مايبانش خلاص والله



هكدا تحديد قياس المربعات يكون ساهل وقيس قيس ونفس الطريقة اتبعتها مع الياسمينة المقلوبة بصح جبدت برك الخيط باش حددت الخط وعاودت سلستو شوفي

[جيهان13091991]

ليوم نهبلك علابالي قلقتي من الاسئلة , انا الفراش لي راح نديرو الطول 140 سم و العرض 74 سم
و كي قسمت القيم لي مديتيهوملن لقيت 75 سم على 150 سم كل قطعة قماش و القطعة لي فالنص 0,35 سم و 75 سم بانتلي الحساب صحيح واش قلتي ختي فيفي هكا

[ayoubw]

ا
ختي فيفي الابعاد نتاع الستارة هي

انا شريت 3 متر طول و العرض نتاعو بالطبع 1.50 متر قسمتها على 2 ولات 6 متر و العرض 75 سنتمتر و
خليت6سنتمتر من فوق و قسمت الباقي على 4 صفوف يعني الطول كون 17 سم والعرض درت 15سم و بعد الخياطة يولي 3 متر مع استعمال لاغفلات للكشكشة
مقلتيليش واش رايك خدمتو مليح

[fifiarch]

المشاركة الأصلية كتبت بواسطة جيهان13091991

اني عاودت شفت الدرس و فهمت مالازمش نحشيوهم و شريت كراس كتبت الدرس , مالا انا مايجيونيش باهيين كيما تاعك الساتان تاعي ميش روايال مي معليش ذرك نتعلم و امباعد ندير واحد مليح و تشوفيه و تقوليلي ما شاء الله و زادت استاذة الخياطة قلتالها عندي استاذة فالنت راهي تعلم فيا فالسموكس ولا الفوج تاعي كل حابين يتعلمو حتى الاستاذة الاخت فيفي تعلمني و انا نعلمهم و الأجر نتقاسموه من بعد نتفاهمو شكون لي يدي كثر

لا اختي جيهان اكيد يجيك شباب تعرفي علاه
على خاطر راح تخدمي الياسمينة المقلوبة وهاذيك راح تتحشى يعني راح يوقفها الحشو وتجيك هايلة باذن ربي
خلاص مبعد و نتفاهمو
و اذا تحبو نجي نقريكم ونديرلكم لي كور

[fifiarch]

المشاركة الأصلية كتبت بواسطة ام احمد الغالي

اختي فيفي خايفة نكون ثقلت عليكي بالصح حبيت اعرف ممكن نلصق القطعتين باليد ولا لازم مشينة وهل نلصقهم الحافة مع الحافة ولا عادي اذا فاتت شوي

لا اختي لازمك تلصقيهم بالمشينة باه تجيك كانها قطعة واحدة كبيرة
وتنا لازمهم يجو مع بعض و اذا فاتت شوي حاولي تقصي الزايد بالمقص خلي القطعتين لاصقين في بعض و مكان الخياطة يكون مع الحاشية باه كي نديرو الغرز مايقلقناش
و ماتخافيش اسئلي واش تحبي

المشاركة الأصلية كتبت بواسطة batoul2000

السلام عليكم

وعليكم السلاااام