كيف نتعامل مع هذا الصنف ؟؟

[محمد جديدي التبسي]

أخي حسين راني قتلتني من الضحك

بارك الله فيك يا لعزيز

عجبني الجمع تاعك بولحيات ههههههه

نكونوا لحية كبيرة في وجه اللي يسلفو

راه لازمهم البارود أخي

الصراحة وخلاص بالتي هي أحسن واللي يصرى يصرى

بارك الله فيك أخي راك صاحبي ما تخافش نسلفك ههه

[نورسين.داية]

تذكرني بإحدى صديقاتي .....جاءتها صديقة أخرى تستلف عليها جيب كما ذكرت سلفا ......تصور اعارته لها أكثر من 3 مرات في الرابعة
قالت لها صديقتي ..........خديه بصفة نهائية و لا تعودي مرة اخرى .......فصديقتي كرهت الجيب كره شديد
اما انا بكل صراحة ...........مانسلفش تصور صديقاتي ....يراقبنني لما اشتري الكتب من المعارض ....(هوما دراهمهم في جيوبهن ) و يقولولي أسماء لمل تكملي الكتاب سلفيهلي نقراه ..............هل تعلم جوابي .؟؟؟؟....: سلف بالدراهم و على كل صفحة 10 دينار و الفاهم يفهم
فما بالك بما دكرت أخي حسين من الأشياء .............هذيك من المستحيلات .............

[الصومالية]

السلام عليكم ورحمة الله وبركاته

اوافقك مئة بالمئة اخي الفاضل لاني و بكل صراحة امقت هذه الظاهرة ...ففي قاموسي توجد كلمة لوازم شخصية يعني تخصك لوحدك فقط
و بالجزائري ماشي مشروط تلبس حاجة و لا تدير حاجة ما عندكش دير رجليك غير قد لحافك...بديت نشكل في الامثال

اتمنى ان تكون في تمام الصحة و العافية اخي حسين



سلاام

[المعتصمة بدين الله]

السلام عليكم و رحمة الله و بركاته...... فعلا معك الحق ........ الامر الاكثر ازعاجا انك اذا قمت مرة ووافقت ان تقرض اي شيء فان ذلك لن يتوقف عندها فقط بل سيجد انك ممكن ان تعيد الكرة و يعيد هو الكرة بدون اي "حشمة" ....و لكن في حياتنا هناك اشياء نستطيع استعارتها لانه لا يمكن للكل اقتناؤها....و لكن الاشياء الخاصة و كل مرة يطلب الواحد حاجة هذي لي ميش مليحة.... و زد على ذلك ممكن للشيء الذي اقترضناه ان يتلف ذلك ما يستدعي ان نشتري مثله و وان لم نجد نقع في ورطه فما دام اني ساصرف المال لاشتراء الغرض للغير بسبب عطله لماذا لا اشتريه لي و يبقى عندى و هذا ما يقع في اغلب الاحيان.... و يجي عندك و يقولك راهو فسد و راح نشريلك واحد في بلاصتو ما يستدعي منك انك تقولو خلي برك و الله والو ماعليش.... علاه علينا هذا.....ربي يسترنا و الله لا يخلينا و لا يحطنا في مواقف مثل هذه.... و كما قالت اختي ام مازن الواحد ما يتفكركش خلاص و كي يحب يسلف يتفكر بلي عندك يلقى حاجتو و يعيطلك .... واش ديرلو ... هذي هي الدنيا و لا هذي هي العقلية الجزايرية

نسييييييييييييييييييييت حقا حبيت نسلف من عندك psp و حشمت يخي نوووووووووووووووووووووووووورمال و الا كاشما صرالو السماح بيناتنا

[سهير العربي طرقان]

[b]السلام عليكم و رحمة الله تعالى و بركاته :
عذرا بلايير المرّات أخاه
لكنّي أخالفك الرّأي تماما ن هي فعلا ظاهرة تفشّت في المجتمع
لكنها ليست بالسلبية يقول مثل : مولا التاج و يحتاج :
أي شخص معرض لكي يستعير منك شيئا ، فلا ضرر في ذلك
بل علينا مساعدة غيرنا و الاهتمام بهم و نحن إن اختجنا نقصدهم
هذا ليس بالأمر السّيء علينا مساعدة الغير و هم كذلك
و حتى و إن ألحقوا الضرر بحاجياتنا فعلينا أن نكون صابرين
متفهمين و التماس الأعذار لهم
دمت بحفظ الرّحمن و رعايته[/b]

[دموع الحيــاة]

لا أعير غيري أشياءَ خاصة بي
- حتى ولو كانوا أهل بيتنا -

ولا أطلب منهم أن يعيروني أشياء خاصـــّة بهم

ما يعجبني فأنا أشتريه

وما لا أقدر عليه فلا يعجبني أبداً..

[مصطفى قاسمي]

ةههههههه واش يفسد

المشكل يالحسين معنديش غير هذا الحذاء

لحباب يستاهلوا اكثر

هاون المشكل

راني فقتلها غير من بعد

مابحثت عن الرسالة نتاعك وملقيتهاش هههه

كنت منيش رايح انقلك بصح راك عزيز مايتخباش عليك

[عطر الملكة]

يا سبحان الله يا اخي حسين
غير امبارح اتكلم مع صديقة بخصوص موقف حصل معي
اولا هذ المشكل يكثر في الاوساط النسائية اكثر
في وحد الزمان كنت نحشم و نسلف نورمال و من بعد لما لقيت الناس بدات تسمط بدلت العقلية
و زيد كاين نوعية من الفاميليا تلحق تسلف اكثر الاغراض خصوصية
يسمى قالو سكتنالوا دخل بحماروا حشاك
و دير روحك نخالة ينقبك الدجاج
يسمى بهذ العقلية ما تخرجش
لكن من فترة طبقت حكاية عندي و ما نسلفش ارتحت من بعض العقليات
ياك اذا منشروني مش راح ينقص من طولي و نفس الامر اذا شكروني مش راح يزيد طولي خلي يقولوا مشحاحة
ما نحب نسلف اغراضي ما نحب نسلف اغراض خاطيتني
و شوف العقلية الي تحبس الراس كثير منهم على العام ما يتفكركش بمساج و لا بيباج و لما تكون الحكاية فيها سلف الموبيل يخدم 24/24
اجي نحكيلك على حكاية سلف من احدى قريباتي قرابة عام السيدة ما سمعتش صوتها
السيدة تبيبي و تعاود تبيبي و تعاود انا حرت قلت هذي سي سير مشكل ولا حاجة كبيرة رحت اتصلت
فالسيدة تقلي اسمحيلي راني ما عنديش لينيتي على بيها راني غير نبيبي برك في الحق راني معروضة في عرس و سلفيني الفستان الفلاني
راك عارف راسي حبس تتسلف و فوق هذاك مش قادرة تخسر لينيتي

و وحدة اخرى هذ غير الاسبوع الي فات جات تسلف في اغراض لاختها رايحة تتزوج فتخيل السلف عرفت تتسلف و العرضة لالالا جاتها صعيبة باش تعرض
يسمى واش حاب يقول قشنا مليح و احنا مش ملاح مناش وجوه اعراس ههههههههههههههه
ناس و عقليات ربي يلطف

شكرا اخي حسين على التوبيك النايس

[متفائل]

بارك الله فيك
موضوع رائع للنقاش فيه فائده وتوجيه
لان هذه من المشاكل اليوميه التي نتعايش معها في حياتنا

اولا سأذكر ما جاء في تفسير سورة الماعون في قوله تعالى
فويل للمصلين الذين هم على صلاتهم ساهون الذين هم يراءون ويمنعون الماعون
جاء في تفسير ويمنعون الماعون في الجامع لاحكام القرآن للقرطبي اطلعت عليه الآن
الماعون اسم جامع لمنافع البيت كالفأس والقدر والنار وما أشبه ذلك وقيل هو العاريه وقيل هي الزكاه اقوال عده

لكن نخشى ان منعنا مثل هذه الاشياء العامه ان نكون ممن يمنعون الماعون

اما بالنسبة للاشياء الخاصه فكما قال بعض الاعضاء مثل الملابس الخاصه فكيف نعيرها

وبعض الاشياء التي عليها خصوصيات لنا كيف لنا ان نعيرها نخشى اذا اطلع عليها الغير ان يسيء الينا

حصل معي ان احد المرات اعرت صديقا لي كتابا وهو مجلد من اربع مجلدات فأعاده لي وقد سكب عليه الشاي ونزع اوراقه
فكيف لي ان اعيره مرة اخرى

تحتاج لتقدير ما هي الاشياء التي نعيرها او لا نعيرها

[عطر الملكة]

المشاركة الأصلية كتبت بواسطة متفائل

بارك الله فيك
موضوع رائع للنقاش فيه فائده وتوجيه
لان هذه من المشاكل اليوميه التي نتعايش معها في حياتنا

اولا سأذكر ما جاء في تفسير سورة الماعون في قوله تعالى
فويل للمصلين الذين هم على صلاتهم ساهون الذين هم يراءون ويمنعون الماعون
جاء في تفسير ويمنعون الماعون في الجامع لاحكام القرآن للقرطبي اطلعت عليه الآن
الماعون اسم جامع لمنافع البيت كالفأس والقدر والنار وما أشبه ذلك وقيل هو العاريه وقيل هي الزكاه اقوال عده

لكن نخشى ان منعنا مثل هذه الاشياء العامه ان نكون ممن يمنعون الماعون

اما بالنسبة للاشياء الخاصه فكما قال بعض الاعضاء مثل الملابس الخاصه فكيف نعيرها

وبعض الاشياء التي عليها خصوصيات لنا كيف لنا ان نعيرها نخشى اذا اطلع عليها الغير ان يسيء الينا

حصل معي ان احد المرات اعرت صديقا لي كتابا وهو مجلد من اربع مجلدات فأعاده لي وقد سكب عليه الشاي ونزع اوراقه
فكيف لي ان اعيره مرة اخرى

تحتاج لتقدير ما هي الاشياء التي نعيرها او لا نعيرها

بارك الله فيك
تعقيبا على مداخلتك القيمة
احنا مثلا الاواني ذات الحجم الكبير مثل الصحون و القدر ووووووو .................... كثيرا ما نعيرها في المناسبات و الاعراس لمن يحتاج اليها على اساس ان في هذ المناسبات الناس كامل تلجأ للسلف عادي و حتى لو انكسرت او حتى ما رجعت الينا ما بنزعل عليها عادي
سلفها فيه اجر و ثواب
لكن مثل ما قلت الاغراض الشخصية هي التي يفترض ان لا نستلفها ولا نسلفها لانها شخصية

[the black perl]

انا كنت نسلف بزاااااااااف حوايج بصح كيعادو يفسدوهملي وليت ما نسلفش
المشكل ما يستحفظوش على الحاجة .......!!!!!!

مشكور على الموضوع اخي

[عربية الهوية]

هاد حوايج ميتسلفوش خصوصا اللباس ممكن عندو مرض
انا مانسلف ما نتسلف و اذا جات وحدة تطلب عليا (نادرا عارفيني منمدش) نقولها لا
مر مكونتش في الدار و ماما مدت لباسي نتاع الرياضة لجارتنا كي رجعاتو قلت لماما مديهولها ولا طيشيه مستحيل نعاود نديرو فوق لحمي