حال العلامات

[theorthopidique]

المشاركة الأصلية كتبت بواسطة ouarda1992

والله أختي أنا هكذا قلت كي شفت نقاطي بصح مبعد خممت مع روحي مليح وقلت هكذا أحسن

حنا كي صححولنا ماشي كيما في السنوات الماضية حنا صححولنا التصحيح تع البكالوريا يعني حتى لو تبالك خدمتي راح يهردوك في النقاط وحتى في التقومي قالولنا ماراهومش راح يمدولنا النقاط اللي والفنا نجيبوها 18 و 19 ومام 20

كيما في الأدب جانا سؤال هل الشاعر مجدد أم مقلد وهذا السؤال على 3 ونصف وأنا درتو مجدد والجواب يقول باللي لازم نكتبو مجدد ومقلد معا مع التعليل قلت للأستاذة تمدلي نصف العلامة ما حبتش لأنو في الباك ما راهومش راح يمدولي نصف العلامة

علابالك كي ينفخونا بالنقاط وتجيبي معدل 16 أو 17 ومبعد في الباك تتشوكاي وعلاه؟؟

وأصلا النقاط تع الاختبارات ما تهمش راهي تحضير للبكالوريا وتحاولي تكتاشفي أخطاءك باش مبعد ما تعاوديهمش

مالا نجيبو ضرك معدلات 14 و 15 ومبعد في الباك ما نتشوكاوش ونقدرو نجيبو 16 و 17 وحتى 18 علاش لالا

والله استفدت كثيرااااااااااااااااااا من التصحيح اليوم
تخيلي استاذنا في الرياضيات قالنا لجاب اكثر من 5 فيهذا الامتحان على الاقل في الباك يدي 12
قالونا توالفو بالصعيب باه يجيكم الباك ساهل علخاطر الباك راح يكون في مستوى الجميع وليس في مستوى المتوفقين
الحاجة لتغيظ الحوايج التافهين لتروحلك فيهم تخيلي وندير نفس الغلطة وندير- +
نتعلمو ضرك احسن
اللهما وفقنا لما تحبه وترضاه

[chef_bilal]

الحمد لله
ننتظر الأفضل في الباكالوريا
بالتوفيق

[نسمة النجاح]

نقط اكثر من كارثية

عمري ولا فكرت فقط نجيب مثلها

والله نقاط تبهدل

ماعليهش

ان شاء الله يا ربي نتعضو منها

ونستفادو من الأخطاء









(أنا صراحة العام الماضي لما ماكنتش نقرا أبدا وآخذتها قصرة وانترنت فقط كنت نجيب نقاط ممتازة...لكن الآن راني نقرا من قلبي نقاطي راهي في الحضيض.......)

[ساحر النهى]

ما شاء الله ؟ الفلسفة 15 ؟؟

حنا عندنا يقولك ندي فيها 8 بزاف علي مانيش عارف الا انتوما يسهلولكم ولا تقراوها ولا الغلطة فينا ولا فالاستاذة ولا ولا
نروحو و نولو الفلسفة مادة مؤقتة متنفعنا فاي شيئ سوى الواحد يستعملها كوسيلة للنقطة فقط

[ساحر النهى]

فقط لدي تعقيب ، يغلطكم لي يقوللكم والفو الصعيب والساهل يولي كيما القاطو انا جربتها نحل تمارين صعاب وكي تولي فالتمارين التافهة نغلط ؟ ماكانش لي يغلطو فيه الناس كيما السهل الممتنع و الباك جامي الا يجي فيه امور معقدة وانما السهل الممتنع وزيد القدام

[نسمة النجاح]

المشاركة الأصلية كتبت بواسطة fcb_aniss

ما شاء الله ؟ الفلسفة 15 ؟؟

حنا عندنا يقولك ندي فيها 8 بزاف علي مانيش عارف الا انتوما يسهلولكم ولا تقراوها ولا الغلطة فينا ولا فالاستاذة ولا ولا
نروحو و نولو الفلسفة مادة مؤقتة متنفعنا فاي شيئ سوى الواحد يستعملها كوسيلة للنقطة فقط

الفلسفة احنا عندنا في ليسينا هي مادة يسابوطيوك بيها

في عوض لا تعوض بالمواد الأدبية وتكون ضامنها ترجع تخاف منها

في ثانويتنا عمرهم ولا مدو أكثر من 14 في الفلسفة

هذا لا يرجع الى سوء الأستاتذة ولا التلاميذ

لكن هذا مبدأهم


يا درا شحال اعلى نقطة في الباك ممكن تكون؟؟؟

[اسلامي سر حياتي]

المشاركة الأصلية كتبت بواسطة نسمة النجاح

نقط اكثر من كارثية

عمري ولا فكرت فقط نجيب مثلها

والله نقاط تبهدل

ماعليهش

ان شاء الله يا ربي نتعضو منها

ونستفادو من الأخطاء









(أنا صراحة العام الماضي لما ماكنتش نقرا أبدا وآخذتها قصرة وانترنت فقط كنت نجيب نقاط ممتازة...لكن الآن راني نقرا من قلبي نقاطي راهي في الحضيض.......)

رانا كيفكيف اختي

[✗ ┋ وَړْﮃَةُ آلـﭴَزآئـړْ ┋ ✗]

المشاركة الأصلية كتبت بواسطة fcb_aniss

ما شاء الله ؟ الفلسفة 15 ؟؟

حنا عندنا يقولك ندي فيها 8 بزاف علي مانيش عارف الا انتوما يسهلولكم ولا تقراوها ولا الغلطة فينا ولا فالاستاذة ولا ولا
نروحو و نولو الفلسفة مادة مؤقتة متنفعنا فاي شيئ سوى الواحد يستعملها كوسيلة للنقطة فقط

لالا اخي الأستاذة تاعنا ما كان ماكان

الدروس ما نطلش عليها وماعلاباليش واش فيها

انا نعتمد على أسلوب معين في حفظ المقالات

كي يجيبولنا مقالة كل عنصر نلخصو على شكل نقاط صغيرة ومبسطة ومبعد كي نكتب مقالة نجيب هاذوك العناصر ونتوسع فيهم ونربطهم ونخرج مقالة مليحة

[نسمة النجاح]

المشاركة الأصلية كتبت بواسطة fcb_aniss

فقط لدي تعقيب ، يغلطكم لي يقوللكم والفو الصعيب والساهل يولي كيما القاطو انا جربتها نحل تمارين صعاب وكي تولي فالتمارين التافهة نغلط ؟ ماكانش لي يغلطو فيه الناس كيما السهل الممتنع و الباك جامي الا يجي فيه امور معقدة وانما السهل الممتنع وزيد القدام

والله غير عندك الحق اخي


شحال من وحدة نعرفها

كانو مايجيبوش مليح في السنوي بسبب المواضيع الصعبة تاع الثانوية والتصحيح المشدد
ولما راحو للباك ولاو يشكو في نفسهم
لنهم شافو أنو من المستحيل تجيهم حاجة هكاك ساهلة

[ساحر النهى]

الله يقاويكم
انا والله منقدر نحفظ ، سييت نحفظ التربية الاسلامية صبت روحي نزيد عليها برك على ذيك قررت مانحفظش المواد الادبية
وماكانش افضل من فهم الامور ، لانو انا متاكد انو فالباك قادر تروحلك الحفظة عادي ( عامل نفسي وامر صرى لمليار واحد ) لكن كي تكون فاهم الحاجة نظن بلي مستحيل الا تروحلك

[✗ ┋ وَړْﮃَةُ آلـﭴَزآئـړْ ┋ ✗]

المشاركة الأصلية كتبت بواسطة fcb_aniss

فقط لدي تعقيب ، يغلطكم لي يقوللكم والفو الصعيب والساهل يولي كيما القاطو انا جربتها نحل تمارين صعاب وكي تولي فالتمارين التافهة نغلط ؟ ماكانش لي يغلطو فيه الناس كيما السهل الممتنع و الباك جامي الا يجي فيه امور معقدة وانما السهل الممتنع وزيد القدام

هذاك هو نفس المشكل تاعي

نحل اصعب التمارين وحتى في الاختبارات الحوايج الصعبة نجيبهم نورمال
لكن السهل نغلط فيه

كي نوالف الصعيب بزاف وتكون قدامي حاجة ساهلة إجابتها كلمة وحدة نقول في راسي ماكانش منها يكون الجواب هكذا ساهل ونبدا أنا نتفلسف ونعمر الأوراق بلا فائدة ومبعد يطيرو النقاط في حوايج تافهة


كاين مثال وحدة كانت تقرا باك العام الماضي في الثلاثي الأول كتبت خمس أوراق مزدوجة في العلوم (فاهمة بزاف) رغم أنها ممتازة الأستاذة حطتلها 5 من 20 وما صححتش ورقتها

[الفلاح المحترف]

المشاركة الأصلية كتبت بواسطة fcb_aniss

فقط لدي تعقيب ، يغلطكم لي يقوللكم والفو الصعيب والساهل يولي كيما القاطو انا جربتها نحل تمارين صعاب وكي تولي فالتمارين التافهة نغلط ؟ ماكانش لي يغلطو فيه الناس كيما السهل الممتنع و الباك جامي الا يجي فيه امور معقدة وانما السهل الممتنع وزيد القدام

كلامك صحيح اخي عناك تمارين وخصوصا في المراجع يضل الطالب باتباعها ومحاولة حلها
ولكن فيما يخص التشدد في التصحيح فانا اظن بل انني متأكد انه مفيد جدا مهما كانت درجة تعقيد او سهولة الاختبار
وفعلا الجميع يؤكد انا الاسئلة في مجملها في المتناول وتتراوح بين السهل والممتنع

[اسوومة]

ياناس احترمووو شويا مادة الفلسفة فطالب العلم لايسخر من اي مادة
والذي يشتكي من اي مادة هو....
والفاهم يفهم

[نسمة النجاح]

المشاركة الأصلية كتبت بواسطة fcb_aniss

الله يقاويكم
انا والله منقدر نحفظ ، سييت نحفظ التربية الاسلامية صبت روحي نزيد عليها برك على ذيك قررت مانحفظش المواد الادبية
وماكانش افضل من فهم الامور ، لانو انا متاكد انو فالباك قادر تروحلك الحفظة عادي ( عامل نفسي وامر صرى لمليار واحد ) لكن كي تكون فاهم الحاجة نظن بلي مستحيل الا تروحلك

لكن الإستشهادات في العلوم الشرعية
وأقوال الفلاسفة في المقالات الفلسفية
والتواريخ

هي امور ضرورية


هي صراحة حتى انا لا اعتمد الحفظ بتاتا لكن راني مبرمجة هاذ العام نحفظ ماذكرته سابقا

[ساحر النهى]

ايا انا نخليكم ليوم راني عيان و كاره ملي كملنا الاختبارات مازال مقريتش كيما كنت راني غير قاعد نجي نحكم حاجة نكره ونا كي نكره جامي الا نحكم الستيلو برسك نصيب روحي نكتب الحل من الحل مشي من تفكيري ههههه