كيف تقتصدين في حياتكي اليومية.موضوع متجدد - الصفحة 3

هاجر 76 · 2012-01-01, 21:36

اقتباس:

المشاركة الأصلية كتبت بواسطة منى2004

بارك الله فيك هلا أفدتنا بوصفاتكي في قسم الطبخ

الله يبارك فيك اختى منى ان شاء الله مرة مرة وين ما نطيب حاجة بالخبز اليابس نحط الوصفة فى قسم الطبخ ليستفيد الجميع

ام امجد14 · 2012-01-19, 12:16

السللم عليكم اخواتى اعجبنى الموضوع و حبيت نشارك اليكم طريقتى فى اقتصاد فى مادة الجافيل نشرى قرعة جافيل من نوع المركز و نخلطو مع 3لتر من النوع الرخيس الذى يباع فى الطرقات و نستعمل هته الطريقة مع الصانيبو بهذه الطريقة يشدولى مدة طويلة و الفعليتهم جيدة
اما اقتصادى فى الملابس حيث عندى اولاد نشرى ملابس الشتاء عندما يكمل فصل الريبع و نشريهم بنصف السعر و نخبيهم لشتاء القا دم خاصة القنادر تاع الفتون و معاطف الاطفال تعرفو سعرهم غالى ارجو انى افدتكم

miri_27 · 2012-01-28, 19:52

شكرااااااااااااااااااا على الموضوع صراحة اول مرة ادخل اليه

om soulef · 2012-02-14, 14:47

السلام عليكم ورحمة الله وبركاته بوركتي اختي الفاضلة على الموضوع كما ان التوفير شيء ممتاز ينفعنا في الكثير من الامور بارك الله فيك

السيدة كرمين · 2012-02-22, 14:31

حياة نور الدين · 2012-02-22, 19:07

والله موضوع رائع دائما متالقة يا منى انا حبيت نشارك في الموضوع بتدبيرة كي نحبوا نظفوا الثلاجة نلقاو حبات خضر اخيرة مثل حبة جزر وحبة لفت وبطاطا الخ نعملوها la soupe او حريرة وهكذا منرموش الخضرة، بالنسبة للمرق نتاع الطعام الحمراء انا كي تبقالي نرحيها ونزيدلها les épices تاع الحريرة والبيضاء نستعملها كمرق دجاج

om moha mahdi · 2012-02-23, 08:43

يعطيكم الصحة اخواتي هذا هو الموضوعاللي نحوس عليه انا ماعنديش دار وراني نقتصد على قد مانقدر باه نلم الدراهم وراني لاقية روحي بصح حبيت نصقصيكم وماتضحكوش عليا راجلي يخدم بعيد على الدار ب100كم ويروح الصباح ويجي العشية وعرانا البنزين ماتعرفوش طريقة نوفرو بيها البنزين احسبي كل يوم من30 الى40 الف حق البنزين واش تخرج في الشهر.وشكرااااااااااااااااااا.

/زهرة عصفور الجنة/ · 2012-02-23, 09:44

ربي يفرج على كل مومن لما لا يستعمل الغاز بدل البنزين

اقتباس:

المشاركة الأصلية كتبت بواسطة om moha mahdi

يعطيكم الصحة اخواتي هذا هو الموضوعاللي نحوس عليه انا ماعنديش دار وراني نقتصد على قد مانقدر باه نلم الدراهم وراني لاقية روحي بصح حبيت نصقصيكم وماتضحكوش عليا راجلي يخدم بعيد على الدار ب100كم ويروح الصباح ويجي العشية وعرانا البنزين ماتعرفوش طريقة نوفرو بيها البنزين احسبي كل يوم من30 الى40 الف حق البنزين واش تخرج في الشهر.وشكرااااااااااااااااااا.

meriem hanin · 2012-03-18, 17:47

جزاكن الله حيرا على طرح هذا الموضوع و جعله في ميزان حسناتكن
اتمنى حقا ان اكون سيدة و ربة بيت مثالية

afifa sadki · 2012-04-03, 22:07

شكرا لكي اختي و يعطيك الف عافية على هذه النصائح القيمة فالمبذرين كانو اخوان الشياطين و حبيت نسال على جهاز الكمبيوتر و الة الخياطة اذا كانو يستهلكو بزاف الكهرباء و شكرا

مريم سلسبيل · 2012-04-22, 18:42

يخوتاتي انا راني فيمشكل كبير اناراني مبدرة كييعودعندي دراهم نصرفهم غي في اللباس لكل العيلة ومعرفتش كيف نحي هد العادة الشينة عا ونوني بحلول

ام مرية · 2012-04-23, 22:57

الاخت مريم سلسبيل

الحل انك تعملي شحيحة وتخبيها برى دارك عند يماك ولاختك وكي يطيحو عندك الدراهم حطيهم فيها هاكا تجيك بعيدة وما تفتحيهاش انا عملتها والله غير درت الذهب بيها وزيد سلفت راجلي كي حب يبدل الطونوبيل بوحدة احسن

ام جزائرية · 2013-12-18, 17:02

هذي صح كاينة منها444444444444444444

ميرثا · 2012-04-25, 15:38

موضوع تحفة بارك الله فيكم

هبة الكوثر · 2012-04-25, 19:23

راني مدايرة شحيحة في المطبخ كل مانرجع الصرف تاع الخبز ولا نلقى في جيب راجلي كي نجي نغسل لحوايج نحطها تما والله تنفع
كي نطيب ماكلة باللحم المرحي نزودله الروز ...الروز ينشف المرقة ويجي بنين ومايغيرش الطعم
الخبز اليابس ندقو ونخطو في كارتون ونستعملو شابلير
ونستعمل الخبز اليابس موسكوتشوا ولا نديرو سنيفيات مقليين مع القهوة
كي نلقى ساشي حليب رايب نديرو فورماج
كي نطيب المرقة تاع الطعام ولا الرشتة ندير بالزيادة ونخبي فالكونجيلاتور باه جمعة نطيب وجمعة مانطيبش
الزيت تاع قليان البطاطا نصفيه ونخبيه في بلارة زجاج كي يبرد نطيب بيه الماكلات لوخرين
باه زيت القليان مايتحرقش ويمصهاش كامل القليان كي نشمخ البطاطا والبادنجان والقرع في ماء فيه شوية خل
هادا واش راني متفكرة بصح كاين حاجة واحدة ماتشدليش هي لاجافال والله كاني نشرب فيه هههه نحبوا ونشري بيدون 5 ليترات مايشدليش سمانة وراني استفدت مع اختى لي هدرت عليها