هنا عبِّر عن رأيك بصراحة عمَّا يلي ؟؟؟

[نجمة ساطعة]

المشاركة الأصلية كتبت بواسطة psy zaho

انا مارانيش حاب واش مدولي
كنت حاب طب بصح هما عطاوني جراحة اسنان
رغم انني وضعتها في المرتبة 3
هل استطيع القيام بالطعن ام لا
ارجووو افادتي

شوفي مش عارف اذا يقنعك كلامي بصح حسب رأيي .... طب اسنان احسن
من ناحية عدد السنوات و من ناحية العمل ...يعني جراحة اسنان تقدري تفتحي
عيادة بعد ستاج بصح الطب 8 سنين مع التخصص مع ستاج راح يضيع عمرك
و منعرف

المشاركة الأصلية كتبت بواسطة hasni-oussama

السلأم عليكم والله هادي دزاير ما تع قراية يقروا باش يخرجوا حمير انا ديت 13.90 او مدولي اشغال عمومية بسيدي بلعباس واش رايكم وشكراااااااااااااااااااااااااا.................... .............لأ حول ولأ قوة الأ بالله

نصيحة دير طعن و بدل .... في الجزائر عاد باك 15 كي باك 10 كيف كيف

المشاركة الأصلية كتبت بواسطة فاروق 17

خليني نحكي خليني نعبر خليني ندردش خليني نريح ونرتاح خليني نهرف

انا فتحت الموضوع باش تحكي عبر و فضفض و برد قلبك

المشاركة الأصلية كتبت بواسطة أميرة العرب

السلام عليكم

الحمد لله وجهت حسب ما رغبت

و لكن حقيقة المعدلات إرتفعت

معدل علوم وتقنيات النشاطات البدنية و الرياضية 12.02

شاوالا هادا

الجزائر هبلت

مبروك عليك يا اميرة .... شفتي كارثة معدلات الشعب تحسي روحك في كوكب آخر

[نجمة ساطعة]

المشاركة الأصلية كتبت بواسطة مكي محمد

انا مدواي اداب ولغة روسية راني حاير كيفاش ندير..... ماني فاهم فيها والو في اللغات ربي يهدك يا ابن بوزيد جهدي راح في باطل والله ما ني مسامحلكم .....

روسية ربي يعينك برك .... دير طعن و بدل

المشاركة الأصلية كتبت بواسطة فاروق 17

عطاولي طب ومانيش راضي بيها حاب نعاود الباك ...

معاودة الباك مهيش فكرة ... غير تضيع عام في باطل ...اذا مش عاجباتك بدل و خلاص

المشاركة الأصلية كتبت بواسطة ilyesshummer

انا مارانيش حاب واش مدولي
كنت حاب طب بصح هما عطاوني جراحة اسنان
رغم انني وضعتها في المرتبة 3
هل استطيع القيام بالطعن ام لا
ارجووو افادتي

نعم تقدر دير طعن اولا متوافقش و ماكدش على التوجيه و حط الطعن لانو هذوا يومين خاصيين
للطعون و ربي يوفقك

[NADJIB-90]

المشاركة الأصلية كتبت بواسطة امونة28

عطاوني حاجة خارج نطاق طلباتي هذا قضاء وقدر لكن الشيء اللي ما دخلش عقلي استاذ تعليم متوسط لغة انجليزية ما عطاونيش معدل القبول الادنى نتاعو ارجوكم اعلموني به مع العلم اني شعبة علوم تجريبية

ممكن تعملي طعن ويعطوك شعب اخري علي حساب معدلك وتخيري

[نجمة ساطعة]

المشاركة الأصلية كتبت بواسطة يارب رحمتك

غاضتني تعبت لوكان ماتعبتش نقول ...باش كيما قال واحد يمودلك خيار كي انت كي الي جاب الباك بمعدل اقل منك بكثير وعلاش هكدا وعلاش، لوكان عرفت مانتعبش بزاف ..والحمد لله على كل حال

كرهت عباد هاذ البلاد كرهتهم وكرهولي بلادي في كلش ..شيئ مامليح في هاذ البلاد حاجة مامليحة ويزيدو يتكلمو شيئ ناس ويقولو تحيا الجزائر ورانا في تحسن .....باش تتفسح وتنحي الغمة على روحك ماتلقاش مكان نظيف من الأوساخ تتفسح فيه ..ولا مستشفى تدخل تريح فيه كي لعباد ...العلميين يسهلولهم الباك والآداب يصعبولهم ..ومن بعد تروح لطبيب تحس وكانه درس وراء المدرسة وليس فيها ...الاساتذة في الجامعة اصبحوا يمدو النقاط بالفسق ...شيئ رهيب راه يصرا في هاذ الجزاير ..فسق وحقرة ورجوع للوراء ....قوليلي واش فيها حاجة مليحة بالله عليكم ،واش فيها ؟ رمضان جاي الاسعار تلتهب تولي نار ..وينها الرقابة وينها ؟ المحابسية في الشارع يقتلو ويسرقو

والله لو لم يكن حرام الهجرة إلى بلاد الكفر مابقيت ولكن حرام ونفضلوا جنة ربي ...

ولكن ربي وكيلهم صحاب الكوبياج تاني ...

والله غير كلامك صحيح الله غالب .... انتشرت ثقافة الغش و الدراسة في الجزائر
مسيسة ... الواحد عاد يجهد و يزيد يطلب زهرو ... يخي حالة

[NADJIB-90]

المشاركة الأصلية كتبت بواسطة hasni-oussama

السلأم عليكم والله هادي دزاير ما تع قراية يقروا باش يخرجوا حمير انا ديت 13.90 او مدولي اشغال عمومية بسيدي بلعباس واش رايكم وشكراااااااااااااااااااااااااا.................... .............لأ حول ولأ قوة الأ بالله

اشغال عمومية فيها مستقبل تخدم في شركات الانشاء العمومية والخاصة شعبة جيدة لا تياس اخي

[نجمة ساطعة]

المشاركة الأصلية كتبت بواسطة fati zou

pour moi elhamdoullah ils m'ont donner mon premier chois
hamdoullah

mon chois est l l française

مليح مبروك عليك و بالصحة و العافية ربي يوفقك

المشاركة الأصلية كتبت بواسطة hadil2044

شفتو الفيديو في اليوتوب في ما يخص هذا الموضوع والله تموت بالضحك

يا ريت تحطي الرابط لربما نضحوا شوي

المشاركة الأصلية كتبت بواسطة h-m-l

الحمد لله اعطوني شوا مقبول علوم فلاحية مي لبلاصة تقلق شوي انا من واد سوف -اتقصى الشرق لاحوني في مستغانم-............................الحمد لله على كل حال

الحمد لله انك قبلتو البلاصة عادي راح توالف عليها ربي ينجحك

المشاركة الأصلية كتبت بواسطة اسحاق المحبوب

نهرب وخلاص نروح لمالي ولا نيجر نقرا فيهم المهم ما نبقاش مع هذون الحميٍّر

و لو انو كلمة حمير قاسية شوي .... بصح باين كلامك غير نتاع غيظ برك ... كي تهدا
راح ترجع تقرأ هنا نورمال

المشاركة الأصلية كتبت بواسطة hadjer_inter1

انا تاني بعتوني المدرسة العليا للفلاحة بصح منيش مقتنعة بيها على كل حال نقولو الحمد لله

بالنسبة لبنت هي صح شعبة غير مقنعة نصيحة بدلي ديري تحويل او طعن شوفي شعبة اخرى
تكوني مقتنعة بيها

[NADJIB-90]

المشاركة الأصلية كتبت بواسطة ilyesshummer

انا مارانيش حاب واش مدولي
كنت حاب طب بصح هما عطاوني جراحة اسنان
رغم انني وضعتها في المرتبة 2
هل استطيع القيام بالطعن ام لا
ارجووو افادتي

لا لانهم لباوا احد طلباتك

[you92cef]

حسبنا الله ونعم الوكيل
ديت اباك بمعدل 14.04*ظلموني وانا خدمت باه نديه ب16*
مدولي الاختيار التاسع *سبيس تون st*
lمي والله لا نداميت صح بغيت نقرا حاجة مليحة سورتو جامي ديت قل من 13 في السيونس وفي الباك مالغري غشوني ديت 15.5*-*جاوبت كلشي صحيح*-*

الله يجيب الخير
-سعادة لكع بن لكع-
مي كلشي بالمكتةوب انا الاتختيار التاسع كونت داير بيو لوجي مي ربي جاب الخير ديرت اس تي ونعرف لي داه ب15.5 راه ماشي يقرا اس تي معايا
--------------
قالك باك بكري خير من اليوم
نعلوا بليس بكري ب10تقرا لي بغيت
دوك لا مديتهوش ب16 خير حط رجلاك في ما بارد

[Fati Zou]

المشاركة الأصلية كتبت بواسطة H-M-L

الحمد لله اعطوني شوا مقبول علوم فلاحية مي لبلاصة تقلق شوي انا من واد سوف -اتقصى الشرق لاحوني في مستغانم-............................الحمد لله على كل حال

salut mon frere nous sommes de meme ville
bonne chance
et charéf oeud souf fi mostaghaném ok

[الفاكر]

شكرا شكرا شكرا لك اختي على هذا الموضوع والله غير قلبي معمر.واش نحكي واش نخلي مامدوليش رغبتي وزادا اعطوني رغبة نوع وجوههم.اعطوني ادب اربي واشش ندير بيه لا فايدة ولاخدمة مرة اخرى والله كون مجيتش مؤمنة راني قتلت روووحي
راهو مستقبلي ضاع ونفسيتي دمرت وكرهت لقراية
بوووووووووووووووووووه على حظي وعلى سعدي والله مافرحنا حتى بالنجاح

[biya]

نعم رااضية بواش مدولي ، والحمد لله ، عطاولي مدرسة عليا اعلام الي ، مالgري انا كنت خاابة فارماسي


اييه المعدلات هذا العام عالية ، بسكو نسبة النجااح كبيرة ، وهذا شي منطقي

[نجمة ساطعة]

المشاركة الأصلية كتبت بواسطة الفاكر

شكرا شكرا شكرا لك اختي على هذا الموضوع والله غير قلبي معمر.واش نحكي واش نخلي مامدوليش رغبتي وزادا اعطوني رغبة نوع وجوههم.اعطوني ادب اربي واشش ندير بيه لا فايدة ولاخدمة مرة اخرى والله كون مجيتش مؤمنة راني قتلت روووحي
راهو مستقبلي ضاع ونفسيتي دمرت وكرهت لقراية
بوووووووووووووووووووه على حظي وعلى سعدي والله مافرحنا حتى بالنجاح

العفو أخي .... وش راح نقولك وخيي هي صح يجيك احباط بصح متوصلش لليأس ... غير بشوي
تتحل حاول دير طعن و شوف إختيار آخر ...إلى مكانش اصبر لسبتمبر و دير تحويل ... أنت طفل
يعني تقرأ حقوق أحسن لك راهي بدون شروط على الأقل فيها فرص للادارة .... و إلاّ شوف
حاجة أخرى تناسبك ... و ربي يفرج عليك يا رب ... عندك تكره و إلاّ تقلق روحك ... حتى حاجة
متستاهل ... تفكر ناس أخرى خدمت و مداتش الباك أصلاً ... والله والله عندي صاحبة أختي تجيب
14 في الفصول و مداتش الباك خوها جاتو صدمة نهار شاف القائمة قعد غير يبكي ....

[نجمة ساطعة]

المشاركة الأصلية كتبت بواسطة biya

نعم رااضية بواش مدولي ، والحمد لله ، عطاولي مدرسة عليا اعلام الي ، مالgري انا كنت خاابة فارماسي


اييه المعدلات هذا العام عالية ، بسكو نسبة النجااح كبيرة ، وهذا شي منطقي

الحمد لله مبروك عليك .... بصح قوليلي معدل المدرسة العليا أعلى من الصيدلة كيفاش
ممدولكش صيدلة ...

[biya]

المشاركة الأصلية كتبت بواسطة نجمة ساطعة

الحمد لله مبروك عليك .... بصح قوليلي معدل المدرسة العليا أعلى من الصيدلة كيفاش
ممدولكش صيدلة ...

لالا انا نقراا شعبة رياضيات ، ومعدل القبول صغير , كيما المدرسة العليا للانفورماتيك القبول بمعدل 14,57

[نجمة ساطعة]

المشاركة الأصلية كتبت بواسطة biya

لالا انا نقراا شعبة رياضيات ، ومعدل القبول صغير , كيما المدرسة العليا للانفورماتيك القبول بمعدل 14,57

بالنسبة للرياضات صغير لانو أختي خرجلها بالاحمر و مكتوب معدل القبول 17.09
هي علوم تجريبية