للنقاش:الكاسكيطا أم السيvيل--

[*الحواس*]

السلام عليكم

ياجماعة و أنا أوجه قولي هذا للذين ينتقدون الكاسكيطا , علاه بعض الناس يكرهوا الكاسكيطا ؟ علاه يقولك السيفيل خير ؟
المهم الكاسكيطا راهي حاجة مليحة :
1- الدواء + العلاج بـــــــــــــــــــــــــــــــــاطل
2- الإمتيازات
3- الخلصة بعد التقاعد تقعد غير هي بدون تخفيض
4- عند الزواج يعطولك 10 ملاين سنتيم من عندهم
5- عندما تتكون في الجيش برتبة طيار (طائرات النقل العسكري ) يمكن أن تعمل في السيفيل كي تكمل من الجيش وهذا بعد تلقيك تكوين عالي مجاني من طرف الجيش
6- بالنسبة للذين يدخولون إلى مدرسة المهندسين العسكرية بالرويبة وبعد إنهائهم فترة التكوين هم مخيرون بالعمل في الجيش أو السيفيل و ذلك بعد تلقيهم تكوين عالي و مجاني و تخرجهم بشهادة مهندس .
وحوايج بزاف من نقدرش قاع نقولها , و للذي يقول أنه هو في العيد في منزله و ينعل الي راه في القاريطا (( قولها شكون راه عاسك من الأعداء .؟؟؟؟؟؟؟؟؟؟؟؟؟؟؟؟؟))

المهم هذا هو رأيي أرجو أن تتقبلوه , و أدعو معايا باش يسهلي ربي في الجيش .

[medmay86]

بعيد الشر علي الكسكيــــتا و تحيا السيفيل ورقدة في الحشيش و ولا تمرميدة و نجمة الجيش

[*الحواس*]

نجمـــــــــــــــــــــة في الجيش و لارقدة في الحشيش

[الامل المشرق]

من خلال تجربتي اقول لك تحيا السيvيل

[اسماعيل الجوال]

رقدة في الحشيش خير من نجمة في الجيش
سال مجرب لا تسال طبيب

عندو الحق بزااااااااااااااااف

[ASKme]

راه عندي صاحبي راح يخدم على 25000 اتفلقت عليهم بومبة ماتو قاع حوالي 10 منع غير هو والله روح من ثم
بيعة راشية لي حبو ربي مايبعثوش ثما

[abdellah36]

----------------------

[amine eco]

الحرية تاج فوق رؤوس المدنيين لا يراها الا العسكرين

[ulacc]

الحرية تاج فوق رؤوس المدنيين لا يراها الا العسكرين

[AMARAGROPA]

السلام عليكم ورحمة الله وبركاته.

الإنضمام إلى المؤسسة العسكرية شرف ولا نتكلم عن الإمتيازات بل نتكلم عن كلمة الجهاد التي يتكلم بها الكثيرون هنا .

فالجهاد بالنفس أسمى رايات الجهاد اليس كذلك ؟؟ الإمتيازات المقدمة للجيش كلها لا تساوي شيئا مع ما يقدمه أفراده من حفظ للحدود وصون للبلاد .

لولا تماسك الجيش هنا بالجزائر وهناك بسوريا لكانت طائرات الناتو جاثمة بمطاراتنا العربية المتبقية هنا وهناك اليوم .

تحية إجلال وإكبار للمؤسسة العسكرية والأمنية ككل .

سلام ...

[ضابط كبير]

هههههههه لي يقولك ينعل بوها كاسكيطا قولو حتان تصحلك قبل و مبعد ارواح اهدر ههههههههههههههههههههه

ياو نهار باك ما تجيبش 14 ولا 15 وفوق ماكاش دخلة هههههه و وشنهي حرية وش دير بلحرية ههه

[ضابط كبير]

المشاركة الأصلية كتبت بواسطة amaragropa

السلام عليكم ورحمة الله وبركاته.

الإنضمام إلى المؤسسة العسكرية شرف ولا نتكلم عن الإمتيازات بل نتكلم عن كلمة الجهاد التي يتكلم بها الكثيرون هنا .

فالجهاد بالنفس أسمى رايات الجهاد اليس كذلك ؟؟ الإمتيازات المقدمة للجيش كلها لا تساوي شيئا مع ما يقدمه أفراده من حفظ للحدود وصون للبلاد .

لولا تماسك الجيش هنا بالجزائر وهناك بسوريا لكانت طائرات الناتو جاثمة بمطاراتنا العربية المتبقية هنا وهناك اليوم .

تحية إجلال وإكبار للمؤسسة العسكرية والأمنية ككل .

سلام ...

تحيا جيش سوري حر هههههههه ولله ضحكتني كي قتلي جيش عربي سوري هههه من قوته رهيبة ولا يستنجد بالمتطوعين عبر تلفاز باه يدخلو فيه هههه

[moha75]

باختصار شديد.
الكاسكيطة في رأي هي الحل الأخير للشباب.

[راية الاسلام1]

السلام عليكم ورحمة الله وبركاااااااااااااااته

الجيش اخي يروحلو غير اللي خلصت عليه ومالقاش واش يدير فيه امتيازات بزااااااااااااااااااف مانكدبوش مي ماكانش حااجة في الدنيا هادي تعادل الحرية

في نفس الوقت مايقدرس الانساااااان يعيش سيفيل وهوا ماعندوووو واااااااااااااالو

بالنسبة للجهاااد اللي دكرو الاخ واااحد مايوووح للجيش طمعا في اجر الجهاااد جلهم يبحثون عن المال لا اكثر

وبالنسبة للموت ادا وصل نهااارك تموت ببومبا واللا حتى وانتا راااقد في فراااشك

كما ان الجيش ليس فيه استقرااااار ماتقدرش تعيش أوقات بزاااف مع عايلتك وحتى مع ربك

هدا رايي

باااااااارك الله فيك

[amine eco]

اتحدى اي واحد في منتدى يروح لعسكري ومايقلوش راني كاره وحاب نخرج من جندي للجنرال