السلام عليكم مرحبا بكم معي في الكوزينة147 شعارنا نعم للتفاؤل

[Oum Habouba]

ليزا هادو هوما

ولا راكي على هادو شوفيهم غادي تحصيهم نعرفك قافزة ولا ما فهمتيش نفهم ختي

[ساجده 82]

ام تاجو الله يخليلكمالوالد فوق روسكم ويسر ولادتك يارب
كثري الدقله راهي مليحه بزاف والعسل وقطرات من زيت البركه في كاس حليب دافئ ومنين يبداك الصطر طيبي زبيب في الماء كاس وحليه بالعسل واشربيه وحتى هداك الزبيب كوليه
هههههه انا قاتهالي ختي في بنتي عرفتي زوجي وصل الاولاد للمدرسه 9 هو في الساحه وانا عيطتلو رجع نزع حوايجو ومشى يرقد وقالي لعشيه تولدي هلكتينا ههههههه شوفي شربت هاذ الشئ شعلت قريب ولدت في البيت ولى يلبس في حوايجو في الاسنسور والعالم وقفت والعربيات وانا عايط 11سلكت وكانت بالنسبه ليا مع الالم والمعاناه اسهل ولاده لان الذكور .....

[مريم*]

المشاركة الأصلية كتبت بواسطة oum anas 69

صباح الخير على الفحلات النحلات النشيطات
أسأل الله أن يرزقنا جميعا خير هذا اليوم و خير مابعده و نعوذ بالله من شر هذا اليوم و شر مابعده و صلي اللهم و سلم على سيدنا محمد و على آله و صحبه أجمعين

ماشاء الله عليك أم حبوبة أطباقك لوحات فنية و زيد روحك المرحة و قلبك الكبير .. ربي يحفظك و يسترك
نحب نصبح على جميع أخواتي لي يدخلو و لي وراء الكواليس ..صباح الخير و البهجة و السرور لجميع الأخوات
عندي هدة تاع صور بصح في الهاتف حتى ندخلهم للميكرو و نعدلهم و نحطهم لخياتي
الغداء ممكن جدا نعمل لأطفالي بغرير عندنا الحال بارد و الأمطار و زوجي نشوف واش نديرلو
البارح درت محاجب لأصحاب زوجي ل 5 أشخاص نحس ظهري تحل من الوقوف و الحمد لله كانت يدي في الزيت فقلت لزوجي صورلي البلاطو ..
ماتنساوش تدعو لأم تاجو و لهونة بدى العد التنازلي .. يارب يسر و لا تعسر آآآآآآمين

اهلا ام انس وركزيلي علي لي ورا الكواليس راهو جمهور كبير هههههه وانا وحدة منهم من 2012 وانا نتابع معاكم ب لحد الساعة كل يوم معاكم صح ديما نبقي ورا الكواليس ههههه

[أم هبوبة]

صباح الخير
ام حبوبة الف مبروك الكوزينة الله يجعلها عتبة خير على الجميع
و اطبقاقك ما شاء الله

[malek firdaouss]

مبروك الكوزينة

زوروني


https://www.djelfa.info/vb/showthread...post3994421241

[دائمة الحمد]

صباح الانوار
يومكن سعيد مبارك
كوزينة مبروكة وسعيدة ام حبوبة اطباقك هايلة ومتقونة تاع وحدة فحلة وفحلة الفحلات
ربي يعطيك صحتك وماشاءالله عليك
ان شاءالله في هذي الكوزينة نوكلو زرير الحوامل ونبدو بام تاج ولهنى ولعقوبة لسلاك الاخريات يا رب دون تعب او عناء
الباروك راني غير في بو مسقد ما زلت في فترة نقاهة ان شاءالله كاشما لبزت نحط
هذم بعض الاطباق تاع اسينات لقيتهم عندي في الفايسبوك راح نسرقهملها ههههههه ونبارك بيهم

[x ام رحاب x]

السلام عليكم اخواتي واش اصبحتو
مبروك العتبة الجديدة ام حبوبة يجعلها فال خير عليك وعلينا اطباقك كلها ماشاء الله عليها تسلم ايدك حبيبتي
المراجعة راني والو راني كنت مريضة بزاف قريب قالولكم الدايم ربي في ام رحاب

[دائمة الحمد]

بسلامتك حبيبتي ام رحاب
اللهم اشفها وعافها وازح عنها الضر والسقم

[باسم وبيسان]

باروكى لاحلى حبوووووووووووووبة[
[[IMG][/IMG]

[lyzzabel]

وييي ام حبووبة كنت على الصوورة تااع المقرقشاات على شكل وردة ،، بااش حشيتييهم رااهم يشهووو يعطييك الصحةو الشكل فهمته مليييح كي كبرتي الصوورة اما الحوتاات عرفتهم كي شفتهم هههه ،، اييه حقاا ما تنسيييش تقترحييلنا التطبيقاات في كوزيينتك من دروك و كل وحدة تخير لي ينااسبهاا

روووضة الحلللوة ويين راكيي

سكروووورتييي أللللف صحة و هناا على قلووبكم و ربي يخلييلكم الغاالي تااج على روووسكم و يطول في عمره و في عمر بابا الغااالي ياااااااااااااااااااارب

هههه مريم ضحكتييني ،، نتيا على الأقل رااكي تطلي خطرة على خطرة ،، كااين لي رااهم يتبعو فالكوزيناات كتر مالمسلسلاات التركية و ما يبينوووووش رواااحهم خخخخخ ،، تحية خااالصة لييهم قصديي الجمهوور مشي المسلسلاااات خخخخ

داائمة الحمد أهلااا و سهلااا يا الحبييبة كي نشووفك فالكوزيينة نفرح و نتفاائل ،، يعطييها الصحة أسيناات و نتيا ربي يباركلك في صحتك ياارب

ساااجدة como esta ?? تخيلت القصة تااع زيااادتك واااااااع هههه الحمد لله على سلااامتك خخخخ ربي يخلييلك وليدااتك و يحفظك لييهم و يقدرك على التعب حنوووونة

و أخيييراا درت اللحم محمر فالكوكووت و نزييد بطاطا يا صووتي يا فرييت و نزييد السلطة و الحمد لله على نعمه

نرووح نشوي الفلفلة ماداام الصبااح ،، ألقاااكم بخييير غوااااليييي


اللهم إني أسألك العفو و العافية في ديني و دنياي و أهلي و مالي

[باسم وبيسان]

المشاركة الأصلية كتبت بواسطة x ام رحاب x

السلام عليكم اخواتي واش اصبحتو
مبروك العتبة الجديدة ام حبوبة يجعلها فال خير عليك وعلينا اطباقك كلها ماشاء الله عليها تسلم ايدك حبيبتي
المراجعة راني والو راني كنت مريضة بزاف قريب قالولكم الدايم ربي في ام رحاب

بعيد الشر عليك والحمدللله على سلامتك اهلين

[oum islem]

السلام عليكم
صبااأح الخيييير عليكم جميعا
مبروووووك الكوزينة الجديدة اختي ام حبوبة بالبركةعليك وعلينا
اطباقك هايلين ما شاء الله وشكرا جزيلا على وصفة المادلان ناوية عليه هدي العشية
البارح تغدينا في دار شيخي دارت عجوزتي بربوشة هايلة تاع حراير تاع الصح وشبعت ماكلة وشياخة
مع سلافاتي ومراة سلفي وتقوينا وروحت في الليل
غدانا اليوم شوفلار بلاصوص وكسرة رخسيس بالقمح
في المساء نرجع بالباروك بحول الله
القاكم بخير
في حفظ الرحمن

[lyzzabel]

المشاركة الأصلية كتبت بواسطة x ام رحاب x

السلام عليكم اخواتي واش اصبحتو
مبروك العتبة الجديدة ام حبوبة يجعلها فال خير عليك وعلينا اطباقك كلها ماشاء الله عليها تسلم ايدك حبيبتي
المراجعة راني والو راني كنت مريضة بزاف قريب قالولكم الدايم ربي في ام رحاب

صبااح الخيير مييمتي الحبييبة خلعتييني علااش تقوولي هاكا الف سلاااامة عليييك يا الحبيييبة ،، شا صراالك طمنييني

[x ام رحاب x]

امين دائمة الحمد والله نهار الجمعة كنت رايحة انموت على وبناتي قريب ماتو كي شافوني هاكداك
هي الحكاية خرج وليدي من التاسعة صباحا موالاش كامل للدار وانا قلت راه ايحوس عند الدار ودوك ايولي لحق وقت الفطور مادخلش وليدي عمرو مادارها صغير ويقعد عند الباب ولا راه يلعب في البالون عند الباب هاداك النهار ماعرفتش وين راح راح ايحوس عليه باباه مالقاهش وقالي النروح للجدارمية وقلت بلاك اداوه كيما راهم ايديرو المهم مالقيناهش في حتا بلاصة راح راجلي للصلاة وقالي كي انروح للجامع انحوس عليه بلاك نلقاه انعيطلك كي راح مالقاهش وزادو خرجو من الجامع ووليدي جامي غاب على الدار نسمع في واحد الراجل قالو راحو ايعومو في واحد اللاصة الي روح ليها ايموتو فيها وانا داك الوقت ماقعد فيا والو تغاشيت ماجبت حتا خبر الانو وليدي مايعرفش ايعوم وقلت راه مات خلاص طاحلي السكر قريب مت واتغاشيت وبقاو اينوضو فيا وباباه راح لهاديك البلاصة القا 3 صحابو هو مالقاهش قال هادا خلاص مات وخباوه عليا باه مانديرولهم والو وبقا يزقي عليهم وقالولو قال راح الحال عليا انروح لدار وبقا يكلم في لبنات ويقولهم جا للدار ولا لالا ويقولولو ماجاش يحسبو غرق وماحبوش ايقولولو حتان 4 تاع لعشية باه جا وقالي ماحسيتش للوقت علابيها طولت وانا هو جا وانا قريب مامت واش دارولي ماحبش يطلع السكر ادخلت في غيبوبة بسيف باش افطنت والدوركة راني مريضة من الخلعة والفشلة قتلتني والحمد لله وليدي ولالي بخير هادا ماكنت نطلب من ربي ايولي برك ماعليش يعطيك ايكون بخير راكم تعرفو قلب الامهات الله غالب

[البحر الصافي]

المشاركة الأصلية كتبت بواسطة x ام رحاب x

السلام عليكم اخواتي واش اصبحتو
مبروك العتبة الجديدة ام حبوبة يجعلها فال خير عليك وعلينا اطباقك كلها ماشاء الله عليها تسلم ايدك حبيبتي
المراجعة راني والو راني كنت مريضة بزاف قريب قالولكم الدايم ربي في ام رحاب

ربي يشفيك ام رحاب ويبد عليك المرض والفجايع والله حسيت بيك قلب الام ديما هكا ربي يحفظلنا ولادنا وربي يسترهم من واش راهو صاير في الدنيا