الخدمة الوطنية في المدرسة التطبيقية لتدريب القوات الخاصة بسكرة

[zikouk]

المشاركة الأصلية كتبت بواسطة malekb

أخي نقولك ولكن اذا خصك التفصيل نعطيك فايسبوك ديالي اتصل بيا (abdellah mohamed ) وراني داير صورة سامي يوسف

أولا اخي وصلت للمدرسة ودخلت بعدها تلاقيت مع الطبيب لأنه لازم ياخذوا المعلومات عليك والاستدعاء وبعدها ما يديرولك والو طبت بالقعاد في العيادة وهاذيك العيادة الله يحفظ وفيها وحد الطبيب تسمع منه سوى الهدرة المليحة يعني الله يبارك يسبك وحد السب الله يحفظ برك .صح وبعدها جا المكلف بينا كنا 3 كلنا نحوسوا نجوزو الخدمة الوطنية وروحنا معاه للغرفة .الغرفة هاذي شالي كبير فيه كامل الطلبة تاع الخدمة الوطنية .وكانوا مطبقين علينا نظام شوية صعيب لأننا كنا مدنيين في وسط العسكر ماشي مخليينا نخرجوا من الغرفة الا الى المطعم ويجي وحد المساعد هو لي يدينا يعني ما تروحش وحدك لأي مكان تبقى داخل الشالي كامل النهار .
هذا وبعد أيام عيطونا حنايا المرضى وروحنا عند الطبيب ودخلنا عنده شافنا وشاف الملف وكنصيحة اذا كنت حاب تحط ملف طبي لازم تكون تعرف كل الوثائق لي عندك وتزيد من عندك بلي راك مريض صح.ومن بعد خرجنا من عند الطبيب وبعد ايام ثاني عيطونا حنا المرضى نروحوا عند الطبيب وتلاقينا مع الطبيب ومعاه انسان اخر باش يشوفوا شكون هوما لي يرسلوهم للمستشفى العسكري بورقلة .بعدها بأيام قالونا المرضى ماشي كامل يعني لي خيروهم الطبيبان هوما لي يروحوا لمستشفى ورقلة وجابونا طائرة عسكرية وروحنا لورقلة مع وحد مساعد اول كنا كامل مدنيين وحوالي 15 يوم ما خرجناش ولينا حيوانات مخلوعين في العباد .صح دخلنا للمستشفى وبعدها كل واحد يروح عند طبيبه المختص وكنا كامل عطاونا الاعفاء ماعدا واحد كان مريض من عينيه وقبضوه . علابالك اخي سمحلي الهدرة بزاف وعييت وراه عندك الفايسبوك ديالي راني أون لاين درك ولا من بعد وان شاء الله نساعدك .

ربي يعطيك ماتتمنى خويا و سامحني في تعبك
خلاصة القول أن الملف الطبي أمر ليس سهل،شكراعلى كل حال أخي.

[malekb]

لا بصح انت اذا عندك اي ملف طبي تديه معاك ولكن لازم يكون صح ملف طبي ثقيل تاع الصح يعني يفنع واذا وصلت للمستشفى العسكري عندك 90 في المائة تدي الاعفاء لأن الأطباء ليسوا عسكريين وانما مدنيين يخافوا لوكان تكون مريض اذا يصرالك اي حاجة وهو يتحمل المسؤولية عليك.

[chuk]

المشاركة الأصلية كتبت بواسطة zikouk

عامين!!!!!!وين راك عايش ؟تحت الأرض و إلا راك حاسب روحك مازلت في وقت الشادلي؟ياو فيق
الرمل أحسبو وحدك و زيد شكون طلب رايك؟لأننا في هذا المنتدى نخاطب العقال و ليس......فاعرف قدر نفسك

أنت باين عليك أنثى بابيش اتعلم حاجة في هذه الدنيا إلتزم الصمت فقط وهذا بالضبط المطلوب فمستواي أعلى من مستواك ولا تكن جبان وتتكلم وكأنك في عصر أوباما متطور وبدون قلب الجزائر في حاجة إلى أبنائها الشرفاء

[zikouk]

المشاركة الأصلية كتبت بواسطة chuk

أنت باين عليك أنثى بابيش اتعلم حاجة في هذه الدنيا إلتزم الصمت فقط وهذا بالضبط المطلوب فمستواي أعلى من مستواك ولا تكن جبان وتتكلم وكأنك في عصر أوباما متطور وبدون قلب الجزائر في حاجة إلى أبنائها الشرفاء

إسمع ياعديم التربية تعلم إحترام الآخرين ولاتحشر أنفك في مالايعنيك أو تتكلم كلام أكبر منك
لولا إحترام المنتدى و الأعضاء الكرام لعرفت كيف أؤدبك ولاكنك غير جدير حتى بذلك أيها ......
أرجو من المشرفين على المنتدى إتخاذ الإجراءات اللازمة ضد مثل هذه المداخلات الوقحة.

[عبدالكريم001]

السلام عليكم
هذه المدرسة استقبلت في دفعة سبتمبر الماضي 37 فرد سرحت 19 يسبب طبي وبقي فيها 18 فرد المهم فترة التدريب 5 أشهر كاملة بدون اي اجازة تم تأخد اجازة 8 ايام وعندما تعود الميتاسيو مباشرة المهم كذلك هو ان التدريب قاسي قليلا لكن بعد التاج تحس بالياقة البدنية وعلى فكرة هم لا يفرقون بين المرشحين والمتعاقدين نفس التدريب

[zikouk]

المشاركة الأصلية كتبت بواسطة عبدالكريم001

السلام عليكم
هذه المدرسة استقبلت في دفعة سبتمبر الماضي 37 فرد سرحت 19 يسبب طبي وبقي فيها 18 فرد المهم فترة التدريب 5 أشهر كاملة بدون اي اجازة تم تأخد اجازة 8 ايام وعندما تعود الميتاسيو مباشرة المهم كذلك هو ان التدريب قاسي قليلا لكن بعد التاج تحس بالياقة البدنية وعلى فكرة هم لا يفرقون بين المرشحين والمتعاقدين نفس التدريب

شكر أخي على المعلومات المفيدة خاصة و أنها تتعلق بالدفعة السابقة
إذن فإنه و على عكس المدارس الأخرى فإن الفائض منعدم و العدد قليل جدا
ربي يوفق الجميع.

[zikouk]

المشاركة الأصلية كتبت بواسطة عبدالكريم001

السلام عليكم
هذه المدرسة استقبلت في دفعة سبتمبر الماضي 37 فرد سرحت 19 يسبب طبي وبقي فيها 18 فرد المهم فترة التدريب 5 أشهر كاملة بدون اي اجازة تم تأخد اجازة 8 ايام وعندما تعود الميتاسيو مباشرة المهم كذلك هو ان التدريب قاسي قليلا لكن بعد التاج تحس بالياقة البدنية وعلى فكرة هم لا يفرقون بين المرشحين والمتعاقدين نفس التدريب

السلام عليكم
هل من معلومات حول الفائض في دفعة سبتمبر الماضي أم كان التسريح بسبب طبي فقط؟ وشكرا

[zikouk]

السلام عليكم
نرجو ممن له معلومات حول الفائض في هده المدرسة إفادتنا بها نظرا لأن تاريخ الإلتحاق قد إقترب (22 مارس2012) فلا تبخلوا علينا من فضلكم.

[عبدالكريم001]

السلام عليكم
يا اخي اخر دفعة للفائض كانت في سبتمبر2010 ومن بعدها انقطع ففي كل من دفعتي مارس وسبتمبر 2011 لم يعد هناك فائض عدا السبب الطبي

فدفة سبتمبر 2011 كل المدارس كان بها قلة اي لم تحقق اكتفاء لنفسها نظرا لعدم لتحاق الكثير من الشباب

[nino2610]

اهلا اخي

انا من سكان بسكرة و فوتت التدريب في المدرسة التطبيقية لسلاح المدرعات في باتنة . كنت من دفعة مارس . حقيقة فوتناها بالزبيب

غير نخدمو لوردر سيري و الميلفاي و الرقاد زيدلها شوية تنحي لحشيش ههههههه

لما جات الميتاسيون تلاقيت في الترنزيت في وهران بجماعة المرشحين اللي تدربو عندنا في بسكرة . صدقني ردوهوهم روبوات .

الضحكة ما كانش . قالك التدريب عادي كاالمتعاقد كي الاحتياطي . يا و الله نحساب فيهم عسكر صح . قالك الخدمة في الجبل فيها فيها

انا اصلا كنت سلاح دبابات و خدمت الجبل عادي جدا فما بالك بالخاوة نتاع البارا

واش نقولك الله يلعن ايام الجيش و سنينو . رغم الذكريات الجميلة مع الجماعة و الرجال اللي تتعرف عليهم حاجة اخرى ما تتساهل تهدر

عليها .

انا مهندس في البيولوجيا يبعثوني دبابات و جماعتي تاكل فيها بالمساك في الحراش

المهم كلش فات و الحمد لله .

بالتوفيق للجميع

[DAHO_MATRIX]

يا اخي الشيء اللي سمعتو عليها أنو التدريب فيها قاس جدا جدا

واللي ماهوش موالف بالرياضة راح يلقى صعوبات كبيرة بزاف

ربي يوفق ان شاء الله

[أسد الرمال1]

يا خوي لا تسأل عن فترة التدريب فهي فترة قصيرة وليس تدريب الإحتياطيين كالمتعاقدين والعاملين في سلك الجيش فهو أقل و غير متعب الأهم بعد التدريب عند تحويلكم لباقي الوحدات عبر الوطن ... مهام القوات الخاصة واحدة هي مكافحة الإرهاب أي الخدمة في الجبال والمفارز المنتشرة في المناطق الساخنة..... لكن لا ادري إن كانوا يسمحون للإحتياطيين بالقيام بالمهام القتالية...فانا اديت الخدمة العسكرية قبل عامين لكن ليس في صفوف القوات الخاصة ولكن بعد التدريب حولت إلى وحدة قتالية كقائد فصيلة مكافحة إرهاب وقمت بنفس مهام الضابط العامل لا فرق بيننا من التمشيط إلى الكمائن ..وأكملتها والحمد لله ...رغم خطورة الوضع اللدي كنت فيه لكنها بقيت في عداد الدكريات اللتي لا أنسهاها