طريقة أكيدة لتصبحي ربة بيت سعيدة

[ام شمسو محمد]

غزالة عندك الحق الأولوية لإزالة الفوضى قبل أي عملية تنظيف و الوقت عندنا غير 24 ساعة موزعة على كثير من الضرورات ، كون نطاوعو شغل الدار نحتاجو 25 ساعة في اليوم .
أم متين اجتهادك في محلو ، ضيق الوقت و كثرة الإنشغالات من الأسباب القوية اللي تخلينا ننهزمو في معركتنا مع الفوضى و الإنفلات في المنزل و لكن هل نستسلمو ؟! لاااااا ....ننظمو ،ما لقيتش مساحة 20 د الصباح ، نديرها العشية في الليل مش راح تتقضى وحدها ،لهذا السبب أسلوب الفراشة يخصص 20 د كل يوم باش ما نعجزوش عليها مهما كان ظرفنا و كان نلنزمو بيها مع الروتينات راح نربحو المعركة .
أم متين جربي ساعة التنظيفات الأسبوعية قسميها على أيام الأسبوع : كل يوم عشر دقايق ،نتائجها روعة .

[sali kanouza]

صباااااااااااااااحكم سعييييييييييد فراااااااااشااااااااااااااات
انا اليوم صبحت عاجزة بايتة قاعدة فالليل مع بنتيي راني مكسرة وحابة نرقد وااااااااااع والاشغال تنتظر

[Sii]

ام البنين راكي تبطبطتي مالا ايا بون كوراج وزربي نقصي قبل ميوصلو لعراس وكتنقصي فرحينا
صباح الخير والبركة ام شمسو كتقعدي جاوبيني على سؤالي من فضلك حنونة

[Sii]

صباح الفل سالي انا نضت بكري ومزال مبديتش راني صايمة وحاسة بالعيا هيا نوضو نشجعو بعضانا انا رايحة ندير ساعة التنظيف الاسبوعية مدرتهاش لبارح
وكنكملو نرقدو في منتصف النهار ههه

[sali kanouza]

كيف حالك سي وانا واش تقترحي عليا ندير الحالة راهي مروبلة

[ام شمسو محمد]

لبنات دائما في سياق " السهل السريع " : ماهي ( أسلحتنا )أدواتنا في التنظيف اليومي باش ما نحكموش البونجة ثلاث سوايع .
سائل الأواني .
شيفونة ميكروفيبر .
بخاخ تاع الخل و الما .
كاينة وحد القاعدة تقول بلي :20% من المجهود تعطي 80% من النتائج ، مالا حافظو على أوقاتكم .
إليكم بعض طرق التنظيف " السريع " :
الثلاجة : اغسلي السلل و االأرفف بالما و الصابون و نشفيهم ، اغسلي الحيوط و الباب ، ( les joints ) تاع الباب استعمليلهم فرشاة أسنان ، باش تديري في الثلاجة ريحة مليحة حطي نصف ليمونة أو قهوة مرحية أو فحمة في سوكوب ،استعملي البخاخ و محلول الخل و امسحي كل الثلاجة ، و كملي بالشباك الخلفي انفضي الغبار و ما تنسايش الحيوط .
الميكرووند : سخني فيه بول تاع ما و عصير ليمون 3 د ، ثم امسحي بالشيفونة ميكروفيبر .
الفرن : غلي الخل و الما و حطيه يفور لداخل و مبعد أمسحي ينحي لي تاش .
الزجاج : البخاخ تاع الخل و الما و سائل الأواني و امسحي بالميكروفيبر سبيسيال زجاج .
البوتاجي و الفايونص محلول الخل و الما و سائل الأواني و الميكروفيبر .
هكذا تقتصدي الوقت و الما و تتجنبي المواد الكيميائية .

[Sii]

لكان مدرتيش ساعة تاع لبارح ديريها ليوم باه دوري على المنزل كامل وتخففي الفوضى عليه وخلي 20 د ديريها لعشية في المطبخ

[Sii]

شكرا ام شمسو بوركت انا ايضا منستعملش الماء خلاص في التنظيف مام التسياق منسيحش لما ولكن عندي نقطة ضعف هي الجافال منقدرش نستغنا عليه كون منستعملوش ومنشمش ريحتو يجيني تنظيفي ناقصو حاجة

[ام شمسو محمد]

سيي اسمحيلي قريب نسيتك ، 20 د تاع التبريد اليومية خصصيها برك للمطبخ ، و الساعة تنظيف عميق للمطبخ مرة في السمانة اليوم اللي يناسبك ،و اذا راكي عيانة الساعة الأسبوعية قسميها عشر دقايق ، كل ما تحسي روحك قادرة نوضي ديري عشر دقايق و ريحي .
سالي راكي تربي الأولوية لولادك صغار ، ديري الروتينات ، و كي تلقاي عشرين دقيقة ديري التنظيفات ، ما تضغطيش على روحك و ما تضيعيش ولادك على جال شغل الدار ، و لكن كوني منظمة و ماتخليش شغل الدار يخنقك و يفسدلك حياتك .

[ام شمسو محمد]

سيي أنا ثاني كنت مؤمنة بالجافيل بصح كي قريت على أضرارو نقصتو خليتو غير للضرورة ، الخل بديل مليح سيي .

[Sii]

اوكي حنونة ربي يحفظك لانو لبارح كدرت 20 دقيقة قلت بلاك راني غالطة
شكرا اختي الغالية نروح بنبدا اشغالي لي عودة كنخلص باذن الله

[Sii]

ان شاء الله درك نحاول نقص من استعمالاتو حتى نتخلص منو ونخليه غير للاشياء للازملها
ربي يجازيك اختي في الله

[جهينة اليقين]

السلام عليكم حبيباتي توحشتكم بزااااااف المطبخ بديت البارح نظفت الثلاجة والله مراني نقعد بسبب الظغوطات الي حكيت لكم بصح راني نحاول نطلع فالموراه راني بديت نخيط ولو اني اعتبرها من الضغوطات لكن نصيب راحتي شوي لاني كي نركز ونبدع ونبعد على الواقع شوي شي ساعة ولا زوج ونرجع لو ههههههههه

[جهينة اليقين]

ثاني تبدل عليكم اللوك انتوم تاع المنتدى ما صبتش فيه راحتي خلاص كمل علي
ام هارون اذا راكي طويلة وبطبوطة ما عليش الوخذة اذا كنت قصيرة غير ديري الرجيم

[Sii]

صباح الفل جهينة اليقين ربي بعينك اختي ويفرجها عليك وعملتي مليح كرجعتي للخياطة لانو انا مجربتها قبل الزواج كنت نخيط والله راسي تلقايه مركز غير مع الخياطة ومنخممش في حوايج يقلقوني