هل لديك"ي" فوبيا معينة ؟ - الصفحة 3

ام ملاك. · 2015-03-04, 11:58

شكرا عالموضوع
والله يااختي عندي فوبيا بزاف من امور عدة
اولها الكلاب مانقدرش نقرب من كلب غير نشوفهم تحكمني الرعشة حتى ولو مسالم
والزرزوميات يالطيف مانقدرش حتى نشوف فيهم

عندي فوبيا من الظلمة يااه كون تروح التريسيتي ف يالليل وانا وحدي ف يالدار نقدر نموت من الخلعة وصراتلي مرة وانا عروسة جديدة وراحت التريسيتي وليت نشهق من البكا شوية ونرمي روحي من الطاقة ههل و لا لطف الله ورجعليالعقل شوية ههههه
ربي ينجينا من ظلمة القبر

first first · 2015-03-04, 18:03

كانت عندي فوبيا الظلام ...............ولكن الحمد لله نقصت
وكانت عندي ايضا فوبيا من الموت عموما ورؤيةالموتى...........نقصت كذ لك؟؟؟؟؟؟؟
الفوبيات معدنيش الان....................عالجها الزمن.
اتمنى ان يعالجلي الزمن الامراض الاخرى

face moon · 2015-03-04, 21:59

اقتباس:

المشاركة الأصلية كتبت بواسطة anfal10

face moonحالتك صعبة بعض الشيئ لكن ليست مستحيلة يتطلب منك الكثير من الوقت و الجهد و الثقة بنفسك لكي يمكنك تخطي العقبات و المضي قدما في حياتك اليومية و العملية و حتى الشخصية فهي تؤثر نوعا ما....
انصحك باستشارة نفسية خاصة لو ان هذه الفوبيا تمتلكك الى حد النخاع و الخطا الاكبر الذي يقع فيه الاغلبية انهم يهربون من حالاتهم و يتجنبونها ظنا منهم انه اريح لهم و هاذا هو السبب الرئيسي لعدم شفائهم
على العكس تماما يجب ان يمر الشخص على حالات مماثلة طيلة فترة علاجه و من ثم تظهر التحسنات ليس في يوم او شهر لكن المريض يحس براحة داخلية ان شاء الله مع مر الايام و لكن يا اختي لا تدعي الفوبيا تنال منك تشجعي الى الامام ....

نعم اختي عندك الصح
بالصح بديت نلاحظ بلي بداو ينقصو بالشوية بالشوية كيما قالت الاخت الزمان راه يداوي فيا
موفقة
سلام

souheila dz · 2015-03-05, 13:45

موضوع رائع أنا نخاف من الأماكن المغلقة ومنذ مدة طحت تكسرت على يدي فالجليد لمدة ٣أشهر وانا بالجبس عدت نخاف نخرج كي يصب شوي ثلج ولات فوبيا جديدة

anfal10 · 2015-03-05, 14:46

اقتباس:

شكرا عالموضوع
والله يااختي عندي فوبيا بزاف من امور عدة
اولها الكلاب مانقدرش نقرب من كلب غير نشوفهم تحكمني الرعشة حتى ولو مسالم
والزرزوميات يالطيف مانقدرش حتى نشوف فيهم

عندي فوبيا من الظلمة يااه كون تروح التريسيتي ف يالليل وانا وحدي ف يالدار نقدر نموت من الخلعة وصراتلي مرة وانا عروسة جديدة وراحت التريسيتي وليت نشهق من البكا شوية ونرمي روحي من الطاقة ههل و لا لطف الله ورجعليالعقل شوية ههههه
ربي ينجينا من ظلمة القبر

ام ملاك.
الزرزوميات صاح انا نعيفهم بزاف ولكن اذا اتحتمت عليا نقتلها نجمد قلبي

الكلاب عادي نخاف المتشردة تكون مكلوبة ربي يستر

ولكن مش فوبيا ,,,,
لم اكن اعرف ان الظلام يخيف الكثيرين ......
انا الحمد لله امشي في الظلام و لا اخاف ابدا البارحة انقطعت الكهرباء في وقت الاكل كانت الساعة الثامنة ليلا فمشيت الى المطبخ اخذت هاتفي لارى اين وضعت الشموع و شعلت واحدة في الصالون و اكملت اكلي عادي استمرت لنصف ساعة عادت و انقطعت لما انتهيت من اغسل الاواني

ام ملاك الخلعة ماشي مليحة كاين لي يقطعوها او الطبيب النفسي متابعة فقط من غير دواء رايحا ترتاحي ان شاء الله

anfal10 · 2015-03-05, 14:53

اقتباس:

كانت عندي فوبيا الظلام ...............ولكن الحمد لله نقصت
وكانت عندي ايضا فوبيا من الموت عموما ورؤيةالموتى...........نقصت كذ لك؟؟؟؟؟؟؟
الفوبيات معدنيش الان....................عالجها الزمن.
اتمنى ان يعالجلي الزمن الامراض الاخرى

first first الحمد لله انها تنقص ليس دائما الزمن يتكفل بالعلاج
لانه ياخذ وقت اكبر و ربما يحرمنا من اشياء نحلم بها يوما
اتمنى ذلك و للجميع ربي يشفي كل المرضى....

anfal10 · 2015-03-05, 15:04

اقتباس:

موضوع رائع أنا نخاف من الأماكن المغلقة ومنذ مدة طحت تكسرت على يدي فالجليد لمدة ٣أشهر وانا بالجبس عدت نخاف نخرج كي يصب شوي ثلج ولات فوبيا جديدة

شكرا اختي سهيلة على التفاعل
الاماكن المغلقة الاغلبية لا يتحملها هذه مخاوف لا غير لان تفكيرك يكون منحصر في الاشياء السلبية لو انقطعت الكهرباء لو بقينا هنا و لم ياتي احد لنجدتنا لو اصبت بنوية حادة و لم استطع التنفس لو ولو ..... لا نهاية هاذا كله يولد فينا الخوف الكبير
اما للجليد بما انك لديك اساسا فوبيا فعقلك اصبح يستقطب ــ ــ
فاكيد انك بمجرد تكون لديك صدمة في مكان آخر المخ يوجه رسالة ان الاخت سهيلة كثيرة الخوف ولهاذا تتجمع الفوبيات بكل انواعها لاننا لم تعالج الفوبيا التي كانت اصلا معنا للتخلص منها
لا تهربي بل واجهيها و لا تخافي فلن يحدث لك شيئ باذن الله كوني قوية و ثقي بنفسك يمكنك التخلص منها نهائيا ....

ام ورود · 2015-03-05, 15:19

سلام ......فوبيا معندش لكن خوف من المرتفعات.انا عندى الطلعة ساهلة لكن الهبطة......ربي يستر
لما كنت بالاقامة الجامعية دالي براهيم كنا كل ليلة البنات نطلعوا الى سطح العمارة لنباتوا فيها نسهرو او نقراو خاصة في ايام الحارة كنت نطلع معاهم لكن في الهبطة .........،ساعة وانا نحضر في روحي باش ندير الكوراج باش نهبط حتى كرهوا مني لبنات ورجعوا ميخلونيش نطلعً...................ايه فكرتينى في ايامات الجامعةك

anfal10 · 2015-03-05, 18:16

اقتباس:

سلام ......فوبيا معندش لكن خوف من المرتفعات.انا عندى الطلعة ساهلة لكن الهبطة......ربي يستر
لما كنت بالاقامة الجامعية دالي براهيم كنا كل ليلة البنات نطلعوا الى سطح العمارة لنباتوا فيها نسهرو او نقراو خاصة في ايام الحارة كنت نطلع معاهم لكن في الهبطة .........،ساعة وانا نحضر في روحي باش ندير الكوراج باش نهبط حتى كرهوا مني لبنات ورجعوا ميخلونيش نطلعً...................ايه فكرتينى في ايامات الجامعةك

ام ورود
و عليكم اليلام و رحمة الله و بركاته
شكرا لك الاخت على المشاركة
انا عكسك تماما احب الاماكن الموجودة في الاعالي
احب المرتفعات
احب الصخور الكبيرة العالية

ام ورود · 2015-03-05, 19:22

اقتباس:

المشاركة الأصلية كتبت بواسطة eBusiness

أنا تعشيت اليوم اللوبيا فإذا بأختي أنفال تتحدث عن الفوبيا !!! صدفة غربية ههههههه
لا أظنني أخاف من غير الله تعالى لكن أعرف من يخاف من الأماكن المغلقة كالمصاعد والغرف الضيقة... موضوع رائع بارك الله فيك يا بنت الأكابر

انا تانى نحب المرتفعات او المشكل عندى فالهبطات يعنى لما نشوف التحت نخاف

ام ورود · 2015-03-05, 19:25

انا تانى نحب المرتفعات او المشكل عندى فالهبطات يعنى لما نشوف التحت نخاف

staifia · 2015-03-05, 20:26

سلامو
شوفي يا اختي انا نخاف من العلالي يعني الاماكن العالية كثيرا

ونخاف من الجرااااااااادة. يا ويلي البارح شفت وحدة على. 10تاع الليل نضت نعيط جاو يجريو حتى قتلوها باه خرجت من الغرفة

شكرا

ام ملاك. · 2015-03-06, 10:03

اقتباس:

المشاركة الأصلية كتبت بواسطة anfal10

ام ملاك.
الزرزوميات صاح انا نعيفهم بزاف ولكن اذا اتحتمت عليا نقتلها نجمد قلبي

الكلاب عادي نخاف المتشردة تكون مكلوبة ربي يستر

ولكن مش فوبيا ,,,,
لم اكن اعرف ان الظلام يخيف الكثيرين ......
انا الحمد لله امشي في الظلام و لا اخاف ابدا البارحة انقطعت الكهرباء في وقت الاكل كانت الساعة الثامنة ليلا فمشيت الى المطبخ اخذت هاتفي لارى اين وضعت الشموع و شعلت واحدة في الصالون و اكملت اكلي عادي استمرت لنصف ساعة عادت و انقطعت لما انتهيت من اغسل الاواني

ام ملاك الخلعة ماشي مليحة كاين لي يقطعوها او الطبيب النفسي متابعة فقط من غير دواء رايحا ترتاحي ان شاء الله

صباح الخير
ارواحي لي شحال مانقدرش حتى نشوفهم تالمون نعيفهم واشمئز من منظهرهم سبحانك ربي بصح الله غالب مانقدرش
كي كنت ساكنة في دار عجوزتي وعندهم حديقة تحتهم يوميا يدخلو لدار سورتو الكوزينة نغلق الباب ووندخل لشمبرتي حتى يدخل راجلي يخرجهم ولا يقتلهم

مرة لقيت واحد ميت في البالكون واله ماقدرت لا نتوشيه ولا نكنسو حتى عيطت لواحدة من العيلة تسكن فوقي جات نحاتو
عندي خوف منهم غير طبيعي
الظلام خوفي الابدي وخاصة الشهور الماضية قرات كذا قصة عن الموت وظلمة ووحشة القبر قريب توسوست بقيت شحال وانا مبسيشيكية وخايفة
بسيف باش نسيت شوية
بصح الظلمة عمري ماقدرت نتخلص من الخوف منها

السي محمد · 2015-03-06, 18:43

مانخاف من حتى شيء...الحمد لله

ولكن نكره اللوبيا....على وزن فوبيا ههههه

*ام عبد الكريم* · 2015-03-06, 21:43

السلام عليكم ..شكرا على الموضوع القيم..في الحقيقة عندي فوبيا من طبيب الاسنان منذ صغري و الامر تطور عبر السنين حتى اصبحت الفوبيا عندي من مختلف الاطباء ...كلشي نديرو غير الطبيب واحد ما يكلمني عليه ...و عندي اختي تخاف من الجسور تموت و ما تفوتش فوق جسر حتى لو كان صغير ...تحياتي