دحماني - الصفحة 3

عآشقة غزه · 2012-08-26, 22:31

اقتباس:

المشاركة الأصلية كتبت بواسطة hassendz

هههههه صح مي الله غالب كاين بعض الاقارب الله لا يشوفك مالا ما تشوف الشيطان ما تسمي منو

الله غالب رجع كلشي مادة عندك مرحبا بيك ماعندكش ولي منين جيت واش باين راك مسوفري من لافامي هههههههههههههههههه

hassendz · 2012-08-26, 22:50

هههههههههههههههه راني مسوفري تع الصح
ادعيلي يا ختي قاورية تهنيني

عآشقة غزه · 2012-08-26, 23:34

ربي يهنييك خيو ويبعثلك بنت الحلال ويسرلك امورك

hassendz · 2012-08-26, 23:50

امين اختي مي راني نخمم نخرج من بلاد الحقرة هادي
صراحة و الله العظيم des fois نحس روحي مانيش راجل

عآشقة غزه · 2012-08-26, 23:54

تخلي الشيخ والعجوز لواحد منا يروح غير من ولايتو يتوحش نصيحة مني صلي وادعي ربي يفرجها عليك بلادك ماصبتش فيها روحك رايح لبلاد الناس
صلي ودير الاستخارة سلام وليلة سعيدة

hassendz · 2012-08-26, 23:59

العجوز ربي يرحمها نفضل نعيش غريب في بلاد الغربة و ما نعيش غريب في بلادي
تصبحي بخير

عآشقة غزه · 2012-08-27, 10:49

الله يرحمها جعلها الله سيدةمن سيدات الجنة ادعي لها بالمغفرة وصدق عليها
يتيم الام يتيم كامل ويتيم الاب نصف يتيم اصعب شيئ فقدان الام تحس روحك محقور حتا في وسط العايلة ربي يرحم امهات المسلمين
تخيل الوالدة ديالك اكيد راح تبكي على ابن ديالها اذا راح لبلاد الغربة تحب يماك تزعفها نتا واكيد كاين لي يحبوك كون عاقل وربي يفرجها سلامي ليك

hassendz · 2012-08-27, 13:04

آمين يا ربي و صحيح ما قلتيه تحس روحك محقور في وسط العائلة لكن محقور حقا في وسط العائلة ماشي غير تحس..
راكي تعرفي المعيشة مع زوجة الاب خصوصا تكون قاسية كيما لي راني معاها و امي ربي يرحمها توفيت يوم ولادتي و أفتخر كوني ابن شهيدة..
إنها تعتبر شهيدة بإذن الله،لما رواه راشد بن حبيش:أن رسول الله صلى الله عليه و سلم دخل على عبادة بن الصامت في مرضه،فقال رسول الله صلى الله عليه و سلم:"أتعلمون من الشهيد من أمتي؟" فأرم القوم، فقال عبادة : ساندوني،فأسندوه،فقال : يا رسول الله الصابر المحتسب،فقال رسول الله صلى الله عليه و سلم:"إن شهداء أمتي إذا لقليل،القتل في سبيل الله عز و جل شهادة،و الطاعون شهادة،و الغرق شهادة،و البطن شهادة،و النفساء يجرها ولدها بسرره إلى الجنة".
و السرر:ما تقطعه القابلة من المولود.

عآشقة غزه · 2012-08-27, 18:44

ربي يرحمها افتخر ومرت باباك ربي يهديها اصبر واحتسب
واتحداها بنجاحك في اي مجال و رد بالك على خياتك نتا تخمملي في الغربة ومخليهم

hassendz · 2012-08-27, 21:27

ان شاء الله
شكرا اختاه

حمودو · 2012-09-05, 19:57

السلام عليكم انا ايضا دحماني و اقطن مدينة ميلة ونحن عائلة عريقة بهاته المدينة التاريخية و توجد هاته العائلة بجميع ربوع المغرب العربي و يقال ان اصولنا عربية .

عآشقة غزه · 2012-09-05, 20:07

شفت الله يبارك علينا مام ناس خير وكرم
متشرفة بمعهرفة احد يملك لقبي بارك الله فيك

sel dalia · 2012-11-25, 19:04

توجد ايضا في غليزان وبكثرة

عيون المهى · 2012-12-12, 13:32

كاين في جيجل تاني

عآشقة غزه · 2012-12-23, 06:22

Merci pour votre passages