اتقي الله في كنتك

[كاميلا]

المشاركة الأصلية كتبت بواسطة hodayena

هههههههههههههههههههههههههههههههههههههههههههه كاميلا راح تضيعي وقتك وجهدك واعصابك في هدا الموضوع لانو
وبما انني في موضع يسمحي لي بالتكلم عن ظلم وقهر الام الزوج الدي يصل للتحريض على الطلاق وكل شيء راجع لضعف شخصية الرجل لوكان جا الراجل شخصيتو قوية يدير الحد بين امو ومرتو ولا وحدة تدخل في الاخرى يسمع للاثنين وتحرى الحقيقة بنفسو ماشي يسمع لوحدة ولالخرى الظغط عليها
بالنسبة لعجازيز الالفية فراح نقولك متشابهات وحتى ازواج الالفية متشابهون يماه تربيه برك تعمو الانانية وكل انواع لكن متعلموش الدين متعلموش يعرف حقوق يماه وحقوق زوجتو متعلموش ينتكل على روحو لازم دايمن يبقى محتاج لها هو شكلا رجل لكن مظمون لاشيء
عجازي تع دوكا تقول رانا في بكري مع انو بكري كانت كي العروسة كي الكنة كيفيك لكن الان بنتها تحبلها الخير وبنت الناس تكرهلها حياتها
وانا شخصيا شيخي قال لقاضية حبت تديلي ولدي هههههههههههههههههههههههههههههههههههههههههههههههههه هههههههههههههههه
وليدو راميه ميسقسي ميحوس وكي ولات فيالزوجة حبت تديه ولو كان الرجل رجلا لوكان يروح لمريكان مراحش ينسى امو وماشي المرة الي تنسيه في يماه لكن للهروب من المسؤولية تجاه امو يتحجج بمرتو متحبش جي معاه والى اخره
ومن حياتي الخاصة مكاش عجوزة قالت نجيب كنة باه ترفدني الا وانتهى بيها المطاف مرمية لانو الزواج نية وراحت النية دوكا ومنسواش بلي العجوزة كي تكون ودنانة يعني عندها مساعيدينها مراحش تتهنى مع كنتها

انا راسي مبقاش يخدم مفهمتش كيفاش يخمو هادو يخمو او ميخموش او جهل هو اللي داير فيهم هكدا او واش هو السبب يتزوج ولدها تولي دير راسها براس العروسة كي الضرة مريضة روحي داوي في صبيطار جارة لينا تكرها عجوزتها علاش كي تقرا في القرآن شراتهالها وزعطتها من الدار بيها براجلها ومن بعد دارت لافار كرات طاج اللي كان ساكن فيه ولدها والكنة المسكينة اللي كانت تحمل وتصبر خلصتها في صحتها بسرطان دارلها من القهر وترد لقلبها بصح دارت عملية ونجاها ربي وكي هي مريضة عجوزتها تقول للناس راهي حتموت ورح نخطب لولدي تفوه على هاد الكلبات حاشا اللي متستاهلهاش ماهمش نسا بنات فاميليا

[كاميلا]

المشاركة الأصلية كتبت بواسطة سيرين 5

كاميلا صدقيني قد ما تزيدي تهدري على الاساءة تاعهم ليك تزيدي تتوجعي و طفريها في صحتك برك خليها على ربي سبحانو، واش ربحت أنا من الزعاف راني بالدواء تاع لاطونسيون راني في شهري الثامن ربي يستر برك و تزيد بنتي و نسلكو على خير هذا ما كان لازم تتعلمي ترمي في الثقيل أنت ديري واجبك و ما تظلمي حتى واحد و خلي كلامك غير حسبي الله و نعم الوكيل ، و ربي ان شاء الله يفرج عليك و علينا كامل بلاك مرحلة و تجوز بالاك يجي النهار و تقولي الحمد لله تهنيت ...
ان شاء الله ما نلحقهاش و ان شاء الله ربي يقدرني مرة على مرة نتفكرها بكاش حاجة لوجه ربي باش ما نظلمهاش أنا و ما تقدرش تدعي عليا و هي نخليها في ذنوبها و نوكل عليها ربي.

بالاك تشوفيني كي نهدر هنا تبانلك راني دايرة رايي فيها والله السكات هو اللي دايرته بضح وليت نحس روحي مرضت نهار كامل وهي مترقبتني حتى كي تلوحلي السم وليت نضحك وكي نضحك ولات ميعجبهاش الحال

[rahma nour]

يا اختي و اش انقلك انا غاضني ردك بزاف لاني اعتبرت نفسي كاي وحدة مدت رايها و ناكدلك بلي مانزيدش ندخل موضوع درتيه و انت اذا باغيا نصيحة مني و ما نضنش راح تسمعي مني غيري اسلوب الرد مع الاعضاء لانوا استفزازي اكثر منوا نقاشي وما طفرت ما والوا اذا كان ربي عطاك عجوزة كيما هكذا فلانوا ابتلاء و ربي يبتلي العبد المؤمن و يشوف اذا صبر ينال و واحد ماهو دايم لواحد و ما تدي غير العمل الصالح هو اللي ينفع العبد و ما نظنش بلي السكات على عجوزتك راح يطول لان الانسان عندو طاقة و حد و راح تتفر غير في صحتك حتى و راك متاكدة من نفسك العجايز يتعاملوا هكذا مع الكنات من جهلها لانها هي تربات على انها لازم طيع عجوزتها و بالتالي كنتها لازم تكون كيفها هذا هو تفكيرهم
اسفة على الاطالة سلام اختي

[سيرين 5]

المشاركة الأصلية كتبت بواسطة كاميلا

بالاك تشوفيني كي نهدر هنا تبانلك راني دايرة رايي فيها والله السكات هو اللي دايرته بضح وليت نحس روحي مرضت نهار كامل وهي مترقبتني حتى كي تلوحلي السم وليت نضحك وكي نضحك ولات ميعجبهاش الحال

لالا بالعكس راني حاسة بيك و أنا تان مرضوني راني نزيد شوية نولي بالدواء تاع المهابل خاطرش ماشي غير العجوزة لي تخلط فيا كاين بناتها و بنات بناتها راهم عرش كل وحدة تحرشها من جهة و أنا ما نقدرلهمش نسكت تغيضني عمري نرجع نولي أنا لي ماشي مليحة آلوغ جبدت روحي ما نسمع ما نوجع قلبي و العجوزة دركا راهي غايضتها مني كي جبدت روحي عليهم ؟؟؟ حابتني نعهبط عندها و نقعد نخلط و نغنجق معاهم في الهدرة و هوما يرمولي المعاني من التحت للتحت و هي تتفرج و تضحك يحبوني نهبط و نترخس و لازم نضحك و ما نزعفش ؟؟؟
أنا جبدت روحي و وكلت عليهم ربي كل ما نتفكر واش دارولي نزعف و طفرتها في صحتي علاجال ماشي بيدي ما نزعفش دركا راني بالدواء تاع لاطونسيون ربي وكيلهم و زيد يقولولي لاطونسيون هاذي ماشي تاع الزعاف تاع الفرماج و الزيتون

[سيرين 5]

ما رحمونيش حبت العجوزة تعفسني لحقت في شهري الأول رخستني كان عندنا عرس تاع بنت بنتها في ولاية وحدوخرا سقساتني واش راح تلبسي قلتلها قفطان قاتلي برك لالا ما تجيش معايا كي الدربالة تبهدلي بيا قلتلها مالا ما نجيش ؟ حلفت والله ما نحط رجلي هكذاك و رحت ولبست غير القفطان ديت معايا لونسوبل باش نلبسو كي شفت العرس في الحوش و الخالوطة بين الرجال و النساء ما لبستوش علاجال عريان بقيت غير بالقفطان . كي ولينا بقات مشنفة عليا و على وليدها سمانة خممت أنا قلت نشريلها جاجة محمرة و نقولها ما صرا والو أنا زعفت من الهدرة لي قلتيهالي قدام لواساتي و بنات لواساتي ، و كيما كان الحال هدرت معاها تعرفي ردها واش كان عليا ؟؟؟ قاتلي أنا وليدي كي نقولو موت يموت في الشوكة غير أنا ما نحبش الخسارة واش صرفت عليك في العرس .... أنا شوكاتني بالهدرة هادي ؟؟؟ جاز عليا شهر ملي تزوجت تهددني بالطلاق ؟؟؟ هذي هي المعيشة لي راح نعيشها ؟؟؟؟ وكلت عليها ربي والله ما نسمحلها على تهديداتها هادو غير نقابلها بيهم عند ربي سبحانو ....

[Nadiamanal]

شكرًا على الموضوع ربي يهدينا

[كاميلا]

المشاركة الأصلية كتبت بواسطة سيرين 5

ما رحمونيش حبت العجوزة تعفسني لحقت في شهري الأول رخستني كان عندنا عرس تاع بنت بنتها في ولاية وحدوخرا سقساتني واش راح تلبسي قلتلها قفطان قاتلي برك لالا ما تجيش معايا كي الدربالة تبهدلي بيا قلتلها مالا ما نجيش ؟ حلفت والله ما نحط رجلي هكذاك و رحت ولبست غير القفطان ديت معايا لونسوبل باش نلبسو كي شفت العرس في الحوش و الخالوطة بين الرجال و النساء ما لبستوش علاجال عريان بقيت غير بالقفطان . كي ولينا بقات مشنفة عليا و على وليدها سمانة خممت أنا قلت نشريلها جاجة محمرة و نقولها ما صرا والو أنا زعفت من الهدرة لي قلتيهالي قدام لواساتي و بنات لواساتي ، و كيما كان الحال هدرت معاها تعرفي ردها واش كان عليا ؟؟؟ قاتلي أنا وليدي كي نقولو موت يموت في الشوكة غير أنا ما نحبش الخسارة واش صرفت عليك في العرس .... أنا شوكاتني بالهدرة هادي ؟؟؟ جاز عليا شهر ملي تزوجت تهددني بالطلاق ؟؟؟ هذي هي المعيشة لي راح نعيشها ؟؟؟؟ وكلت عليها ربي والله ما نسمحلها على تهديداتها هادو غير نقابلها بيهم عند ربي سبحانو ....

لاحول ولا قوة الا بالله حسبنا الله ونعم الوكيل

[إكليل]

السلام عليك و رحمة الله تعالى و بركاته

أختي كاميلا ربي يكون في عونك

أختي إذا كان زوجك ما يسمعش لأمه و مايرلك حتى مشكل ما تقلقيش روحك بهدرة أمه تعلمي الصبر و برودة الأعصاب لأنها مش راح تتغير ومش راح تتهني حتى تزوج ولد أخر تلهى في الكنة الجديدة .

أما إذا كان زوجك يسمع لأمه و يدير على كلامها فالمشكلة هنا زوجك لأنه هو اللي راح تعيشي معاه مش مع أمه وهو أساس الزواج

[ساحرة قلوب البشر 2]

الله يهديهم جميعا اختي

[badroubou]

الله يهديهم جميعا اختي

[acila15]

انا نقول حسبي الله وحده ونعم الوكيل فيمن ضلمني و الكلام قياس

[ريتاج الجلفة]

المشاركة الأصلية كتبت بواسطة كاميلا

بصح معليش تفهميني في العبارة الي قلتيها " وهبتك فلذة كبدها ؟ هل مثلا جيت ليها للدار وقتلها ديريلي عقد هبة بحيث انك توهبيلي ولدك ؟ او مثلا تقصدي عطاتني ولدها ؟ هنا يتخيل لي وكانه ام عطاة لوحدة ولدها الرضيع او هل تقضدين انها تكرمت عليا وقبلت انها تعطيني ولدها ؟
لم افهم هذه العبارة صراحة وراسي مستوعبهاش لانه انا نعرف باللي ربي خلق الانسان باش يعمر الارض والزواج سنة الحياة وربي قال باللي الزواج هو رزق من عنده يجي بالدعاء والعمل الصالح فصراحة هادي كلمة وهبتهولي ولو بطريق استعارة او تشبيه او ما الى ذلك متدخلش راسي
وكاين عبارة اخرى متدخلش راسي هادي كيما تقولك وحدة امه تعبت ورباته وكبرته ؟ وعطاتهولك ؟ وماذا بعد ذلك ؟ يعني ولات هاد الام كي رباة وكبرت ولدها تجي دير عليا مزية ؟ او تبتزني مثلا ماذا بعد هذا انا واش دخلني فيها ولدت او كبرت وكي يقولوا عطاتك ولدها كيفاش عتاتهولي ؟ كي حملت بيه نواته على اسمي ام ماذا واش هاد التخاريف والخرعبلات اللي كرهونا بيها باش تكسر راس العروسة ودير فيها واش تحب

تعبتي عليه الله يسهل عليك وعليه واجبه يبر بيك يضرف عليك انا مادخلي بكل هاد السروكات
انا تزوجت عروسة جاية لدنيتي نقوم براجلي ندير واجباتي اللي امرني بيهم الشرع وتبجاه اولادي وخلاص وعندي حد اقف عنده درك ولدي كي ندير واجبي نربيه ونكبره معناتها درت مزية في عروستي المستقبلية ؟ يخي عقلية ابتزاز يخي

فشيتلي قلبي يعطيك الصحة الابن مستحيل يضرب يماه بصح الزوجة في احسن الاحوال يقلها الله غالب تقلقت قلقتيني
يملا العجوز لي تجيب بنت الناس باصاتها ماشي وهبتها بنها

[ريتاج الجلفة]

المشاركة الأصلية كتبت بواسطة سيرين 5

لالا بالعكس راني حاسة بيك و أنا تان مرضوني راني نزيد شوية نولي بالدواء تاع المهابل خاطرش ماشي غير العجوزة لي تخلط فيا كاين بناتها و بنات بناتها راهم عرش كل وحدة تحرشها من جهة و أنا ما نقدرلهمش نسكت تغيضني عمري نرجع نولي أنا لي ماشي مليحة آلوغ جبدت روحي ما نسمع ما نوجع قلبي و العجوزة دركا راهي غايضتها مني كي جبدت روحي عليهم ؟؟؟ حابتني نعهبط عندها و نقعد نخلط و نغنجق معاهم في الهدرة و هوما يرمولي المعاني من التحت للتحت و هي تتفرج و تضحك يحبوني نهبط و نترخس و لازم نضحك و ما نزعفش ؟؟؟
أنا جبدت روحي و وكلت عليهم ربي كل ما نتفكر واش دارولي نزعف و طفرتها في صحتي علاجال ماشي بيدي ما نزعفش دركا راني بالدواء تاع لاطونسيون ربي وكيلهم و زيد يقولولي لاطونسيون هاذي ماشي تاع الزعاف تاع الفرماج و الزيتون

قوليلها الزيتون كي ندكو في نيفك تهبطلي لاطونسيو

[وردة حرة]

المشاركة الأصلية كتبت بواسطة كاميلا

بصح معليش تفهميني في العبارة الي قلتيها " وهبتك فلذة كبدها ؟ هل مثلا جيت ليها للدار وقتلها ديريلي عقد هبة بحيث انك توهبيلي ولدك ؟ او مثلا تقصدي عطاتني ولدها ؟ هنا يتخيل لي وكانه ام عطاة لوحدة ولدها الرضيع او هل تقضدين انها تكرمت عليا وقبلت انها تعطيني ولدها ؟
لم افهم هذه العبارة صراحة وراسي مستوعبهاش لانه انا نعرف باللي ربي خلق الانسان باش يعمر الارض والزواج سنة الحياة وربي قال باللي الزواج هو رزق من عنده يجي بالدعاء والعمل الصالح فصراحة هادي كلمة وهبتهولي ولو بطريق استعارة او تشبيه او ما الى ذلك متدخلش راسي
وكاين عبارة اخرى متدخلش راسي هادي كيما تقولك وحدة امه تعبت ورباته وكبرته ؟ وعطاتهولك ؟ وماذا بعد ذلك ؟ يعني ولات هاد الام كي رباة وكبرت ولدها تجي دير عليا مزية ؟ او تبتزني مثلا ماذا بعد هذا انا واش دخلني فيها ولدت او كبرت وكي يقولوا عطاتك ولدها كيفاش عتاتهولي ؟ كي حملت بيه نواته على اسمي ام ماذا واش هاد التخاريف والخرعبلات اللي كرهونا بيها باش تكسر راس العروسة ودير فيها واش تحب

تعبتي عليه الله يسهل عليك وعليه واجبه يبر بيك يضرف عليك انا مادخلي بكل هاد السروكات
انا تزوجت عروسة جاية لدنيتي نقوم براجلي ندير واجباتي اللي امرني بيهم الشرع وتجاه اولادي وخلاص وعندي حد اقف عنده درك ولدي كي ندير واجبي نربيه ونكبره معناتها درت مزية في عروستي المستقبلية ؟ يخي عقلية ابتزاز يخي

سلمت ياأختي كل واحد يعيش حياته أليس من الظلم أن تنغص عليك حياتك و تحاسبك على كل كبيرة و صغيرة و تنظر إليك نظرة الخادمة لا البنت و لا تشفق عليك مثل ابنتها ,بأيّ حق هذا ؟ هي أم زوجي أحترمها و أخدمها و لست مجبرة على ذلك بل سأحاسب على خدمة زوجي فقط و كما قالت الاخت قضية تربية و أخلاق فقط و المهم أعاننا الله