يوم الامتحان يكرم المرء او يهان

[وَحْـــ القلَمْ ـــيُ]

المشاركة الأصلية كتبت بواسطة سميرة10

السلام عليكم ورحمة الله وبركاته
اليوم نهضت باكرا فاليوم ليس يوم عادي في بيتي ابني سيجتاز امتحان البكلوريا الكل في البيت
نهض باكرا انا لم اضهر له بانني مقلقة حتى لا يتوتر
لقد وجدت ابني احسن مني فهو يضحك ويطلق النكت
ان شاء الله ربي يكون معاه وجميع الممتحنين
قولو امين

المشاركة الأصلية كتبت بواسطة crono

أميننننننننننننننن وعليكم السلام أختي سميرة بارك الله فيك على الموضوع
انا اليوم نهضت عادي لنهوض لصلاة الفجر لقيت بنتي طيبت القهوى و في يديها كراس
ونا من قبل قتلها باش توقف عن المراجعة بنتلي مقلقة ونا امضهرتلهاش بلي راني مقلقة كتر منها
منبعد راحت تلبس و كي جات تخروج سلمت عليا الدمعة فرت من عيني مبينتلهاش
نسأل الله لكل الممتحنين التوفيق والنجاح اللهم اشرح صدورهم ويسر أمورهم واحلل عقدة من لسانهم
اللهم ءامين
يارب يا رب يارب

المشاركة الأصلية كتبت بواسطة حمدية حرة

انا اليوم استيقضت لصلاة الفجر والدمع في عيني وانا اتامل مكان ابنتي وكراريسها وهي بعيدة لا اعلم ان هي استيقضت او نامت او عرفت حتى طريق الذهاب للمكان الاختبار لانها احرار واضطرت للاقامة في دائرة بعيدة جدا عن مدينتنا وتشاء الصدف حتى ان يتعطل الهاتف وللان لا اعلم عنها شيءا ولا املك لها الا الدعاء

المشاركة الأصلية كتبت بواسطة ام رضوان

السلام عليكم
اختي سميرة ربي يكون مع وليداتنا كامل وربي يفرحنا بيهم ويجازيهم على تعبهم
انا تقولي انا اللي رايحة نعقب الباك
بعد ماصليت الفجر خفت نرقد ومانفطنش وقاعدة نتخيل ونقول كون مانفطنش ويروح عليه الحال وكون وكون
وبعد ماخرج ابني والله يااخواتي صرا فيا الباطل
ماقدرتش نوقف من الخلعة وحاشاكم القيء والام المعدة والرجفة
وخدمت الدار ماقدرت ندير والو
المهم يااخوتي واخواتي ماتنساوش وليداتنا بالدعاء
راهو جاي شهر رمضان وايام فضيلة ماتنساوش اولادنا من الدعاء
يارب نجح وليداتنا وفرحنابيهم اميييييييين اميييييييين اميييييييين

ربي يفرحكم ....لم أكن اعلم ان الام بحبها لابنها وخوفها على مستقبله يحدث لها كل هذا

[سميرة10]

المشاركة الأصلية كتبت بواسطة mofida13

ربي يفرحكم ....لم أكن اعلم ان الام بحبها لابنها وخوفها على مستقبله يحدث لها كل هذا

عزيزتي مفيدة عندما تكبرين ان شاء الله وتصبحي اما ستحسين بهذا الاحساس الجميل نحو ابنائك
ربي يحفظك حبيبتي

[{ حديث الوجدان }]

ماكانش علابالي بلي الامهات يحسوا بينا هكذا

عليها نشوف في الوالدة ساكتة ونقول واش بيها

والسبب اني رايح نعقب الباك وهي خلعانا وماتبينش

ربي يفرح امهاتنا يا رب