اقتباس:
المشاركة الأصلية كتبت بواسطة asma1s
اللهجة العاصمية لهجة بزاف شابة وحلوة ومايعرفولها غير ناسها الي زايدين في العاصمة ناس القصبة الله الله ..الخ, اما واحد اصله من ولاية اخرى يعني زاد في العاصمة ووالديه من ولاية اخرى , انا في رايي ماشي هو لي يهدر العاصمية وهدرتو فيها تناقض كبير بزاف مع العاصمية يعني هي خليط بين لهجته الاصلية اي لهجة الوالدين واللهجة العاصمية .
اما لي يقولك انو العاصمية المحضة مخلطة مع الفرنسية مقارنة مع اللهجات الاخرى هاذي مكاش قاع منها لان اللهجة العاصمية المحضة التي يتكلم بها les vrais algerois لي نلقاوها عند الاجداد وكثير من الاباء العاصميين هي ليست هجينة كثيراا اما لي يتكلم بيها سكان العاصمة les faux algerois اي ذو اصول غير عاصمية فهي هجينة مزيج بين لهجتين .
|
يعطيك الصحة .
وش قلتي قع كاين منو ، ودوكا الكترة من اللي يسكنو بالعاصمة ـ الولاية ـ اللهجة ديالهم خليط من زوج لهجات اللهجة العاصمية و اللهجة ديال الولاية اللي جاو منها ، و علابيها لهجة باب الواد ، القصبة، شامونوف و غيرها من المناطق القديمة لهجة متشبهش للهجات البلديات و الدوائر لُخرين ، كيما رحلنا من باب الواد كنت 15 سنة رحلنا لعين نعجة ، كيما رحت نقرى 1 ثانوي تنخلعت لهجة مختلفة تماما صح تشبه بصح ما شي كيفكيف ، في وقتنا هدا اللهجة العاصمية الأصيلة راهي في طريق الاندثار علاختراكش الشباب لجديد دوك وحتى لبنات للأسف اخترعوا بزاف كلمات جدد ، وزيد يدخلو في كلامهم ـ بلعاني ـ بزاف كلمات بالفرونسي .
وكيما قلتي اللهجة العاصمية نقية وما فيهاش كلمات بالفرونسي وحتى في اللهجة العاصمية العاصميين تع الصح كيما ما يلقاوش كلمة بالدارجة بش يعبروا بيها على وش يحبو يستعملو كلمات عربية فصيحة ، بصح دوك الحالة ولات بالمقلوب جدودنا يستعملوا العربية الفصحى و حنايا نستعملو الفرونسي المكسرة .
و عندي حاجة حبيت نزيدها ، في الولايات لخرين يدنو ( يظنو ) العاصميين ماشي تع حرمة ونساهم ماشي متحجبات وماشي مدينين وهاد الكلام مكاش منو ، العاصميين تع الصح كيما كانوا ناس زمان ، الطفلةو لا المرة ما تخرجش بلا الحايك و لعجار ، غير لبنات اللي يقراو اللي ما يلبسوش الحجاب ، و الطفلة معا تزوج تتعجر ، وزيد العاصميين تع الصح بناتهم ما شي دايما في لسواق و الزنق يجرو بلا والي ، الخرجة في وقتها و الدخلة في وقتها ، بصح مع الوقت بدات الحالة تتخلط ، و دوك اللي يروح للعاصمة سونتر ( مركز ) يدن ( يظن ) أنو البنات و النسا المتبرجات كلهم عاصميات ،وهدا خطأ ، راني متأكد بلي اكتر من 60 بالمية من المتبرجات ماشي عاصميات ، العباد اللي راهم يجو من الولايات لُخرين حاسبين العاصمة تع تبرج وحضارة، البنات معا يجو تلقاهم يدورو بالجينز و النسا ينحو لعجار ، أعداد هائلةمن النسا اللي يجو يسكنو بالعاصمة من الولايات لُخرى ينحو لعجار ، خلاص راهم ولاو عاصميات ،و العاصميات في نظرهم متبرجات ، مساكن ما يعرفوش ، في حين لوكان تروح للأسواق الشعبية في العاصمية تلقى بزاف نسا وعجايز معجرات وما ينحوش لعجار ، ولوكان تروح للأحياء الشعبية أعداد المحجبات بالحجاب الشرعي و المتجلببات ما شكيتش تلقاه في مناطق أخرى .
( تقرير عن مشاركة سيئة )، و الموجودة أسفل كل مشاركة .
2011-05-06, 16:14
العرض العادي
