هذا هو سبب سلوكي الطريق السري (( الخطة))

[@[نســـــيم ♥ الجـــــود]@]

يا جماعة لي تقولو نتوما اقتلوهم



بالاك مزالكم متفهموش العقلية




كاين لي يقبل يقتلوا بنو و ميقتلولوش البارجي المو تاعو




خاصة راهم من الكلاب عيطة الاخيرة لوكان جاو باطار ولا طاروس ماعليش





والله ياو تقتلهم ما تعيا فالشرع مع مولاهم اي مشي ساهلة هادا الكلب حاشاكم و طلع عليه الشان

[سيفاو]

حسين هههههههه
ذكرتني بحادثة صراتلي في جامعة منتوري
انا وزوج صحابي

ممكن لعشية نرجع ونحكيهالك
فيها الحل السحري والسري للمشكل تاعك
والله راك وحدك هههههه
الناس اديروا الساتيليت باش يكتاشفو العالم الخارجي
انت درتو باش ادير خطة لهروب من كلاب الجيران ههههه

والل

[@[نســـــيم ♥ الجـــــود]@]

المشاركة الأصلية كتبت بواسطة سندوسة

راني لقيتلك الحل يلا راك باغي تسلك باقل الخسائر في مدة قصيرة روح عند الميكانيسيان تلقى عنده واحد ليروسور كبار ميحتاجهمش جيبهم من عنده وبلاسيهم في رجليك باه توصل لدار خوك بالخف وبدون اضرار

مارتيسووووووووووور






هههههههههههههههههههه




يولي يبومبي

[رُقية]

المشاركة الأصلية كتبت بواسطة @[نســـــيم ♥ الجـــــود]@

مارتيسووووووووووور






هههههههههههههههههههه




يولي يبومبي

مشكور اخي على التصحيح انا بغيت نفيده وراك تعرف لبنات ميعرفوش صوالح نتاع لميكانيسيان

[mokhtarvet]

direlhom erahj waktolhom w ila kdert tkotel amalihom ghir kamel a3lihom.kihoma ki klabhom kif kif yatelgo fihom 3la enass rahom 3labelhom bkol chi ektol w matendemch

[قمر الهضاب]

المشاركة الأصلية كتبت بواسطة كمال المشتاق للجنان

اقتلوا في السر بلا مشاكل

شكون يسمع بيك؟

يا خويا كمال انا قلتلو اقتلهم سونسمير وهو يقولي شوفيلي حل آخر بأقل الخسائر تبانلي غاضوه اكثر من صاحبو لي تعض

[ضوء القـمر]

والله خويا حسين نفس المشكل نعاني منو كل يوم نروح نخدم الصباح بكري ولازم علي نفوت من طريق مملوءة بالكلاب ( طريق لا يوجدفيه شوارع بحكم انه عبارة عن مؤسسات وطنية بنك تامينات وغيرها والبنايات المقابلة هي كلها في طور الانجاز ) ولم اجد حل الا ابي المسكين الذي كل صباح يممرني كي الطفلة الصغيرة الي يديها باباها للمدرسة هههههه
اما بالنسبة لك اظن ان الحل ان تسمم كل يوم كلب في وقت لا يراك فيه احد

[thorpe]

اسف اخوتي الان حان موعد ذهابي
باذن الله سوف اباشر مناقشة الحلول والردود في اقرب وقت ممكن

ارجو المعذرة فاستاذ مدرسة السياقة ينتضرني
هههه نروح نتقلش شوي بالسيارة نتاع لوتو ايكول


ادعولي بالتتوفيق

[@[نســـــيم ♥ الجـــــود]@]

قلنالكم



يا جماعة لي تقولو نتوما اقتلوهم



بالاك مزالكم متفهموش العقلية




كاين لي يقبل يقتلوا بنو و ميقتلولوش البارجي المو تاعو




خاصة راهم من الكلاب عيطة الاخيرة لوكان جاو باطار ولا طاروس ماعليش





والله ياو تقتلهم ما تعيا فالشرع مع مولاهم اي مشي ساهلة هادا الكلب حاشاكم و طلع عليه الشان

[قمر الهضاب]

المشاركة الأصلية كتبت بواسطة thorpe

اسف اخوتي الان حان موعد ذهابي
باذن الله سوف اباشر مناقشة الحلول والردود في اقرب وقت ممكن

ارجو المعذرة فاستاذ مدرسة السياقة ينتضرني
هههه نروح نتقلش شوي بالسيارة نتاع لوتو ايكول


ادعولي بالتتوفيق

مقلتليش راك تعدي فالبيرمي مبروك عليك الافونس لعام لجاي نجي نسوقو كيف كيف

[thorpe]

تذكير للاخوة والاخوات
ارجو من كل الاخوة والاخوات تفادي الدردشة كي لا تكون حجة لغلق الموضوع وحذفه فقد تعبت في ادراج الصورة ( الخطة )

كما احب تذكير المشرفين لو رايتمم ان الموضوع قد يخرج عن فحواه فقووا بتوجيهه في ضل غياب صاحبه حتى اعود واوجه موضوعي
هذا حل يرضي الطرفين في رايي
وبارك الله فيكم وفي الجميع
استودعكم الله الذي لا تضيع ودائعه

[@[نســـــيم ♥ الجـــــود]@]

ربي يوفقك خويا متنحيش رجلك بالخف من على لومبرياج لا تزيد تتبهدل

[بحر العطاء]

* بسم الله الرحمــــــــن الرحيم *
* السلام عليكم و رحمة اله تعالى و بركاته *
* الحمد لله رب العالمين ،و الصلاة و السلام على أشرف المرسلين *
راك تتمسخر ... حتا يعظك باش تدير الحرب.
علابالك بلي داء الكلب منتشر بزاف هادو ليامات.
و راك علابالك بلي راهو مرض قاتل و فتاك.
علاهاديك أعلن الحرب اليوم قبل غد.
و كما قلت هذه الظاهرة منتشرة كثيرا هذه الأيام و بالنسبة لي هي قضية العصر بالنسبة للأحياء الجزائرية خاصة الشعبية منها.
أنا أيضا و أمام مدرسة الأطفال خاصة..وجدت عدة مرات كلاب ليست متشردة.
بعضها مربوط " الربيط تاع النسا"
و بعضها " مطلوق "
و صراحة أصاب بالذعر خاصة لما تكون أختي الصغيرة معي.
فهي صغيرة لا تستطيع الجري و لا تعرف أين تختبئ أو إلى أين تلجأ.
و اله هي قضية صعبة...و المشكل أن من يربي كهذه الكلاب لا يتحمل مسؤوليتها و إنما هو وصي عليها في الأكل و فقط.
في النهار تجدهم في الأسواق و المرافق العامة "شوفونا و رونا"
و في الليل : أطلقوا يروح كاش ما يلقى عبد ياكلو"
و السلطات و للأسف الشديد " خاطي لاتية بينا نعيشوا و لا نموتوا كيف كيف "
"و كي تروح تشكي تظهر نتا هو الغالط"
"نتا ألي رحت عندها "
الحل الأمثل هو " السم تاع الفيران و ما تخصرش روحك في اللحم الماء و الشغل"
خاصة إذا تماداو و السلطات ما دارت والو.
أسمع...البلاصة هادي كلي نعرفها ؟؟؟
اللهم بلّغنا رمضان.
تحيــــــــــــ أختك الصغيرة أنفـــــــ بحر العطاء ــــــــال ـــــــــــاتي.
في حفظ الرحمــــــ و السلام خير ختام ـــــــــــن.

[thorpe]

المشاركة الأصلية كتبت بواسطة ع.جمال

السلام عليكم.

عليك بقتلهم لأن هذه كلاب متشردة ولأن الكلاب المتربية لايتركها أصحابها في الشارع لأنها غالية الثمن فمن عندي الخط الأخضر وعليك بهم جميعا مع العلم أنك تخسر قليلا من النقود لشراء اللحم والحجرة السوداء.
وبارك الله فيك وابعد عنك وعنا جميع الكلاب الضالة.

وعليكم السلام والرحمة والبركة

اللهم امين يا رب
يا اخي ع جمال راني نقولك راهم من النوع الخطير والغال الثمن والفصائل النادرة وراني ادرجت صور بعظهم وانت تقولي كلاب ضالة ؟
علابالك اشحال يسوى روت وايلر ؟؟ راه تباع قدامي جرو صغير ب5 ملاين وراه يقول بلي طيشو ماشي باعو لانو كي جابوه من الخارج كانت قيمتو 15 مليون سنتيم
اتصور نقتلو
وعرف مولاه بلي انا الي رهجتو
يجي ينتقم
مع العلم اني قد اخبرتك انهم من الناس الذين لا يابهون للسجن ( ما تبكيش عليه يماه )
مانيش خايف منهم علابالك
حياتي كلها سبور ما يخوفنيش واحد سدرو مخوخ بالزطلة
كون نضربو اذا ماماتش يعيش معوق
كيما ايضا قادر يغدر بيا ويضربني بالموس يفسدلي خليقتي
علابالك الشي الي راه يمنعني من الاشتباك مع الناس برا هو امي المريضة
كون راني قلت للاخ كمال قبل بانو كون توقع اشباكات بيني وبين اصحاب هاه الكلاب ويحدث لامي مكروه بسبببي تاكد بلي ما نسمحش لنفسي ابدا
وقادر بل انا متاكد اني ساتحول بعدها الى مجرم رقم 1 اتخلى عن كل المبادئ لانو بسببي فقدت امي
اواه يا خويا خيار القتل شوي فيه مشاكل وقادر يكبر
لكن هو خيار صائب لحد ما
بارك الله فيك نتظر ان تبحث لنا عن خيار حكيم كيما موالفين


هههه خسارة ماكش تسكن قدامي سينو نعيطلك انت احظرهم هوما وكلابهم هههه

[thorpe]

المشاركة الأصلية كتبت بواسطة قمر الهضاب

وين راك تشوف فلخساير فالحل نتاعي قلتلك اشري 2 كلاب صحاح تقولي خساير آآآآه نسيت انت مشحاح وش رايحة نديرلك انا ههههههههه املا سممهم ولا ثاني السم وجاك غالي باش تشريه هههه


المهم راني نخمملك ونرجعلك لخبر

ههههه يا بنتي واش بيك راني نقولك الكلاب غاليين وزيد وين نربيهم والله امي تجري وراي
علابالك بلي كون يمسك كلب ينتقظ الوضوء نتاعك
وزيد نجاسة في البيت
كون جا عندي جنان صح نروح ندير لونسيج ونحكيلهم قصتي باش يعطوني نشري كلاب قاويين وماشي بعيد الحال ممكن نربي تمساح

ههه بارك الله فيك