اكلة اوراسية من نيويورك - الصفحة 3

ام احمد الغالي · 2012-09-04, 08:34

كون غير يا ام مازن والله من سنين طويلة ماهبطش تحبي الصح كي يروحو الوالدين تثقال الرجلين على البلاد ولا وش رايك وثاني ولادي صغار نتغلب بيهم في السفر
بالصح اخواتي يجيو ويجيبولي كلش ان شاء الله الصيف الجاي نوصيهم يجيبولي غربال وطاجين المطلوع
يومك حلوووووووووووووووووووووووووووو

omo mazen · 2012-09-04, 19:46

اقتباس:

المشاركة الأصلية كتبت بواسطة ام احمد الغالي

كون غير يا ام مازن والله من سنين طويلة ماهبطش تحبي الصح كي يروحو الوالدين تثقال الرجلين على البلاد ولا وش رايك وثاني ولادي صغار نتغلب بيهم في السفر
بالصح اخواتي يجيو ويجيبولي كلش ان شاء الله الصيف الجاي نوصيهم يجيبولي غربال وطاجين المطلوع
يومك حلوووووووووووووووووووووووووووو

ربي يرحمهم و وسع عليهم و ربي يحفظلك اوليداتك و يعطيك الصحة واش انقولك العقلية في لبلاد تبدلت تروحي تنحي ضيقت الخاطر تروحي منرفزة ربي يستر الناس تمشي و تتقدم نتاوعنا يمشيو و يتعوجوا المهم الحمد لله هدا المنتدي راه يجمعنا تحت محبة اخوية و نتمني تعتبريني اختك عزيزتي و تقبلي مني تحياتي الخاصة

ام احمد الغالي · 2012-09-05, 13:07

اقتباس:

المشاركة الأصلية كتبت بواسطة omo mazen

ربي يرحمهم و وسع عليهم و ربي يحفظلك اوليداتك و يعطيك الصحة واش انقولك العقلية في لبلاد تبدلت تروحي تنحي ضيقت الخاطر تروحي منرفزة ربي يستر الناس تمشي و تتقدم نتاوعنا يمشيو و يتعوجوا المهم الحمد لله هدا المنتدي راه يجمعنا تحت محبة اخوية و نتمني تعتبريني اختك عزيزتي و تقبلي مني تحياتي الخاصة

والله كان عندك الحق يا ام مازن تعرفي كي سافرت من دزاير مثلا كان الحجاب اللي مش مستور مش مستور هو le pantalon chinois large
مع ليكات واسعة وتحت الركبة واليوم نسمع حكاية ال legging والخمار والبودي والجينز يعني مظاهر كنت نشوف فيها في بلاد عربية اخرى ووصلت لدزاير وزاده العوج زاد مندري وش صار
وانا اتشرف بمعرفتك وانتي اختي الغالية اينما كنتي

نسائم الصباح · 2012-10-29, 10:00

واو يا ام مازن شهيتيني بيها .شحل نحبها .حنا نسموها لمقطعة .وماما تعملها بالسميد الأرطب .وناهنا بالسعودية كي معندهمش السميد لمليح .نعملها بالقمح الأرطب .تعرفي تجي أروع من السميد والفرينة .وهذه الوصفة نعملها كي نكون مريضة بلاgريب .ونكثرلها الحار .والله غير تخفف عليا شوية

مشكورة حبيبتي .ذكرتيني بيها الله يذكرك في الشهاذة .وعيدكي مبارك

ام ملاك. · 2012-10-29, 10:36

يعطيك الصحة صح بنينة حنا نسموها مقطعة الموس

الكـ الطيبة ـلمة · 2012-10-29, 10:59

ناس الشرق كامل يسموها " المقطعة "

نحضروها في فصل الشتاء .... مي شخصيا ما نكلهاش بزاف

بصحتكم ام مازن أن شاء الله قريبا نلقاوك و نتلاقاو بيك في البلاد .

ما ننساش نقول لك عيدك مبارك أنتِ و كل أفراد عائلتك .