احترتُ فجئتُ اُشاوركُم - الصفحة 3

عُضو مُحترم · 2011-09-30, 18:42

اقتباس:

المشاركة الأصلية كتبت بواسطة mounir.b

موضوع مهم جدا وهو سبب في تعثر خطوات الزاوج او حتى الغاؤه نهائيا
ما رايكم بمن طلبت خاتم 3700دج و150000دج مهر .......و مبلغ للحناء...و قطعة ذهب...و القادم اعظم هذه حقيقة طلبتها احدى البنات التى حكى لي صاحبي عنها ولما قالها اكتفي بالمهر فقط قالت انت ماتحب فرحتي تكمل امام عايلتي

هكذاك انا نقول تحيا المعمّريات

( انا معمّري

)

8 ملايين+ خاتم بس و لا دينار زيادة

عُضو مُحترم · 2011-09-30, 18:44

اقتباس:

المشاركة الأصلية كتبت بواسطة H.Nassim

خطة جهنمية

بل خُطة اليائس

بعدما تيقّنت انه سيضيع منها

(شاب مُحترم و خلوق)

بسبب شروط اهلها التعجيزية

هي هكذا قال لها عقلُها للتخفيف عنه

عُضو مُحترم · 2011-09-30, 18:45

اقتباس:

المشاركة الأصلية كتبت بواسطة زوجة لزهر

أخي في الله مادامت هذه الأخت تدعي انها قنوعة فالتشتري بلاكيور أمام ناس تقول ذهب لماذا هذا الف ما أدراك بعذ الزواج ماذا يحدث عندما تستلف الذهب شىء صعـــــــــــــــــــــــــــــب

أحسن شيء لكل شاب أن يتوكل على الله و يستعين علي صلاة الإستخارة

هي قنوعة

و لكن امها لا

لا يمكن ان نتحدث عن الاب فهُو مُغيّب في اغلب العائلات

حصوصا في امور الزواج و المهر و الجهاز و القرااية و التربيةووووووو

خليها على ربي

شكرا لك اختي

البتول سمية · 2011-09-30, 18:45

اقتباس:

المشاركة الأصلية كتبت بواسطة *الفتى الصغير*

ههههه اطلعي الفوق ( عين امران)

التالية التالية اللي ما تتزوجش تتزوج ب 12

إذا البنت نيتها من الزواج التعفف و إكمال نصف دينها ... و إذا راهي حابة تتهنى... و إذا متعلقة بالرجل اللي تقدم ليها ....و الله غي الحل ساهل يتفاهمو و على حساب رايي كيما قلتلك .. 10 ملايين و الخاتم ...
نعرف عين امران و نعرف بنات من تم مش كامل عندهم نفس العقلية ....
ربي يجيب اللي فيه الخير

مطيعة الله · 2011-09-30, 18:45

السلام عليكم
الحالة راهي غير تزيد لبارح كنت في عرس في الصبحة جبوها ب 17 مليون و او زيد الخاتم ملعندو مرهيش ساهة في شلف
اما بخصوص الموضوع يتفاهمو و خلاص انا تبالي ماهيش غش

عُضو مُحترم · 2011-09-30, 18:51

اقتباس:

المشاركة الأصلية كتبت بواسطة khaoula23

أصبح الأهل يمارسون التجارة ببناتهم ويبعنهن كالبقر
من يدفع أكثر يأخذ
ولا حول ولا قوّة الا بالله

هذا هو الواقع يا اختي

الذي جعلنا نهُرب من الزواج

ربي يهدينا

عُضو مُحترم · 2011-09-30, 18:52

اقتباس:

المشاركة الأصلية كتبت بواسطة abdel02

هذه عادات نواحي عين امران....في الشلف 10 ملايين لا اكثر ولا اقل...

اكثر يا فتحي

في واد الفضة طلبو مني ( قبل عام)

12 مليون

عُضو مُحترم · 2011-09-30, 18:53

اقتباس:

المشاركة الأصلية كتبت بواسطة البتول سمية

إذا البنت نيتها من الزواج التعفف و إكمال نصف دينها ... و إذا راهي حابة تتهنى... و إذا متعلقة بالرجل اللي تقدم ليها ....و الله غي الحل ساهل يتفاهمو و على حساب رايي كيما قلتلك .. 10 ملايين و الخاتم ...
نعرف عين امران و نعرف بنات من تم مش كامل عندهم نفس العقلية ....
ربي يجيب اللي فيه الخير

الطفلة حابة تتهنى طبعا

هي اصلا بعدما خافت من ذهاب هذا الشاب

عرضت عليه المُساعدة

و لكن اهلها هم المُشكل

ربي يهديهُم

عُضو مُحترم · 2011-09-30, 18:55

اقتباس:

المشاركة الأصلية كتبت بواسطة مطيعة الله

السلام عليكم
الحالة راهي غير تزيد لبارح كنت في عرس في الصبحة جبوها ب 17 مليون و او زيد الخاتم ملعندو مرهيش ساهة في شلف
اما بخصوص الموضوع يتفاهمو و خلاص انا تبالي ماهيش غش

في الصبحة

و جابوها ب 17 مليون

الله يبارك

هي موافقة بقى هو يقتنع

لان ما بُني على باطل فهو باطل

و ما تقوم به الفتاة هو خداع

البتول سمية · 2011-09-30, 19:05

اقتباس:

المشاركة الأصلية كتبت بواسطة *الفتى الصغير*

الطفلة حابة تتهنى طبعا

هي اصلا بعدما خافت من ذهاب هذا الشاب

عرضت عليه المُساعدة

و لكن اهلها هم المُشكل

ربي يهديهُم

الأهل .... بما أنك من عين امران أكيد تعرف (تاوقريت) ...مش عارفة كيفاش عاملين هاذ الناس لكن صدقني نعرف بنت و قصة صرات و معندهاش بزاف حكاتهالنا أم البنت... تقدم شاب لخطبتها ... حب يتزوج بصح معندوش دراهم يكفو للمهر و لا للعرس و.... راك عارف العادات الأخرى... الشاب بقى مُـصّْر ... أم البنت مع أبوها يعرفو أنو الشاب صالح و وليد ناس ... قامو دارو الفاتحة .. وقالو أنو مهر البنت 14 مليون قدام عايلتها (أخوالها وأعمامها) بصح ميتدفعش الآن حتى لوقت لاحق ... أعطي الشاب لخطيبتو فقط 2 ملايين و الخاتم .. و الطبق اللي يجيبوه. و هاذي كانت فكرة الأم .. أنا استغربت كي حكاتلنا القصة قلتلها علاش عملتي هكذا ... قالتلي واش نعمل بالدراهم و هو مش قادر يجيبهم المهم الهنا .. ولا كان على الجهاز أنا نجهز بنتي ... و أم البنت هاذي خياطة و تخيط (اللحوف و لي كوفرولي و كامل الشورة تع لا شومبر... و حتى الملابس طبعا...)
ربي يهدي أهلها للخير إن شاء الله

نسائم الهدى · 2011-09-30, 19:05

ما قلتليش خويا محمد
علاش ما يتفاهموش هو وهي ويروحوا يشروا الذهب وحدهم ويشروا الفانتازي وهدا ماكان
وبلا ما تقول لا لوالدتها ولوالدها وتتهنى وتهني خطيبها وحتى واحد ما يعايرها نهار أخر.
أنا في رأيي هذا حل مليح ما يسلف ما يقلق روحوا.
وقولوا وردلي واش يقولك أوكي.
سلااااااااااااااااااااااام

عُضو مُحترم · 2011-09-30, 19:09

اوكي اختي كريمة

نقوللو و نرجعلك الخبر

asma_83 · 2011-09-30, 21:50

دع ما يُريبك الى ما لا يريبك

راجي الصّمدِ · 2011-10-01, 07:12

السلا معليكم ورحمة الله وبركاته

من الأفضل أن لا يفعل ذلك لأنّ فيه شيء من التّدليس والخداع

وأن يدع الأمور تمشي على طبيعتها ....

لكن لي سؤال لو لم يوفّر الذّهب فمعنى ذلك أنّه لن يتزوّج بها ...؟؟

imi02i · 2011-10-01, 08:15

إذآ كـــــآن الكذبـُ ينجي فإن الصدقـ أنجــــــى ...

يقلهم معنديش والسلام

وإذا بطلوا عليهـ ... كآين نآس تمد 10 ملاين فيها كل شيء

مـآتدير حتى جآحة من الذهبـ