هل 4000 دج في 3 شهور تكفي و زعم يسموها منحة

[hafid47200]

المشاركة الأصلية كتبت بواسطة دلوعة2

لا لا حشمو شوية الناس ما لقاتش دراهم باش تحضر محاضرات وتخدم ليل مع النهار وانت ما تحضرش تتفشش وزيد عنك منجة خير ما يقولولك جيب كل 3 شهور 7 ملاين

hhhhh wéllah ghir raki da7ki
je panse ma9ritich ga3 wach rana katbine
déja la tunisi ykhalsou lé9raya
mais ch7allll ykhalsou ...
ana ngoulék
86 dinar
100 euro =160dinar
yakhlsou 43 w mba3da 43
méme pas 10000 DA
DONC MAHICH 7AJA

[saladin17]

المشاركة الأصلية كتبت بواسطة agm1991

انا بالنسبة لي كافية
التعليم مجاني+نقل مجاني+ مطعم بمبلغ رمزي+مكتبة مجانية
وش حاب اكثر من هاك الخير قع قدامك وفوق كل هذا نجيبوا نتائج كارثية وراترباج وحوسوا على خدمة واجدة
وش قدمنا حتى نستاهلوا يعطولنا لابورس اصلا

و الله نستعرف بيك ...... هاذي هدرة .....

قال صلى الله عليه و سلم ( من لم يشكر الناس لم يشكر الله )

[saladin17]

المشاركة الأصلية كتبت بواسطة hafid47200

ana nouskoun fi ain salé7
na9ra fo oran
1800 da billet bach ro7 loran
24h bach noussél w ana 9a3éd takoul 300 da fi tri9 donc 2100 da ghir bach ro7 l oran w narja3 b 2100 donc meme pas transport warina win rahi kafya

يا خي العلم يؤتى إليه ....... و إذا جاتك غالية ..... ريح في داركم ..

[saladin17]

المشاركة الأصلية كتبت بواسطة EPST31

احمد ربي
جيراناك التوانسة يخلصوا حق الشومبرا وحق لقرايا
وحنا الحمد لله كلش خالص ويزيد يخلصك وانتا في اضراب

الصيف الماضي كنت في تونس ..... و الله كل ما قلت صحيح ..... الشومبرا عندهم f3 يكروها مع بعض و يخلصوا الغاز ....

أحنا الحمد لله ....
( و لإن شكرتم لأزيدنكم )

[محمد 13]

أكبر منحة أنك تتمتع بالاستقلال ، فكن في مستوى هؤلاء الذين باعوا أنفسهم إلى الله .

رحم الله شهداءنا الأبرار

[جزايري مان]

روحو شوفو مصر مساكن حنا كلش بلاش ومش نقرو لو كان مجاوش يعطونا فالدراهم ملا قع منقراوش

[nour2006]

هدا هو المشكل في الجزائر واحد ما يحس بخوه المهم هو مرتاح يظن الناس الكل مرتاحة و طروف الناس الكل راهي مليحة .. يكفي انانية و لو كان نحسوا ببعضنا البعض لكان حالنا خير من هاكا اسال الله العفو و العافية

[djamel123]

الجزائر هي الدولة الوحيدة اللي تعلمك مجانا وتسكنك مجانا وتوكلك مجانا وتوصلك لداركم وتجيبك مجانا وفوق هذا تعطيك منحة....

لا تسألوا ماذا قدمت لنا الجزائر بل اسألوا ماذا سنقدم نحن للجزائر

[العلماء]

الصحة والهناء ومعاها شويا حنا مانقارنوش رواحنا بالدول المتطورة خطراكش كون نهدرو علا لابورس اللي حنا نديوها وهوما مايديوهاش هوما ياكلو مليح ماشي كي حالة الريسطو نتاعنا ماشي مطعم يقولولو مطعن يطعنو في الناس هوما الماكلة والنظافة الله الله والقراية العزيزة والمستوى طاااااااااااااااالع..................الخ خلي البير بغطاه برك واستر ماستر ربي

[BIL ALG]

أحمد ربي . ولي يسكنو بعيد ربي يكوب معهم....

[ouna2006]

اتحدى اي واحد يقولك راني نقرا ب 4000دج و مايدي حت دورو من عند باباه خليونا من هادوك لي يسكنو في الولاية لي فيها الجامعة اللي يقراو فيها.باغي تقلولي رانل نقراو باطل لالا انا شخصيا ماشي قاعدا في الحي الجامعي نسكن 100كلم على الجامعة كل يوم عندي 300دج غير transport بلا ماكلة و كي جيت ندير memoire il yavé pa de produit اظطريت نشري وحدي و راكو عارفين شعال’؟؟؟؟؟؟؟؟؟؟؟؟؟؟ اه نسيت في البداية بغيت نقعد في الحي الجامعي و لكم ان تتخيلو الوضع هناك الحيط يسي منو الماء و ماكانش مياه نهبط مل 4eme حتى للتحت باش نجيب الماء و ماكانش دورة مياه علاش لاخطرش كلش مطرطق و شكاو الطلبة لكن لا حياة لمن تنادي و المطعم زعما مطعم في العشاء يعطوك 2 portion fromage (il ya pa de marque sur l'emballage et yaourt et du pain و مقولكش قداه لاشان نزيدكم حاجا كي يجي اليل الضو يطفي يقولك ما عندنا ما نديرو la charge و ما نحكيلكمش على النظافة
تقولي فالخارج يخلصو باش يقراو يخي كو غير جيت نخلص و نقرا في جامعة كاملة مكملة متوفرة جميع الوسائل فيها خاصة الكتب الجديدة و المخابر مجهزة مشي كيحالتنا كي كونا نجيو نديرو tp يقولك تخيل كلش théorie و مبعد كي تروح تخدم ما تعرف والو يقولك هدي هي القراية اللي كنت تقراها و الطالب في الخارج كي يخلص يعرف روحو كي يكمل يتلاقا خدمتو مشي كيما حنا يعطيك 4000 في 5 سنين و لا 4 و مبعد تستنا 10 سنين باش تتلاقا خدمة و الا تلاقيت كونو واقعيين اخوتي و الله هاد الشي الي حكيتاه ما يبان والو مع اللي راني شايفاته ربي يجيب الخير الحمد لله على كل شيئ