يوميات عضوة - الصفحة 30

ام عبودة · 2014-03-23, 08:00

صبااااح الخير. امازة ونخولة وام ياسمين وايمان ووووووووووووووووووووو
ايمحولي البارح ما قطرتش نرد عليكم المنتدى ثقيل
بصحتك التدويشة نخولة
ام ياسمين التبكارة ههههههه والله والو غير كي عاد راجلي رايح بكري الايامات هاذو ال8 وقتي هههههههه
المازة الله يكون في العون وينزل شفاءه علينا اجمعين

ام عبودة · 2014-03-23, 08:01

ام ياسمين الله يسلمك ان شاء الله يعودو علينا بالصحة والهناء

ام عبودة · 2014-03-23, 08:13

البارح من بعد ما خليتكم حطيت تسميعي لسورة البقرة
نفظت الغرفة بالخفيف وجدت الاولاد باش نروحو لدارنا
وصلنا السائق. سلمت عليهم وقعدنا لقيت اختي حاطة قصعة تاع عجين دايرين الفطور مختومة او المحجوبة او اكسرة بالدواء تاعنا ههههه
حطولي القهوة مع المسمن وقعدنا شوي خيتي مريضة شوي عطاتني امي روب تاع دار وقالتي توحشنا طيابك المعنى واضح افهموه هههههههه عاودت عجنتها مليح العجينة وقطعتهما وزدت درت على الحشو او الدواء تاع المختومة وبديت نطيب والعادة المليحة عندنا انو هذه الاكلة محبوبة عند الناس نهار اللي نطيبوها لازم بكميات كبيرة على خاطر لازم اللي يشمها ياكلها ههههههه وبديت اللي تتنح من الطاوة تتنكل حتى لحقت خبزتي الاخرة كليتها مع كاس لبن امممممممم كملنا وغيلنا المواعن صلينا الظهر وخرجنا كوفيرتات والى النوم جاونا دار عمي ما رقدناش وقعدنا نتحاكو ونظاحكو زاتدت ختي حطت الشاي والمسمن قعدنا شوي وجات كنة دار
عمي تسكن وحدها جابت ترموس قهوة خضراء وطبسي مسمن قلتلهم هذا نهار المسمن راني تقهويت بيه في داري وزدت لقيتو عندكم
راحو ظيافنا وان وجدت حوايجي للعودة الى البيت جاني السائق كي وصلت قعدت شوي مع الزوج ومن بعد خرجت للجنان سيقتو
صليت المغرب ودخلت للمطبخ درت جلبانة بيضاء للعشاء وفريت وسلطة تعشينا ورقدنا

ام عبودة · 2014-03-23, 08:49

ام ياسمين قاع الاولاد هكا كا يحب يرقدو ما بين والديهم
شوفي انا سمعت الوقت هذا كاين اللي ترقد ولدها في غرفة من يوم الاوال ان ما نديرهاش وخليهم يقولو واش يحبو والله يا لوكان ما يكونش لاصق فيا سريرو ما نرقد ههههههههه ميمي ماعنديش اربع شهر من خرجت سريرو من الغرفة تاعي وراهو مع خوتو بصح ما نكذبش عليك الرقدة الاولى ما بيناتنا نحطو في بلاصتو الصباح نلقاه بيناتنا وانا هذا الشئ عمرو ما يقلقني على خاطر رايح يكبر و يحكم بلاصتو ههههه وراه بالكوش ههههههههه ما نخافش
ونزيد نقولك حاجة انا من راوية حتى لميمي دايرتهم شغل بوبيات نرقدهم من مول النهار ماما وعزوجتي ظل يعيطو عليا يقولولي راكي تخنقيهم مازالو صغار بصح انا وااالو ما ناخذش الراي وراهو غير الحافظ ربي من نهاري تاع النفاس الاول نرقدهم على ذراعي ههههههههه
واليوم كبروا ويرقدو في غرفهم غير كي تكون العطلة تاع الاسبوع اوالعطل هذه نخليهم يرقدوا بحذا جداهم برك
وساير الايام الدراسية لا لا الا اذا كنت مسافرة
نحبهم يرقدو في الوقت ويفطنوا في الوقت
انا صراحة في بعض الامور نحب نكون سلسة في التعامل مع اولادي وما نحبش نتبع قاعدة ولازم كذا ولازم كذا على خاطر لحظات الامومة الاولى ما تتعوضش
مثلا اولادي اليوم يحبوا يلعبو في التراب نخليهم يوسخو ارواحهم والحالة كاملة يقلبوها اكيد انا نتعب ندوشهم ونغسل الحوايج تاع الطين وفوق من ذاك ساعات يمرضولي بصح ما نحبش نردهم كي يقولولي ما ما على وجه ربي خلينا نلعبو في التراب

المستغفرة · 2014-03-23, 13:31

وشراكم لبنات لبارح خرجنا نحوسو نظت صليت على 05:30
وراجعت من بعد طيبت القهوة وفطرنا انا وماما وجدنا لغدا
نقيت الشمبرا تاعي
حتان ناظ خويا ومرتوا فطروا وديمارينا على ٠٧:٠٠
رحنا قريب لتيارت رحنا نجناو في الترفاس
دهمينا تقهوينا في القلتة يميم بشيح
لحقتسعة ونص بدينا نحوسوا وندوروا
حتان للوحدة تغدينا صلينا و كملنا لقينا تسع ترفاسات هههه
راني صورت من بعد نحط الصور
ام عبودة اسمحيلي خرجت على موضوع حبيت نوريكم
وين رحنا
نخلة راني صورتلك كائنات قلتي لام عبودة راني نحب هذو لحوايج هههه بلاكي تخلعي

المستغفرة · 2014-03-23, 13:39

من بعد نزيد نحط صور لخاتش راني
نخدم في لقاطو قاتلي ماما ديريلي لصحابات
تاوع المسجد

نخله. · 2014-03-23, 14:01

سلام عليكم

ام عبوده تعرفيني زواليه ما نردش عالخاص وش يدير هذا حانوت ولا طبيب ؟؟؟؟

المستغفره ياسلام بصحتكم كاش شيح راهي وحد البلاصه قريب لآفلو فيها اجود انواع الشيح موالفه نحش منو ههههههههههه

و الفكرووونه كون غير جبتيهال نموت فيهم بصح دايمن نلقاو غير تع الما وين لقيتو هاذاك النوع

انا مين نخرجو ونا نوريلهم شوفو بومه شوفو حنش هذا جربوع ............وهوما ما يشوفو والو انا تلمون نحب هاذ الحوايج حاجه ما تفوتني

اليوووووووووووووووووووووم

نضت الصباح صليت ستقهويت بصح روطار فطنا 8 ونص الريداوات لبخته تهنيني منهم الغدا كاين والدار نقيه ايا نويت نقي الكويزينيار مع الفصوص والبوا تع الكوزينه درت الفلفل والطماطم والثوم فالفور للحميص باه تسخن وتسهل تنظيفها و وااااااااااااااااع

حتى 12 وما كملتهاش حبست باه نتغدو وغسلت الماعن وكي راح السبع كملت لي اكسسوار تع الفور كملت مع الظهر وليدي عاوني نشر الريدوات وغلق النوافذ ونا كلعاده رح نموووووووووووت بالتعب والنعاس ههههههه

و كل عشيه كي يجي يقولي اسمعي انت عندك قريب شهر ما خرجتيش يالاه خرجي هههههههههه نقولو رح نموت بالتعب ونا اصلا كي نكون بالحمل نلصق فالدار راني من 8 مارس ما خرجتش وما نيش نحوس نخرج حرمت على ولادي التحواس باباهم ما يديهمش وحدهم

اليوم ما لحقت لا على البقره ولا على الحفظ ذرط نسمعها احسن من والو

سلاااااااااااااااااااام

نخله. · 2014-03-23, 14:11

سلام عليكم

المستغفرة · 2014-03-23, 14:13

الله يسلمك نخلة
والله روعة كان غير جبتهالك. رحنا قريب لتيارت
ايه جبنا الشيح
وحد العصفور كبير وعندو تينتا يهبل لسع كنت رايحة نصورو هرب
كل ما نلقى حاجة نقل لماما استناي نصورها لنخلة هههه

نخله. · 2014-03-23, 14:33

هاذاط سماه التبيب زاوش وعندو مثلث يهبل فوق راسو ولونو غامق راني مخلوفيه تع براري ههههههههه

ام عبودة · 2014-03-23, 14:34

نخلة الله يفرج علينا وعليكم
الرجال تاوعنا الكل عندهم نفس العقلية يحبو يمشو كلمتهم وخلاص
حنا عندنا كلمة بمعنى الشحان ( تاغنانت)
حنا نختلفوا بصح دايما بالضحك يعني الاولاد مازال صغار ما يفهموش
وفي كل شئ عندنا اراء مختلفة عمرنا ما تفاهمنا على شئ ههههه
وعلى الخرجة اخرجؤ نحؤ على خاطرك واقيلا حساب الشوفة راكي تتوحمي على عنتر ههههه
فكرتيني سولتك على شارب ولا بوشارب تاع لي تليفيزيون هههههه
المستغفرة بصحتكم التحويسة انا ما نخافش ابدا من الحشرات الا القريلو واااااااع نموت منو
على بالك انا الصيف اللي فات لقيت افعى كبيرة في داري ههههه والله ما امنها واحد حتى انا عمري ما تخيلت نشوفها هنا كان اللي قال هبطت من الكاف اللي بحذانا وكاين اللي قال بلاك جات مع كاش كاميون بصح ان حرت كيفاش دخلت من التاقة وغير ربي ستر الغاشي كامل خرج نهار صيف سخون العشية راجلي راقد وربي ستر اولاد ما كانوش في الدار ميمي كان صغير يروح يمسها حتى انا خرجت معروف عليها والحمد لله واليوم كي نكون نمشي نتخيل وين لقيتها ربي يستر

المستغفرة · 2014-03-23, 14:37

اقتباس:

المشاركة الأصلية كتبت بواسطة نخله.

هاذاط سماه التبيب زاوش وعندو مثلث يهبل فوق راسو ولونو غامق راني مخلوفيه تع براري ههههههههه

صاحيتي قاتلي عليه ماما و نسيتو
يفكرك في الشهادة
سام تبيب
خيار ناس

المستغفرة · 2014-03-23, 14:44

الله يسلمك ام عبودة
يا ساتر يا ربي
ربي حفظكم

يا ربي افعى عندنا
ياااااع لقرلو انايا اي حشرة تحط عليا نزهق مرات شعري يخلعني ههههههه
تخيلي ماما دايما في صيف لقايلة و في ليل
تحط فراش عند الباب تقلي لتدخل كاش حاجة
نقعد قنضحك عليها
مالا نولي انا نديرها
ام عبودة راني نخدم في كفتة تاعك راني غير ندعيلك
ساهلة و بريزونتابل

المستغفرة · 2014-03-23, 15:04

ام عبودة ونخلة حابة نسقسيكم

كي تكونو تسيقوا و تباليو (تكنسو)
تزيروا على العصا انا نزير كي نكمل نلقاهم طراساولي في يدي
نتوما عندكم ولا لا لا
ان شاء الله تكونو فهمتوني
يعني في كف اليد

نخله. · 2014-03-23, 15:24

نويت نغمض بنتي تحزمتلي واااااااااااااع وجيت لقيتكم مقصرين

ام عبوده ما نعرفش بوشارب ولا روبريزونتون شارب نضن مكاش في لقواط بالاك الجلفه ولا البليده

المستغفره انا ثاني مرات يجوني دبرات من التزيار بصح يروحو ديرري فازلين