إلى أصحاب جراحة الأسنان

[selma-chirdent]

مالا غير بدلي اذا كنت تحبي التخصصات العلمية بصراحة تخصص ما تندميش عليه

خصوصا لفتاة في رايي نفضلو خييييييييير من المحروقات لانو تخصص رجالي اكثر :/

[fella bac 2011]

المشاركة الأصلية كتبت بواسطة selma-chirdent

اهااا صافي منكم وطلع تولي 6 سنوات الله المستعان :/ الله اعلم ولا حنا تاني

المهم صح سنة 1 صعبة يا اختي ولكن نعطيك نصيييييحة ماتسمعيييييييييييش للي يثبطوا من عزيمتك ويهبطولك المورال خاطر كاين بزااااااااااف صعيبة وصعيبة هي صح صعبة وراح تقراي مع تاع طب في نفس المركز الطبي بدرقانة بصح منفصلين يعني كاين دي سيكسيون طب وحدهم وجراحة وحدهم والفرق هو في علم التشريح هوما عندهم 2 كتابات يقراو على الرجل واليد ونتوما تقراو على الراس والرقبة كتاب واحد برك

شوفي كاين 10 لي مودول شاااارجي صح ولكن اذا قريتي وشديتي الهمة راح تنجحي شوفي ماتستنايش جيبي كيما ليسي 16 و 18 غير اذا زيرتي بزاااااااااااااااااااااف انا الحمد لله طلعت بـ 10.91 للعلم فالباك ديت 16 وهادا معدل أغلب لي طلعو ^^ يعني يدورو فالـ 10

كاين لي مودول لي شوية صعاب وشيوخا مزيرين وكاااامل راح يقولولك بالاك من علم الاجنة * علم الانسجة انا خوفوني بزااااااااااااااف منو لكن الحمد لله جبت فالاول 10 والثاني 9 طلعت المودول الحمد لله بعدما كانو يقولولي غير 0000000000

نصيحة ما تسمعيش بزاف للناس واقراي من البداية لانو سوماستر 1 اسسسسهل من الثاني ولكن حتى اذا راطيتي 1 تقدري جيبي فالثاني مي لازم تزيااااااااااار

عيات يدي ملكتيبة ههههههههههه

اي استفسار قولي ختي راني هنا

merciiiiiiiiiiiiiii bezaf 3la kol hado chorohate wlh farahtni w matekhafeche rahe ne9ra w nezayer rohi

[abla_a05]

شكرا اختي سلمى ان شاء الله نبدل + انا نسكن في باتنة وقالولي رك تلقاي صعوبة فالاقامة خاصة راخ نقراها في آلجي

[fella bac 2011]

allah yesahelak

[selma-chirdent]

شوفي بخصوص الاقامة والله اقامة تاع درقانة مليحة بزااااااااااااااااااااااااااااااف ماراحش نهدر على الماكلة راكي عارفة الماكلة كيفاه في كل الاقامات لكننها محترمة جدا جدا جدا ولله الحمد كامل لبنات يشكرو على عكس بعض الاقامات والله المستعان :/

واشمن مشاكل راكي تقصدي؟

[abla_a05]

المشاكل لي راني نهدر عليهم هوما بعد ما نحول لجراحة اسنان قالولي تلقاي صعوبة فالاقامة من هذي راني خايفة

ولا غير هدرة؟؟؟والله خوفوني

[mangood]

هناك شيء في الحياة عندما تلمسه ستتمسك به الى ان تموت...
.....

........
.
....
.
.
.
.
.
.

.
.

سلك كهرباء 220٠فولت

[selma-chirdent]

ميعني محروقات في ولايتك تقصدي ؟
علابيها خايفة من الاقامة ؟

شوفي نقولك الماكلة يعني شوية شوية ماراحاش تلقاي ماكلت داركم لكن لاباس الحمد لله تتعودي اما من ناحية اخرى الاقامة ملييييييييييحة ومحترمة جدا وان شاء الله ماتلقايش صعوبة

[mangood]

هل استطيع التحويل من قسنطينة الى العاصمة جراحة اسنان مع العلم انني من قسنطينة

[selma-chirdent]

الله اعلم اختي شوفي مع الجامعة
ولكن جامعة قسنطينة يمدحوها بزاف علاه حابة تبدلي؟

[mangood]

انا ذكر
وحاب نبدل باسكو قالولي بلي مكانش البراتيك بزاف هنا

[selma-chirdent]

اسفة جدا

اها صح قالولي كيما سطيف تاني ماشي بزاف
حنا سنة ثانية باذن الله نبداو لابراتيك

مي والله ماعلابالي شوف مع الجامعة ممكن تبدل انا نعرف صحاباتي لي بدلو وحدة من بومرداس بدلت واخرى من بليدة حولت لالجي
مي ادا عندك معريفة سور تبدل ان شاء الله

[abla_a05]

لالا ختي مافهمتينيش انا من باتنة يعني الاقامة كاينة كاينة قالولي كي تسجلي في بومرداس محروقات وكي تحولي في سبتمبر لجراحة اسنان تلقاي صعوبة فالاقامة.

[selma-chirdent]

اهااا درك فهمتك ،، بصراحة والله ماعلابالي :/ انت حااااااااولي وشوفيلك كش معريفة

واذا تفرت قع ماتخافيش بومرداس ماهيش بعيدة على درقانة بزاف بزاف يعني درقانة جاية بين بومرداس والجي فالنص وانا من الجي وقريت في درقانة نورمال توالفي الطريق هادي اذا تفررررت كامل يعني في كل الاحوال ماتخافييييش ^^ واتكلي على ربي وديري استخارة

وبالتوفيق ان شاء الله

[العصفورة الحرة]

انا درت جراحة اسنان في قسنطينة حابة نسقسي عندما تنهي 6 سنوات وتحب تتخصص اي واحد ناجح يتخصص ولا لا زم ايكون من الاوائل وقداه نحكموا في التخصص هل 4 سنوات كما يقال