شوفوا واش سرالي اليوم. - الصفحة 3

soufianedz2010 · 2010-09-08, 20:15

مشكورين كلامكم علي العين والراس مشكورين علي رأيكم ونصائحكم المفيدة لي نوعا ما

شهيد غزة · 2010-09-09, 14:30

ما تقطعش لياس خويا وشوف المكتوب

the perfect2 · 2010-09-09, 21:48

من المستحيل طردك و نتا عاودت مرة وحدة بلاك فلطو و نساو اسمك

انا ننصحك زيد ارجع و اهدر مع المدير و لا المراقب العام ممكن يحلولك هاذ المشكل

واذا ما قبلوش قدم طلب في ثانوية اخرى

بالتوفيق انشاء الله

ربي يكون في عونك

alkhansaae · 2010-09-09, 21:57

اخي راهم غالطينلك برك متقلقش روحك معندهمش الحق يطردوك لانو معاودتش كامل
والقانون يقول عندك الحق تعاود 1 فاليسي روح عاود اكد معاهم وبالتوفيق ان شاء الله

ابجدية الحياة · 2010-09-09, 22:01

الله يهديهم انا هداك نهار قالي لمديرلا ما تزيديش تفرحيني بشوفتك

عاود حر وتكل على مولاك

وادعيلنا معاك

alkhansaae · 2010-09-09, 22:07

اخي نزيدك انا السنة 2 ثانوي معاودتش وكي بعتولي قالولي كررتي السنة ووبرا تشوكيت بصح رحت اكدت معاهم على الحساب طلعو غالطين وزيد قتلهم بلي ادا ككررت ومنطردش خطرش اول عام اهدر على حقك خويا

أحلام سرمدية · 2010-09-11, 19:10

عاود باك حر واذا حاب تكمل ما يسلكها غير المعريفة

amine-maghnawi · 2010-09-12, 00:12

كم سنك يا اخي اذا انت صغيرررررررررررررر غير ممكن يتم فصلك

أم براء · 2010-09-12, 10:17

ما تقطعش الأمل و سجل للباك مع الأحرار و دير une formation باش ما تبقاش قاعد و الله يجيب الخير
ماهيش نهاية العالم أنت صغير و تقدر تثبت جدارتك في التكوين

'' أمة الرحمن '' · 2010-09-12, 10:24

اقتباس:

المشاركة الأصلية كتبت بواسطة soufianedz2010

السلام عليكم ورحمة الله تعالي وبركاته وصح فطوركم

بعد هذا اليوم التعيس لي مر علي قلت والله غير نفش روحي في المنتدى معا أصدقائي

كما تعرفوا بلي اليوم هو يوم التسجيل لدخول المدرسي
وكغير للعادة ننهض اليوم علي 8 نتاع الصباح بعد ماكنت ننهض علي 4 نتاع العشوة وكلي شوق للدخول المدرسي
رحت للبلدية با نخرج في لي دوسي لي نسحقوهوم حتان 12 باش خرجوا .
أيا وبعدها روحت تصورت
وكقضيت قع صوالحي أيا رايح كي راجل باش نسجل في الليسي مع العلم أني نقري في 3 ثانوي والعام اللي فات عقبتوا ومجبتوش.
المهم واش نقلكم ياحبابي أنا نهار لي شفت القوائم نلقي روحي منيش في القائمة ضحكت قلت بلاك راني في الجامعة وجبت الباك و نساوني .
أيا روحت للمدير سقسيتوا علا واش شفت
واش نقلكم قالي راك مفصول نهائيا علي الدراسة.
أيا قتلوا صح فطورك وقتلوا وكان قلتهانا في لول باش الدراهم لي دور نشروها لبسة للدخلة نحلوا بيها طابلة نتاع دخان وريحوا

يارب لي ضيعني ضيعوا

الله يكون في العون اخي نصيحة مني ماتسمحش في قرايتك دير كل ما تقدر باه ترجع ولو في ليسي واحد اخر او في بلاد واحد اخرى

رؤوف 1990 · 2010-09-12, 22:14

ننصحك دير الباك احرار و في نفس الوقت سجل في التكوين المهني تقني سامي خير ليك خويا
تهنيتي من الهم تاع الليسي

حمزة ملياني 121 · 2010-09-14, 21:58

والله جامي ضحكت كيما درك هاهاهاهاهاهاهاه والله همك يضحك . ياخي سيناريو ياخي عيش تشوف وتسمع آخر زمان . فصل من الدراسة علاش واش درت . والنقلك هكدا خير اخطيك من القراية وجوز الباك ليبر ودير التاويل لعمرك العمر راه يفوت ثم ثم بلاك تضيع عمرك وانت تستنى في الباك . الباك جايبو جايبو ا دركا والله بعد 20 سنة انا نعرف واحد جاب الباك بعد 32 سنة مي دار التاويل والدراه والدراري والمرا والدار واللوطو وووووووو المهم راك تعرف تكتب وتقرا ياسر عليك . الوقت مايرحمش اكتيفي activee mon frere