حقيقة الغش في الفلسفة ؟؟ مشروعة ام لا ؟ نقاش جدي

[محفوظ البسكري]

بل تطور الغش في الجزائر حيث اني لما ذهبت الى الطاكسي فون وجدت طالب مترشح يزومي في اللصاق الكبير

الغش بالطريقة اليبانية وظف الى ذلك انه مقنبل بالزوم في جميع جيوبه
و الاساتذة طالقيين

[jiji156]

حتى الانتخابات غشو فيهم واش تستناي كثر من هك

[سجينْ ..!]

حاجة ما تغيضنيش كيما انا نتعب طول العام و في التالي واحد قاع ماتعبش و جاب معدل خير مني يخليه يدير واش يحب

هاذي تقتلني انا تاع الصصح



المهم kader ... بالتوفيييق و ان ششاء الله تجيب معدل اللي يخليك دير طب ^^

[ibtihal2]

علامة قروب الساعة

[صُبح الأندلس]

الغش حرام و ليس من أخلاق الإسلام مهما كان السبب و أيا كانت الحجة ، و حتى في الأعراف المدنية يعد الغش أمرا مشينا للغاية
أما أن يقول أحدهم ماداموا يسمحون لبعضهم بالغش فلم لا أغش أنا ؟فليس عذرا أبدا ، لأن الغش يبقى غشا مهما غيروا له التسميات أو لونوه أو وجدوا له الحجج و العلل
و تأكدوا من ابتدأ حياته العملية بغش فلن يفلح و لن يبارك الله له

[bilel07]

المشاركة الأصلية كتبت بواسطة kader41

السلام عليكم

أدخل في الصلب مباشرة
اليوم أثناء تجولي في شوارع المدينة (سوق أهراس) لاحظت انو الجميع هاز مقالات وقاصد الطاكسيفونات والمكاتب والقاعات الأنترنت بش يديرو الزوم وقصاصات الغش
اعتبرتها عرضية في البداية لكن أثناء وقوفي مع صديق (رح يدير الزوم أيضا) بجنب قاعة أنترنت جاءت سيارة من نوع لوغان يسوقها شاب جنبو ابوه واختو في الخلف (ركن السيارة عوجة) ونزل مسرعا الى مولا السيبار وأعطاه كتاب به 20 ورقة تقريبا قلو زوميهالي ضرك نرجعلك وركب سيارتو وراح ؟؟ سبحان الله أب يجيب بنتو يزومي ليها بيديه ياك ؟؟؟
اليوم معاك انت ودارت الطرافيك غدا لما تكبر شوي الله أعلم الكوارث اللي رح ديرها والأطفال لي رح دجيبهم وش من رباية رح تربيهم هذا ان كانو شرعيين أصلا !!!

المهم انا العام الماضي حزت على بكالوريا بمعدل 14 لكن ما سهلش ربي في الاختصاص وراني نعاود فيه والعمال على ربي
خدمت لحد الآن بشكل ممتاز في جميع المواد عدا الرياضيات متوسطة
فكرت ماذا لو أحرزت معدل جيد ولم أذهب الى الاختصاص المراد بسبب فاصلة لعينة ؟؟ وغيري ممن حضرو الزوم وغشو أراهم فرحين في الجامعات والخ ؟؟ لأنو حتى بل والكثير من القرايين يغشو في الفلسفة

أنا ضد الغش لكن ليس في القاعة اللى نعقب فيها ما يخلوناش وفي القاعة المجاورة او المدرسة الأخرى او الولاية الأخرى يديرو رجليهم
لأنو انا على يقين لو تحدث تصفية حقيقية فان 14 تع العام لي فات تديني أحسن تخصص
أذكر مثال قد لا يعجب البعض
ولاية الجلفة العام الماضي حصلت على انذار من وزارة التربية للتجاوزات الحاصلة في البكالوريا حتا انو في بعض المراكز أغلقوا الأبواب وكتبو الحل في السبورة !! كل هذا من أجل تقديم الولاية التي احتلت الترتيب الأخير عام 2010 على مستوى الوطن

ولاية تيزي وزو تحصلت على الترتيب الأول وطنيا مع احترامي للسكان والطلبة لكن هل الأدمغة والعلم منزلو ربي ثمة بكثافة ؟؟ لا بالتأكيد ليسو العباقرة فصديقي الذي يدرس طب في جامعة الجزائر قلي أنو أغلب اللي من تيزي وزو في رح يعدو راتراباج وهالكينها الا من رحم الله ونجح في الباك بذراعو

لذلك فان كل شيىء اصبح مغشوش في هذي البلد من الوزير الى العساس

أريد آراء ومناقشات جدية

ملاحظة: لا أريد ردود تحتوي آيات أو أحاديث فالحمد لله لست ناقص ثقافة دينية وأعلم أن من غشنا فليس منا لكن ماذا ان كان في هذا الزمن من لم يغش فليس منا لأن كل شيىء مغشوش !!

ملاحظة أخرى: السبب في الاختصاص هو انني قررت انو الا رح نقرا في الجامعة ونتعب نقرا على حاجة صحيحة مشي حاجة خرطي لا ناقة لي فيها ولاجمل
سلااااااااااام وبالتوفيق

من يلام أولا هو الوزير الذي تغاضى عن تسريب اسئلة و الغش في الاعوام الماضية لا لسبب غير انه يريد انجاح المنظومة التربوية الجديدة و الطريقة السهلة عنده هي رفع نسبة النجاح بكل الوسائل و لو بالغش ، لكن هذا العام بعد ان اخفق هو في اجتياز مسابقة الانظمام الى البرلمان و تبين بان ايامه معدودة على راس الوزارة كان لزام عليه ان يرجع سكة الباك الى طريقها الصحيح ، انا ارى ان اسئلة الباكالوريا مستواها متوسط ان لم نقل سهلة لكن المشكل يكمن في ان المقبل على شهادة الباكالوريا رسخ له سيداة الوزير فكرة الغش و الاسئلة المسربة حتى التلميذ المتوسط الذي كان بامكانه النجاح بدون غش ذهب في طريق الغش لانه يرى ان من هو ضعيف ينجح بمعدل كبير عن طريق الغش اما هو فسينجح ب 10

[kious99]

معليش لا خليه بالغش

[akramset]

تعرف هذي هي الدنيا درك كيفاش مبنية
الطفل الصغير في المدرسة يغش
كيفاش حابو يبطل من هذي الطبيعة ؟؟
المجتمع مبني ا لونفار
سي بور سا تلقى المسؤول يغش و الطالب يغش ووووو
لكن مأواهم ,,,,, انهم ليسوا منا
شكرا

[kader41]

المشاركة الأصلية كتبت بواسطة gel

بعثوووك st خويا ؟؟

ووش تقييمك الباك العام لي فات ولا العام هدا شكون لي واااعر
+
انت صاحب خبرة في تصحيح اوراق الامتحاان وش رايك زيرووك ولا عاونوك

لا يا أخي بعثوني بيولوجية وبدلت رياضيات واعلام آلي ثم أوقفت العام (بلوكيت)

الباك والله انا بالنسبة لي العام هذا أسهل لأنني معيد بالتاكيد لكن رياضيات العام هذا أصعب من تع العام لي فات
لكن بالنسبة للناس اللي أول عام ليهم الله أعلم أظن أصعب قليلا من تع العام لي فات


بالنسبة لتصحيح الأوراق العام الماضي أعطوني حقي لا زايد شعرة ولا ناقص الا في الفرنسية كان حقي ناقص 13.5 مع اني خدمت خدمة 16.5

سلاااااام بالتوفيق

الله يهديك .. واش راك حابني نقولك .. روح غش عندك الصح ؟؟ !!

ما قتلكش دبر عليا أصلا

ومن قال لك هاته المعلومات,

الحل في السبورة هذا لم يحدث في الجلفة, وترتيبها المتأخر راجع للجدية في الحراسة.

جاي تصبر في روحك على ولايتك
المصدر موثوق بل أكاد أكون أنا هو المصدر لانو كنت مطلع على ما يحدث هناك
الجدية في الحراسة شيىء عادي
في ثانويتك انت جدية والأخرى والأخرى لكن مستحيل الكل مسيطر عليهم وش عرفك انت بباقي المراكز وش ساري فيها

بل تطور الغش في الجزائر حيث اني لما ذهبت الى الطاكسي فون وجدت طالب مترشح يزومي في اللصاق الكبير

الغش بالطريقة اليبانية وظف الى ذلك انه مقنبل بالزوم في جميع جيوبه
و الاساتذة طالقيين

شفتي يا الأخ

حتى الانتخابات غشو فيهم واش تستناي كثر من هك

نعم كل شيىء مغشوش تبا وش تستنى وليس وش تستناي حتى كلماتك مغشوشة p:

حاجة ما تغيضنيش كيما انا نتعب طول العام و في التالي واحد قاع ماتعبش و جاب معدل خير مني يخليه يدير واش يحب

هاذي تقتلني انا تاع الصصح



المهم kader ... بالتوفيييق و ان ششاء الله تجيب معل اللي يخليك دير طب ^^

ان شاء الله أخي صيدلة وليس طب خخخخخ هرمنا

الغش حرام و ليس من أخلاق الإسلام مهما كان السبب و أيا كانت الحجة ، و حتى في الأعراف المدنية يعد الغش أمرا مشينا للغاية
أما أن يقول أحدهم ماداموا يسمحون لبعضهم بالغش فلم لا أغش أنا ؟فليس عذرا أبدا ، لأن الغش يبقى غشا مهما غيروا له التسميات أو لونوه أو وجدوا له الحجج و العلل
و تأكدوا من ابتدأ حياته العملية بغش فلن يفلح و لن يبارك الله له

اولا أنا لم أبحث عن مبررات وحجج واهية للغش
لكنني ابحث بشق الأنفس عن العلاج ولا حياة لمن تنادي
يسمحون لأغلبهم بالغش
المدراء والأساتذة في اختبارات تاعهم تع الترقية يغشوا وين راحي لا سيكيريتي يا طحاحنة
لمن تشتكي حبة القمح اذا كان القاضي دجاجة

من يلام أولا هو الوزير الذي تغاضى عن تسريب اسئلة و الغش في الاعوام الماضية لا لسبب غير انه يريد انجاح المنظومة التربوية الجديدة و الطريقة السهلة عنده هي رفع نسبة النجاح بكل الوسائل و لو بالغش ، لكن هذا العام بعد ان اخفق هو في اجتياز مسابقة الانظمام الى البرلمان و تبين بان ايامه معدودة على راس الوزارة كان لزام عليه ان يرجع سكة الباك الى طريقها الصحيح ، انا ارى ان اسئلة الباكالوريا مستواها متوسط ان لم نقل سهلة لكن المشكل يكمن في ان المقبل على شهادة الباكالوريا رسخ له سيداة الوزير فكرة الغش و الاسئلة المسربة حتى التلميذ المتوسط الذي كان بامكانه النجاح بدون غش ذهب في طريق الغش لانه يرى ان من هو ضعيف ينجح بمعدل كبير عن طريق الغش اما هو فسينجح ب 10

اوافقك الرأي لكن أختلف معك حول التسريبات
كن متأكد لا توجد تسريبات كما يزعمون
وحتى ان وجدت والله أعلم لم تجدها في النت بل هي في الخفاء عند رجل واحد لطفل واحد

[مسيردى]

لله في خلقه شؤون

[sofiene DZ]

الي مايصوصلش للعنب يقول قارص

[mirnorimo]

ماشكيتش كاين مادة وسمها فلسفة لازم نسموها مادة الحفظ هادي هي
ما تحوس تخمم لا تتفلسف اعطيلو واش كاين فلكتاب هادا ماكان ما تزيد ما تنقص
طفي مخك ما تخممش اكتب واش راك حافظ

[wided72]

السلام عليكم ..
و الله يا أخي الكريم موضوعك جاني في الصميم لاني فعلا حانقة على الوضع الكارثي الغش أصبح من توابل البكالوريا بلي يعرف يقرا بلي ما يعرفش و نقولك الصح أنا وحدة من الناس تغيضني كي نتعب و نتمرمد و الراحة ما نشوفهاش كيما خلق ربي و في الاخير في قاعة الامتحان المشؤومة يخلولهم الحبل على الغارب ..و الله لعشية قريب نبكي مش لاني ما سلكتهاش و الله الحمد لله كان معايا ربي من اول نهار لآخر نهار اما كي تشوف الاساتذة الحراس ربي يهديهم - طبعا مش لكل- ماهومش متحملين مسؤوليتهم و الجماعة مدايرين حالة بالهاتف و السكانير تغيضك روحك صح تقول في قلبك انا ما يشرفنيش ندي باك كيما هكا و كي تحب تخدم على روحك و تجيبها ذراع يفسدو عليك و معدلات القبول تطلع للسما و قولي انت واش تدير في الجامعة ..هندسة رعوية ؟؟
الحمد لله انا خدمتي تاع جهدي صح و فخورة بروحي حتى لوكان نجيب 10.00 و رغم انو كان بمقدوري نغش بصح أبدا ما نتنازلش و هوما وكيلهم ربي .
++++++ شكرا

[kader41]

المشاركة الأصلية كتبت بواسطة wided72

السلام عليكم ..
و الله يا أخي الكريم موضوعك جاني في الصميم لاني فعلا حانقة على الوضع الكارثي الغش أصبح من توابل البكالوريا بلي يعرف يقرا بلي ما يعرفش و نقولك الصح أنا وحدة من الناس تغيضني كي نتعب و نتمرمد و الراحة ما نشوفهاش كيما خلق ربي و في الاخير في قاعة الامتحان المشؤومة يخلولهم الحبل على الغارب ..و الله لعشية قريب نبكي مش لاني ما سلكتهاش و الله الحمد لله كان معايا ربي من اول نهار لآخر نهار اما كي تشوف الاساتذة الحراس ربي يهديهم - طبعا مش لكل- ماهومش متحملين مسؤوليتهم و الجماعة مدايرين حالة بالهاتف و السكانير تغيضك روحك صح تقول في قلبك انا ما يشرفنيش ندي باك كيما هكا و كي تحب تخدم على روحك و تجيبها ذراع يفسدو عليك و معدلات القبول تطلع للسما و قولي انت واش تدير في الجامعة ..هندسة رعوية ؟؟
الحمد لله انا خدمتي تاع جهدي صح و فخورة بروحي حتى لوكان نجيب 10.00 و رغم انو كان بمقدوري نغش بصح أبدا ما نتنازلش و هوما وكيلهم ربي .
++++++ شكرا

أتفهمك جيدا نفس الوضعية في التاريخ والجغرافيا انا خدمت خدمة تع 18 ان شاء الله وناس بالتنقال رح يلحقوني
هههه عجبتني تع هندسة رعوية تبا انها الجزائر

[ammar le fort]

شوف يا أخي أنا راني كيما نتا .. ليوم كي دخلت لقاعة الإختبار تصدمت .. بالبنات بالذكورة بالمقالات ينقلوا ؟؟؟ ... بصح عندي قناعة في


نفسي ..نعتمد على نفسي مهما كان ... أنا صراحة حاب ندير جراح أسنان في الجامعة ... ومازلت عندي أمل باه نوصلها ...بصح حاب


نوصلها بعرق جبيني مش بالغش ..حاب نختبر نفسي إذا كنت نستاهل نقرا دونتيست ولا لا ..... أنا درت ألي عليا والباقي على ربي ..



وألي كتبها ربي فيها خير إنشا الله ... هكذاك أنت يا أخي .....ربي يوفقنا أجمعين ويوصل كل واحد لمبتغاه