اقتباس:
المشاركة الأصلية كتبت بواسطة هوني لخضر
يا اخواني مذكراتي في ميدان التربية و التعليم ليس كمذكرات الطاهر زبيري التي هي عبارة عن مؤمرات ودسائس و انقلابات و تصحيح ثوري وزحف نحو العاصمة وهروب الى تونس و بن بلة و ايت احمد و هواري بومدين و ما خفي كان أعظم و مانيش عارف واش ، إنما مذكراتي هي أول خلصة في التعليم و كان ذلك في نهاية 85 حيث كانت تقدر ب327 ألف للشهر حيث اعطولي ربال نتاع 3 أشهر وقدر بـمليون سنتم بالتقريب
أتدرون واش شريت بهذوك دراهم
و الله العظيم غير تلفزيون ملون نوع سونيلاك من سوق الفلاح و بمعرفة كبيرة و بسعر 700 ألف
و الجدة نتاعي التي كانت بمثابة الوالدة رفقة اخواتي فرحوا به فرحا كبيرا لا يمكن وصفه لان التلفزيون الملون كان حاجة كبيرة و الجدة نتاعي دعت لي بوحدة الدعوة زينة حين قالت لي روح يا وليدي ان شاء الله ربي يضويها عليك كيما ضويتها علينا
ربي يرحمها و يرحم سائر موتى المسلمين
و انتما.............................؟؟؟؟؟؟؟؟؟؟؟
|
السلام عليك و رحمة الله يا الأخ لخضر
دائما منور المنتدى و تدخلاتك كلها هادفة . انا خريج سنة 1981 و كان المرتب 1330.00
حسب المعلومات انت من ولاية عين الدفلة .
إذا كان كذلك فانا حبيت نسألك على وحد الأستاذ من مليانة اسمه سبع عبد القادر هو استاذ مادة الرياضيات كان يدرس معانا في وهران تخرجنا سنة 1981
عمل سنتين في وهران و رجع إلى مليانة و منذ ذلك الوقت انقطع بيننا كل اتصال . برحمة الوالدين إذا عندك زملائك اساتذة رياضيات و يتلاقاو في الندوات يسولو لي عليه .
( تقرير عن مشاركة سيئة )، و الموجودة أسفل كل مشاركة .
2011-12-05, 22:01
العرض العادي
