احكولنا شوية على طوايش الاولاد الصغار - الصفحة 3

ديني حياتي · 2012-04-02, 18:24

ههههههههههه

والله حكايات جنااان يغيروا ماشاء الله ربي يحفظهم

ههههههههههه عندي حكاية نتاع فاميلت بابا بنت وليد عموا

هذاك النهار يماها كانت تحكي وضوكا الطفلة كان عندها بالام عامين

المهم تقول يماها كانت تخمل فالدار طف حتى شافت قرلوا وبنتها راهي في الشمبرة لي فيها هو

راحت تجيب حاجة ترفدوا وتخرجوا هخهههههههههههه

هي جات لشمبرة تحوس عليه ماصابتوش هههههههههه صدفة خزرت في بنتها صابت رجليه يطلوا من فمها اععععععععععععع

ههههههههخخخخخخخخخخ

وضوكا راهي الطفلة كبرت وراهي تقرا فالابتدائي

zouaina · 2012-04-10, 14:29

السلام عليكم اعجبني الموضوع انا نحكيلكم على طوايش وليدي ميدو مرة ارفد اختوا الصغيرة شهر في عمرها وهو وقتها 4سنوات هبطها من الاتاج الفوقاني وانا لتحت كان عندنا ضياف نسمع في لعياط انتاع اولاد اعمامو المهم اقريب مت من الخلعة واحد المرة تاني هو وليد عمو طلعوا فوق الدار بالسلوم وطاح السلوم بعد ما هبط وليد عمو وقعد هو حاصل اسلام اكتر منو وانا وقتها حامل في شهري الاخير قريب ولدت

فتـ حييةـاة · 2012-04-10, 15:40

انا ولد عمتي صغير كي ماتعطيهش امو الدراهم يشري الحلوى يقوللها اعطيني ولا مانوليش نعرف نقرا نولي نكتب ب فيها نقطة من الفوق وال ت فيه زوج نقط من التحت ههههههههههههههههه

شمس 15 · 2012-04-18, 16:42

اقتباس:

المشاركة الأصلية كتبت بواسطة أم رزق الله

انا عندي وحدة طفلة صغيرة من عايلة زوجي تحشم بزاف مالا قالتلها يماها نحي الحشمة ازدمي كيما لبنات الصغار ايمالا خدات الراي كان عرس فالحومة تاعهم جابو الزرناجية و كي جا باباها مالخدمة لقى بنتو تشطح في وسط ليجان كي حبو يزرقوها قاتلهم يخي نتوما قلتولي نحي الحشمة

ولله غير ضحكتيني هدي فوووووور بزاف.

فاطمة_26 · 2012-04-24, 10:20

انا بنتي عندها 10 اشهر هاداك نهار كنت رايحة للعرس لبستلها حوايجها وحطيتها فوق البنك وحطيت قدامها الفليزة نتاع الحوايج نتاوعي ومبعد عيطلي باباها رحت نشوف واش يحوس كي رجعت مالقيتهاش عمبالي داتها مرت عمها عندها رحت نعيط قتلي ماهيش عندي بدينا نعيطو عليها حتى لقيناها تحت البنك ملتحت وكي تسمعنا نعيطو تهبط راسها زعمة تتخبا
رتووووووووووووووجة حنونة ماما طوايشها مانامنش بلي عندها 10 اشهر

ام منونة · 2012-04-29, 17:10

حبيبي الصغير لاح صباط باباه في الطابونة

salam algeria · 2012-05-01, 04:36

السلام عليكم
انا نحكيلكم على خويا كان يمكن خمس سنين مانعرف واش دار ضربتو ماما قالها كي يجي بابا نقولو يطلقك و الله قتلنا بالضحك هاذاك النهار