الجزائريين وشهرالعسل

[*سندوسة*]

المشاركة الأصلية كتبت بواسطة عثمان الجزائري.

شهر العسل يعتبر من تقاليد الكفار، ليس لنا فيها نصيب، مضيعة للمال و تدخل في التبذير خصوصا إذا كان الهدف منها شهر البصل هذا، أما في الأيام العادية فيمكنهم أن يذهبوا أينما شاءوا، و الأدهى من ذلك ربط بعضهم شهر العسل بالعمرة فيحاولون جعل شهر العسل ذو طابع إسلامي فيذهبون للعمرة بهذه النية....عيش تشوف.

شكرا لك وبارك الله فيك
لكن لي يحب يبدا زواجه بعمرة اللهم بارك وحنا مانحلو مانحرموااااا

[*سندوسة*]

المشاركة الأصلية كتبت بواسطة واحة الوجدان

انا نسميه برستيج وزوخ روحو شوف وراء شهر العسل ما يجري مشا كل الخ وهذا الواقع ما يحصل

كاين لي باش لحق حتى عمره خرجت
وتلقايه بعد العرس ناس تساله وهو من بلاد لبلاد

[*سندوسة*]

المشاركة الأصلية كتبت بواسطة amina.z

هو فترة مميزة و جميلة يستفيد منها الزوجين ليرتاحا من العرس و تحضيراته و يبتعدا عن جو المراقبة و القيل و القال.
اما ما يحدث بينهما فيما بعد فهذا راجع لمدى وعي الزوجين و حاهزيتهما لتحمل المسؤولية و مستوى اخلاقهما
و لا شان لاسبوع العسل بذلك !!!!!!!!!

لكن لا يكلف الله نفسا الا وسعها
شكرا لك وبارك الله فيك

[*سندوسة*]

المشاركة الأصلية كتبت بواسطة nihal159

يعني سببب المشاكل الزوجية هو هذا الأسبوع لي خرجو حوسو فيه؟؟؟؛ يعني كون قعدو في آلدار آلأسبوع الأول تاع الزواج رايحين يفهمو بعضاهم مليح و يتفاهمو و مايصراوش ممشاكل من بعد؟؟؟؟؟؟؟؟ لي حبيت نقولو أنو لي مرتاح ماديا بصحتو علآه يبخل روحو؛ ولي ماعندوش ماكلاه يحتم روحو ويزيد الكريدي على ضهرو؛ أنا شخصيا مارحتش شهر عسل و الحمد لله راني عايشة و نحمد ربي على نعمة الهناء و الصحة؛ في المقابل صديقاتي كي تزوجو كاين لي راحت لثايلندا، كاين لي راحت لتركيا؛ كاين لي راحت لروما؛ وكي رجعو راهم عايشين عادي جدا لا مشاكل ولا هم يحزنون؛ مافهمتش علاه لازم كل فرحة وكل حاجة مليحة يكونو وراها المشاكل؟؟؟؟؟؟؟

انا قلت انه ليس بالضرورة يكون شهر العسل بعد العرس مباشرة ولماذا يسمى شهر العسل
يعني ماهوش واجب وضروري
وكاين لي في شهر العسل صراولهم مشاكل ماشي عاد كي رجعو لدار
وانا ماعممتش حنا كي رانا نطرحو موضوع رانا نحكو على ظاهرة يعني لاتنطبق على الجميع وانا في موضوعي راني نقصد ناس معيينين رانا مسلطين عليهم الضوء

[*سندوسة*]

المشاركة الأصلية كتبت بواسطة sunshine2013

لا أرى إشكال في شهر العسل و لا أراه تناقضا بل بالعكس العروسين يحتاج كل منهما فترة راحة و كل حسب ذوقه، هناك من يفضل قضاءها في البيت و هناك من يفضل الخروج و تغيير الجو خاصة إذا لم يكن استفاد من عطلة قبل ذلك فتكون الفرصة مناسبة لكليها للراحة الاستجمام التعرف على بعض أكثر كما هو معروف عند السفر تظهر الكثير من المزايا أو العيوب و منها يعرف كل منهما كيف يتأقلم مع الظروف الجديدة ثم أنهما سيمكثان لفترة طويلة في البيت إذن من الأفضل تكون البداية خارج البيت و هذا ما أفضله ، بغض النظر عن من استطاع أو من لم يستطع فكل حسب مقدوره فهذا أمر آخر.
لماذا تربطون شهر العسل بالبصل و كأن الحياة قبل الزواج كانت جنة خالية من المشاكل!!! المشاكل موجودة عزابا كنا أم متزوجين ثم أن الزواج ليس أحلام وردية مع أو بدون شهر عسل و من يعيش صدمة هو ذلك الشخص الذي كان يعتقد أن الزواج مثل المسلسلات التركية و لا دخل لشهر العسل أو يوم العسل في ذلك

بداية موقفة لكن لماذا ريشك يتطاير هنا وهناك رويدك
راكي ذكرت انه فالسفر تظهر الكثير من المزايا او العيوب تخيلي انك في شهر العسل بانتلك العيوب في الطرف الاخر الا تكون صدمة لك وبدل مايكون شهر العسل يصبح اسوء من البصل

قاع نعرفو بلي الحياة فيها مشاكل سواء عزاب او متزوجين لكن متفاوتة
شكون خير كي لواحد يتحكم في اموره ويكون رزين لكل خطوة يديرها ولا يكون امعة غير لهوا لي جا يديه معاه

[*سندوسة*]

المشاركة الأصلية كتبت بواسطة سيرين 5

أنا لست مع و لست ضد
كاين لي يبالغو في شهر العسل و كاين لي ما يديروهش كامل
أنا عن نفسي و الحمد لله جوزت أسبوع في جيجل هااايل جامي ننسى هادوك اليامات تمنيت لوكان قعدنا شويا أكثر على الأقل 15 يوم
بصح والله الواحد يريحو تصحلك فرصة تريحي مع زوجك أحلى أيام عمرك (ان شاء الله كامل يكونو حلوين) راس براس ما كاين حتى واحد يقلقكم و يكحس عليكم أنا مرت لوسي كانت عندها سيارة زوجي و ما حبتش ترجعهالو و كي رجعتها حطتلنا فيها لباس داخلي نسائي قدام وين يجوز لي فيتاس باش أنا نشك في زوجي و تخرب علينا أحلى أيام عمرنا حسبي الله و نعم الوكيل

شكرا لك اختي
وربي يهنيك

[*سندوسة*]

المشاركة الأصلية كتبت بواسطة ايمان4

لي ما يلحق للعنب يقول حامض ... يعني لي مكتفي و مرتاح ماديا الله يسهل عليه يروح حتى لامريكا و مكانش لي دخله فيه باغي يفرح مرته و يسعدها برحلات حتى وحدة ما تكره غير بركاونا من المثاليات و لي ما يقدرش الله غالب قادر غير ف الدار و يسعدها على حسابه يديها غير ف نفس المدينة يخرجو
نا نشوف انو من اجمل الرحلات لانو يكونو جداد و مكانش اطفال يعني براحتهم التامة و لي ما يقدش و يشوف روحه يهلك روحه غير اخطيه و حتى مؤته تماك لازم تحسن عاونه و عارفه روحها وين ماشية يلا بغات الرفاهية كانت تستنى المرفه يطرق بابها
و بعض الرجال ان كان غير قادر ميمنعش القادر من ذلك بالتحريم الباطل يرحم والديكم انتم حللتو كل ما هو في صالحكم و حرمتو كل ما هو في صالح الاثنين و تكون الكفة مايلة شوية للزوجة

واش مالعنب نتي واش راكي تخلطي
يعني راكي تقصدي بلي حنا لي مارحناش شهر العسل ماراهش عاجبنا الحال غريب امرك ؟؟؟؟
اولا انا ماشي متزوجة
وتانيا ماشي نتي لي تحكمي علينا بلي حنا مثاليين
وثالثا انا ماحرمت ماحللت

واخيرا كي تدخل لموضوع وتكتبي رد اختاري الفاظ مناسبة ماشي جارحة وقراي نص مليح ومن بعد ردي فهمتي بنتي

[*سندوسة*]

المشاركة الأصلية كتبت بواسطة ايمان4

اختى sunshine ربي يحفظك راكي عرفتي كيفاش تعبري عن افكاري

[*سندوسة*]

المشاركة الأصلية كتبت بواسطة sarl02

على حسابك التحواس والسياحة ولات اثم ومن الكبائر ؟؟...حاجة ما طارتلكش وما كانش في مقدورك اديريها ما يعنيش انها حاجة خايبة ...وانا متاكد انه لو اخذك زوجك لما رفضتي الامر....لماذا النفاق حتى في ابداء لاراء في عالم افتراضي؟

علاه هي قالت بلي تحواس اثم ومن الكبائر علاه ديما نيتكم ناقصة وتفهمو لحاجة كيما نتوما باغيين تفهموها ؟؟؟؟؟
وهي ماقاتلك والو علاه نتا تقصدها وتجرحها بكلامك

الله يهديك

[*سندوسة*]

المشاركة الأصلية كتبت بواسطة sarl02

وعلاه انتم تلحقو الغرب في تربيتهم وثقافتهم ووعلمهم ووطنيتهم وخدمتهم لبلدانهم ؟؟كون غدوة ينطقو بالشهادتين نضمنلك بلي الجنة عربي ما يدخلها .

علاه الغرب واش يكونوا؟؟؟؟؟؟وعلى اي تربية تتحدث؟؟؟؟؟ووووو
نتا شكون لي تهدر بصيغة الجمع وتضمن ولا مضمنش شكون لي راه علاباله بيك؟؟؟؟؟

[*سندوسة*]

المشاركة الأصلية كتبت بواسطة ام مهدي 03

كل شىء يتوقف على الحالة المادية للزوج واظن انه من استطاع فذلك شىء جميل ومميز فى الايام الاولى
الحمد لله عند زواجى ذهبنا الى مدينة ساحلية فى الجزائر مدة 22 يوم حسب قدرتنا المادية وكانت من اروع الايام وعند عودتنا عادى عشنا حياتنا ولم نصطدم باية ظروف والاكيد التفاهم يجعل كل الايام عسل لكن تلك الايام لا تعوض ولازلنا نتذكرها بعد زواج اكثر من 8 سنوات ولها وقعها
هناك من يقيم حفل زواج كبير ويكثر من التيذير والضيوف . انا بنظرى ينقص من هذا ويخطط لايام ولا نقول شهر عسلا. فى مكان مميز بعيدا عن الجميع

شكرا لك اختي وبارك الله فيك
ربي يهنيك

[*سندوسة*]

المشاركة الأصلية كتبت بواسطة sunshine2013

امين اختي مشكورة
دوك اللي يروح يحوس على روحو راهو كافر و لا زوخ و بريستيج
كاين ازواج نقصو من مصاريف العرس و مدة طويلة و هوما يقتصدو باه يقدرو يروحو عطلة و هذا الشي خاطي الزوخ و البريستيج الحياة مش غير نوم و اكل و ميناج و قضيان
ناس تفتي في كل موضوع و في كل وقت و من مصادر احيانا مجهولة او ضعيفة
و وحدوخرين يقولك. الحمد لله ما رحناش شهر العسل كي شغل اللي راح خرج على الملة
يا الهي وين وصلنا صحيح عالم متخلف
ربي يهدينا

صح اغلبية لي راهم يروحو يحوسو تلقاهم مخلوعين ومشايفينش كيفك ويعاندو وهوما والو
وانا مالاانيش هنا نفتي انا درت موضوع ونتي كي تردي ردي بأدب واحترام
وكل واحد حر في رأيه ونتي مكان مدخلك لي ماحبش يروح لشهر العسل نتي واش وجعك ؟؟؟؟

عالم متخلف راكي تقصديني ؟؟؟؟
لي كيفك انا قاع مانسمعش بيهم هههه
نتي متخلفة وهذا باين من ردودك كي تتأدبي في ردودك ردي على مواضيعي

[*سندوسة*]

المشاركة الأصلية كتبت بواسطة islam farouk

احسن يكون بعد مدة من الزواج خاصة بعد الملل و الروتين الذي يؤثر على العلاقة وبالتلي تغير الجو وتنشيط نسمة الحب و الرومنسية
سلام

بارك الله فيك
هذه هي الفكرة لي بغيت نوصلها من خلال الموضوع

[sunshine2013]

المشاركة الأصلية كتبت بواسطة *سندوسة*

بداية موقفة لكن لماذا ريشك يتطاير هنا وهناك رويدك
راكي ذكرت انه فالسفر تظهر الكثير من المزايا او العيوب تخيلي انك في شهر العسل بانتلك العيوب في الطرف الاخر الا تكون صدمة لك وبدل مايكون شهر العسل يصبح اسوء من البصل

قاع نعرفو بلي الحياة فيها مشاكل سواء عزاب او متزوجين لكن متفاوتة
شكون خير كي لواحد يتحكم في اموره ويكون رزين لكل خطوة يديرها ولا يكون امعة غير لهوا لي جا يديه معاه

ما فهمتش واش تقصدي بريشي يتطاير هنا و هناك
انا هدرت على السفر جاوبت الاخت اللي قالت نفضل نبقا مع زوجي في البيت نتعرف عليه يعني اذا في البيت اكتشفت العيوب واش رايحة دير تطلق مثلا. انا هدرت نفس الشي على السفر التعرف ما يكونش في البيت بالضرورة
و واش دخل الرزانة في الراحة و العطلة؟؟؟؟
واش هي مشكلتك مع شهر العسل بالضبط؟؟؟ التسمية التبذير العقلية ام ماذا؟؟

[*سندوسة*]

المشاركة الأصلية كتبت بواسطة sunshine2013

ما فهمتش واش تقصدي بريشي يتطاير هنا و هناك
انا هدرت على السفر جاوبت الاخت اللي قالت نفضل نبقا مع زوجي في البيت نتعرف عليه يعني اذا في البيت اكتشفت العيوب واش رايحة دير تطلق مثلا. انا هدرت نفس الشي على السفر التعرف ما يكونش في البيت بالضرورة
و واش دخل الرزانة في الراحة و العطلة؟؟؟؟
واش هي مشكلتك مع شهر العسل بالضبط؟؟؟ التسمية التبذير العقلية ام ماذا؟؟

غير بالعقل عليك
رديتينا نحلو ونحرمو ووووو
وواش دخلك فلي حبت تبقى في دارها مع زوجها

وتقولينا عالم متخلف علاه نتي كيفاش تخمي ؟؟؟؟



وبالنسبة لمشكلتي مع شهر العسل ماعندي حتى مشكل فقط ازعجتني هاد الظاهرة خصوصا من ناس لي غير يقلدو ويعاندو
وانا حرة فإختيار مواضيعي وانتي ادا ماعجبكش الحال ماترديش عليها