خدمة والدي الزوج واجب

[blanche rose]

المشاركة الأصلية كتبت بواسطة حياة نور الدين

موضوع يستحق التقدير والنقاش

خدمة اهل الزوج تكون سنة يرجعوها فرض
مثلااا انا نها. تزوجت كنت بنيتي نخدم وكانه في دارنا خاصة انه مكانش بنات في الدار غير رجال وعادي كنت نخدمهم وكانهم خاوتي لكن مع الايبام وازدياد المسؤوليات وانجاب الاطفال بدات اشغالي تنقص ثم وليت منعجبش وولى التدمر من عجوزتي وولات تقول انا علاش جبتك لوكان ماشي وليدي لوكان قعدتي بايرة في داركم واعطيتك راجل بسييف تخدميني وادا دخلتي هدرتها من ادن حاشاكم وخرجتيها من الاخرى توكل ربي عليك
زعما انا والديا معطاوهاش مراة عطاوها خدامة وخاصة انه العجايز يلعبوها ماشي مريضة وتدعي المرض في الدار عيانة وتعبانة وكي تشوفك خارجة تلبس حجابها وتسبقك ولا اللي يبعرضها تجري ومتسناش
المهم الله يفرج على كل واحد

انا والديا عايشين وحدهم وعندي اخ واحد ويما محخبتش جيب الكنة تسكن عندها رفضت قاتلوا تاكلة على دراعي ونهار نمرض كاين السبيطار ولا ماعليش كي نمرض ارواحوا ارفدوني ومنبعد روحوا لدارىكم المهم ماشي تاكلة على الكنة
هده العجوزة الفحلة اللي تاكلة على شقاها وقلبها سخون على دارها ماشي اللي تقولك انا وانا كنت والزمان دارها بيا
اسمحيلي الحاجة انت باينة من بكري ماشي تاكلة على شقاك وجلبتي بنت الناس تحرثي عليها

للأسف عندك الحق حبيبتي
أغلبية العرائس ضرك ولاو يخافو السكن مع اهل الزوج
او تعويد أهل الزوج بخدمتهم لأنها لن تتمكن من الاستمرار على نفس المنوال
فالزوج بحد ذاته مسؤولية كبيرة
واذا جاء الأبناء فالوقت لن يكفي

المرأة الشاطرة الطيبة..تولي عجوز وهي شاطرة وطيبة
والمرأة الشريرة تكبر تولي عجوز شريرة

الله يعين ويهدينا جميعا

[blanche rose]

المشاركة الأصلية كتبت بواسطة كاميلا

ديما الكنة هي ابليس بصح تفوت تكبر وتولي عجوزة يولي مرفوع عليها القلم
انا ولادي يهزوني ويخدموني راجل ومرا بلا مزيتهم ماش ولاد الناس

كلامك صح حبيبتي
بر الوالدين مسؤولية الأبناء فقط..وليست مسؤولية اولاد الناس

وتبانلي بعض الكناين تاع بكري قرروا كي يولو عجايز يشربو كناينهم من الكاس اللي شربوهولهم عجايزهم .. يعني أمر متوارث 😖😖

الله يهدينا جميعاا

[noura27]

انا ام زوجي كانت قادرة على القيام باشغال البيت و بخدمة زوجها 48 سنة ولكن كان عندها معتقد انه بمجرد دخول الكنة الى البيت تحال العجوزة على التقاعد وكنت اقوم باشغال البيت الكبير لوحدي مع اني اامراة عاملة مكثت معها ثلاث سنوات و انا اقاسي من الاعمال الشاقة و في الاخير احس زوجي بنوع من التقصير في حقي فاستاجر بيت خاص مع العلم ان لزوجي اخوات متزوجات و اختين عاملتين بدون زواج مع امهما في البيت و مازلت ازورها لمساعدتها في اعمال البيت
الكثير من يرى في مجتمعنا الكنة على انها خادمة . خدمة و طاعة الوالدين واجبة على الابناء و ليس على الكنة فهي لها والديها كذالك و ملزمة بطاعتهم خدمتهم لماذا تتحمل لوحدها كل هذا العبء
وااله العظيم حرام

[soumay12]

لم اقرأ كل الردود , لكن الاوضاع و الطاقات تختلف من امراة لامراة , كاين مرا تحمل شيء لا يتصور و كاين مرا من حبة طماطم تقلب الدنيا .

العجايز مش كلهم كيفكيك و الرجال ثاني و الكناين ثاني

حاجو وحدة الانسان كي يدير حاجة يديرها لوجه الله , بسك عباد ذرك قليل الي يقر فيهم الخير .

راجلك باهي و امو خايبة هاذي مكانش منها على جالو نتحمل الدنيا فما بالك امو وباباه و ديما شوفي لراجلك في هاذي الامور

لبنات ساعات ينصبوا لرواحهم , من الاول متقبليش ببيت العائلة , مشك تحكمي بلاصة و منبعد تبدي ديري في البلانات باش تخرجي

من الول اذا انت امراة متتحملش زوز كلمات اشرطي دار مستقلة مافيها حتى عيب

و احسن حاجة انو الراجل يخمم في الاستقلالية لانها دير لقدر و الله اعلم

ربي يهدي

عن نفسي نقول كون غير ما ماتش شايبي وقعد حي نخدم طول عمري بعيني

[blanche rose]

المشاركة الأصلية كتبت بواسطة noura27

انا ام زوجي كانت قادرة على القيام باشغال البيت و بخدمة زوجها 48 سنة ولكن كان عندها معتقد انه بمجرد دخول الكنة الى البيت تحال العجوزة على التقاعد وكنت اقوم باشغال البيت الكبير لوحدي مع اني اامراة عاملة مكثت معها ثلاث سنوات و انا اقاسي من الاعمال الشاقة و في الاخير احس زوجي بنوع من التقصير في حقي فاستاجر بيت خاص مع العلم ان لزوجي اخوات متزوجات و اختين عاملتين بدون زواج مع امهما في البيت و مازلت ازورها لمساعدتها في اعمال البيت
الكثير من يرى في مجتمعنا الكنة على انها خادمة . خدمة و طاعة الوالدين واجبة على الابناء و ليس على الكنة فهي لها والديها كذالك و ملزمة بطاعتهم خدمتهم لماذا تتحمل لوحدها كل هذا العبء
وااله العظيم حرام

رد طيب
مشاركتك اسعدتني حبيبتي

الزوج يلاحظ ويتصرف من منطلق خوفه من الله عز وجل

بصح اللي ما بخافش ربي..يشوف بعينيه الظلم وقلبو ما يحسش

والكارثة أن البعض يسيرون الى طقوس عبدة الاوثان مثل الذين في الهند

اين تكون الحماة هي الآمر الناهي
ولم يبق الا تطبيق طقوسهم من تقبيل رجلي الحماة ..الخ !!!

والله يهدينا جميعا

[blanche rose]

المشاركة الأصلية كتبت بواسطة soumay12

لم اقرأ كل الردود , لكن الاوضاع و الطاقات تختلف من امراة لامراة , كاين مرا تحمل شيء لا يتصور و كاين مرا من حبة طماطم تقلب الدنيا .

العجايز مش كلهم كيفكيك و الرجال ثاني و الكناين ثاني

حاجو وحدة الانسان كي يدير حاجة يديرها لوجه الله , بسك عباد ذرك قليل الي يقر فيهم الخير .

راجلك باهي و امو خايبة هاذي مكانش منها على جالو نتحمل الدنيا فما بالك امو وباباه و ديما شوفي لراجلك في هاذي الامور

لبنات ساعات ينصبوا لرواحهم , من الاول متقبليش ببيت العائلة , مشك تحكمي بلاصة و منبعد تبدي ديري في البلانات باش تخرجي

من الول اذا انت امراة متتحملش زوز
كلمات اشرطي دار مستقلة مافيها حتى عيب

و احسن حاجة انو الراجل يخمم في الاستقلالية لانها دير لقدر و الله اعلم

ربي يهدي

عن نفسي نقول كون غير ما ماتش شايبي وقعد حي نخدم طول عمري بعيني

اسعدني مرورك عزيزتي
مقدمة كلامك عقلانية

لكن عبارة راجلك باهي وامو خايبة ماكانش منها
هذي فيها كلام

والراجل كي يكون مليح ما راحش يخلي أمو تتبلى زوجتو ولا زوجتو تتبلى أمو..

كاين ام مؤمنة وابن عاص
وكاين ابن مؤمن وأم عاصية

وكل واحد يتحاسب وحدو يوم القيامه
واللي يساند أمو فالظلم..ما يقدرش يوم القيامه يقول لله عز وجل :" امي هي السبب". !!!!!!


وقولك انك تتحملي والدين راجلك
لأجل راجلك مجرد كلام..اعذريني..
بزاف اللي يقولونه لانهم ماعاناوش من الظلم اللي يوصل للطلاق
لكن الدنيا دوارة..
رايحين يحسو لما بناتهم يتزوجوا ويعانيو من الظلم

لما تتزوج ابنتك وترينها مذلولة مظلومة وقتها سيتغير كلامك

بخصوص الشيخ
الشيخ يحب الكنة على العموم الا اذا الحماة قلبتلو راسو
لان الحماة تغار ..او السلافات..غيرة المرأة من المرأة معروووفة..تكون حتى بين الاخوات.. ولا أعمم

فهناك حموات واخوات زوج رووووووعة لأنهن مؤمنااااات والله بقلوبهن ولاااا يظلمن


الله يهدينا جميييعا

[~أمة الله~]

السلام عليكم ورحمة الله أختي وردة
إن شاء الله تكون أحوالك طيّبة؟
جزاكِ الله خيرا على صياغتك الراقية للموضوع، وردودك الطيّبة
ممكن لن أضيف الكثير على ما قالته الأخوات.
لكن للعدل فقط هناك عجايز ما شاء الله عليهنّ يطيحوا في عرايس الله غالب، لكي لا يكون التعميم غالبًا.
ومردّ هذا الموضوع هو عدم تقوى الله من الجهتين - العجوزة أو العروسة-، وعدم استصحاب النيّة الصالحة والعدل في التعامل.
لذلك الحلّ الأفضل لتحافظ العائلة على ترابطها والاحترام بينها هو السّكن المستقلّ حتى لو الانسان أكل الماء والخبز .
والحلّ الثاني هو مواجهة العادات البالية وبالخصوص عدم سماع كلام النّاس، فهناك عجايز يسمعوا لعجايز وحدوخرين: لازم العروسة تخدمك وتخدم الجيش العرمرم هذا واجبها، ولازم وليدك يوريلها العين الحمرا والصفرا ...الخ، ولازم ولازم.
وفي نفس الوقت العروسة تسمع كلام صديقاتها في التعميم أنه العجايز كامل شريرات: لازم ما تديري والو، ما تولفيهمش ، ما تديريلهمش، ما تعمليلهمش...الخ

ربي يهدينا، وربي يرجع الرّحمة لقلوبنا في التعامل فيما بيننا

[ام يوسف2]

انا ساكنة معاهم ومتقبلة الوضع ونخدم عليهم
عادي ماعنديش مشكل وحتى الواحد يسمع هدرة عادي ماتكبروش الامور ياك ربي رآه يشوف نطيب ونغسل ونمسح عادي حتى سلفي نغسلو حوايجو ونرتبلو الغرفة تاعو انا حبيت ندير كيما امي تخدم الخير وماعلابالها بوالودايمن كي تسمع هدرة عليها تقول بينهم وبين مولاهم انا تاني عادي كيمان نخدم نلقى ساسعدك يافاعل الخير وشكرا لكم