اقسام التوليد ...الجحيم بعينه ...مستشفياتنا - الصفحة 3

*جوداء* · 2010-03-22, 12:16

اقتباس:

المشاركة الأصلية كتبت بواسطة حازم312

ليس الحوامل و النوافس فقط بل كل مريض يدخل الى المستشفيات الجزائرية وجب عليه ان يتحمل اضافة الى ضعفه و المه انتقام الطاقم الطبي الجزائري منه لأنهم يرونه مصدر ازعاج لهم ليس الا .....
---------------------
و الكل يتحجج بكثرة العمل و نقص الامكانيات لكن في الغالب هي نوعية العاملين و المشرفين على المرضى
نحن لا نعمم لكن من مر بالمستشفيات يعرف جيدا كيف تسير و ممن تسير ....

هههه نعم المريض في المستشفى مصدر ازعاج كبير ..وواش هي خدمتهم اذا ؟؟..رداءة التسيير وغياب الضمير للاطباء

*جوداء* · 2010-03-22, 12:18

اقتباس:

المشاركة الأصلية كتبت بواسطة الزبرجد

السلام عليكم

انسان لاإنساني يعمل في مصالح إنسانية........معادلة صعبة

الحل أن يتزوج المرء بقابلة نساء

ملاحظة : موضوع تلد فيه الحوامل قبل اتمامه ............................(طويل جدا

)

هههه..والله نقصت منو شوية اخي زبرجد ..لما تروح انسانية الانسان في مصالح انسانية النتيجة الواحد يهبل يولي يهدر بلا حساب

*جوداء* · 2010-03-22, 12:19

اقتباس:

المشاركة الأصلية كتبت بواسطة kokori

ومازال باغيين يزيدولهم في الخلصة
على الخدمة المقرفة نتاعهم
ياخي عباد
هاذ الاطباء في الدزاير يقعدو يخزرو فيك واحد الخزرة كانك فار امامهم ومتكبرون لانهم اطباء
واش يحكي الواحد برك
شكرا اختي شيراز على طرحك للموضوع وجزاك الله كل خير

نعم على خدمتهم الرديئة يزيدوا يتعالاو .الاطباء معليناش بصح الممرضين علاش يشوفوا رواحهم وعاملات وعمال النظافة علاش تاني ؟

*جوداء* · 2010-03-22, 12:21

اقتباس:

المشاركة الأصلية كتبت بواسطة *محمد*

السلام عليكم ورحمة الله

موضوع معقد ووضعية حرجة تلك التي تمر بها جميع القطاعات في بلادي ،وحتى لا أطيل الحديث قررت ان أشارك بمداخلة بسيطة لان الموضوع يحتاج لصفحات وصفحات لنقاشه

وباختصارأشير ان أغلب المواطنين ينسبون الاهمال والتسيب الحاصل في المستشفيات الى الدولة وما الدولة الى تجمع من الشعب فان كان مشكل في الدولة فالمشكل أساسا كان في الشعب

والله مؤسف ذاك الذي قرأناه في موضوعك أختي الكريمة حتى كدت أجزم أن الاحصائيات تخص دولة فقيرة كالصومال وشعبا بلادين ودون اخلاق لكن للأسف هذه حال بلادي وهؤلاء هم أخوتي أخواتي

......

ثمة حقائق يتفق فيها الجميع وأخرى تختلف من فرد لآخر ومن منطلق الاتفاق أرى ان الامور في مستشفياتنا تفتقد أكثر الى التنظيم ، فعندما نجد مثلا في احدى القاعات الاستشفائية العامة جهاز " سكانير " يقبع تحت كليوغرامات من التراب نعلم أن الخطأ هنا في الادارة والادارة تعني المسؤول ، وان وجدنا صفا من المرضى يتخطى بعضهم رقاب بعض ليصل آخرهم الى الطبيب أولهم نعلم ان المشكل هنا في الشعب ، وان رأينا طبيبا يمسك سيجارة بيده وفنجانا من الشاي بالأخرى ويجلس مقابلا احدى النوافذ المطلة على الشارع يصطاد المارات فالخطأ هنا ؟؟؟ في الشعب الاعمى وفي الادارة الصماء

........

لا أدري ان كان الموضوع يستدعي مشاركة الاناث دون الذكور لاني في الاخير تذكرت احدى القصص الطريفة التي حدثت مع احد المعلمين الذي كان ناقما من عطلة الولادة التي تمنح للمعلمات دون المعلمين فأشار عليه احد تلاميذه أن يلد هو أيضا حتى يستفيد منها

بارك الله فيك اختي الكريمة على الطرح المميز

موضوع يستحق وقفة مطولة

والله يا اخي محمد جميعا مسؤولون ومن هؤلاء الاطباء والممرضات والقابلات الا يصنفون ضمن الشعب اليست لهم عائلات ..الا يمرضون يوما ما ولا يجدون المساعدة؟؟كاين ربي يخلص كل واحد على حساب افعالو

أبو خالد سيف الدين · 2010-03-22, 12:42

موضوع بالغ الأهمية

الممرضات و القابلات لاقاوها خابزة لأنه الناس ما تشكيش على حقها و زيد يعطولهم الرشوة
أنا تقولك بلي هاد العقلية يستعملوها مع البعض فقط ماشي كل الناس
واش تكون ممرضة قي قسم الولادة ؟ جنرال ؟؟؟؟؟؟؟؟؟؟؟؟؟؟
و الله نحمر لها العين و نهددها مباشرة: تصرا حاجة في المرا والله ندبحك
و نقلب ليهم المستشفى
و فعلاً لو تصرا حاجة في مرتي و الله أنعوقها طول حياتها

*جوداء* · 2010-03-22, 14:24

اقتباس:

المشاركة الأصلية كتبت بواسطة Abou_Khaled

موضوع بالغ الأهمية

الممرضات و القابلات لاقاوها خابزة لأنه الناس ما تشكيش على حقها و زيد يعطولهم الرشوة
أنا تقولك بلي هاد العقلية يستعملوها مع البعض فقط ماشي كل الناس
واش تكون ممرضة قي قسم الولادة ؟ جنرال ؟؟؟؟؟؟؟؟؟؟؟؟؟؟
و الله نحمر لها العين و نهددها مباشرة: تصرا حاجة في المرا والله ندبحك
و نقلب ليهم المستشفى
و فعلاً لو تصرا حاجة في مرتي و الله أنعوقها طول حياتها

صح اخ ابو خالد ..لما الناس تتكلم باحترام مع هؤلاء الفئة من العاملين يدوها في روحهم ويحسبوه ضعف ..لهذا تلقى ممرضة تطير وتزعف على الناس والقابلة وكانها ملكة عصرها ..لازملها قصيدة من المديح والتحلال باش تقوم بعملها..احدى النسوة من العائلة تحكي ما راته بام عينيها من تصرف القابلات ع امراة كانت على وشك الولادة ولا قابلة عبرتها او اهتمت بها وهي ملقاة في الرواق وتعاني الى ان وضعت مولودها بدون مساعدة منهن ..كيف يساعدوها وهن يتبادلن اخر رنات الهاتف ويتلقين المكالمات الغير محدودة ...تعرضت المراة لنزيف واحست ان حياتها في خطر فهاتفهت زوجها واخبرته انها ستموت ..الزوج اسرع الى ابلاغ الشرطة لاحضارهم الى المستشفى لما سمعت العاملات بهذا قمن بسرعة البرق وحلن المراة وابنها واعطوها الاسعافات ووضعنها على سرير محترم ..لما وصلت الشرطة وجدوا كل الامور العادية والمراة كانت مغشيا عليها ..واخذن القابلات في العويل والشكوى من الزوج بانه شتمهن من غير سبب واقام عليهن الدنيا ..وانهن كن يقمن بعملهن بشكل عادي واصبحن الضحية والمراة وزوجها هم الجلادين

oggy01 · 2010-03-22, 15:59

بصح يا اختي نلوم عليك في حاجة واحدة انو كاين des exceptions و حطي في بالك بلي حتى طلاب الطب يعانيو الامرين من القابلات و عاملات النظافة ما تلوميش على الاطباء لانو اللي راهم يشوفوه في السبيتار اكثر من مهين صدقيني كاين اطباء يراعيو ضمائرهم و متمسكين بالمفهوم الانساني للمهنة ليسو كلهم يا اختاه....

*جوداء* · 2010-03-22, 16:05

اقتباس:

المشاركة الأصلية كتبت بواسطة oggy01

بصح يا اختي نلوم عليك في حاجة واحدة انو كاين des exceptions و حطي في بالك بلي حتى طلاب الطب يعانيو الامرين من القابلات و عاملات النظافة ما تلوميش على الاطباء لانو اللي راهم يشوفوه في السبيتار اكثر من مهين صدقيني كاين اطباء يراعيو ضمائرهم و متمسكين بالمفهوم الانساني للمهنة ليسو كلهم يا اختاه....

اكيد انا لا اعمم ...كاين ناس مازال فيهم الخير وضمائرهم حية ويعطون مهنة الطب حقها من المسؤولية ربي يكثر من امثالهم ..لكن نقول انهم القلة القليلة اا الباقي رجعوا يشوفوا مهنة الطب تجارة والانسان سلعة يشوفوه دراهم ربي يهديهم

حياة نور الدين · 2010-03-23, 12:47

انا ولدت في مستشفى عسكري شيراز على هاذيك كانت هناك عناية ورعاية وحسيت روحي مرتاحة

&أسيل& · 2010-03-23, 13:10

بارك الله فيك على الموضوع اختي شيراز.............انا ولدت في مستشفى عادي مارقدتش اصلا للصباح خفت لانغمض عيني وتاكل القطة وليدي هههههههههههههه وحاجة وحد خرى النظافة معدومة الصراصير والقطط والروائح الكريهة دايرا حالة والاكل نتاع السبيطار مستحيل تفدري تبلعيه .....يعني لازملك تولدي من تخرجي من الجهة الاخرى ....الله غالب اما عن القابلات انا ماصراليش مشكل بصح شفت وسمعت من ناس قراب ليا والشيء اللي طرقتيلو كامل صحيح ......ربي يستر برك ....ويستيقظ الضمير

*جوداء* · 2010-03-23, 16:18

اقتباس:

المشاركة الأصلية كتبت بواسطة حياة نور الدين

انا ولدت في مستشفى عسكري شيراز على هاذيك كانت هناك عناية ورعاية وحسيت روحي مرتاحة

نقولك راكي من المحضوضات اختي حياة لان في المستشفى العسكري رعاية طبية افضل

*جوداء* · 2010-03-23, 16:20

اقتباس:

المشاركة الأصلية كتبت بواسطة أم زياد2009

بارك الله فيك على الموضوع اختي شيراز.............انا ولدت في مستشفى عادي مارقدتش اصلا للصباح خفت لانغمض عيني وتاكل القطة وليدي هههههههههههههه وحاجة وحد خرى النظافة معدومة الصراصير والقطط والروائح الكريهة دايرا حالة والاكل نتاع السبيطار مستحيل تفدري تبلعيه .....يعني لازملك تولدي من تخرجي من الجهة الاخرى ....الله غالب اما عن القابلات انا ماصراليش مشكل بصح شفت وسمعت من ناس قراب ليا والشيء اللي طرقتيلو كامل صحيح ......ربي يستر برك ....ويستيقظ الضمير

اكيد وهي حالة جميع النساء .بالاضافة لكل التعب ومعانات الولادة والاهانات تبات قاعدة خوفا على مولودها من اي مكروه ..والله عجيب في حين النفاس يحتاج الى الراحة التامة ...تحسبي غوانتانامو مشي مستشفيات

صُبح الأندلس · 2010-03-23, 17:08

اقتباس:

المشاركة الأصلية كتبت بواسطة kokori

ومازال باغيين يزيدولهم في الخلصة
على الخدمة المقرفة نتاعهم
ياخي عباد
هاذ الاطباء في الدزاير يقعدو يخزرو فيك واحد الخزرة كانك فار امامهم ومتكبرون لانهم اطباء
واش يحكي الواحد برك
شكرا اختي شيراز على طرحك للموضوع وجزاك الله كل خير

المشكل أن من يعاملك بسوء في المستشفى ليس الطبيب بل الممرضة و القابلة و حتى عاملة النظافة !! تجدهم يأمرون و ينهون و يطردون كأنهم أصحاب المستشفى

redhasp · 2010-03-23, 21:26

كارثة
الله يصلح الاحوال

*جوداء* · 2010-03-25, 14:04

اقتباس:

المشاركة الأصلية كتبت بواسطة redhasp

كارثة
الله يصلح الاحوال

امين يا رب ..شكرا لمرورك