Stayfiya mission ** اعمال المشاركات **

[stayfiya]

هههههه فايزه الورشه نخمم نبعثهالكم على الخاص. ام باسم. انا ضك نسترااح باي بااي لاحجاب لا سروال آديو
راني من الخدمه شوفي كي كنت نع الورشه يا سبحان الله تلمت عليا الخدمه برا و لداخل و المنتدى و لخياطه ههههه و ضك الدنيا تصفصي هههه راني حيطيست

[*ام عبد الكريم*]

واش راكي سطوف اني كنت مع الشغل هذا وين كملت ...ركي تعيطيلي ام راشا و المضحك واحدة من بناتي ما سميتها راشا ...نفكر نغير اسمي منعرف اذا شروط المنتدى تسمح و لا لا...و الله عندك الحق تجي لخدايم ضربة واحدة و كي تروح كذلك .

[*منى*]

اليوم راني خلعانا فشلت مانديرلهم لغدا
هههههههههههههه حالة الخدامة ياكل لعشاء تاع البارح

[*منى*]

انا راني في الخدمة ونسرق برك طلات على المنتدى لايشفني المدير ويديرلي الجيبات على راسي

المهم انا الصراحة عجبتني لاجيب تاع faiza2008 الكتان باهي والخياطة ماعندي مانقول والديكور سامبل وباهي يعطيك الصحة اختي faiza2008

بصح هذا مايمنعش بلي البقية ثاني هايلين ونتاعي ماتهدروش عليها عيشكم راهي شوكاتني

[faiza2008]

الله اسلمك منى لكن الكل باهيين،و صراحة لوكان ماشي سطوف ما كنتش رايحة نجرأ وننوي انخيطها، كانت عندي عقدة لا دوبلير و لافرميتور ،واش انقلك يا سطوف الله يعطيك كثر ما تتمناي ان شاء الله

[polyma]

المشاركة الأصلية كتبت بواسطة stayfiya

هههههههه انا راني. طريبيان هههه في فترة نقاهة هههه
وين راهم لبنات خفتو تدخلو ههههه ادخلو الدار داركم و حتى اي عضوه تدخل ممكن تمد رايها منى واش درتي للغدا ليوم ؟؟ ام باسم. راهي عند زابوري لاجيب لي نواتها لمها دورتها ليها ههههه لازم تشريلها قماش خلاف ههه وينهم الباقي ام رشا و ام رشدي و فايزه و بوليما وندى و بيبا و ام ياسين و ام محمد و جيجليه و حوريه
و تقوى و ام معاذ ...!

صباح الخير لبنات كيف اصبحتو هاد وين قدرت ندخول...مشاء الله على الخياطات كامل هايلين يعطيكم الصحة ا شكرا سطوف

[polyma]

حت أنا عجبتني لاجيب تاع faiza2008 الكتان شحل شريته

[faiza2008]

المشاركة الأصلية كتبت بواسطة polyma

حت أنا عجبتني لاجيب تاع faiza2008 الكتان شحل شريته

اشريتو 650 دج للمترا

[ام رشدى]

مساء الخير عليكم من الصباح وقلبي يغلي باه نشوف النتائج اداوين جات لاكوناكسيو
اخي الكريم صاحب الامل ممكن توضحلي الملاحضة الي وضعتهالي انتاع باين مخيط كيفاه باين مخيط انا الي خيطتو ولا قصدك مشري من فضلك وضحلي الملاحضة وملاحضاتك على العين والراس ماتخليليش غموض خاصة وانو اول مرة نشارك في الورشات
ارجو انك تجاوبني والخطا وين راهو باه نستفاد منو والف شكر ليك على تعبك ومجهودك معانا
اختي سطايفية الله يعطيك ماتتمناي والللللف شكر على تعبك وسهرك معانا الله يرحم الوالد ويتغمد روحو الجنة

[*منى*]

شكرا جزيلا اخي صاحب الامل انا كنت حاطة تقولي غير هني روحك

صح عندك الحق الفكرة تقليدية بصح هذي اول مشاركة ليا في هذا النوع من المسابقات . وبربي ان شاء الله ماتكونش اخر مرة لانو بالفعل الجو لي دخلتنا فيه الاخت سطايفية (ربي يرضى عليها ويرضيها) كان رائع جدا جدا حركت فينا مشاعر المنافسة الخوف لامنخلصوش مع الوقت تواصلنا مع بعض وردودنا على بعضنا يعني شعور رائع فعلا الف الف الف الف شكر ليكم كامل صاحب الامل -كرونو - واكيد شكر زائد للسطايفية

[faiza2008]

شكرا اخي صاحب الامل ،بالفعل عندي افكار لكن ما نعرفش نجسدها، ناقصتني الجراة ، منين نحكم المقص نحس روحي رايحة ارتكب جريمة في حق القماش ، اشكر كذلك الاخت كرونو ، و انت سطوف مهما شكرتك قليل ،الله ايجازيك و يعطيك على حساب نيتك، وتهلاي مرة على مرة
انعاودوها ............ههههههههههه ،قوليلي ولفتي .....اييييييييييه عجبني جو الحماس و التحفيز....لبنات يعطيكم الصحة كل وحدة باسمها

[باسم وبيسان]

[SIZE="5"];hggi[/مساء الخير عليكم
اشكرك اخى عمر على تقيمك واهتمامك وتشجيعاتك نشالله نكون على قد التقة ونبدع مستقبلا (مانشوكيكش بانها جات صدفة ههههه)والله فرحتنى بزاف وانى رايحة نطير من الفرحة شكرررا على تشجيعك وها العمل راجع للاستادة والشرح تعها المبسط وتحفيزاتها الله يرضى عليا والله روح المنافسة والحماس خلتنا نخرجوووو من الروتين اليومى سخطووو انا SIZE] ونقولكم لبنات اعطيكم الصحة كل وحدة باسمها وتلبسوهم بالصحة نشاء الله ونلتقى فى ورشات اخري انشاء الله

[amel...]

السلام عليكم
تع الصح اعمال رائعة ... كنت نتمنى نكون معاكم ويكون التطبيق نتاعي معاكم بصح الله غالب ... الثلج حصرلنا الخيوط تع الهاتف و اليوم وين جاو من الولاية باه يخدموه
ان شاء الله تكون ورشة وحدة اخرى ونكون بيناتكم
شكرا للسطايفية عله المجهود ... ربي يحفضك و تاكدي كنت نتمنا نكون معاكم

[موجو جوجو]

المشاركة الأصلية كتبت بواسطة stayfiya

السلام عليكم ورحمة الله تعالى وبركاته
مرحبا بالجميع
ان شاء الله تكونوا بالف خير

****




هذا الموضوع سيوضع خصيصا للاعمال الخاصة بكم
وبعد انتهاء الوقت المخصص لاول مهمة
والتي كانت
jupe

سنضع الاعمال التي وصلتنا


وقبل ذلك
نقوم بالتذكير بالمتسابقات اللي شاركو معانا
وهم







racha2010
biba04
...amel
موجو موجو
polyma
ام ياسين الزهراء
ام رشدي
*منى*
تقوى اماني
ام معاذ ام معاذ
faiza2008
شابر محمد
فخوره بحجابي
ندى قدور
امي العسل
loudjeine2000
جيجليه
باسم وبيسان
حورية38












و عليكم السلام اخت السطايفية
و مشكووورة على كل مجهوداتك لي بذلتيها منذ اشتراكك في منتدى الجلفة و بالاخص المساهمات لي قدمتيها لقسم الخياطة
وكما قلتلك الجوب ماكملتهاش، و كان عمبالي انه لازمنا نتقيدو بالمودال و الباترون لي قدمتيه،

و الان نولي لاعمال المشتركات زعما راني بروفيسيونال

رشا الله يبارك شاااابة و ربي يحفضلك البنوتة ان شاء الله

ندى عمل متقون و القماش يوالم الفصل تلبسيها بصحتك

هده صور من الورشة تاعي

بوليما عملك هايل لاكولوغ هايلة و المودال تان رووووعة

لجين يعطيك الصحة ، ونستعرف بيك في نهالر كملتيه،

فايزة الله يبارك الزينة زادت فيه النص

ام رشدى،يعطيك الصحة على المجهود المبذول لكن فكرة القفالي ماعجبونيش و اسمحيلي على الملاحظة

منى قماشك هااايل و الزينة كيف كيف
يعطيك الصحة


باسم و بيسان جوبك رووووعة هايل و هداك لي من فوق زاد بهاها اكثر و اكثر
واش هو،
يعطيك الصحة

و باذن الله نعاود نخيط وحدة ليا

[شابرمحمد]

يعطيكم الصحه الاخوات راكم فالقمه ماشاء الله عليكم اعمالكم رائعه
انا منعتني ظروف صحية ومتاسفة جدا اختي سطايفية