صاحبات الخبرة في بيع الحلوى

[خوخة02]

شكرا ليك اختي على الفكرة ان شاء الله نجربها

[ام طارق :)]

ياختي ربي يوفقك عندنا الصابلي ب 35دزيات او العرايش ب45والبقلاوة ب 40يعني للحبة وننصحك تحطي عند لحوانت الي امساميك لي مودال وانشاء الله تتوفقي

[fadila34]

صباح الخير عليكم وربي يعطيلكم ما تتمناو
كاينا حاجة نحوس نظيفها على صنع الحلويات وهو الزهر لي معندهاش الزهر فى المشترين والله وتخدميه بااقل السومة راني خادمة 100حبة مقروط ولي نقولو لاتشري يقولي غالي مع العلم الحبة 20

[خوخة02]

المشاركة الأصلية كتبت بواسطة ام طارق :)

ياختي ربي يوفقك عندنا الصابلي ب 35دزيات او العرايش ب45والبقلاوة ب 40يعني للحبة وننصحك تحطي عند لحوانت الي امساميك لي مودال وانشاء الله تتوفقي

شكرا ليك اختي على المشاركة الطيبة

[خوخة02]

المشاركة الأصلية كتبت بواسطة fadila34

صباح الخير عليكم وربي يعطيلكم ما تتمناو
كاينا حاجة نحوس نظيفها على صنع الحلويات وهو الزهر لي معندهاش الزهر فى المشترين والله وتخدميه بااقل السومة راني خادمة 100حبة مقروط ولي نقولو لاتشري يقولي غالي مع العلم الحبة 20

هههههه والله غير ضحكتيني عندك الصح الزهر يلعب دور كبير كاين اللي تبيع الحبة ب10الاف وتمشيلها عادي
شوفي اختي ادي المقروط للقهوة اللي تكون قريبة ليك ان شاء الله خير

[هجيرة1]

كنت طرحت نفس موضوع من قبل شوفي رابط ممكن يفيدك
لتخدم قاطو لناس تدخل ربي يفتح عليها ابواب رزق

انا عن نفسي نحسب حق يد 13دج وسلعة من عند زبونة اذا سلعة من عندي (حق سلعة+13دج للحبة )حق يد
يعني سلعه من عندي او عندها نفس نتيجه الكل يقولي حقك رايح نخاف نزيد تهرب مني زبونه هههههه
عند نا لحوانت تحسب حبة قاطو 30 وبقلاوة و تشراك و عرايش ب 35دج

[خوخة02]

سلام اختي واش راكي
ايه صح راني شفت موضوعك وديت منو فكرة شكرا ليك.
بصح اختي سمحيلي ماكيش قاع تخدمي في بالي حق ضايع زيدي خمي شوية

[خوخة02]

قولولي صحة القريوش شحال يحسبوها عندكم
اليوم راجلي خدملي ورقة فيها الاعلان ورقم الهاتف ونعلقها فالحوانت ان شاء. الله خير

[حياتي نبع امل]

عندنا الصابلي والحلويات الجافة من 25د حتى ل 30 للحبة سواء بالشكولا ولا قلاصاج .......
الحلوى لي فيها عقدة بالكاوكاو 35د حتى 45د للحبة
الحلوى تاع اللوز 55 حتى 65 د للحبة
القريوش 45د للحبة

[أم سلوى]

المشاركة الأصلية كتبت بواسطة خوخة02

سلام اختي واش راكي
نعطيك وصفة انتاع صابلي اللي نخدم بيها بمقادير مضبوظة ان شاء الله ماتحوسيش على وحدة اخرى
500غ مارغرين ظرية
4 صفار بيض
كاس وشوية سكر رطب
كاس مايزينة
لفاني مغرف كبيرة
وحدة خمارة الحلوة
والفرينة من الاحسن تكون ماتشربش حتى تتحصلي على عجينة طرية ماشي يابسة سرها فطراوتها وطيبيها عادي مyاشي حتى تحمار تاخذ لون ذهبي فقظ
واي حاجة راني اهنا
ادعيلي معاك

الله يبارك فيك اختى ويسترك ...ويعطيك ما تتتمنايه...ان شاء الله.

زيدي .لي وحدة ولا زوج تكفيني....نديرهم في،العيد ونشوف الا نجحوا نبيع للجيران...

[om_nour]

اخنا عندنا نساء تمد لباءع حلويات يبيعلها

معظم الحلويات بثلاث الاف وخمس مءة

الحق يقال حبات كبار وتزيين راءع وباهى وحتى فيه حبات لوز

بصح مخدوم بالكاوكاو

رانا رحمة ربى عليكم

[abd_ser05]

diri page sur fb w 7a6i les model li takhadmihom w les prix w matansayach t7a6i l wilaiya w rabbi ywaf9ak

[zokhrofa]

جزاك الله خيرا

[salisirage]

السلام عليكم اخواتي الكريمات جمعة مباركة على الجميع
اختي الكريمة ربي يفتح عليك ويرزقك من حيث لا تحتسبين انا عن نفسي خدمت لصاحبتي البقلاوةللحبة ب40دج وصابلي البيضة محشي و مزين بالتاتو ب30دج و الجلجلانية بالنسلي ب30دج و القريوش ب15دج للحبة ونخدم القريوش كيما قريوش ام اماني ب20دج منعرف لاراني مغليا ولا مرخسة صح خدمة القاطو تعب بزاف بزاف بصح عند الناس لتفهم نتمنى اني نكون افدتك الى اللقاء حبيبتي

[ساجده 82]

هههههههههههههههنههههه نسيتيني في السلام فضيله .توحشتك .لبنات زيدو تفاعلو عيشكم ويولي مرجع .خوخه ربي يفتح عليك وتولي تخدمي .وتعاوني روحك .
فضيله .الله عندك الحق الزهرررررر.والله.غير جبتيها قدقد .